സാംസങ്ങിന്റെ ഗ്യാലക്സി എ, എം സീരീസിൽ സ്പൈവെയറുകൾ കണ്ടെത്തിയിരിക്കുന്നു..

ഉപയോക്താക്കൾക്ക് എളുപ്പത്തിൽ നീക്കം ചെയ്യാൻ കഴിയാത്ത, മുൻകൂട്ടി ഇൻസ്റ്റാൾ ചെയ്ത സ്പൈവെയർ ഉപയോഗിച്ച ബഡ്ജറ്റ് ഗാലക്സി എ, എം സീരീസ് സ്മാർട്ട്‌ഫോണുകൾ വിതരണം ചെയ്തതായി സാംസങ്ങിനെതിരെ ആരോപണം ഉയർന്നിട്ടുണ്ട്.

മൊബൈൽ അനലിറ്റിക്സ് സ്ഥാപനമായ അയൺസോഴ്‌സ് വികസിപ്പിച്ചെടുത്ത ആപ്പ്ക്ലൗഡ് എന്ന സോഫ്റ്റ്‌വെയർ, വിറ്റഴിച്ച ഉപകരണങ്ങളിൽ ഉൾപ്പെടുത്തിയിട്ടുണ്ട്.

 അസ്ഥിരമായ മേഖലകളിൽ നിരീക്ഷണം നടത്തുമെന്ന ഭയം വർദ്ധിപ്പിക്കുന്ന തരത്തിൽ സെൻസിറ്റീവ് ഉപയോക്തൃ ഡാറ്റ രഹസ്യമായി ശേഖരിക്കുന്നതായി സുരക്ഷാ ഗവേഷകരും സ്വകാര്യതാ വക്താക്കളും മുന്നറിയിപ്പ് നൽകുന്നു.

അതിൽ തന്നെ അസ്ഥിര മേഖല എന്നത് സാംസങ്ങ് വ്യക്തമായി അറിയിക്കുന്നില്ല. യുദ്ധം ഉള്ള മേഖലയോ യുദ്ധം നടക്കാൻ ചാൻസ് ഉള്ള മേഖലയോ എന്തും അസ്ഥിര മേഖലയുടെ പരിധിയിൽ വരുന്നതാണ്. സാംസങ് ശേഖരിക്കുന്ന ഡേറ്റകൾ ആർക്ക് നൽകപ്പെടുന്നു എന്നുള്ളതും ചോദ്യചിഹ്നമാണ്..

ആപ്പ്ക്ലൗഡ് പ്രാരംഭ സജ്ജീകരണത്തിന് ശേഷം തുടർച്ചയായ സമ്മതം തേടാതെ ഉപയോക്താക്കളുടെ ലൊക്കേഷനുകൾ, ആപ്പ് ഉപയോഗ രീതികൾ, ഉപകരണ വിവരങ്ങൾ എന്നിവ ട്രാക്ക് ചെയ്യുന്നു. അതിലുപരി, സാംസങ്ങിന്റെ വൺ യുഐ ഓപ്പറേറ്റിംഗ് സിസ്റ്റവുമായി ആഴത്തിലുള്ള സംയോജനം കാരണം ഇത് അൺഇൻസ്റ്റാൾ ചെയ്യാനുള്ള ശ്രമങ്ങൾ പലപ്പോഴും പരാജയപ്പെടുന്നു.

സോഫ്റ്റ്‌വെയർ അപ്‌ഡേറ്റുകൾ അല്ലെങ്കിൽ ഫാക്ടറി റീസെറ്റുകൾക്ക് ശേഷം ആപ്പ് യാന്ത്രികമായി വീണ്ടും സജീവമാകുമെന്ന് റിപ്പോർട്ടുകൾ സൂചിപ്പിക്കുന്നു, ഇത് ശരാശരി ഉപയോക്താക്കൾക്ക് ഇത് പ്രായോഗികമായി നീക്കംചെയ്യാൻ കഴിയില്ല.

ഒരു സമീപകാല റിപ്പോർട്ടിൽ, ആപ്പ്ക്ലൗഡിന്റെ സ്ഥിരോത്സാഹം മൂന്നാം കക്ഷി അനധികൃത ഡാറ്റ ശേഖരിക്കൽ എങ്ങനെ സാധ്യമാക്കുമെന്ന് SMEX എടുത്തുകാണിച്ചു, ഇത് അതിക്രമങ്ങളുടെ ചരിത്രമുള്ള പ്രദേശങ്ങളിൽ കാര്യമായ അപകടസാധ്യതകൾ സൃഷ്ടിക്കുന്നു.

“ഇത് വെറും ബ്ലോട്ട് വെയർ അല്ല, ഹാർഡ്‌വെയറിൽ പാകപ്പെടുത്തിയ ഒരു നിരീക്ഷണ സഹായിയാണ്." ഒരു ആഗോള പാച്ച് പുറപ്പെടുവിക്കാനും അയൺസോഴ്‌സുമായി പങ്കിടുന്ന ഡാറ്റയുടെ മുഴുവൻ വ്യാപ്തിയും വെളിപ്പെടുത്താനും SMEX സാംസങ്ങിനോട് ആവശ്യപ്പെട്ടു.

ബാധിച്ച ഉപകരണങ്ങളിൽ അന്താരാഷ്ട്ര നിരോധനം അവകാശപ്പെടുന്ന വൈറലായ പോസ്റ്റുകൾക്കൊപ്പം സോഷ്യൽ മീഡിയ പ്ലാറ്റ്‌ഫോമുകളും വിവാദം വർദ്ധിപ്പിച്ചു. എന്നിരുന്നാലും, സാംസങ്ങിൽ നിന്നും FCC പോലുള്ള നിയന്ത്രണ സ്ഥാപനങ്ങളിൽ നിന്നുമുള്ള ഔദ്യോഗിക പ്രസ്താവനകൾ അത്തരം വിലക്കുകളെ നിഷേധിക്കുകയും കിംവദന്തികളെ തെറ്റായ വിവരങ്ങളായി മുദ്രകുത്തുകയും ചെയ്യുന്നു..

ഭൂമിയുടെ ആകൃതിയും.., ഗുരുത്വാകർഷണവും..

ഭൂമിയുടെ ഗുരുത്വാകര്‍ഷണ നിരക്ക് ഭൗമോപരിതലത്തില്‍ എല്ലായിടത്തും ഒരുപോലെയല്ല എന്ന് നാം ഏല്ലാവരും കേട്ടിരിക്കും. ഭൗമോപരിതലത്തിലെ ഒരു പ്രത്യേക സ്ഥലത്തെ ഗ്രാവിറ്റിയെ ഒട്ടേറെ ഘടകങ്ങള്‍ സ്വാധീനിക്കുന്നുണ്ട്.

ഭൂമിയുടേത് ഒരു കൃത്യമായ ഗോളാകൃതി അല്ല. ധ്രുവപ്രദേശങ്ങള്‍ അല്‍പം പരന്നും ഭൂമധ്യ രേഖാ പ്രദേശങ്ങള്‍ അല്‍പം ഉയര്‍ന്നതുമായ രീതിയിലാണ് ഭൂമിയുടെ ആകൃതി. ഇക്കാരണത്താല്‍ ധ്രുവപ്രദേശങ്ങളെ അപേക്ഷിച്ച് ഭൂമധ്യരേഖ പ്രദേശങ്ങളില്‍ ഗുരുത്വാകര്‍ഷണ നിരക്ക് താരതമ്യേന കുറവായിരിക്കും.

ഭൗമോപരിതലത്തില്‍ ഉയരമുള്ള പാറ രൂപങ്ങൾ മലനിരകൾ എന്നിവയുള്ള പ്രദേശങ്ങളിൽ ഗ്രാവിറ്റി കൂടുതല്‍ ആയിരിക്കും എന്നാല്‍ ആഴത്തിലുള്ള ഗര്‍ത്തങ്ങളും സമുദ്രങ്ങളുമുള്ള പ്രദേശങ്ങളില്‍ ഗ്രാവിറ്റി കുറവായിരിക്കും. മലകൾ, താഴ്വാരങ്ങൾ, സമുദ്രങ്ങൾ എന്നിവ Mass distribution ല്‍ വ്യത്യാസങ്ങൾ സൃഷ്ടിക്കുന്നു, ഇത് പ്രാദേശിക ഗുരുത്വാകർഷണ നിരക്കില്‍ മാറ്റം വരുത്തുന്നു.

ഭൂമിയുടെ ഭ്രമണം കാരണമുണ്ടാകുന്ന Centrifugal Force ഗുരുത്വാകർഷണത്തില്‍ ഏറ്റക്കുറച്ചിലുകള്‍ ഉണ്ടാക്കുന്നു. ഭ്രമണം കാരണമുണ്ടാകുന്ന Centrifugal Force ധ്രുവപ്രദേശങ്ങളില്‍ കുറവും ഭൂമധ്യരേഖാ പ്രദേശങ്ങളില്‍ കൂടുതുലും ആയരിക്കും.

ചന്ദ്രനിന്റെയും സൂര്യന്റെയും ഗുരുത്വാകർഷണം ഭൂമിയിലെ സമുദ്രങ്ങളിൽ വ്യതിയാനങ്ങള്‍ സൃഷ്ടിക്കുകയും ഇത് Mass distribution നെ ബാധിക്കുകയും ചെയ്യുന്നു. ഇതും ഗ്രാവിറ്റിയില്‍ ഏറ്റക്കുറച്ചിലുകള്‍ ഉണ്ടാക്കുന്നു.

ഭൂമിക്കുള്ളില്‍ സംഭവിക്കുന്ന tectonic activities, mantle convection മറ്റ് geological processes എന്നിവ കാരണം ഭൂമിയുടെ ഉള്ളില്‍ Mass distribution ല്‍ വ്യധിയാനം ഉണ്ടാവുകയും ആയത് ഗ്രാവിറ്റിയെ സ്വാധീനിക്കുകയും ചെയ്യുന്നു.

ഈ വ്യത്യാസങ്ങൾ പരിഗണിച്ച് GRACE, GOCE പോലുള്ള ഉപഗ്രഹങ്ങളുടെ സഹായത്താല്‍ ഭൗമോപരിതലത്തിലെ ഗ്രാവിറ്റിയുടെ ഏറ്റക്കുറച്ചിലുകള്‍ സൂചിപ്പിക്കുന്ന ഭൂപടം നിര്‍മ്മിക്കുവാന്‍ കഴിയുന്നു. GRACE ന്റെ സഹായത്തോടെ നിര്‍മ്മിച്ച ഭൂമിയൂടെ Gravity Map ആണ് ചിത്രത്തില്‍..

ഫിലാഡൽഫിയ എക്സ്പിരിമെന്റ്..

രണ്ടാം ലോകമഹായുദ്ധകാലത്ത് സൈന്യം നേരിട്ടുകൊണ്ടിരുന്ന വലിയ പ്രശ്നങ്ങൾ ഒന്നായിരുന്നു ട്രാൻസ്പോർട്ടേഷൻ. ഒരു സ്ഥലത്ത് നിന്നും മറ്റൊരു സ്ഥലത്തേക്ക് കപ്പലിനെയും ആർമിയെയും യുദ്ധോപകരണങ്ങളെയും വേഗത്തിൽ എത്തിക്കുവാൻ ടെലിപോർട്ടേഷൻ സഹായകമാകും. അതിന് വേണ്ടിയിട്ടാണ് ഈയൊരു എക്സ്പിരിമെന്റ് നടത്തിയത് എന്നാണ് ലഭ്യമായ വിവരങ്ങൾ.

USS Eldridge എന്ന അമേരിക്കൻ ആർമിയുടെ ഡിസ്ട്രോയറിലാണ് ഈ പരീക്ഷണം നടത്തിയത് എന്നാണ് പൊതുവേ പറയപ്പെടുന്നത്. പക്ഷേ ആ ഡിസ്ട്രോയറിന്റെ ലോഗ് ബുക്ക് എൻട്രി ഈ ആരോപണം പാടെ തള്ളിക്കളയുന്നുണ്ട്, കാരണം ലോഗ് ബുക്ക് പ്രകാരം കപ്പൽ ആ സമയത്ത് ഫിലാടൽഫിയയിൽ ഉണ്ടായിരുന്നില്ല. ( ഈ പരീക്ഷണം നടന്നത് USS Eldridge എന്ന കപ്പലിൽ ആയിരുന്നില്ല എന്നും പരീക്ഷണം നടത്തിയ കപ്പൽ മുക്കി കളഞ്ഞു എന്നും മറ്റുചിലർ അഭിപ്രായപ്പെടുന്നുമുണ്ട് )

കാൾ എം അലൻ എന്ന മർച്ചന്റ് നേവി ഉദ്യോഗസ്ഥനാണ് ഇങ്ങനെ ഒരു സംഭവം നടന്നിട്ടുണ്ട് എന്ന ആരോപണവുമായി എത്തിയത്.1943 ഒക്ടോബറിൽ, അലൻ എസ്എസ് ആൻഡ്രൂ ഫ്യൂറൂസെത്ത് എന്ന കപ്പലിൽ ജോലി ചെയ്യുകയായിരുന്നുവെന്ന് കരുതപ്പെടുന്നു, അപ്പോഴാണ് അദ്ദേഹവും മറ്റ് പലരും വിചിത്രമായ പച്ച നിറത്തിലുള്ള തിളങ്ങുന്ന മൂടൽമഞ്ഞ് കണ്ടത്. മൂടൽമഞ്ഞ് യുഎസ്എസ് എൽഡ്രിഡ്ജിനെ മൂടി, കപ്പൽ അപ്രത്യക്ഷമാവുകയും ഏതാനും മിനിറ്റുകൾക്കുള്ളിൽ വീണ്ടും പ്രത്യക്ഷപ്പെടുകയും ചെയ്തു.

1955 അവസാനത്തോടെ കാൾ എം. അലൻ മോറിസ് കെ. ജെസ്സപ്പിന്റെ " ദി കേസ് ഫോർ ദി യുഎഫ്ഒ: അൺഐഡന്റൈഫൈഡ് ഫ്ലൈയിംഗ് ഒബ്ജക്റ്റ്സ് " എന്ന പുസ്തകത്തിന്റെ ഒരു പകർപ്പ് അടങ്ങിയ "ഹാപ്പി ഈസ്റ്റർ" എന്ന് അടയാളപ്പെടുത്തിയ ഒരു അജ്ഞാത പാക്കേജ് യുഎസ് നേവൽ റിസർച്ച് ഓഫീസിലേക്ക് (ONR), അയച്ചുകൊടുത്തതോടെയാണ് "ഫിലാഡൽഫിയ പരീക്ഷണം" പുറംലോകം അറിഞ്ഞത്.  

മൂന്ന് വ്യത്യസ്ത ഷേഡുകൾ നീല മഷിയിൽ എഴുതിയ കൈയെഴുത്ത് കുറിപ്പുകൾ പുസ്തകത്തിന്റെ അരികുകളിൽ നിറഞ്ഞിരുന്നു. അലനെ കണ്ടെത്താൻ കഴിയാതെ വന്നതോടെ, കേസിന്റെ കേന്ദ്രബിന്ദു ജെസ്സപ്പിന്റെ പുസ്തകമായതിനാൽ, രഹസ്യം പരിഹരിക്കാൻ ഒഎൻആർ അദ്ദേഹത്തിന്റെ സഹായം തേടാൻ തീരുമാനിച്ചു. അലൻ ജെസ്സപ്പിന് ഇതേ വിഷയവുമായി ബന്ധപ്പെട്ട് കത്തുകൾ എഴുതിയിരുന്നു ആ കത്തുകളിലെയും പാക്കേജിലെ കുറിപ്പിലെയും കൈയക്ഷരം പൊരുത്തപ്പെട്ടുവെന്ന് ജെസ്സപ്പും ഒഎൻആറും സ്ഥിരീകരിച്ചു.

പരീക്ഷണം

കപ്പലിന്റെ ജനറേറ്ററുകൾ പ്രവർത്തിച്ചു. നീലയും പച്ചയും കലർന്ന ഒരു പ്രകാശം കപ്പലിനെ പൊതിഞ്ഞു. പെട്ടെന്ന് എൽറിജ് അപ്രത്യക്ഷമായി. ഇതിനു ശേഷം കപ്പൽ വെർജീനിയയിലെ നോർഫോക് നേവൽ ഷിപ്‌യാഡിൽ പെട്ടെന്നു പ്രത്യക്ഷപ്പെട്ടു. എന്നാൽ ഇതു വീണ്ടും അപ്രത്യക്ഷമാകുകയും ഫിലഡൽഫിയയിൽ തിരിച്ചെത്തുകയും ചെയ്തു.

ഇതാണ് അന്ന് നടന്ന ടെലിപോർട്ടേഷനെ പറ്റിയുള്ള അലന്റെയും അന്ന് നടന്നതിന്റെ ദൃക്സാക്ഷികൾ എന്ന അവകാശപ്പെടുന്ന ചിലരുടെയും വിവരണം.

ടെലിപോർട്ടേഷൻ നടന്നു എങ്കിലും അത് ഒരു പൂർണ്ണമായ പരാജയമാണ് എന്നാണ് അദ്ദേഹത്തിൻറെ അഭിപ്രായം. യുഎസ് നാവികസേന കപ്പൽ അദൃശ്യമാക്കി വിർജീനിയയിലെ നോർഫോക്കിലേക്ക് (ഏകദേശം 480 കിലോമീറ്റർ അകലെ) ടെലിപോർട്ട് ചെയ്തുവെന്ന് അലൻ എഴുതി. എൽഡ്രിഡ്ജ് അപ്രത്യക്ഷമായപ്പോൾ, വെള്ളത്തിന്റെ ഉപരിതലത്തിൽ എന്തോ  പൊങ്ങിക്കിടക്കുന്നതായി അലൻ പറഞ്ഞു. കപ്പലിനു ചുറ്റുമുള്ള പച്ചനിറത്തിലുള്ള തിളങ്ങുന്ന മൂടൽമഞ്ഞ് അത് അപ്രത്യക്ഷമാകാൻ കാരണമായ ഒരു ശക്തി മണ്ഡലമായിരുന്നുവെന്ന് കരുതപ്പെടുന്നു.

തിരിച്ചുവന്ന കപ്പലിലെ ഉദ്യോഗസ്ഥരുടെ ശരീരഭാഗങ്ങൾ പലതും കപ്പലിന്റെ ഭാഗങ്ങളോട് ചേർന്ന നിലയിൽ ആയിരുന്നു. അതുപോലെ മറ്റു ചില നാവികർക്ക് ഭ്രാന്ത് പിടിക്കുകയും മറ്റു ശാരീരികവും മാനസികവുമായ പ്രശ്നങ്ങൾ ഉണ്ടാവുകയും ചെയ്തു, മറ്റു ചിലർ അപ്രത്യക്ഷമാവുകയും ചെയ്തു.

യുഎസ് ഏലിയൻ സഹായത്തോടെ unified field theory വികസിപ്പിക്കുകയും അതുമൂലം ആണ് ഈ ടെലിപോർട്ടേഷൻ നടത്തിയത് എന്നും ആണ് അലന്റെയും ഈ തിയറി സപ്പോർട്ട് ചെയ്യുന്ന പലരുടെയും അഭിപ്രായം.

അതേസമയം തൊട്ടടുത്ത് തന്നെ ഉണ്ടായിരുന്ന USS Engstrom എന്ന ഡിസ്ട്രോയറിലെ നാവികൻ ആയിരുന്ന Edward Dudgeon പറയുന്നത് ,

രണ്ട് കപ്പലുകളിലും ക്ലാസിഫൈഡ് ഉപകരണങ്ങൾ ഉണ്ടായിരുന്നു എന്ന് തന്നെയാണ്..

കപ്പലിന്റെ ലോഗ് ബുക്കിൽ നിന്നും ലഭിച്ച വിവരങ്ങളും, എക്സ്പിരിമെന്റ്നെ പറ്റി കൂടുതൽ വിവരങ്ങൾ ഒന്നും ലഭിക്കാത്തതിനാലും, ഇതിന്നും മറ്റു തിയറികളെ പോലെ ഒരു കോൺസ്പരസി തിയറി ആയി തുടരുന്നു.

ഇതൊരു കോൺസ്പരസി തിയറി ആക്കി മാറ്റാൻ പരീക്ഷണം പരാജയപ്പെട്ടപ്പോൾ തന്നെ അമേരിക്ക തീരുമാനിച്ചിരുന്നു.. പരീക്ഷണം നടത്തിയ കപ്പലിന്റെ ഒരു പകർപ്പ് കൂടി ഉണ്ടാക്കിയിരുന്നു.. ( നിക്കോള ടെസ്ല കൂടി ഉൾപ്പെട്ട  ഈ പരീക്ഷണത്തെക്കുറിച്ച് പ്രോജക്ട് ബ്ലൂ ബുക്കിൽ വ്യക്തമായി പറയുന്നുണ്ട് ) പരീക്ഷണം നടത്തിയ കപ്പലിനെ മുക്കി കളയുകയും തനി പകർപ്പായിട്ടുള്ള കപ്പൽ ഗ്രീസിന് വിൽക്കുകയും ചെയ്തു..

നിങ്ങൾ ഗൂഗിൾ സെർച്ച് ചെയ്താലും ഇങ്ങനെ ഒരു പരീക്ഷണം നടന്നിട്ടില്ലെന്നും ആ കപ്പലിനെ ഗ്രീസിന് കൈമാറിയെന്നുമുള്ള വിവരങ്ങൾ മാത്രമായിരിക്കും ലഭിക്കുക..

ടാരി കപ്പ് 2025.. ക്രിക്കറ്റ് ആഘോഷത്തിന് അരങ്ങുണരുന്നു..

ഓസ്ട്രേലിയയിൽ ന്യൂ സൗത്ത് വെയിൽസിലെ ടാരിയിൽ വെച്ച് ടാരി ടൈറ്റൻസ് സ്പോർട്സ് ക്ലബ്ബും  ടാരി - ഫോസ്റ്റർ മലയാളി അസോസിയേഷനും ചേർന്നു ടാരി കപ്പ് 2025 ക്രിക്കറ്റ് ടൂർണമെന്റ് സംഘടിപ്പിക്കുന്നു..

ആദ്യമായാണ് ഓസ്ട്രേലിയിലെ ആറ് വ്യത്യസ്ത സിറ്റികളിൽ നിന്നുള്ള മലയാളി ടീമുകൾ ഏറ്റുമുട്ടുന്ന മത്സരം ടാരിയിൽ നടക്കുന്നത്. 

പങ്കെടുക്കുന്ന ടീമുകൾ 

ട്വിഡ് ഹെഡ്സ്, ലിസ്മോർ,കോഫ്സ് ഹാർബർ, പോർട്ട് മാക്വറി, ടാരി, ന്യൂകാസിൽ എന്നിവിടങ്ങളിൽ നിന്നുമാണ്. 

ടാരി ടൈറ്റൻസ് ടീം അംഗങ്ങൾ..

 ടാരി ടൈറ്റൻസ് പോർട്ട് മാക്വറിയിൽ നടന്ന തങ്ങളുടെ ആദ്യ ടൂർണമെന്റിൽ തന്നെ ചാമ്പ്യന്മാരായി കിരീടം നേടിയതാണ്..

നവംബർ 23നു ടാരിയിലെ റിക്രിയേഷണൽ   ഗ്രൗണ്ടിലാണ് മത്സരങ്ങൾ അരങ്ങേറുന്നത്..

ഗ്രൗണ്ട് അഡ്രസ്സ്.. 

താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക👇👇

TAREE RECREATIONAL GROUND

അന്നേദിവസം ടാരിയിലും പരിസരപ്രദേശങ്ങളിലുമുള്ള എല്ലാ കായിക പ്രേമികളെയും കാത്തിരിക്കുന്നത് ക്രിക്കറ്റ് ടൂർണമെൻറ് മാത്രമല്ല..

ക്രിക്കറ്റിനോട് അനുബന്ധിച്ച് ക്രിക്കറ്റിലെ സ്പോൺസർ കൂടിയായ ഇന്ത്യൻ കോഫി ഹൗസ് , അവരുടെ ലൈവ് പെയ്ഡ് ഫുഡും അവതരിപ്പിക്കുന്നു..

ലൈവ് ആയി ആസ്വദിക്കാവുന്ന ഭക്ഷണസാധനങ്ങൾ..

പൊറോട്ട 

ബീഫ് റോസ്റ്റ് 

ചിക്കൻ റോസ്റ്റ് 

വെജ് പുലാവ്

അപ്പം

ഒപ്പം സോഫ്റ്റ് ഡ്രിങ്ക്സും..

ടൂർണമെന്റിനുശേഷം സംഗീത നിശ കൂടി 

ടാരി ടൈറ്റൻസ് ക്രിക്കറ്റ് പ്രേമികൾക്കായി ഒരുക്കിയിട്ടുമുണ്ട്..

താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്താൽ നിങ്ങൾക്ക് ഈ ഷോ ബുക്ക് ചെയ്യാവുന്നതാണ്..👇👇

BOOK THE SHOW

നവംബർ 23-ന് ടാരി റിക്രിയേഷണൽ ഗ്രൗണ്ടിൽ നടക്കുന്ന ക്രിക്കറ്റ് ടൂർണമെന്റിൽ എല്ലാ കായിക പ്രേമികളെയും സ്വാഗതം ചെയ്യുന്നതായി ടൂർണമെന്റ് കമ്മിറ്റി അറിയിച്ചു..

ഓവർടൻ ബ്രിജ്..

സ്കോട്‌ലൻഡിലെ ഡംബാർട്ടനു സമീപം ഒരു വിചിത്രമായ പാലമുണ്ട്. ഓവർടൻ ബ്രിജ് എന്നാണ് ഈ പാലത്തിന്റെ പേര്. 

1895ൽ പണിത ഈ പാലം ഓവർടൻ ഹൗസ് എസ്റ്റേറ്റിലേക്കു ബന്ധിപ്പിക്കുന്നതാണ്. 

വളരെ വിചിത്രമായ ഒരു പ്രതിഭാസം ഈ പാലത്തെ ചുറ്റിപ്പറ്റിയുണ്ട്. 1950 മുതലുള്ള കാലയളവിൽ നൂറ്റൻപതിലേറെ നായ്ക്കളാണ് പലപ്പോഴായി ഈ പാലത്തിൽ നിന്നു താഴേക്കു ചാടിയത്. ഇവയിൽ പലതിനും ഗുരുതരമായ പരുക്കും മരണവുമൊക്കെ സംഭവിച്ചു. നിരന്തരമായി ഇതു തുടർന്നതോടെയാണു ഡോഗ് സൂയിസൈ‍ഡ് ബ്രിജ് അഥവാ പട്ടികൾ ആത്മഹത്യ ചെയ്യുന്ന പാലമെന്ന വിശേഷണം ഈ പാലത്തിനു വന്നുചേർന്നത്.

നായ്ക്കൾക്ക് ആത്മഹത്യാചിന്തയൊന്നും വരാൻ യാതൊരു സാധ്യതയുമില്ലെന്നു ശാസ്ത്രജ്ഞർ പറയുന്നു. എന്നിട്ടും ഇവയെന്തിന് പാലത്തിൽനിന്നു താഴേക്കു ചാടുന്നു. അതും പലപ്പോഴും പാലത്തിലെ ഒരേ സ്പോട്ടിൽ നിന്നാണ് ഈ ചാട്ടം. ഇതെപ്പറ്റി പല സിദ്ധാന്തങ്ങൾ പ്രചരിച്ചിട്ടുണ്ട്. എന്തോ ഒന്ന് അവിടെയെത്തുന്ന നായ്ക്കളെ താഴേക്കു ചാടാൻ പ്രേരിപ്പിക്കുന്നുണ്ടെന്നായിരുന്നു പല വിദഗ്ധരുടെയും അഭിപ്രായം. എന്നാൽ എന്താണ് അതെന്നുള്ളത് ദുരൂഹതയായി നിലനിന്നു. ആർക്കും അതിന്റെ കാരണം കണ്ടെത്താനായില്ല.

ഈ പാലവുമായി ബന്ധപ്പെട്ട് ഒരു പ്രേതശക്തിയുണ്ടെന്നാണു പലരുടെയും വിശ്വാസം. അതാകാം നായ്ക്കളെ ചാട്ടത്തിനായി പ്രേരിപ്പിക്കുന്നതെന്നാണ് അവരുടെ വാദം. എന്നാൽ അതല്ല കാരണമെന്നും മിങ്കോ അതുപോലെയുള്ള മറ്റൊരു ജീവിയോ ഈ പാലത്തിന് അടിയിൽ സ്ഥിരമായി മൂത്രമൊഴിക്കുന്നുണ്ടെന്നും അതിന്റെ ഗന്ധമാണ് നായ്ക്കളെ ചാടിപ്പിക്കുന്നതെന്നും മറ്റു ചിലർ പറയുന്നു. മിറാഷ് പോലെ എന്തെങ്കിലുമൊരു അയഥാർഥ കാഴ്ചാനുഭവം നായ്ക്കൾക്ക് ഇവിടെ അനുഭവപ്പെടുന്നുണ്ടാകമെന്നും അതിനാലാകാം ചാട്ടമെന്നും മറ്റു ചിലർ വിശ്വസിക്കുന്നു.

പാലത്തിൻറെ അടിഭാഗത്തെ നടപ്പാത..

2010ൽ സ്കോട്‌ലൻഡിലെ മൃഗ സംരക്ഷണ സമിതി കാര്യങ്ങൾ അന്വേഷിക്കാനായി ഒരു പ്രത്യേക പ്രതിനിധിയെ ഓവർടൻ ബ്രിജിലേക്ക് അയച്ചു. അയാൾക്കും കാരണമൊന്നും കണ്ടെത്താനായില്ല. എന്നാൽ പാലത്തിൽ എന്തോ വിശദീകരിക്കാനാകാത്ത വിചിത്രതയുണ്ടെന്ന് അയാൾ റിപ്പോർട്ടിൽ എഴുതിച്ചേർത്തു.ഏതായാലും ദുരൂഹതയിലേക്ക് ഇന്നും പാലം കെട്ടി ഓവർടൻ ബ്രിജ് സ്കോട്‌ലൻഡിൽ ഇപ്പോഴും സ്ഥിതി ചെയ്യുന്നു..

അറട്ടൈ മെസഞ്ചർ..

ആഗോള ഭീമന്മാരായ വാട്ട്‌സ്ആപ്പിന് ഒരു സ്വദേശി ബദലായി സോഹോ കോർപ്പറേഷൻ (Zoho Corporation) അവതരിപ്പിച്ച ഇൻസ്റ്റൻ്റ് മെസേജിങ് ആപ്ലിക്കേഷനായ 'അറട്ടൈ' (Arattai) ഇപ്പോൾ ഇന്ത്യൻ സാങ്കേതിക രംഗത്ത് വലിയ തരംഗമായി മാറിയിരിക്കുകയാണ്.

 'ചാറ്റ്' എന്ന് അർത്ഥം വരുന്ന തമിഴ് വാക്കായ 'അറട്ടൈ', രാജ്യത്തെ ആപ്പ് സ്റ്റോറുകളിൽ ഏറ്റവും കൂടുതൽ ആളുകൾ ഡൗൺലോഡ് ചെയ്യുന്ന ആപ്ലിക്കേഷനുകളുടെ പട്ടികയിൽ ആദ്യ സ്ഥാനങ്ങളിലേക്ക് കുതിച്ചുയർന്നു. ഇതിന് പിന്നിൽ പ്രവർത്തിച്ച സ്ഥാപകനും സോഹോയുടെ സിഇഒയുമായ ശ്രീധർ വെമ്പുവിന്റെ കാഴ്ചപ്പാടും ജീവിതരീതിയും പ്രത്യേക ശ്രദ്ധ നേടുന്നു.

പ്ലേസ്റ്റോറിൽ നിന്നും ഡൗൺലോഡ് ചെയ്യാൻ 👇👇

ARATTAI MESSENGER ( ANDROID )

സുരക്ഷിതവും, ലളിതവും, ഇന്ത്യയിൽ നിർമ്മിച്ചതുമായ ഒരു ആശയവിനിമയ പ്ലാറ്റ്‌ഫോം എന്ന ലക്ഷ്യത്തോടെ 2021 ജനുവരിയിലാണ് സോഹോ കോർപ്പറേഷൻ അരട്ടായിയെ അവതരിപ്പിച്ചത്. മറ്റ് ആപ്പുകളെ അപേക്ഷിച്ച് കുറഞ്ഞ ഡാറ്റാ ഉപയോഗത്തിൽ വേഗത്തിൽ പ്രവർത്തിക്കാൻ കഴിയുന്ന രീതിയിലാണ് ഇത് രൂപകൽപ്പന ചെയ്തിരിക്കുന്നത്.

ആപ്പിൾ സ്റ്റോറിൽ നിന്നും ഡൗൺലോഡ് ചെയ്യാൻ 👇👇

APPLE STORE ( ARATTAI MESSENGER )

 വേഗത കുറഞ്ഞ ഇൻ്റർനെറ്റ് കണക്ഷനുകളിലും അടിസ്ഥാന സൗകര്യങ്ങളുള്ള സ്മാർട്ട്‌ഫോണുകളിലും പോലും തടസ്സമില്ലാതെ പ്രവർത്തിക്കാൻ അരട്ടായിക്ക് കഴിയും. ഇത് ഇന്ത്യയിലെ ഗ്രാമീണ മേഖലയിലുള്ളവരെയും കുറഞ്ഞ സ്പെസിഫിക്കേഷനുകളുള്ള ഫോണുകൾ ഉപയോഗിക്കുന്നവരെയും ലക്ഷ്യമിടുന്നു.

പ്രധാന പ്രത്യേകതകൾ:

കുറഞ്ഞ ബാന്റ്‌വിഡ്ത്ത് ഉപയോഗം:

 ദുർബലമായ ഇൻ്റർനെറ്റ് കണക്ഷനുകളിലും മികച്ച പ്രകടനം.

മീറ്റിംഗ് ഓപ്ഷൻ: 

ഗൂഗിൾ മീറ്റിന് സമാനമായി, ആപ്പിനുള്ളിൽ മീറ്റിംഗുകൾ ഷെഡ്യൂൾ ചെയ്യാനും ഹോസ്റ്റ് ചെയ്യാനും കഴിയും.

പോക്കറ്റ് (Pocket): 

ഉപയോക്താക്കൾക്ക് പ്രധാനപ്പെട്ട ഫയലുകളും രേഖകളും സ്വകാര്യമായി സൂക്ഷിക്കാനുള്ള 'പേഴ്സണൽ സ്റ്റോറേജ്' സംവിധാനം.

മൾട്ടി-ഡിവൈസ് സപ്പോർട്ട്: 

മൊബൈൽ, ടാബ്‌ലെറ്റ്, ഡെസ്‌ക്‌ടോപ്പ് എന്നിവയിൽ ഒരേസമയം ഉപയോഗിക്കാം.

സ്വകാര്യതക്ക് പ്രാധാന്യം:

 ഉപയോക്താക്കളുടെ ഡാറ്റാ ഇന്ത്യയിലെ സെർവറുകളിൽ മാത്രം സൂക്ഷിക്കുമെന്നും, പരസ്യങ്ങൾക്കായി ഉപയോഗിക്കില്ലെന്നും സോഹോ ഉറപ്പുനൽകുന്നു. (നിലവിൽ ടെക്സ്റ്റ് മെസ്സേജുകൾക്ക് എൻഡ്-ടു-എൻഡ് എൻക്രിപ്ഷൻ പൂർണ്ണമായി നടപ്പിലാക്കിയിട്ടില്ലെങ്കിലും, കോളുകൾക്ക് എൻക്രിപ്ഷൻ ലഭ്യമാണ്. ഇത് ഉടൻ സന്ദേശങ്ങളിലും കൊണ്ടുവരുമെന്ന് കമ്പനി അറിയിച്ചിട്ടുണ്ട്.)

 കേന്ദ്രമന്ത്രിമാരുൾപ്പെടെയുള്ളവരുടെ പിന്തുണ ലഭിച്ചതോടെ 'ആത്മനിർഭർ ഭാരത്' (Aatmanirbhar Bharat) ആശയത്തിൻ്റെ ഭാഗമായി അറട്ടൈക്ക് വൻ പ്രചാരം ലഭിച്ചു.

 ദിവസേനയുള്ള പുതിയ സൈൻ-അപ്പുകൾ 3,000-ൽ നിന്ന് 3,50,000-ലേക്ക് ഉയർന്നതായി സ്ഥാപകൻ ശ്രീധർ വെമ്പു എക്സിൽ (മുമ്പ് ട്വിറ്റർ) കുറിച്ചു.

അറട്ടൈക്ക് പിന്നിലെ പ്രധാന ശക്തി സോഹോ കോർപ്പറേഷൻ്റെ സ്ഥാപകനും സിഇഒയുമായ ശ്രീധർ വെമ്പുവാണ്. ഒരു ബില്യണയർ സംരംഭകനായിട്ടും അദ്ദേഹത്തിൻ്റെ ലാളിത്യവും വേറിട്ട ജീവിതരീതിയും പലർക്കും ഒരു പ്രചോദനമാണ്.

തമിഴ്‌നാട്ടിലെ തഞ്ചാവൂരിൽ ജനിച്ചു. ഐഐടി മദ്രാസിൽ നിന്ന് ഇലക്ട്രിക്കൽ എഞ്ചിനീയറിംഗിൽ ബി.ടെക് പൂർത്തിയാക്കിയ ശേഷം പ്രിൻസ്റ്റൺ യൂണിവേഴ്സിറ്റിയിൽ നിന്ന് പിഎച്ച്.ഡി. നേടി. അമേരിക്കയിലെ ക്വാൽകോമിൽ പ്രവർത്തിച്ചു.

1996-ൽ സുഹൃത്തുക്കളോടും കുടുംബാംഗങ്ങളോടുമൊപ്പം ചേർന്ന് 'അഡ്വെൻ്റ്നെറ്റ്' എന്ന പേരിൽ കമ്പനി തുടങ്ങി. ഇത് പിന്നീട് 'സോഹോ കോർപ്പറേഷൻ' ആയി വളർന്നു.

വെമ്പുവിൻ്റെ ഏറ്റവും ശ്രദ്ധേയമായ തീരുമാനം സിലിക്കൺ വാലിയിലെ ആഢംബരം ഉപേക്ഷിച്ച് തമിഴ്‌നാട്ടിലെ തെങ്കാശിയിലുള്ള ഗ്രാമത്തിലേക്ക് താമസം മാറിയതാണ്. ടെക്നോളജി മെട്രോ നഗരങ്ങളിൽ മാത്രം ഒതുങ്ങേണ്ട ഒന്നല്ലെന്നും, ഗ്രാമങ്ങളിലെ പ്രതിഭകളെ ഉപയോഗിച്ച് ലോകോത്തര ഉൽപ്പന്നങ്ങൾ നിർമ്മിക്കാൻ കഴിയുമെന്നും അദ്ദേഹം വിശ്വസിക്കുന്നു.

പരമ്പരാഗത വിദ്യാഭ്യാസം നേടാൻ കഴിയാത്തവർക്ക് പോലും കോഡിംഗിലും സോഫ്റ്റ്‌വെയർ ഡെവലപ്‌മെൻ്റിലും പരിശീലനം നൽകാനായി ആരംഭിച്ച ഈ സംരംഭം, സോഹോയുടെ പല ജീവനക്കാരുടെയും പ്രധാന സ്രോതസ്സാണ്.

ടെക്നോളജി രംഗത്തെ സംഭാവനകൾ പരിഗണിച്ച് 2021-ൽ പത്മശ്രീ നൽകി രാജ്യം അദ്ദേഹത്തെ ആദരിച്ചു.

വാട്ട്‌സ്ആപ്പിനെ പൂർണ്ണമായി മറികടക്കാൻ അരട്ടായിക്ക് ഇനിയും ഒരുപാട് ദൂരം സഞ്ചരിക്കാനുണ്ടെങ്കിലും, സ്വദേശി ആപ്ലിക്കേഷനുകൾക്ക് വേണ്ടി നിലകൊള്ളുന്ന ശ്രീധർ വെമ്പുവിൻ്റെ കാഴ്ചപ്പാടും സോഹോയുടെ പരിശ്രമവും ഇന്ത്യൻ ടെക് ലോകത്ത് പുതിയൊരു അധ്യായം കുറിച്ചിരിക്കുകയാണ്. സ്വകാര്യതയ്ക്കും ഡാറ്റാ സുരക്ഷയ്ക്കും പ്രാധാന്യം നൽകുന്ന ഒരു ഇന്ത്യൻ പ്ലാറ്റ്‌ഫോം എന്ന നിലയിൽ അരട്ടായിക്ക് വലിയ സാധ്യതകളാണ് മുന്നിലുള്ളത്..

വേഗതയേറിയ മനുഷ്യനിർമ്മിത വസ്തു..

മനുഷ്യന്റെ ജിജ്ഞാസയുടെയും സാങ്കേതിക മുന്നേറ്റങ്ങളുടെയും പ്രതിഫലനമാണ് ബഹിരാകാശ പര്യവേഷണങ്ങൾ. വിദൂര ഗ്രഹങ്ങളെയും നക്ഷത്രങ്ങളെയും കുറിച്ച് പഠിക്കാൻ നാം അയച്ച പേടകങ്ങൾ, പ്രപഞ്ചത്തിലൂടെ അതിവേഗം സഞ്ചരിച്ച് പുതിയ വിവരങ്ങൾ നമുക്ക് നൽകുന്നു. ഈ ലേഖനത്തിൽ, പ്രപഞ്ചത്തിലെ ഏറ്റവും വേഗതയേറിയ മനുഷ്യനിർമ്മിത വസ്തുക്കളെക്കുറിച്ച് നമുക്ക് നോക്കാം.

പാർക്കർ സോളാർ പ്രോബ് (Parker Solar Probe)

പ്രപഞ്ചത്തിലെ മനുഷ്യനിർമ്മിത വസ്തുക്കളിൽ നിലവിൽ ഏറ്റവും വേഗതയേറിയത് നാസയുടെ പാർക്കർ സോളാർ പ്രോബ് ആണ്. സൂര്യന്റെ കൊറോണയെയും സൗരവാതത്തെയും കുറിച്ച് പഠിക്കാൻ 2018-ൽ വിക്ഷേപിച്ച ഈ പേടകം, സൂര്യനോട് അടുക്കുമ്പോൾ അതിന്റെ ഗുരുത്വാകർഷണബലം ഉപയോഗിച്ച് അതിശയകരമായ വേഗത കൈവരിക്കുന്നു. 2024 ജൂൺ 29-ലെ കണക്കനുസരിച്ച്, ഈ പേടകം ഏകദേശം 635,266 കിലോമീറ്റർ (394,736 മൈൽ) വേഗതയിൽ സഞ്ചരിച്ച് സ്വന്തം റെക്കോർഡ് തന്നെ തകർത്തിരിക്കുകയാണ്. സൂര്യന്റെ അങ്ങേയറ്റം ചൂടേറിയ അന്തരീക്ഷത്തെ പ്രതിരോധിക്കാൻ ഇതിന് പ്രത്യേക താപകവചം ഘടിപ്പിച്ചിട്ടുണ്ട്.
പാർക്കർ സോളാർ പ്രോബിന്റെ ഈ അതിശയകരമായ വേഗതയെക്കുറിച്ച് ഒരു താരതമ്യം നടത്തുകയാണെങ്കിൽ, വാഷിംഗ്ടൺ ഡി.സി.യിൽ നിന്ന് ടോക്കിയോയിലേക്ക് ഒരു മിനിറ്റിനുള്ളിൽ യാത്ര ചെയ്യുന്നതിന് തുല്യമാണ് ഇത്. സൂര്യന്റെ രഹസ്യങ്ങൾ ചുരുളഴിക്കുന്നതിൽ ഈ പേടകം വലിയ പങ്കുവഹിക്കുന്നു.

മറ്റ് വേഗതയേറിയ ബഹിരാകാശ പേടകങ്ങൾ:

പാർക്കർ സോളാർ പ്രോബ് ഏറ്റവും വേഗതയേറിയതാണെങ്കിലും, വേഗതയിൽ മുന്നിട്ടുനിൽക്കുന്ന മറ്റ് ചില മനുഷ്യനിർമ്മിത വസ്തുക്കളുമുണ്ട്:

 ഹീലിയോസ് 2 പ്രോബ് (Helios 2 Probe): സൂര്യന്റെ അടുത്തേക്ക് അയച്ച മറ്റൊരു പേടകമാണ് ഹീലിയോസ് 2. മണിക്കൂറിൽ ഏകദേശം 252,792 കിലോമീറ്റർ (157,078 മൈൽ) വേഗതയിൽ ഇത് സഞ്ചരിച്ചിട്ടുണ്ട്.

ജൂനോ ബഹിരാകാശ പേടകം (Juno Spacecraft): വ്യാഴത്തെക്കുറിച്ച് പഠിക്കാൻ നാസ അയച്ച ജൂനോ പേടകം മണിക്കൂറിൽ 265,542 കിലോമീറ്റർ (165,000 മൈൽ) വേഗതയിൽ ഭൂമിയുമായി താരതമ്യം ചെയ്യുമ്പോൾ സഞ്ചരിച്ചിട്ടുണ്ട്.

വോയേജർ 1 & 2 (Voyager 1 & 2): സൗരയൂഥത്തിന് പുറത്തേക്ക് സഞ്ചരിച്ച ആദ്യ മനുഷ്യനിർമ്മിത വസ്തുക്കളാണ് വോയേജർ 1, 2 പേടകങ്ങൾ. ഇവ രണ്ടും ഇപ്പോൾ അന്തർഗോളീയ ബഹിരാകാശത്തിലൂടെ (interstellar space) സഞ്ചരിച്ചുകൊണ്ടിരിക്കുന്നു. വോയേജർ 1 മണിക്കൂറിൽ ഏകദേശം 62,000 കിലോമീറ്റർ (38,610 മൈൽ) വേഗതയിൽ സഞ്ചരിക്കുന്നു. ഈ പേടകങ്ങൾക്ക് അവയുടെ ഭൂരിഭാഗം വേഗതയും ലഭിച്ചത് ഗുരുത്വാകർഷണ ബലത്തിന്റെ സഹായത്തോടെയാണ്.

 അപ്പോളോ 10 കമാൻഡ് മൊഡ്യൂൾ (Apollo 10  താരതമ്യം ചെയ്യുമ്പോൾ ഏറ്റവും ഉയർന്ന വേഗത കൈവരിച്ച മനുഷ്യനിർമ്മിത വസ്തുക്കളിൽ ഒന്നാണ് അപ്പോളോ 10 കമാൻഡ് മൊഡ്യൂൾ. മണിക്കൂറിൽ ഏകദേശം 39,900 കിലോമീറ്റർ (24,791 മൈൽ) വേഗതയിൽ ഇത് ഭൂമിയിലേക്ക് മടങ്ങിയെത്തി.

ഈ പേടകങ്ങളുടെ വേഗത കേവലം ഒരു റെക്കോർഡ് നേട്ടം എന്നതിലുപരി വലിയ പ്രാധാന്യമർഹിക്കുന്നു. ബഹിരാകാശ ദൂരങ്ങൾ വളരെ വലുതായതുകൊണ്ട്, ലക്ഷ്യസ്ഥാനത്ത് എത്താനും ഡാറ്റ ശേഖരിക്കാനും വേഗത അത്യാവശ്യമാണ്. അതുപോലെ, സൂര്യൻ പോലുള്ള നക്ഷത്രങ്ങളെയും ഗ്രഹങ്ങളെയും പഠിക്കാൻ അവയുടെ സമീപത്തേക്ക് പോകേണ്ടത് അത്യാവശ്യമാണ്. അത്തരം സാഹചര്യങ്ങളിൽ, അസാധാരണമായ വേഗത കൈവരിക്കാൻ ഈ പേടകങ്ങൾക്ക് കഴിയുന്നു.
മനുഷ്യന്റെ ഈ സാങ്കേതിക മുന്നേറ്റങ്ങൾ പ്രപഞ്ചത്തെക്കുറിച്ചുള്ള നമ്മുടെ അറിവുകൾ വികസിപ്പിക്കാനും പുതിയ കണ്ടെത്തലുകളിലേക്ക് നയിക്കാനും സഹായിക്കുന്നു. ഭാവിയിൽ, ഇതിലും വേഗതയേറിയതും നൂതനവുമായ പേടകങ്ങൾ പ്രപഞ്ചത്തിന്റെ കൂടുതൽ രഹസ്യങ്ങൾ നമുക്ക് മുന്നിൽ അനാവരണം ചെയ്യുമെന്നതിൽ സംശയമില്ല.

ആരാണ് കടൽ കൊള്ളക്കാർ..

മനുഷ്യചരിത്രത്തിലെ ഏറ്റവും ദുരൂഹവും ആകർഷകവുമായ കഥാപാത്രങ്ങളാണ് കടൽക്കൊള്ളക്കാർ. 

സ്വതന്ത്രമായി കടലിൽ സഞ്ചരിച്ച് കപ്പലുകളെ കൊള്ളയടിക്കുകയും, നിധിക്കുവേണ്ടി പോരാടുകയും ചെയ്ത ഇവരുടെ ജീവിതം സാഹസികതയുടെയും ഭീകരതയുടെയും ഒരുപോലെ പ്രതിഫലനമായിരുന്നു. നൂറ്റാണ്ടുകളോളം കടലിന്റെ അധിപന്മാരായി വാണ ഇവർ, ഒരേസമയം ഭയത്തിന്റെയും ആരാധനയുടെയും പ്രതീകങ്ങളായിരുന്നു.

കടൽ വഴി യാത്ര ചെയ്യുന്ന കച്ചവട കപ്പലുകളെയോ, യാത്രക്കാരെയോ കൊള്ളയടിച്ച് ധനം സമ്പാദിക്കുന്നവരെയാണ് കടൽക്കൊള്ളക്കാർ എന്ന് വിളിക്കുന്നത്.

 ഇവർ പ്രത്യേക ഭരണകൂടത്തിന്റെയോ നിയമവ്യവസ്ഥയുടെയോ ഭാഗമായിരുന്നില്ല. മിക്കപ്പോഴും, സ്വന്തമായി നിയമങ്ങൾ ഉണ്ടാക്കി, ഒരു സമൂഹമായി അവർ പ്രവർത്തിച്ചു. കടൽക്കൊള്ളക്കാരിൽ പലരും മുൻ നാവികരോ, ദാരിദ്ര്യത്തിൽ നിന്ന് രക്ഷപ്പെടാൻ ഈ വഴി തിരഞ്ഞെടുത്ത സാധാരണക്കാരോ ആയിരുന്നു.

കടൽക്കൊള്ളക്കാരുടെ സുവർണ്ണ കാലഘട്ടം (Golden Age of Piracy) എന്ന് അറിയപ്പെടുന്നത് 17-ഉം 18-ഉം നൂറ്റാണ്ടുകളാണ്. ഈ കാലഘട്ടത്തിലാണ് ലോകം കണ്ടതിൽവെച്ച് ഏറ്റവും പ്രശസ്തരായ കടൽക്കൊള്ളക്കാർ ഉയർന്നുവന്നത്.

ബ്ലാക്ക്ബിയേർഡ് (Blackbeard): യഥാർത്ഥ പേര് എഡ്വേർഡ് ടീച്ച് (Edward Teach). ഏറ്റവും ഭയങ്കരനായ കടൽക്കൊള്ളക്കാരനായി ഇദ്ദേഹം അറിയപ്പെടുന്നു. തന്റെ കറുത്ത താടിയിൽ തീപ്പന്തങ്ങൾ വെച്ച് ശത്രുക്കളെ ഭയപ്പെടുത്തിയിരുന്നു.

ക്യാപ്റ്റൻ കിഡ് (Captain Kidd): ഒരു കാലത്ത് ബ്രിട്ടീഷ് സർക്കാരിനുവേണ്ടി കടൽക്കൊള്ളക്കാരെ വേട്ടയാടിയിരുന്ന ഇദ്ദേഹം പിന്നീട് സ്വയം കടൽക്കൊള്ളക്കാരനായി മാറി. നിധി ഒളിപ്പിച്ചുവെച്ചതിന്റെ പേരിൽ ഇദ്ദേഹത്തിന്റെ പേര് ഇപ്പോഴും ദുരൂഹമായി തുടരുന്നു.

കാലിക്കോ ജാക്ക് (Calico Jack): യഥാർത്ഥ പേര് ജോൺ റാക്കാം (John Rackham). ഇദ്ദേഹത്തിന്റെ കപ്പലിലായിരുന്നു പ്രശസ്ത വനിതാ കടൽക്കൊള്ളക്കാരായ ആനി ബോണി (Anne Bonny), മേരി റീഡ് (Mary Read) എന്നിവർ ഉണ്ടായിരുന്നത്.

പുരുഷന്മാരെപ്പോലെ തന്നെ ധീരമായ പോരാട്ടങ്ങളിലൂടെ ചരിത്രത്തിൽ ഇടംനേടിയവരാണ് ആനി ബോണിയും, മേരി റീഡും. ആൺവേഷം ധരിച്ച് അവർ നടത്തിയ ആക്രമണങ്ങൾ ഏറെ പ്രസിദ്ധമാണ്.

കടൽക്കൊള്ളക്കാരുടെ ജീവിതം കഠിനമായിരുന്നു. കപ്പലിൽ ഒരുമിച്ച് താമസിക്കുന്ന അവർക്ക് സ്വന്തമായി ചില നിയമങ്ങൾ ഉണ്ടായിരുന്നു. 

ഈ നിയമങ്ങൾ 'പൈറേറ്റ് കോഡ്' (Pirate Code) എന്ന് അറിയപ്പെടുന്നു.

കൊള്ളമുതൽ തുല്യമായി പങ്കുവെക്കുക.

ഒരുമിച്ച് പോരാടുക.

പോരാട്ടത്തിൽ പരിക്കേറ്റവർക്ക് പ്രത്യേക പരിഗണന നൽകുക.

ക്യാപ്റ്റനെ തിരഞ്ഞെടുക്കാൻ വോട്ട് ചെയ്യുക.

കടലിൽ സഞ്ചരിക്കുമ്പോൾ കപ്പലുകളുമായി പോരാടുന്നതിനൊപ്പം, അവർ ഭക്ഷണത്തിനും ശുദ്ധജലത്തിനും വേണ്ടി ദ്വീപുകളിൽ തങ്ങുകയും ചെയ്തിരുന്നു. തങ്ങളുടെ കപ്പലിൽ ആക്രമണത്തിന് തയ്യാറായി പീരങ്കികളും, വാളുകളും, തോക്കുകളും അവർ കരുതിയിരുന്നു.

18-ാം നൂറ്റാണ്ടിന്റെ മധ്യത്തോടെ, ലോകത്തിലെ വൻശക്തികളായ ബ്രിട്ടൻ, ഫ്രാൻസ് തുടങ്ങിയ രാജ്യങ്ങൾ കടൽക്കൊള്ളക്കാർക്കെതിരെ ശക്തമായ നടപടികൾ എടുത്തു. നാവികസേനയെ ഉപയോഗിച്ച് അവരെ വേട്ടയാടുകയും, പലരെയും തൂക്കിലേറ്റുകയും ചെയ്തു. ഇതോടെ കടൽക്കൊള്ളക്കാരുടെ സുവർണ്ണ കാലഘട്ടം അവസാനിച്ചു.

ഇന്ന്, കടൽക്കൊള്ളക്കാർ സിനിമകളിലും, പുസ്തകങ്ങളിലും, വീഡിയോ ഗെയിമുകളിലും ജീവിക്കുന്നു. അവരുടെ സാഹസികതയും നിധി തേടിയുള്ള യാത്രകളും തലമുറകളെ ഇന്നും ആകർഷിച്ചുകൊണ്ടിരിക്കുന്നു.

 സമുദ്രത്തിന്റെ നിഗൂഢതയും, മനുഷ്യന്റെ സ്വതന്ത്രമായ ആഗ്രഹങ്ങളും ഒരുപോലെ കടൽക്കൊള്ളക്കാരുടെ കഥകളിൽ നമുക്ക് കാണാം. അവർ ഒരു കാലഘട്ടത്തിന്റെ പ്രതിരോധത്തിന്റെയും, ക്രൂരതയുടെയും, സാഹസികതയുടെയും ഓർമ്മകളാണ്.

പെൽവിക് മസാജും വൈബ്രേറ്ററും..

പ്രാചീനകാലത്ത് ഉത്കണ്ഠ, വിഷാദം, മൂഡ് സ്വിംഗ്‌സ് എന്നിവ ഉണ്ടായിരുന്ന സ്ത്രീകളെ ഭർത്താക്കന്മാർ ഡോക്ടർമാരുടെ അടുത്തേക്ക് കൊണ്ടുപോയിരുന്നു.

 അക്കാലത്ത് ഡോക്ടർമാർ ഈ അവസ്ഥയെ "ഹിസ്റ്റീരിയ" എന്ന രോഗമായിട്ടാണ് കണക്കാക്കിയിരുന്നത്. 

ഈ രോഗത്തിനുള്ള ചികിത്സാരീതി "പെൽവിക് മസാജ്" ആയിരുന്നു.

 ഇത് "ഹിസ്റ്ററിക്കൽ പാരോക്സിസം" എന്ന അവസ്ഥയിൽ എത്താൻ വേണ്ടി ചെയ്തതാണ്..

ഇന്നതിനെ ഓർഗാസം എന്ന് പറയുന്നു.

ഒരുപാട് സ്ത്രീകൾ അവരുടെ "ഹിസ്റ്റീരിയ" ചികിത്സയ്ക്കായി ഡോക്ടർമാരെ സമീപിക്കാൻ തുടങ്ങിയതോടെ, ദിവസാവസാനം ഡോക്ടർമാർക്ക് ക്ഷീണം അനുഭവപ്പെടുകയും അവരുടെ കൈകൾ വിറയ്ക്കുകയും ചെയ്തു. അതുകൊണ്ട്, സാധാരണയുള്ള കൈകൊണ്ടുള്ള മസാജ് ഇല്ലാതെ തന്നെ രോഗിക്ക് എളുപ്പത്തിലും വേഗത്തിലും ഹിസ്റ്ററിക്കൽ പാരോക്സിസം ലഭിക്കാൻ സഹായിക്കുന്ന ഒരു ഉപകരണം കണ്ടുപിടിക്കാൻ അവർ തീരുമാനിച്ചു.

അങ്ങനെയാണ് വൈബ്രേറ്ററിന്റെ ഉത്ഭവം.

അക്കാലത്ത് ഇത് ഒരു രോഗശാന്തി നൽകുന്ന ഉപകരണമായിട്ടാണ് കണക്കാക്കപ്പെട്ടിരുന്നത്. സമ്പന്നരായ സ്ത്രീകൾക്ക് അവരുടെ "ഹിസ്റ്റീരിയയുടെ ആക്രമണങ്ങൾ" ഉണ്ടാകുമ്പോൾ ഉപയോഗിക്കാൻ വേണ്ടി അവരവരുടെ വീടുകളിൽ ഈ ഉപകരണം ഉണ്ടായിരുന്നു.

കുണ്ടളവാലി റെയില്‍വേ..

കേരളത്തില്‍ റെയില്‍വേ ഇല്ലാത്ത ജില്ലകള്‍; 

വയനാടും, ഇടുക്കിയും ഒരു ശരാശരി സ്‌കൂള്‍ വിദ്യാര്‍ത്ഥിയുടെ പോലും മനസ്സില്‍ ആഴത്തില്‍ പതിഞ്ഞു കഴിഞ്ഞ വസ്തുത...

 എന്നാല്‍ ഇടുക്കിയില്‍ ശരിക്കും പറഞ്ഞാല്‍ മൂന്നാറില്‍ റെയില്‍വേ സംവിധാനം നിലനിന്നിരുന്നു എന്ന സത്യം നമ്മളില്‍ പലര്‍ക്കും ഒരത്ഭുതമായിരിക്കാം...

അതാണ് കുണ്ടള വാലി റെയില്‍വേ.. 

പേരുകേട്ടാല്‍ അപരിചിതമെങ്കിലും സംഗതി നമ്മുടെ മൂന്നാറില്‍ തന്നെയായിരുന്നു.
ചില കാര്യങ്ങള്‍ അങ്ങനെയാണ്. പ്രതാപ കാലത്ത് തലയെടുപ്പോടുകൂടി തന്നെ നില്‍ക്കും. പക്ഷേ നശിച്ചു കഴിഞ്ഞാല്‍ പ്രത്യക്ഷത്തില്‍ യാതൊരു തെളിവും ബാക്കി വയ്ക്കുകയുമില്ല. അങ്ങനെയൊരു നിര്‍ഭാഗ്യമാണ് കുണ്ടളവാലി റയില്‍വേയ്ക്കും സംഭവിച്ചത്.

1902 മുതല്‍ 1924 വരെ. മൂന്നാറില്‍ നിന്നും ടോപ്പ് സ്‌റ്റേഷന്‍ (തമിഴ്‌നാട്ടിലെ തേനി ജില്ലയിലുള്ള ഒരു സ്ഥലം. കേരള തമിഴ്‌നാട് അതിര്‍ത്തി) വരെ ഉണ്ടായിരുന്ന റയില്‍വേയാണ് കുണ്ടള വാലി റയില്‍വേ എന്ന പേരിലറിയപ്പെട്ടിരുന്നത്. പ്രധാനമായും മൂന്നാറില്‍ നിന്നും തേയില കയറ്റുമതിക്കുവേണ്ടിയായിരുന്നു ഈ റെയില്‍ ആദ്യ കാലത്ത് ഉപയോഗിച്ചിരുന്നത്. അന്നിത് മോണോ റയില്‍പാതയായിരുന്നു.
ഒരേയൊരു പാളം മാത്രമുള്ള റെയില്‍വേയ്ക്കാണ് മോണോ റെയില്‍ എന്നുപറയുന്നത്. ഇന്ത്യയിലെ ആദ്യത്തെ മോണോ റയില്‍ സംവിധാനം കുണ്ടളവാലിയായിരുന്നു. മുമ്പിലേയും പിറകിലേയും ചക്രങ്ങള്‍ പാളംവഴി സഞ്ചരിക്കുമ്പോള്‍ വാഹനം ബാലന്‍സ് ചെയ്യാന്‍ സൈഡില്‍ ഒരു വലിയ ചക്രം കാണും ഈ ചക്രം പാളത്തിനു സമാന്തരമായ ചെറിയ റോഡില്‍ കൂടിയായിരിക്കും സഞ്ചരിക്കുന്നത്. ഇതാണ് മോണോ റയിലിന്റെ സംവിധാനം. 

കാളകളെ ഉപയോഗിച്ചായിരുന്നു ആദ്യകാലത്ത് ഈ ട്രയിന്‍ പ്രവര്‍ത്തിപ്പിച്ചിരുന്നത്.
മൂന്നാറില്‍ നിന്നും ടോപ്പ് സ്‌റ്റേഷനിലെത്തുന്ന തേയിലപ്പെട്ടികള്‍ അവിടെ നിന്നും അഞ്ചു കിലോമീറ്റര്‍ താഴെയുള്ള കോട്ടാഗുഡിയിലേക്ക് (ബോട്ടം സ്‌റ്റേഷന്‍) റോപ്പ്‌വേ വഴിയാണ് അയച്ചിരുന്നത്. അവിടെ നിന്നും 15 കിലോമീറ്റര്‍ അകലെയുള്ള ബോഡിനായ്ക്കന്നൂരിലെത്തുന്ന ചരക്കുകള്‍ ഇന്ത്യയുടെ മറ്റു ഭാഗങ്ങളിലേക്കും കപ്പല്‍ വഴി ഇംഗ്ലണ്ടിലേക്കും കയറ്റിയയ്ക്കുമായിരുന്നു.

1908 ല്‍ മോണോ റയില്‍ മാറി നാരോ ഗേജ് പാതകള്‍ നിലവില്‍ വന്നതോടെ യഥാര്‍ത്ഥ ട്രയിനിന്റെ കാലമായി. ലൈറ്റ് സ്റ്റീം ലോക്കോമോട്ടീവ് എഞ്ചിനുപയോഗിച്ചുള്ള ട്രയിനായിരുന്നു ഇവിടെ സര്‍വ്വീസ് നടത്തിയിരുന്നത്. പഴയ കല്‍ക്കരി എഞ്ചിന്‍ തന്നെ. മൂന്നാറിനും ടോപ്പ് സ്‌റ്റേഷനുമിടയ്ക്ക് മധുപ്പട്ടി, പലാര്‍ സ്‌റ്റേഷനുകളും പ്രവര്‍ത്തിച്ചിരുന്നു.
ഏതൊരു മുന്നേറ്റത്തിനും ഒരവസാനം ഉണ്ടെന്നതുപോലെ കുണ്ടളവാലി റെയില്‍വേയ്ക്കുമുണ്ടായിരുന്നു ഒരവസാനം.

 1924ലെ ജൂലൈ ഓഗസ്റ്റ് മാസങ്ങളില്‍ കേരളത്തില്‍ തിമിര്‍ത്തുപെയ്ത പേമാരിയായിരുന്നു കുണ്ടളവാലിയുടെ അന്തകന്‍. 

തൊണ്ണൂറ്റിയൊമ്പതിലെ വെള്ളപ്പൊക്കമെന്ന് കുപ്രസിദ്ധിയാര്‍ജ്ജിച്ച (കൊല്ലവര്‍ഷം 1099 ല്‍ നടന്നതിനാലാണ് ആ പേര് വന്നത്) ഈ പ്രളയം മൂന്നാറിനെ ഒന്നാകെ നശിപ്പിച്ചുകളഞ്ഞു. കൂട്ടത്തില്‍ കുണ്ടളവാലിയും. സമുദ്രനിരപ്പില്‍ നിന്നും 6500 അടി ഉയരത്തിലുള്ള മൂന്നാറിനെ വരെ ആ വെള്ളപ്പൊക്കം ബാധിച്ചു എന്നു പറയുമ്പോള്‍ പ്രളയത്തിന്റെ കാഠിന്യം ഊഹിക്കാവുന്നതേയുള്ളൂ. അത്രയും വലിയൊരു വെള്ളപ്പൊക്കം മലയാളനാട് അതിനു മുന്നും പിമ്പും അനുഭവിച്ചിട്ടില്ലെന്നത് ചരിത്രം.

ഇന്നും കുണ്ടളവാലിയുടെ ചെറിയ അവശിഷ്ടങ്ങള്‍ മൂന്നാര്‍ യാത്രയ്ക്കിടയില്‍ കാണാന്‍ കഴിയും. ഇന്നത്തെ ടാറ്റാ ടീ ലിമിറ്റഡിന്റെ ഹൗസിംഗ് റീജീയണല്‍ ഓഫീസായി ഉപയോഗിക്കുന്ന കെട്ടിടമാണ് പണ്ടത്തെ മൂന്നാര്‍ റയില്‍വേ സ്‌റ്റേഷന്‍. 

ഇന്ന് അലുമിനിയം പാലമെന്നു പറയുന്ന പണ്ടത്തെ റയില്‍വേ പാലത്തില്‍ കൂടി ഇന്ന് സാധാ വാഹനങ്ങളാണ് കടന്നു പോകുന്നത്..

ആനകൾ ഭൂമിയിൽ എങ്ങനെയുണ്ടായി.?

ജലത്തിൽ നിന്നുമാണ് ജീവൻ ആദ്യമായി

ഉണ്ടായെന്നു നമ്മൾക്ക് അറിയാം 

കടലിലെ ഏറ്റവും വലിയ ജീവിയായ നിലത്തിമിംഗലവും ആനയുമായി ഒരു ചെറിയ ബന്ധമുണ്ട് ഇവരുടെ 2പേരുടെയും ആദ്യ പൂർവ്വികർ ഒന്നായിരുന്നു എന്നാണ് ശാസ്ത്രലോകം പറയുന്നത്.

 കുറച്ചു വലിയ മൽസ്യം പോലുള്ള ജീവികൾ കടലിൽ എല്ലാ സമയവും ചിലവിട്ടപ്പോൾ കുറച്ചു ജീവികൾ കരിയിലും കടലുമായി ജീവിതം ചിലവിട്ടു അത് ചിലതു ക്രമേണ കരയിൽ മാത്രവും ചിലതു കടലിൽ മാത്രവും സ്ഥിരമാക്കി...

കരയിൽ എത്തിപ്പെട്ട ജീവികൾ കടലുമായി ബന്ധമില്ലാതെ പിന്നീട് ജവികാൻ തുടങ്ങി അവ കരയിലെ. പുല്ലുകളും,പച്ചിലകളും, പായലുകളും, മരത്തൊലിയും തുടങ്ങിവയ മാത്രം ആഹാരം ആക്കുവാൻ തുടങ്ങി വലിയ മരങ്ങളും, ഇലകളും ആഹാരമാക്കാൻ അവക്ക് മേൽ ചുണ്ടാണ് ഉപയോഗിച്ചിരുന്നത് ഭീമാകാരമായ മേൽചുണ്ടുകൾ നൂറ്റാണ്ടുകൾ കൊണ്ട്‌ താഴേക്കു, മുന്നിലെ രണ്ട് പല്ലുകൾ കൂടുതൽ ഇരതേടാനായി ഉപയോഗിച്ച് പുറത്തേക്കും പരിണമിച്ചു വന്നു..

 75 ദശലക്ഷ കണക്കിന് വർഷങ്ങൾക്കുമുൻപ് ആദ്യ ആനയുടെ രുപം പൂർണ്ണമായുള്ള ജീവി ഉണ്ടായി ഇതിനെ മാംമത് എന്ന് അറിയപ്പെടുന്നു 

ന്ന സസ്തനികുടുംബത്തിൽ (Mammalia) ഉൾപ്പെടുന്ന ജീവിയാണ് ആന. ഈ ജന്തുവംശത്തിൽ ഇന്നു വംശനാശം നേരിടാതെ ഭൂമിയിൽ കഴിയുന്ന ഏക ജീവിയുമാണിത്. ഇപ്പോൾ ഉപയോഗത്തിലില്ലാത്ത പാക്കിഡെർമാറ്റ (Pachydermata) എന്ന വർഗ്ഗത്തിൽ പെടുത്തിയായിരുന്നു ആനയെ നേരത്തേ വർഗ്ഗീകരിച്ചിരുന്നത്. 

ഭൂമുഖത്ത് മൂന്ന് ആനവംശങ്ങൾ ഇന്ന് നിലവിലുണ്ട്:

 ആഫ്രിക്കൻ ബുഷ് ആന, ആഫ്രിക്കൻ കാട്ടാന, ഏഷ്യൻ ആന (ഈയടുത്ത കാലം വരെ ആഫ്രിക്കൻ ബുഷ് ആനയും, ആഫ്രിക്കൻ കാട്ടാനയും ആ‍ഫ്രിക്കൻ ആന എന്ന ഒറ്റപ്പേരിലാണ് അറിയപ്പെട്ടിരുന്നത്. ഇന്ത്യൻ ആന ഏഷ്യൻ ആനയുടെ ഉപവിഭാഗമാണ്). മറ്റു ആനവംശങ്ങൾ കഴിഞ്ഞ ഹിമയുഗത്തിനു ശേഷം,എകദേശം പതിനായിരം വർഷം മുൻപ് നാമാവശേഷമായിപ്പോയി.ഒരുപാട് കാലം ഭൂമിയിൽ പ്രതികൂല സാഹചര്യങ്ങങ്ങളെ നേരിട്ട് പൊരുതി ജീവിത വിജയം നേടിയാണ് ഇന്ന് നമ്മൾ കാണുന്ന ഗജവീരൻ മാർ ഭൂമിയിൽ നിലനിൽക്കുന്നത് അവക്ക് നമ്മൾ മനുഷ്യർ സംരക്ഷണം നൽകണം...

ടീം ചെമ്പട അരങ്ങേറ്റം പൂർത്തിയാക്കി..

ഒരു വർഷത്തെ കഠിനാധ്വാനത്തിന് ശേഷം, ടാറിയിലെ ടഫ്മ ചെമ്പട ടീം (TAFMA) തങ്ങളുടെ ചെണ്ടമേളം അരങ്ങേറ്റം വിജയകരമായി പൂർത്തിയാക്കി. ടാറിയിലെ മലയാളി അസോസിയേഷന്റെ നേതൃത്വത്തിൽ നടന്ന ഓണാഘോഷ പരിപാടിയിലാണ് ഈ യുവ കലാകാരന്മാർ അരങ്ങേറ്റം കുറിച്ചത്.

ടീം ചെമ്പടയുടെ ഒരു സ്പെഷ്യൽ പെർഫോമൻസ് ടഫ്മയുടെ ഓണാഘോഷ പ്രോഗ്രാം ആരവം 2025ൽ നിന്നും.. 

PLEASE CLICK HERE FOR TEAM CHEMBADA PERFORMANCE

ഓൺലൈൻ പരിശീലനത്തിലൂടെയും മാർഗ്ഗനിർദ്ദേശങ്ങളിലൂടെയും ഈ കലാകാരന്മാരെ ചെണ്ടമേളം പരിശീലിപ്പിച്ചത് ആശാന്മാരായ രതീഷും രജീഷുമാണ്. ഈ മനോഹരമായ അവസരം ഒരുക്കിയ ടഫ്മയ്ക്ക് ടീം നന്ദി അറിയിച്ചു.

ഷിബുവിന്റെ നേതൃത്വത്തിലാണ് ചെണ്ടമേളം അരങ്ങേറ്റം കുറിച്ചത്. ഈ സംരംഭത്തിന് പിന്തുണ നൽകിയ എല്ലാ മലയാളികൾക്കും ടഫ്മ ചെമ്പട ടീം സ്നേഹത്തിന്റെ ഭാഷയിൽ നന്ദി രേഖപ്പെടുത്തി.

കൂടുതൽ വിവരങ്ങൾക്കും ബുക്കിങ്ങിനും താഴെ പറയുന്ന നമ്പറുകളിൽ ബന്ധപ്പെടാവുന്നതാണ്:

ഷിബു: 0470280960

ജിസ്റ്റോ: 0413726876

സതീഷ്: 0466403080

ചെമ്പട ടീം അംഗങ്ങൾ:

ഷിബു, സിമി, ധനേഷ്, സുബി, ജെബിൻ, ജിസ്റ്റോ, സിബി, ജസ്റ്റിൻ, യദു, ജിന്റോ, ദീപക്, സതീഷ്, തോമസുകുട്ടി, വിനോദ്.

ഗോളീയ ഇടിമിന്നൽ..

രാത്രിയുടെ ആഴങ്ങളിൽ, മിന്നൽപിണരുകൾക്കൊപ്പം ആകാശത്ത് പ്രത്യക്ഷപ്പെടുന്ന തീഗോളങ്ങൾ, അതെന്താവാം? 

ചിലരെങ്കിലും ഇതിനെ മിത്തുകളിലെ 'കൊള്ളിച്ചാത്തൻ' അല്ലെങ്കിൽ അമാനുഷിക ശക്തികളുമായി ബന്ധപ്പെടുത്തി കണ്ടേക്കാം. എന്നാൽ, ഈ കാഴ്ചകൾക്ക് പിന്നിൽ ശാസ്ത്രീയമായ ചില വിശദീകരണങ്ങളുണ്ട്. ഗോളീയ ഇടിമിന്നൽ (Ball Lightning) എന്ന അപൂർവ പ്രതിഭാസമാണ് ഇത്തരമൊരു കാഴ്ചയ്ക്ക് ഒരു പ്രധാന കാരണമത്രെ.

സാധാരണ ഇടിമിന്നൽ ആകാശത്ത് നിന്ന് താഴോട്ട് ഒരു നേർരേഖയായി വരുന്നതിന് പകരം, ഗോളീയ ഇടിമിന്നൽ ഒരു തിളക്കമുള്ള, ഗോളാകൃതിയിലുള്ള രൂപമായിട്ടാണ് പ്രത്യക്ഷപ്പെടുന്നത്. ഏതാനും സെന്റീമീറ്റർ മുതൽ ഏതാനും മീറ്റർ വരെ വ്യാസമുള്ള ഇവയ്ക്ക് ചുവപ്പ്, ഓറഞ്ച്, മഞ്ഞ, വെള്ള, നീല എന്നിങ്ങനെ പല നിറങ്ങളുണ്ടാകാം. ഇടിമിന്നലുള്ള സമയത്തോ അതിന് തൊട്ടുപിന്നാലെയോ ആണ് ഇവ മിക്കവാറും പ്രത്യക്ഷപ്പെടാറുള്ളത്.

പ്രധാന സവിശേഷതകൾ:

ചലനം: ഈ ഗോളങ്ങൾ സാവധാനം നീങ്ങുന്നതായി കാണാം. ചിലപ്പോൾ നിശ്ചലമായി നിൽക്കുകയോ, ചിലപ്പോൾ അപ്രതീക്ഷിതമായി ദിശ മാറ്റുകയോ ചെയ്യാം. കാറ്റിന്റെ ദിശയെ ഇവ ആശ്രയിക്കില്ല.

സ്ഥിരത: സാധാരണയായി ഏതാനും സെക്കൻഡുകൾ മുതൽ ഒരു മിനിറ്റ് വരെയാണ് ഇവ നിലനിൽക്കുക.

അപ്രത്യക്ഷമാകൽ: ഇവ ശബ്ദമുണ്ടാക്കാതെ നിശബ്ദമായി അപ്രത്യക്ഷമാകുകയോ, അല്ലെങ്കിൽ ഒരു ചെറിയ സ്ഫോടനത്തോടെ ഇല്ലാതാകുകയോ ചെയ്യാം.

ആന്തരിക ചലനം: ചിലപ്പോൾ ഈ ഗോളങ്ങൾക്കകത്ത് ചെറിയ ചലനങ്ങളോ തീപ്പൊരികളോ കാണാം.

ശബ്ദവും മണവും: അപൂർവം ചില റിപ്പോർട്ടുകളിൽ, ഇവ ഒരുതരം 'ചീറ്റുന്ന' ശബ്ദത്തോടുകൂടിയോ അല്ലെങ്കിൽ ഓസോൺ, സൾഫർ എന്നിവയുടെ ഗന്ധത്തോടുകൂടിയോ അപ്രത്യക്ഷമാകുന്നതായി പറയുന്നു.

അപകട സാധ്യത: സ്പർശിക്കുന്ന വസ്തുക്കൾക്ക് പൊള്ളലോ ഉരുകലോ പോലുള്ള കേടുപാടുകൾ ഉണ്ടാക്കാൻ സാധ്യതയുണ്ടെങ്കിലും, മിക്കപ്പോഴും ഇവ അപകടകാരികളല്ല. ഭിത്തികളിലൂടെയോ ഗ്ലാസിലൂടെയോ ഇവ കടന്നുപോകുന്നതായി ചില റിപ്പോർട്ടുകൾ ഉണ്ടെങ്കിലും, ഇത് ശാസ്ത്രീയമായി സ്ഥിരീകരിച്ചിട്ടില്ല.
ഗോളീയ ഇടിമിന്നലിന് പിന്നിലെ ശാസ്ത്രീയ വിശദീകരണങ്ങൾ
ഗോളീയ ഇടിമിന്നലിന് ഇന്നും ശാസ്ത്രലോകത്തിന് ഒരു പൂർണ്ണമായ വിശദീകരണം നൽകാനായിട്ടില്ല. നിരവധി സിദ്ധാന്തങ്ങൾ നിലവിലുണ്ട്:

സിൽക്കൺ വേപ്പർ സിദ്ധാന്തം (Silicon Vapor Hypothesis): ഇടിമിന്നൽ മണ്ണിൽ പതിക്കുമ്പോൾ, മണ്ണിലുള്ള സിലിക്ക പോലുള്ള ധാതുക്കൾ ഉയർന്ന താപനിലയിൽ ബാഷ്പീകരിക്കപ്പെടുകയും, ഈ ബാഷ്പങ്ങൾ വായുവുമായി പ്രതിപ്രവർത്തിച്ച് കത്തുന്ന ഒരു പ്ലാസ്മാ ഗോളം രൂപപ്പെടുകയും ചെയ്യാം. 2014-ൽ ചൈനീസ് ശാസ്ത്രജ്ഞർ ഒരു പ്രകൃതിദത്ത ഗോളീയ ഇടിമിന്നൽ രേഖപ്പെടുത്തിയപ്പോൾ, അതിൽ സിലിക്കൺ, ഇരുമ്പ്, കാൽസ്യം തുടങ്ങിയ മൂലകങ്ങൾ കണ്ടെത്തിയത് ഈ സിദ്ധാന്തത്തിന് ഒരു പിൻബലമേകി.

പ്ലാസ്മാ പ്രതിഭാസം (Plasma Phenomenon): അയോണീകരിക്കപ്പെട്ട വാതകങ്ങളുടെ ഒരു പ്ലാസ്മാ ഗോളമാണ് ഗോളീയ ഇടിമിന്നൽ എന്ന് മറ്റൊരു സിദ്ധാന്തം പറയുന്നു. മിന്നൽ ഉണ്ടാക്കുന്ന ഉയർന്ന ഊർജ്ജം വായുവിലെ തന്മാത്രകളെ അയോണീകരിച്ച് ഒരു പ്ലാസ്മാ അവസ്ഥയിലേക്ക് മാറ്റുകയും, ഇത് ഒരു ഗോളാകൃതിയിൽ നിലനിൽക്കുകയും ചെയ്യുന്നു.

മൈക്രോവേവ് വികിരണം (Microwave Radiation): ഇടിമിന്നൽ ഉണ്ടാകുമ്പോൾ രൂപപ്പെടുന്ന മൈക്രോവേവ് വികിരണങ്ങൾ ഒരു പ്ലാസ്മാ ബബിളിനുള്ളിൽ കുടുങ്ങിക്കിടക്കുന്നതാണ് ഗോളീയ ഇടിമിന്നൽ എന്ന് ചില ഗവേഷകർ അഭിപ്രായപ്പെടുന്നു.

എയറോസോൾ ബാറ്ററി സിദ്ധാന്തം (Aerosol Battery Theory): അന്തരീക്ഷത്തിലെ ചെറിയ കണികകൾ വൈദ്യുത ചാർജ് സ്വീകരിച്ച് ഒരുതരം 'ബാറ്ററി' പോലെ പ്രവർത്തിക്കുകയും, ഇത് പ്രകാശം പുറത്തുവിടുകയും ചെയ്യുന്നതാണ് ഗോളീയ ഇടിമിന്നൽ എന്ന് മറ്റൊരു സിദ്ധാന്തം പറയുന്നു.

മസ്തിഷ്ക പ്രതികരണം / മതിഭ്രമം (Hallucination / Brain Response): ചിലപ്പോൾ ശക്തമായ മിന്നലോ അതിന്റെ വൈദ്യുതകാന്തിക സ്വാധീനമോ മനുഷ്യന്റെ റെറ്റിനയെയും തലച്ചോറിനെയും ബാധിക്കുകയും, അതുവഴി ഒരു പ്രകാശഗോളം കണ്ടതായി തോന്നിക്കുകയും ചെയ്യുന്നതായും ചിലർ വാദിക്കുന്നു.

കൊള്ളിച്ചാത്തനും മറ്റ് കാഴ്ചകളും
'തീ പറക്കുന്ന ഗോളങ്ങൾ', 'കൊള്ളിച്ചാത്തൻ' എന്നൊക്കെയുള്ള നാടോടിക്കഥകൾ പലപ്പോഴും വിശദീകരിക്കാനാവാത്ത പ്രതിഭാസങ്ങളുമായി ബന്ധപ്പെട്ടാണ് ഉണ്ടാകുന്നത്. ഗോളീയ ഇടിമിന്നൽ പോലെ ശാസ്ത്രീയമായി പൂർണ്ണമായി നിർവചിക്കാത്ത പ്രതിഭാസങ്ങളെ മനുഷ്യൻ തങ്ങളുടെ വിശ്വാസങ്ങളുമായും മിത്തുകളുമായും ബന്ധപ്പെടുത്തുന്നത് സ്വാഭാവികമാണ്. എന്നാൽ, ഇത്തരം കാഴ്ചകൾക്ക് പിന്നിൽ ഉൽക്കകൾ കത്തിയെരിയുന്നതോ, കൃത്രിമ ഉപഗ്രഹങ്ങളുടെ അവശിഷ്ടങ്ങൾ അന്തരീക്ഷത്തിലേക്ക് പ്രവേശിക്കുന്നതോ, അല്ലെങ്കിൽ അപൂർവമായ കാലാവസ്ഥാ പ്രതിഭാസങ്ങളോ ആകാം.
ഗോളീയ ഇടിമിന്നൽ ഒരു യഥാർത്ഥ പ്രതിഭാസമായി മിക്ക ശാസ്ത്രജ്ഞരും അംഗീകരിക്കുന്നുണ്ടെങ്കിലും, അതിന്റെ യഥാർത്ഥ കാരണം, രൂപീകരണം, നിലനിൽപ്പ് എന്നിവയെക്കുറിച്ച് വ്യക്തമായ സമവായം ഇതുവരെ ഉണ്ടായിട്ടില്ല. ഇത് പ്രകൃതിയുടെ അത്ഭുതകരമായതും പൂർണ്ണമായി മനസ്സിലാക്കപ്പെട്ടിട്ടില്ലാത്തതുമായ രഹസ്യങ്ങളിൽ ഒന്നായി തുടരുന്നു.

സിന്ധു നദീജല ഉടമ്പടി..

ഇന്ത്യയും പാകിസ്താനും തമ്മിൽ ലോക ബാങ്കിന്റെ (International Bank for Reconstruction and Development) മധ്യസ്ഥതയിൽ ഉണ്ടാക്കിയ ഒരു ജലവിതരണ കരാറാണ് സിന്ധു നദീജല ഉടമ്പടി (Indus Waters Treaty).

1947-ലെ ഇന്ത്യ-പാക് വിഭജനം സിന്ധു നദീതട ത്തേയും രണ്ടായി മുറിച്ചു. അടിസ്ഥാന ജലസേ ചന ആവശ്യങ്ങൾക്കടക്കം സിന്ധു നദീതടത്തി ൽ നിന്നുള്ള വെള്ളമാണ് മേഖലയിലെ ജനങ്ങൾ ഉപയോ​ഗിച്ചിരുന്നത്. വെള്ളം ഉപയോ​ഗിക്കുന്ന തിൽ ധാരണ വേണമെന്ന ആവശ്യമാണ് സിന്ധു നദീജല കരാറിലെത്തിയത്.1960 സെപ്തംബർ 19 -ന് കറാച്ചിയിൽ വച്ച് ഇന്ത്യയുടെ പ്രധാനമന്ത്രി നെഹ്രുവും, പാകിസ്താൻ പ്രസിഡണ്ട് അയൂബ് ഖാനും ഈ ഉടമ്പടിയിൽ ഒപ്പുവച്ചു. 

ഈ കരാർ പ്രകാരം കിഴക്കോട്ടൊഴുകുന്ന ബിയാസ്, രാവി, സത്ലജ് എന്നീ നദികളുടെ നിയന്ത്രണം ഇന്ത്യയ് ക്കും, പടിഞ്ഞാറോട്ടൊഴുകുന്ന സിന്ധു, ചിനാബ്, ഝലം എന്നീ നദികളുടെ നിയന്ത്രണം പാകിസ്താനും ലഭിച്ചു.
എങ്ങനെ ജലം പങ്കുവയ്ക്കും എന്നുള്ളതായിരു ന്നു കൂടിയ വിവാദങ്ങൾ ഉണ്ടാക്കിയ വ്യവസ്ഥ. പാകിസ്താനിലേക്ക് ഒഴുകുന്ന നദികൾ ആദ്യം ഇന്ത്യയിൽക്കൂടി ഒഴുകുന്നതിനാൽ, അതിലെ ജലം ജലസേചനത്തിനും, യാത്രയ്ക്കും, വൈദ്യു തോൽപ്പാദനത്തിനും ഇന്ത്യയ്ക്ക് ഉപയോഗിക്കാ ൻ വ്യവസ്ഥകൾ ഉണ്ടായിരുന്നു. ഇന്ത്യയിൽക്കൂടി ഒഴുകുന്ന നദികളെ ഇന്ത്യ തിരിച്ചുവിട്ട് പാകിസ് താനിൽ വരൾച്ചയും പട്ടിണിയും ഉണ്ടാകുമോ, പ്രത്യേകിച്ചും യുദ്ധകാലത്ത്, എന്ന പാകിസ്താ ന്റെ പേടിയിൽ നിന്നുമാണ് ഇത്തരം ഒരു കരാർ ഉടലെടുത്തത്.

 1960 -ൽ ഈ കരാർ അംഗീകരിച്ച തിനു ശേഷം വെള്ളത്തിനായി ഇന്ത്യയും പാകിസ്താനും യുദ്ധം ഉണ്ടായിട്ടില്ല. 

കരാറിലെ വ്യവസ്ഥകൾക്കുള്ളിൽ നിന്നുകൊണ്ടുതന്നെ പരാതികളും, തർക്കങ്ങളും പരിഹരിക്കാൻ കഴിഞ്ഞിട്ടുണ്ട്. ഇന്ന് ലോകത്തുള്ള നദീജല പങ്കുവയ്ക്കൽ കരാറുകളിൽ ഏറ്റവും വിജയക രമായ ഒന്നായി സിന്ധു നദീജല ഉടമ്പടിയെ കരുതിപ്പോരുന്നു. കാലാവസ്ഥാ വ്യതിയാനത്തെ യും മറ്റു ചില കാര്യങ്ങളും ഉൾപ്പെടുത്തി കരാർ പുതുക്കേണ്ടതാണെന്ന അഭിപ്രായം നിലവിലു ണ്ടായിരുന്നു. കരാർ പ്രകാരം സിന്ധുനദിയിലെ 20 ശതമാനം വെള്ളം മാത്രമേ ഇന്ത്യയ്ക്ക് ഉപയോഗിക്കാനാവൂ.

1965, 1971, 1999 എന്നീ വർഷങ്ങളിൽ ഇന്ത്യയും പാകിസ്താനും തമ്മിൽ നടന്ന മൂന്ന് യുദ്ധങ്ങ ളിലും ഉടമ്പടിയെ പിടിച്ചുലച്ചിരുന്നില്ല. എന്നാൽ അതിർത്തികളിൽ പാകിസ്താന്റെ തുടർച്ചയായ പ്രകോപനങ്ങളെ തുടർന്ന് കരാർ വീണ്ടും ചർച്ച യിലേക്ക് എത്തി. 

കൂടാതെ ഇന്ത്യ നിർമ്മിക്കുന്ന ജലവൈദ്യുത പദ്ധതികളെ എതിർത്ത് പാകിസ് താൻ രം​ഗത്തെത്തിയിരുന്നു. ഇതിൽ 330 മെഗാ വാട്ടിന്റെ കിഷൻഗംഗ പദ്ധതിയും ഉണ്ട്. 850 മെഗാവാട്ടിന്റെ രത്​ലെ ജലവൈദ്യുത പദ്ധതി യാണ് മാറ്റൊരു പദ്ധതി. പദ്ധതി വരുന്നതോടെ തങ്ങളുടെ ഭാ​ഗത്തേക്കുള്ള വെള്ളത്തിന്റെ ഒഴുക്ക് കുറയുമെന്നായിരുന്നു പാകിസ്താന്റെ വാദം. അതേസമയം കരാറിൽ ഭേദ​ഗതി ആവശ്യമാണെന്ന് ഇന്ത്യ നേരത്തെ മുതൽ ആവശ്യ പ്പെടുന്നകാര്യമായിരുന്നു. കഴിഞ്ഞ വർഷം ഓഗസ്റ്റിൽ, ഉടമ്പടി പുനഃപരിശോധിക്കണം എന്ന് ആവശ്യപ്പെട്ട് ഇന്ത്യ പാകിസ്താന് നോട്ടീസ് നൽകിയിരുന്നു. മൂന്ന് യുദ്ധങ്ങൾ അതിജീവിച്ച കരാറാണ് ഇപ്പോൾ ഇന്ത്യ റദ്ദാക്കിയിരിക്കുന്നത്.

ആഡംബരത്തിന്റെ പ്രതിരൂപം..

ആഡംബരത്തിന്റെ പര്യായമായി മൊബൈൽ ലോകത്ത് വെർട്ടു (Vertu) സ്മാർട്ട്ഫോണുകൾക്ക് ഒരു പ്രത്യേക സ്ഥാനമുണ്ട്.

 

സാധാരണ ഫോണുകളിൽ നിന്ന് വളരെ വ്യത്യസ്തമായി, വിലയേറിയ ലോഹങ്ങളും രത്നങ്ങളും ഉപയോഗിച്ച് കൈകൊണ്ട് നിർമ്മിക്കുന്ന ഈ ഫോണുകൾ ആഡംബരവും എക്സ്ക്ലൂസിവിറ്റിയും ആഗ്രഹിക്കുന്നവർക്ക് വേണ്ടിയുള്ളതാണ്. വെറുമൊരു മൊബൈൽ ഫോൺ എന്നതിലുപരി, ഒരു സ്റ്റാറ്റസ് സിംബൽ എന്ന നിലയിലാണ് വെർട്ടു ഫോണുകൾ അറിയപ്പെടുന്നത്.

പ്രത്യേകതകൾ:

അൾട്രാ പ്രീമിയം നിർമ്മാണം: വെർട്ടു ഫോണുകൾ സാധാരണയായി സഫയർ ക്രിസ്റ്റൽ, ടൈറ്റാനിയം, ലെതർ, സ്വർണ്ണം, പ്ലാറ്റിനം, രത്നങ്ങൾ തുടങ്ങിയ വിലയേറിയ വസ്തുക്കൾ ഉപയോഗിച്ചാണ് നിർമ്മിക്കുന്നത്. ഓരോ ഫോണും വിദഗ്ദ്ധരായ കരകൗശല വിദഗ്ദ്ധർ കൈകൊണ്ട് നിർമ്മിക്കുന്നു, ഇത് അവയ്ക്ക് സമാനതകളില്ലാത്ത രൂപകൽപ്പനയും ഗുണമേന്മയും നൽകുന്നു. ചില മോഡലുകളിൽ 133 കാരറ്റ് സഫയർ ക്രിസ്റ്റൽ ഉപയോഗിച്ച സ്ക്രീനുകൾ കാണാം.

കോൺസിയർജ് സേവനം: വെർട്ടു ഫോണുകളുടെ ഏറ്റവും പ്രധാനപ്പെട്ട ഒരു പ്രത്യേകതയാണ് ഇതിനൊപ്പമുള്ള കോൺസിയർജ് സേവനം. 24 മണിക്കൂറും പ്രവർത്തിക്കുന്ന ഈ സേവനം വഴി ടിക്കറ്റുകൾ ബുക്ക് ചെയ്യുക, ഹോട്ടൽ മുറികൾ റിസർവ് ചെയ്യുക, വിവരങ്ങൾ അന്വേഷിക്കുക തുടങ്ങി ഒട്ടനവധി സേവനങ്ങൾ ലഭിക്കും. ഇത് ഉപയോക്താക്കൾക്ക് ഒരു പേഴ്സണൽ അസിസ്റ്റന്റിനെ ലഭിക്കുന്നത് പോലെയാണ്.

പ്രത്യേക ഫീച്ചറുകൾ: എൻക്രിപ്റ്റ് ചെയ്ത ആശയവിനിമയം, വ്യക്തിഗതമാക്കിയ റിംഗ്\u200cടോണുകൾ (ചിലത് ലണ്ടൻ സിംഫണി ഓർക്കസ്ട്ര കസ്റ്റമൈസ് ചെയ്തവയാണ്), അതുല്യമായ ഡിസൈനുകൾ എന്നിവ വെർട്ടു ഫോണുകളുടെ മറ്റ് പ്രത്യേകതകളാണ്.

കൈകൊണ്ട് നിർമ്മിച്ചത്: ഓരോ വെർട്ടു ഫോണും ഒരു വിദഗ്ദ്ധനായ കരകൗശലക്കാരനാണ് നിർമ്മിക്കുന്നത്, ഇത് ഓരോ ഫോണിനും ഒരു വ്യക്തിഗത സ്പർശം നൽകുന്നു. ഫോൺ നിർമ്മിച്ച കരകൗശലക്കാരന്റെ ഒപ്പും ഫോണിൽ ഉണ്ടാകും.

ഉയർന്ന വില: വെർട്ടു ഫോണുകളുടെ പ്രധാന ആകർഷണവും അതേസമയം പലർക്കും അപ്രാപ്യമാക്കുന്ന ഘടകവും അതിന്റെ ഉയർന്ന വിലയാണ്. മോഡലും ഉപയോഗിക്കുന്ന വസ്തുക്കളും അനുസരിച്ച് ഏതാനും ലക്ഷങ്ങൾ മുതൽ കോടികൾ വരെ വെർട്ടു ഫോണുകൾക്ക് വിലയുണ്ട്. ഉദാഹരണത്തിന്, Vertu Aster P ഫോണിന് ഏകദേശം 89,900 രൂപ വിലയുണ്ടായിരുന്നപ്പോൾ, Signature Cobra Limited Edition ഫോണിന് 2.3 കോടി രൂപ വരെ വിലയുണ്ടായിരുന്നു. പുതിയ മോഡലുകളായ Vertu Metavertu 2, Vertu Ironflip, Vertu Metaflip എന്നിവയ്ക്ക് 4 ലക്ഷം രൂപയ്ക്ക് മുകളിലാണ് വില വരുന്നത്.

കമ്പനി വെബ്സൈറ്റ് 

താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക..👇👇

VERTU MOBILE WEBSITE UK

ബ്രിട്ടീഷ് കമ്പനിയായ വെർട്ടു, നോക്കിയയുടെ ഡിസൈൻ ഡിവിഷന്റെ ഭാഗമായാണ് 1998-ൽ ആരംഭിച്ചത്. 2011 മുതൽ ഒരു സ്വതന്ത്ര കമ്പനിയായി പ്രവർത്തിക്കാൻ തുടങ്ങി. ആഡംബര ഫോൺ വിപണിയിൽ ഒരു മുൻനിര സ്ഥാനമുള്ള കമ്പനിയാണിത്.

സാധാരണക്കാരെ ഉദ്ദേശിച്ചുള്ള ഫോണുകളല്ല വെർട്ടുവിന്റേത്. ഉയർന്ന സാമ്പത്തിക ശേഷിയുള്ളവരും, ആഡംബരം ഇഷ്ടപ്പെടുന്നവരും, തങ്ങളുടെ സാമൂഹിക നിലയെ സൂചിപ്പിക്കുന്ന ഒരു ഗാഡ്ജെറ്റ് ആഗ്രഹിക്കുന്നവരുമാണ് വെർട്ടു ഫോണുകളുടെ പ്രധാന ഉപയോക്താക്കൾ.

വെർട്ടു സ്മാർട്ട്ഫോണുകൾ വെറുമൊരു ആശയവിനിമയ ഉപാധി എന്നതിലുപരി, ആഡംബരത്തിന്റെയും അത്യധികം സൂക്ഷ്മതയോടെയുള്ള കരകൗശലത്തിന്റെയും ഒരു പ്രതീകമാണ്. ഇത് ഒരു ഹൈടെക് ഗാഡ്ജെറ്റ് എന്നതിലുപരി, ഒരു കലാസൃഷ്ടിയായി കണക്കാക്കപ്പെടുന്നു..

ഡാർക്ക് വെബ് എന്ന് കേൾക്കുമ്പോൾ..

ഡാർക്ക് വെബ് എന്ന് കേൾക്കുമ്പോൾ തന്നെ നമ്മുടെ മനസ്സിൽ വരുന്നത് കുറ്റവാളികൾ വിഹരിക്കുന്ന ഇന്റർനെറ്റിന്റെ ഇരുണ്ട ലോകം എന്നാണ്. സിനിമകളും വാർത്തകളും തമാശകളും അതിനെ അപകടം നിറഞ്ഞ ഒരിടമായിട്ടാണ് നമുക്ക് മുന്നിൽ അവതരിപ്പിച്ചിട്ടുള്ളത്.

എന്നാൽ സത്യത്തിൽ, അത് അത്ര "ഇരുണ്ട" ഒരിടമല്ല. നമ്മൾ ചെയ്യുന്ന ഓരോ കാര്യവും നിരീക്ഷിക്കപ്പെടുന്ന ഈ ലോകത്ത്, സ്വകാര്യതയ്ക്കും അഭിപ്രായ സ്വാതന്ത്ര്യത്തിനും വ്യക്തിഗത വിവരങ്ങളുടെ സംരക്ഷണത്തിനും വേണ്ടി നിർമ്മിച്ച ഒരിടമാണെങ്കിലോ?

ഡാർക്ക് വെബിനെക്കുറിച്ച് കൂടുതൽ സംസാരിക്കുന്നതിന് മുൻപ് നമുക്ക് ഒരു കാര്യം മനസ്സിലാക്കാം,

ഇന്റർനെറ്റിന് ഒരു മഞ്ഞുമലയുടേത് പോലെ പല പാളികളുണ്ട്. ഏറ്റവും മുകളിലുള്ള പാളിയാണ് സർഫേസ് വെബ്. നമ്മളെല്ലാവരും ദിവസവും ഉപയോഗിക്കുന്ന ഇന്റർനെറ്റിന്റെ ഭാഗമാണിത്, ഗൂഗിൾ, വിക്കിപീഡിയ, യൂട്യൂബ്, വാർത്താ സൈറ്റുകൾ എന്നിവയെല്ലാം. ഗൂഗിളിൽ തിരയാൻ കഴിയുന്ന എന്തും സർഫേസ് വെബിന്റെ ഭാഗമാണ്. എന്നാൽ ഇത് ഇന്റർനെറ്റിന്റെ വളരെ ചെറിയൊരു ഭാഗം മാത്രമാണ്.

അതിന് താഴെയായി ഡീപ് വെബ് എന്ന വലിയൊരു ഭാഗമുണ്ട്. പാസ്‌വേഡ് ഉപയോഗിച്ച് ലോഗിൻ ചെയ്യേണ്ടതും പണം നൽകി ഉപയോഗിക്കേണ്ടതുമായ കാര്യങ്ങൾ ഇതിൽ ഉൾപ്പെടുന്നു: നിങ്ങളുടെ ഇമെയിൽ, ഓൺലൈൻ ബാങ്കിംഗ്, ആശുപത്രി രേഖകൾ, സ്കൂൾ പോർട്ടലുകൾ എന്നിവയെല്ലാം ഇതിന്റെ ഭാഗമാണ്. ഇത് സ്വകാര്യമാണ്, പക്ഷേ നിയമവിരുദ്ധമോ ദുരൂഹമോ അല്ല. ഇത് എല്ലാവര്ക്കും വേണ്ടിയുള്ളതല്ല എന്ന് മാത്രം.

അവസാനമായി, ഏറ്റവും താഴെയാണ് ഡാർക്ക് വെബ് എന്ന ഒളിഞ്ഞിരിക്കുന്ന പാളി. ക്രോം പോലുള്ള സാധാരണ ബ്രൗസറുകൾ ഉപയോഗിച്ച് നമുക്ക് അതിൽ പ്രവേശിക്കാൻ കഴിയില്ല. അതിനായി ടോർ (Tor) ബ്രൗസർ പോലുള്ള പ്രത്യേക ടൂളുകൾ ആവശ്യമാണ്. ഡാർക്ക് വെബ് ഗൂഗിൾ പോലുള്ള സെർച്ച് എഞ്ചിനുകളിൽ കാണാൻ കഴിയില്ല. അത് മോശമായതുകൊണ്ടല്ല, മറിച്ച് സ്വകാര്യത ഉറപ്പാക്കാനായി മറച്ചുവെച്ചിരിക്കുന്നത് കൊണ്ടാണ്. 

അതെ, ചിലർ ഇതിനെ കുറ്റകൃത്യങ്ങൾക്കായി ഉപയോഗിക്കുന്നുണ്ട്. എന്നാൽ മറ്റു പലരും ഇത് നല്ല കാര്യങ്ങൾക്കായും ഉപയോഗിക്കുന്നു, 

തങ്ങളുടെ വ്യക്തിത്വം രഹസ്യമായി വെക്കുക,, ഭരണകൂടങ്ങളുടെ സെൻസർഷിപ്പ് ഒഴിവാക്കുക, സ്വകാര്യത സംരക്ഷിക്കുക മുതലാവക്കായി.
ഡാർക്ക് വെബ് പോലുള്ള സംവിധാനങ്ങൾ എന്തിനാണ് നിലനിൽക്കുന്നത് എന്ന് മനസ്സിലാക്കാൻ, നമ്മൾ എൻക്രിപ്ഷൻ എന്ന ആശയത്തിലേക്ക് പോകണം.
പണ്ടൊക്കെ നമ്മൾ ഇന്റർനെറ്റ് ഉപയോഗിക്കുമ്പോൾ ഒരു പോസ്റ്റ് കാർഡിൽ പെൻസിൽ കൊണ്ട് എഴുതുന്നത് പോലെയായിരുന്നു. ആ സന്ദേശം കൈമാറുന്ന ആർക്കും, ഇന്റർനെറ്റ് സേവന ദാതാക്കൾക്കോ, ഹാക്കർമാർക്കോ, സർക്കാരുകൾക്കോ പോലും, അത് വായിക്കാൻ കഴിയുമായിരുന്നു. വേണമെങ്കിൽ അതിലെഴുതിയത് മായ്ച്ചുകളഞ്ഞ് മറ്റൊന്ന് എഴുതിച്ചേർക്കാനും സാധിക്കുമായിരുന്നു. ഇത് വെറുമൊരു കഥയല്ല, ആദ്യകാലത്ത് ഇന്റർനെറ്റ് അങ്ങനെയായിരുന്നു പ്രവർത്തിച്ചിരുന്നത്.

അതിന് ശേഷമാണ് എൻക്രിപ്ഷൻ വന്നത്. നിങ്ങളുടെ വിവരങ്ങൾ ഒരു പെട്ടിയിലാക്കി പൂട്ടുന്നതിന് തുല്യമാണിത്. ഒരു താക്കോൽ നിങ്ങളുടെ കൈവശവും മറ്റൊരു താക്കോൽ നിങ്ങൾ ആർക്കാണോ സന്ദേശം അയക്കുന്നത് അവരുടെ കൈവശവും മാത്രം. അതോടെ ആർക്കും നിങ്ങൾ അയക്കുന്ന സന്ദേശം തുറന്നു വായിക്കാൻ കഴിയില്ല.

ഇന്ന് നമ്മുടെ വിവരങ്ങൾ സുരക്ഷിതമാക്കുന്ന ഒരു മികച്ച മാർഗ്ഗമാണ് പബ്ലിക് കീ എൻക്രിപ്ഷൻ. നിങ്ങളുടെ കയ്യിൽ ഒരു തപാൽപെട്ടി ഉണ്ട് എന്ന് സങ്കൽപ്പിക്കുക. ആർക്കുവേണമെങ്കിലും അതിൽ കത്തുകൾ ഇടാം, അതാണ് പബ്ലിക് കീ. എന്നാൽ ആ പെട്ടി തുറക്കാനുള്ള താക്കോൽ നിങ്ങളുടെ കയ്യിൽ മാത്രമേയുള്ളൂ, അതാണ് പ്രൈവറ്റ് കീ. 

അതിനാൽ ആളുകൾക്ക് സുരക്ഷിതമായി നിങ്ങൾക്ക് സന്ദേശങ്ങൾ അയക്കാം, ഒരിക്കൽ പൂട്ടിയാൽ നിങ്ങൾക്ക് മാത്രമേ അത് തുറന്ന് വായിക്കാൻ കഴിയൂ.
ഇനി നമുക്ക് മറ്റൊരു തലം കൂടി ഇതിനോട് ചേർക്കാം, സന്ദേശം സുരക്ഷിതമാക്കുക മാത്രമല്ല, അത് എവിടെ നിന്ന് വരുന്നു എന്ന് മറച്ചുവെക്കുക കൂടി ചെയ്യുക. ഇവിടെയാണ് ടോറും ഓണിയൻ റൂട്ടിംഗ് എന്ന സംവിധാനവും വരുന്നത്.
നിങ്ങൾ ടോർ ബ്രൗസർ ഉപയോഗിക്കുമ്പോൾ, നിങ്ങളുടെ ഇന്റർനെറ്റ് ട്രാഫിക് നേരിട്ട് വെബ്സൈറ്റിലേക്ക് പോകുന്നില്ല. പകരം, അത് ക്രമരഹിതമായ മൂന്ന് കമ്പ്യൂട്ടറുകളിലൂടെ (നോഡുകൾ) കടന്നുപോകുന്നു. ഉള്ളിയുടെ ഓരോ പാളി പൊളിച്ചുമാറ്റുന്നത് പോലെ, ഓരോ ഘട്ടത്തിലും ഓരോ പാളി സംരക്ഷണം നൽകുന്നു.

ആദ്യത്തെ കമ്പ്യൂട്ടറിന് നിങ്ങൾ ഒരു സന്ദേശം അയച്ചു എന്ന് അറിയാം, പക്ഷേ അത് എവിടേക്കാണ് പോകുന്നതെന്ന് അറിയില്ല. രണ്ടാമത്തെ കമ്പ്യൂട്ടർ ഒന്നും അറിയാതെ അത് കൈമാറുക മാത്രം ചെയ്യുന്നു. മൂന്നാമത്തെ കമ്പ്യൂട്ടറിന് സന്ദേശം എവിടേക്കാണ് പോകുന്നതെന്ന് അറിയാം, പക്ഷേ ആരാണ് അയച്ചതെന്ന് അറിയില്ല.

അവസാനം സന്ദേശം ലക്ഷ്യസ്ഥാനത്ത് എത്തുമ്പോഴേക്കും, അയച്ചയാളെയും സ്വീകരിച്ചയാളെയും ഒരുമിച്ച് ആർക്കും തിരിച്ചറിയാൻ കഴിയില്ല. അതാണ് യഥാർത്ഥ സ്വകാര്യത.

മനുഷ്യനേത്രം: സങ്കീർണ്ണതയുടെ അത്ഭുതങ്ങൾ..

ഈ ലോകത്തിൻറെ മുഴുവൻ ഭംഗിയും നാം ആസ്വദിക്കുന്നത് കണ്ണെന്ന ഒരൊറ്റ അവയവം ഉപയോഗിച്ചാണ്.

 .കാഴ്ചയില്ലാത്ത ഒരു ലോകം ചിന്തിച്ചു നോക്കൂ !! 

നാം അറിയാതെ നാം കണ്ടുകൊണ്ടിരിക്കുന്നു അതിനാൽ നാം കാഴ്ചയുടെ വില അറിയുന്നില്ലെന്നതാണ് സത്യം ! മസ്തിസ്ഷം കഴിഞ്ഞാൽ മനുഷ്യശരീരത്തിലെ ഏറ്റവും സങ്കീർണ്ണവും അതി മനോഹരവുമായ ഒരു അവയവമാണ് 28 ഗ്രാം മാത്രം ഭാരമുള്ള മനുഷ്യനേത്രം ,നേത്രവും മസ്തിഷ്കവും തമ്മിൽ കൂടിച്ചേരുമ്പോഴാണ് കാഴ്ച എന്ന മഹാത്ഭുതം സംഭവിക്കുന്നത് വിശദമായി താഴെ സൂചിപ്പിക്കാം ,കണ്ണിൻറെ അത്ഭുതങ്ങളിൽ ചിലവ സൂചിപ്പിക്കാം.

1)കണ്‍പോളകൾ:-നാം അറിയാതെ നാം ദിനേനെ കണ്‍ചിമ്മുന്നു.ഒരു സാധാരണ മനുഷ്യൻ 17 തവണ ഒരു മിനുട്ടിൽ കണ്ണ് ചിമ്മുന്നുണ്ട് .അതായത് ഒരു മണിക്കൂറിൽ 12,00 തവണ , ഒരു ദിവസത്തിൽ 28,800 ഒരാൾ കണ്ണ് ചിമ്മുന്നതായി കണക്കാക്കപ്പെടുന്നു .നിങ്ങളുടെ ഒരു യാത്രത്തിൽ 10% സമയവും നിങ്ങൾ കണ്ണടച്ചാണ് യാത്ര ചെയ്യുന്നതെന്ന് ചുരുക്കം , നാം അറിയാതെ നമ്മുടെ കാഴ്ചയെ ബാധിക്കാതെ നടക്കുന്ന അത്ഭുതപ്രവർത്തനമാണ് കണ്‍ചിമ്മൽ , കണ്ണിനെ വൃത്തിയായി സൂക്ഷിക്കാൻ വേണ്ടിയാണ് ഈ പ്രവർത്തനം .നാം ഓരോ തവണ കണ്‍ചിമ്മുമ്പോഴും ഒരു കാറിൻറെ വൈപർ ഗ്ലാസ് തുടക്കുന്ന പോലെ കണ്ണിനെ വൃത്തിയോടെ സൂക്ഷിക്കാനും നനവുള്ളതാക്കി നിലനിർത്താനും ഈ പ്രവർത്തനം സഹായിക്കുന്നു .ശക്തമായ പ്രകാശം കണ്ണിലേക്ക് വരുമ്പോൾ നാം അറിയാതെ കണ്ണ്‍ ചിമ്മുന്നതും കണ്ണിനെ സംരക്ഷണത്തിൻറെ ഭാഗമാണ്.

2) കണ്ണുനീർ (Tears) :-കണ്ണിനു ലഭിക്കുന്ന ഏറ്റവും ഉത്തമമായ തുള്ളി മരുന്നാണ് കണ്ണുനീർ .കണ്ണിൻറെ ഈർപ്പം നിലനിർത്താനും അണുവിമുക്തമായി സൂക്ഷിക്കാനും കണ്ണുനീർ സഹായിക്കുന്നു .ഒരു ദിവസം മുക്കാൽ ഗ്രാമോളം കണ്ണുനീർ ഒരാളുടെ കണ്ണിൽ ഉൽപാദിപ്പിക്കപ്പെടുന്നു .കണ്ണുനീരിൽ അടങ്ങിയ "ലൈസോസോം"(Lysosome) എന്ന എൻസൈം ശക്തമായ അണുനാശിനിയാണ് . നമ്മുടെ കണ്ണിൽ ഒരു കരട് പോയാൽ നാം അനുഭവിക്കുന്ന ബുദ്ധിമുട്ട് പറയേണ്ടതില്ലല്ലോ ? കണ്ണിൽ കരട് പോകുമ്പോൾ കണ്ണുനീരിൻറെ ഉൽപാദനം വർദ്ധിപ്പിച്ച് കരട് പുറം തള്ളുന്നു .കരടുകൾ കാരണമായി കണ്ണിൻറെ കോർണിയയിൽ ഉണ്ടാകുന്ന സ്ക്രാച്ചുകൾ പരിഹരിക്കാൻ കണ്ണിനു വെറും 48 മണിക്കൂർ സമയം മതി .മറ്റൊരു അത്ഭുതകരമായ വസ്തുതയെന്തെന്നാൽ വിത്യസ്ത കണ്ണുനീരിന് വിത്യസ്ത ഘടനയാണത്രെ .ഉള്ളി അറിയുമ്പോൾ വരുന്ന കണ്ണീരും ,കരഞ്ഞു വരുന്ന കണ്ണീരും ചിരിച്ച് വരുന്ന കണ്ണീരുമെല്ലാം മൈക്രോസ്കോപിലൂടെ പരിശോധിച്ചാൽ വെത്യസ്ത ഘടനകളാണെന്ന് ഗവേഷകർ സ്ഥിതീകരിക്കപ്പെട്ടിട്ടുണ്ട് , Topography of Tears എന്ന് ഗൂഗിൾ ചെയ്‌താൽ അതിൻറെ വെത്യസ്ത ചിത്രങ്ങൾ നിങ്ങൾക്ക് കാണാൻ സാധിക്കും .

3 നാം ഒരു ക്യാമറയിൽ ഫോട്ടോ എടുക്കുന്നതിനു ഏറ്റവും സമയം വേണ്ടത് ചിത്രം ഫോക്കസ് ചെയ്യാനാണ് ,എന്നാൽ കണ്ണു കൊണ്ട് ഒരു വസ്തു കാണുമ്പോൾ നാം അറിയാതെ കണ്ണിലെ ലെൻസ്‌ (lenses) ഫോക്കസ് നിർവ്വഹിക്കുന്നു . ക്യാമറയിൽ നാം ലെൻസ്‌ മുന്നോട്ടും പിന്നോട്ടും ചലിപ്പിക്കുകയാണ് ചെയ്യുന്നതെങ്കിൽ നമ്മുടെ കണ്ണിൽ ലെൻസിൻറെ സ്ഥാനം മാറുന്നില്ല മറിച്ച് അതിൻറെ വക്രത (CURVATURE) മാറുന്നു .ഉദാഹരണത്തിനു നാം അകലെയുള്ള ഒരു വസ്തുവിനെ കാണുമ്പോൾ ലെൻസിനു ചുറ്റുമുള്ള പേശികൾ (Ciliary muscle) ചുരുങ്ങി വാസ്തുവിന്റെ അകലത്തിനനുസരിച്ച് ലെൻസ്‌ കൂടുതൽ ഗോളാകൃതി പ്രാപിക്കുന്നു .വസ്തുവിൻറെ ദൂരത്തിനു അനുസൃതമായി സീലിയറി പേശികൾ എത്ര സങ്കോചിക്കണമെന്ന് നിർദ്ദേശം ലഭിക്കുന്നത് തലച്ചോറിൽ നിന്നാണ് ! മാസ്തിഷ്കത്തിന്റെ ഈ നിർദ്ദേശത്തിനനുസരിച്ച് പേശികൾ സങ്കോചിപ്പിച്ച് ലെൻസിൻറെ വക്രത വേണ്ട അളവിൽ മാറ്റം വരുത്തുന്നതിനാൽ നമുക്ക് കൃത്യമായി ഫോക്കസ് ചെയ്യാൻ സാധിക്കുന്നു .നാം ഒരു ക്യാമറയിൽ ഇതേ പ്രവർത്തനം ചെയ്യാൻ എത്ര സമയമെടുക്കും ? എന്നാൽ ഒരു സെക്കൻറിൻറെ എത്രയോ ചെറിയ സമയത്തിൽ കണ്ണ് ഇതെല്ലാം നിർവ്വഹിക്കുന്നു എന്നോർക്കണം !

4) ക്യാമറയിൽ ഡയഫ്രം(Diaphragm) പ്രകാശത്തിൻറെ തീവ്രതക്കനുസരിച്ച് അതിൻറെ വിസ്ത്രീർണ്ണത്തിൽ മാറ്റം വരുത്തുമ്പോൾ കണ്ണിൽ അതേ പ്രവർത്തനം ചെയ്യുന്നത് കൃഷണമണിയാണ് .പ്രകാശത്തിൻറെ തീവ്രതക്കനുസരിച്ച് കൃഷണമണിയുടെ വലിപ്പം വെത്യാസപ്പെടുന്നു .വലിയ വെളിച്ചത്തിൽ ചുരുങ്ങുകയും ചെറിയ വെളിച്ചത്തിൽ അവ കൂടുതൽ വികസിക്കുകയും ചെയ്യുന്നു . ഇതിനാലാണ് പ്രകാശം കൂടിയ സ്ഥലത്ത് നിന്ന് പ്രകാശം കുറഞ്ഞ സ്ഥലത്തേക്ക് പെട്ടന്നു കയറുമ്പോൾ നമുക്ക് കാഴ്ചക്ക് മങ്ങൽ അനുഭവപ്പെടുന്നത് .

5) നമ്മുടെ കണ്ണ് ഒരു ക്യാമറയായിരുന്നെങ്കിൽ അതിൻറെ റെസൊല്യൂഷൻ(Resolution) 576 Megapixel ആയിരിക്കുമത്രേ .

6) 28 ഗ്രാം മാത്രം ഭാരമുള്ള മനുഷ്യനേത്രം 20 ലക്ഷത്തോളം പ്രവർത്തന ഭാഗങ്ങളുള്ള (Working parts) അതിസങ്കീർണ്ണ അവയവമാണ് ! ഓരോ മണിക്കൂറിലും 36,000 വിവരങ്ങൾ Process ചെയ്യാൻ നമ്മുടെ കണ്ണിനു സാധിക്കുന്നു . ഒരു സെക്കന്റിൽ മാത്രം അൻപത് കാര്യങ്ങളിൽ വരെ കണ്ണിനു ഫോക്കസ് ചെയ്യാൻ സാധിക്കുന്നു .

7)നമ്മുടെ കണ്ണിലെ റെറ്റിനയിൽ 107 മില്ല്യണ്‍ പ്രകാശസംവേദിയായ(Photosensitive) പ്രത്യേക കോശങ്ങളുണ്ട് . ഇവ കണ്ണിൽ വരുന്ന പ്രകാശത്തെ വൈദ്യുത സ്പന്ദനങ്ങളാക്കി മാറ്റുന്നു . രണ്ടു തരം കോശങ്ങളാണിവ റോഡ്‌ കോശങ്ങളും കോണ്‍ കോശങ്ങളും .നമുക്ക് ബ്ലാക്ക് & വൈറ്റ് കാഴ്ച സാധ്യമാക്കുന്നത് റോഡ്‌ കോശങ്ങളാണ് ,നമുക്ക് നിറങ്ങൾ കാണാൻ സാധിക്കുന്നത് കോണ്‍ കോശങ്ങളുള്ളതിനാലാണ്.മൊത്തം 107 ൽ 100 മില്ല്യണ്‍ റോഡ്‌ കോശങ്ങളും ബാക്കി 7 മില്ല്യണ്‍ കോണ്‍ കോശങ്ങളുമാണ് .

8 മനുഷ്യനേത്രത്തിനു ഒരു കോടിയോളം വെത്യസ്ഥ വർണ്ണങ്ങൾ തിരിച്ചറിയാനുള്ള കഴിവുണ്ട് .യഥാർത്ഥത്തിൽ നമ്മുടെ കണ്ണുകൾക്ക് 3 പ്രാഥമിക വർണ്ണങ്ങൾ മാത്രമേ കാണാൻ സാധിക്കൂ . നാം കാണുന്ന മറ്റു വർണ്ണങ്ങളെല്ലാം ഈ മൂന്ന് നിറങ്ങളുടെ വെത്യസ്ത കോമ്പിനേഷൻ മാത്രമാണ് . വർണ്ണാന്ധത (Colour blindness) ബാധിച്ചവർക്ക് ഈ മൂന്നിൽ ഒരു വർണ്ണം കാണുവാനുള്ള ശേഷി നഷ്ടപ്പെടുകയാണ് ചെയ്യുന്നത് . 

9) നാം സ്ഥിരമായി കേൾക്കാറുള്ള നേത്രദാനവും മറ്റും കോർണിയ മാറ്റി വെക്കുന്ന ശസ്ത്രക്രിയയാണ് (Corneal transplantation) എന്നാൽ കണ്ണ് പൂർണ്ണമായും മാറ്റിവെക്കൽ ശാസ്ത്രക്രിയ ഇന്നും നമുക്ക് വിജയകരമായി നടത്താൻ സാധിച്ചിട്ടില്ല ,അതിൻറെ കാരണം പ്രകാശ നാഡിയുടെ (Optic nerve) അതിസങ്കീർണ്ണതയാണ് .നാം കാണുന്ന കാഴ്ചയുടെ വിവരങ്ങൾ കണ്ണിലെ പ്രത്യേക കോശങ്ങൾ വൈദ്യുതസ്പന്ദനങ്ങളാക്കി മാറ്റി അവ മസ്തിഷ്കത്തിലെത്തുന്നത് ഈ പ്രകാശനാഡിയിലൂടെയാണ് .50 മില്ലീമീറ്റർ മാത്രം വലുപ്പം വരുന്ന ഇവയ്ക്കുള്ളിൽ പത്ത് ലക്ഷത്തിലേറെ അതിസൂക്ഷ്മമായ നാഡീ ശ്രിംഘലകളുണ്ട് .ഇവ ഒരിക്കൽ മുറിച്ചാൽ പിന്നീട് കൂട്ടിച്ചേർക്കാൻ സാധ്യമല്ല ! അതിനാൽ മുഴുവൻ കണ്ണും മാറ്റി വെക്കുന്ന ശാസ്ത്രക്രിയ ഇന്നും നമുക്ക് സാധ്യമായിട്ടില്ല .

10 ) യഥാർത്ഥത്തിൽ നാം കാണുന്നത് കണ്ണുകൊണ്ടല്ല എന്ന് പറയുന്നതാകും ശരി ,അതായത് കാഴ്ച എന്ന അനുഭവം സൃഷ്ടിക്കുന്നത് മസ്തിഷ്കമാണ് . കണ്ണിന് ഒരു മോണിറ്ററിൻറെ റോൾ മാത്രമാണുള്ളത് ,വ്യക്തമാക്കാം ,

കണ്ണു കൊണ്ട് മാത്രമാണ് നാം ഈ ലോകം കാണുന്നതെങ്കിൽ തലതിരിഞ്ഞ ഒരു ദ്വിമാന ചിത്രമാകും (2D) നാം അനുഭവിക്കുക ,വസ്തുവിൻറെ അകലവും ആഴവുമൊന്നും നമുക്ക് ഒരിക്കലും തിരിച്ചറിയാൻ സാദ്ധ്യമാകുമായിരുന്നില്ല , ഇരു കണ്ണുകളിലൂടെയും നാം കാണുന്ന തലതിരിഞ്ഞ ദ്വിമാന ചിത്രങ്ങൾ വൈദ്യുത സിഗിനൽ ആക്കി മാറ്റി (ഒരു വോൾട്ടിൻറെ പത്ത് ലക്ഷത്തിൽ ഒരംശം മാത്രമാണ് ഈ സിഗിനൽ) പ്രകാശനാഡിയിലൂടെ തലച്ചോറിലെ വിഷ്വൽ കോർട്ടെക്സ്‌ (Visual cortex) എന്ന ഭാഗത്തെത്തുന്നു .അവിടെ വെച്ച് ഈ ചിത്രങ്ങളെ പ്രൊസസ് ചെയ്യപ്പെട്ട് വസ്തുവിൻറെ ആഴവും ദൂരവും വ്യക്തമാകുന്ന രൂപത്തിൽ 3D ചിത്രങ്ങളാക്കി മാറ്റുന്നു .ഇത്രയും പ്രവർത്തനങ്ങൾ സംഭവിക്കുന്നത് സെക്കനറിന്റെ പത്തിലൊന്ന് സമയത്താണെന്ന് ഓർക്കണം !.

അത്ഭുതകരമായ ഒരു വസ്തുത പറയാം , നാം കാണുന്നത് തലകീഴായിട്ടാണെന്നും തലച്ചോറിൽ നിന്നാണ് നേരെയുള്ള ചിത്രം വരുന്നതെന്നും സൂചിപ്പിച്ചല്ലോ ? ഒരാൾ വസ്തുക്കളെ തലകീഴായി കാണാൻ സാധിക്കുന്ന ഒരു കണ്ണട ധരിച്ചെന്നു കരുതുക , അപ്പോൾ എന്ത് സംഭവിക്കുമെന്ന് അറിയുമോ ? വസ്തുക്കളെ നാം കണ്ണാടിയിലൂടെ തലതിരിച്ച് കാണും ,പക്ഷെ നാലോ അഞ്ചോ ദിവസം കൊണ്ട് നമ്മുടെ മസ്തിഷം ഈ അവസ്ഥയെ പഠിച്ച് നേരായ ചിത്രം കാണിച്ചു തരുന്നു .അതായത് തലതിരിഞ്ഞ് കാണുന്ന കണ്ണട നിങ്ങൾ ധരിച്ചാലും മസ്തിഷ്കം ചിത്രത്തെ നേരേയാക്കി കാണിച്ചു തരുന്നു ,ഇതിനെ Perceptual Adaptation എന്നാണറിയപ്പെടുന്നത് .

11) നാം കാണുന്ന ഓരോ കാഴ്ചകളും മസ്തിഷ്കത്തിൻറെ ചെറിയ ഒരു ഭാഗത്ത് സൂക്ഷിച്ചു വെക്കുന്നു. ഇതിനാലാണ് നാം വീണ്ടും ആ കാഴ്ച കാണുമ്പോൾ പെട്ടെന്നു തിരിച്ചറിയാൻ സാധിക്കുന്നത് . ഒരാളെ മുഖം ഒരുതവണ കണ്ടാൽ നാം പിന്നീട് കാണുമ്പോൾ തിരിച്ചറിയുന്നതെല്ലാം ഇക്കാരണത്താലാണ്. കണ്ണുണ്ടായാൽ പോര കാണാൻ എന്നർത്ഥം !

 എളുപ്പത്തിൽ മനസ്സിലാക്കാൻ മൂന്നു വിചിത്ര ഉദാഹരണങ്ങൾ സൂചിപ്പിക്കാം.

A) മസ്തിഷ്കത്തിൻറെ കുഴപ്പംമൂലമുണ്ടാകുന്ന Prosopagnosia അഥവാ face blindness എന്ന അപൂർവ്വ രോഗം ബാധിച്ചവർക്ക്

നാം സ്ഥിരം കാണുന്ന മുഖങ്ങൾ പെട്ടെന്ന് തിരിച്ചറിയാനുള്ള ശേഷി നഷ്ടപ്പെടുന്നു എന്നാൽ അയാളുടെ കാഴ്ചക്ക് ഒരു തകരാറുമുണ്ടാകില്ല !

B) മസ്തിഷ്കത്തിൻറെ കുഴപ്പം മൂലമുണ്ടാകുന്ന മറ്റൊരു രോഗമാണ് Akinetopsia അഥവാ Motion blindness ഈ രോഗം ബാധിച്ചവരുടെ കാഴ്ചക്ക് യാതൊരു തകരാറുമുണ്ടാകില്ല എന്നാൽ കാണുന്ന ചിത്രങ്ങൾ ഇടക്കിടെ നിശ്ചലമാകുന്നു ! അതായത് ഒരാൾ ഓടി വരുന്നത് ഇവർ കാണുന്നതിനിടെ ഇടയ്ക്കിടെ സ്റ്റക്ക് ആകും ,അയാൾ ഒരു പക്ഷെ ഓടി തീർന്നാലും ഇവർ അവരുടെ സ്റ്റിൽ ഇമേജുകൾ കണ്ടു കൊണ്ടിരിക്കും , നാം കാണുന്ന ചിത്രങ്ങളെ കൂട്ടിചേർക്കാൻ തലച്ചോറിനു കഴിയാതെ വരുമ്പോഴാണ് ഈ വിചിത്ര രോഗം സംഭവിക്കുന്നത് .

C) Visual agnosia : ഈ രോഗത്തിൽ നാം കാണുന്നതൊന്ന് എന്നാൽ മസ്തിഷ്കം നൽകുന്ന ചിത്രം മറ്റൊന്ന് !! അതായത് ഒരു വടിയെ അയാൾ ഒരു കെട്ടിടമായി കാണുന്നു ( ഇതിനു മുൻപ് ഈ വിചിത്ര രോഗത്തെ ഞാൻ വിശദീകരിച്ചിട്ടുണ്ട്)

12) നമ്മുടെ കണ്ണുകൾ ഉറക്കത്തിലും ചലിച്ചുകൊണ്ടിരിക്കുന്നുണ്ട് ഇതിനെ Rapid eye movement sleep, or REM എന്നറിയപ്പെടുന്നു . സ്കീസോഫ്രീനിയ എന്ന രോഗത്തിൻറെ 98% കൃത്യമായ നിർണ്ണയത്തിന് കണ്ണുകളുടെ ചലനമാണ് പരിശോധിക്കപ്പെടുന്നത് .

14) ഓരോ മനുഷ്യരുടെ കണ്ണുകളും അവരുടെ വിരലടയാളം പോലെ വെത്യസ്തമാണ് .നമ്മുടെ ശരീരത്തിലെ ഇത്തരം അതുല്യമായ സവിശേഷതകൾ (Unique Characteristics) സുരക്ഷാസംവിധാനങ്ങൾക്ക് വേണ്ടി ഉപയോഗിക്കാറുണ്ട് , ഇന്ന് മൊബൈൽ ഫോണുകളിൽ പോലും ഫിംഗർ പ്രിൻറ് സെൻസർ ഉപയോഗിച്ച് വരുന്നു . ഇത്തരത്തിൽ മനുഷ്യൻറെ സ്വന്തമായ സവിശേഷതകൾ ഉപയോഗിച്ച് സുരക്ഷാസംവിധാനമൊരുക്കുന്ന പുതിയ ശാസ്ത്ര സംവിധാനമാണ് Biometrics .ഈ രംഗത്ത് മനുഷ്യൻറെ വിരലടയാളത്തേക്കാൾ സുരക്ഷിതമാണ് നമ്മുടെ കണ്ണുകൾ എന്നത് ഏറെ അത്ഭുതപ്പെടുത്തുന്നതാണ് . 

ഒരാളുടെ വിരലടയാളത്തിൽ 40 അതുല്യമായ (Unique) സവിശേഷതകൾ ഉണ്ടെങ്കിൽ കണ്ണിൽ 256 ഓളം അതുല്യമായ സവിശേഷതകൾ ഉണ്ടത്രേ.

രണ്ടു തരം സ്കാനിംഗുകൾ ഉണ്ട് 

Retinal scanning മറ്റൊന്ന് Iris scanning 

 റെറ്റിനൽ സ്കാനിംഗിൽ കണ്ണിലെ രക്തധമനികളുടെ പാറ്റേണ്‍ ആണ് സ്കാൻ ചെയ്യുന്നത്.. 

ലോകത്തെ കോടാനുകോടി മനുഷ്യരുടെയും കണ്ണിലെ രക്തധമനികളുടെ പാറ്റേണ്‍ വിരലടയാളം പോലെ തികച്ചും വിഭിന്നമാണ്.അതിനാലാണ് ഏറ്റവും നല്ല സുരക്ഷാ സംവിധാനമായി ഇത് ഉപയോഗിക്കാൻ സാധിക്കുന്നത് .

കണ്ണിൻറെ സവിശേഷതകൾ ഇനിയും നിരവധിയാണ് ,പ്രധാനപ്പെട്ട ചിലത് സൂചിപ്പിച്ചെന്നു മാത്രം , ഈ ചെറിയ അവയവത്തിൻറെ പ്രവർത്തനങ്ങൾ മുഴുവനായി ഇന്നും നമുക്ക് ഗ്രഹിക്കാൻ സാധിച്ചിട്ടില്ല !.നൂറുക്കണക്കിന് മനുഷ്യരുടെ ആജീവാനന്തര പരിശ്രമവും ബുദ്ധിയും ഉപയോഗിച്ച് നാം ഇന്ന് ഉണ്ടാക്കിയ ഏറ്റവും ലേറ്റസ്റ്റ് ക്യാമറ പോലും കണ്ണിൻറെ നാലയലത്ത് വരില്ല..

നാം കാണുന്ന ഓരോ കാഴ്ചയും വലിയ അനുഗ്രഹമാണ് . അത് നാം അറിയുന്നില്ല എന്നതാണ് സത്യം . ഒരു നിമിഷം നിങ്ങൾക്ക് കാഴ്ച നഷ്ടപ്പെട്ടാൽ അതോടെ നിങ്ങളുടെ മുഴുവൻ ജീവിത സ്വപ്നങ്ങളും മറന്ന് ആ കാഴ്ച തിരിച്ചു കിട്ടണം എന്ന ചിന്തമാത്രമാകും നിങ്ങളുടെ മനസ്സിൽ !!

രഹസ്യം ചോർത്തുന്ന കൊതുക് ഡ്രോണുകൾ..

ചൈനയുടെ നാഷണൽ യൂണിവേഴ്സിറ്റി ഓഫ് ഡിഫൻസ് ടെക്നോളജി (NUDT) കൊതുകിന്റെ വലുപ്പമുള്ള ഒരു ചാര ഡ്രോൺ വികസിപ്പിച്ചു. വെറും 0.6 സെന്റിമീറ്റർ മാത്രം വലുപ്പമുള്ള ഈ നാനോ ഡ്രോൺ, റഡാറുകളുടെ കണ്ണുവെട്ടിച്ച് പറക്കാൻ ശേഷിയുള്ളതാണ്. 

വിരൽത്തുമ്പിൽ ഒതുങ്ങുന്ന ഈ ഉപകരണത്തിന്, ഇതിൽ ഘടിപ്പിച്ചിട്ടുള്ള മൈക്രോ ക്യാമറയും മൈക്രോഫോണും ഉപയോഗിച്ച് ഉയർന്ന നിലവാരത്തിലുള്ള ദൃശ്യങ്ങളും ശബ്ദങ്ങളും പകർത്താൻ സാധിക്കും.  കെട്ടിടങ്ങൾക്കുള്ളിൽ പോലും ശബ്ദരഹിതമായി പറന്ന് വിവരങ്ങൾ ശേഖരിക്കാൻ കഴിവുള്ളതിനാൽ ഇതിനെ കണ്ടെത്തുക ഏറെക്കുറെ അസാധ്യമാണ്. 

സൈനിക നിരീക്ഷണത്തിനും രഹസ്യാന്വേഷണത്തിനും വേണ്ടി നിർമ്മിച്ച ഈ സാങ്കേതികവിദ്യ, വ്യക്തികളുടെ സ്വകാര്യതയ്ക്കും ആഗോള സുരക്ഷയ്ക്കും വലിയ ഭീഷണിയുയർത്തുന്നുവെന്ന് വിദഗ്ധർ ആശങ്കപ്പെടുന്നു.  അമേരിക്കയും നോർവേയും ഉൾപ്പെടെയുള്ള മറ്റു രാജ്യങ്ങളും സമാനമായ ഡ്രോണുകൾ വികസിപ്പിക്കുന്നുണ്ടെങ്കിലും, ചൈനയുടെ ഈ മുന്നേറ്റം ലോകമെമ്പാടും വലിയ ചർച്ചകൾക്ക് വഴിവെച്ചിരിക്കുകയാണ്. 

ടുവാലുവിനു സഹായഹസ്തവുമായി ഓസ്ട്രേലിയ..

കാലാവസ്ഥാ വ്യതിയാനം കാരണം ഒരപൂർവമായ പ്രതിസന്ധി നേരിടുകയാണ് പസിഫിക്കിലെ ദ്വീപരാഷ്ട്രമായ ടുവാലു. 

ഈ വർഷം മുതൽ ടുവാലു നിവാസികൾ ഓസ്‌ട്രേലിയയിലേക്ക് കുടിയേറ്റം തുടങ്ങുകയാണ്. ഓസ്‌ട്രേലിയ ഏർപ്പെടുത്തിയ ഒരു പ്രത്യേക വീസ സംവിധാനമാണ് ഇതിനു വഴിയൊരുക്കിയത്. ഏകദേശം അയ്യായിരത്തിലധികം ആളുകളാണ് ഈ വീസയ്ക്ക് അപേക്ഷ നൽകിയിരിക്കുന്നത്.

എല്ലാവർഷവും 280 ടുവാലുക്കാർക്ക് ഓസ്‌ട്രേലിയയിലേക്ക് കുടിയേറ്റം നടത്താനാണ് അവസരം. ആകെ 11000 പേരാണു ടുവാലുവിൽ താമസം. ഓസ്‌ട്രേലിയയ്ക്കും ഹവായിക്കും ഇടയ്ക്കുള്ള സമുദ്രമേഖലയിലാണു ടുവാലു സ്ഥിതി ചെയ്യുന്നത്. 9 ദ്വീപുകളാണ് ഈ രാജ്യത്തിൽ ഉൾപ്പെട്ടിരിക്കുന്നത്. ഓരോ ദ്വീപിനെയും ചുറ്റി പവിഴപ്പുറ്റുകളുമുണ്ട്. ടുവാലുവിന്റെ ഏറ്റവും ഉയർന്ന ബിന്ദു സമുദ്രനിരപ്പിൽനിന്നു നാലര മീറ്റർ ഉയരത്തിലാണു സ്ഥിതി ചെയ്യുന്നത്.

എന്നാൽ ടുവാലുവിന്റെ ശരാശരി ഉയരം സമുദ്രനിരപ്പിൽനിന്നു വെറും 2 മീറ്റർ മാത്രമാണ്. ഇതാണു ടുവാലുവിനെ പ്രതിസന്ധിയിലാക്കുന്ന പ്രധാനപ്പെട്ട ഒരു കാര്യം. പ്രളയം കടലാക്രമണം തുടങ്ങിയവയ്ക്കുള്ള സാധ്യത ഇവിടെ ഏറെയാണ്. 2050 കഴിയുന്നതോടെ ഈ രാജ്യത്തെ ഭൂരിഭാഗം നിർമിതികളും സമുദ്രഭീഷണിയിലാകുമെന്നു ഗവേഷകർ മുന്നറിയിപ്പു നൽകുന്നു.

കടൽജലം ജലവിതരണത്തെയും ശുദ്ധജല സംഭരണികളെയുമൊക്കെ ഭീഷണിയിലാക്കുന്നുണ്ട്. ഓസ്‌ട്രേലിയ ടുവാലു ഫാലെപിലി യൂണിയൻ ട്രീറ്റി എന്നാണു പുതിയ ഉടമ്പടിക്കു നൽകിയിരിക്കുന്ന പേര്. ഇതാദ്യമായാണ് ഒരു രാജ്യത്തെ മൊത്തത്തിൽ മാറ്റി പാർപ്പിക്കാനുള്ള ഒരു പദ്ധതി തയാറാകുന്നത്. ഓസ്‌ട്രേലിയയിൽ പഠിക്കാനും ജീവിക്കാനും മറ്റ് ആനുകൂല്യങ്ങൾ നേടാനുമൊക്കെ ടുവാലു പൗരൻമാർക്ക് ഇതോടെ സാധിക്കും..

വിമാനയാത്രയുടെ ഭാവി..

വിമാനയാത്രയുടെ ലോകത്ത് വിപ്ലവം സൃഷ്ടിച്ചുകൊണ്ട് Beta Technologies വികസിപ്പിച്ചെടുത്ത ALIA CX300 ഇലക്ട്രിക് വിമാനം പുതിയൊരു അധ്യായം കുറിച്ചിരിക്കുകയാണ്.

 പരിസ്ഥിതി സൗഹൃദവും ചെലവ് കുറഞ്ഞതുമായ ഈ വിമാനം വ്യോമയാന മേഖലയ്ക്ക് വലിയ പ്രതീക്ഷകളാണ് നൽകുന്നത്.

ഒരു പുതിയ യുഗത്തിന്റെ തുടക്കം

അടുത്തിടെ ALIA CX300 വിമാനം യാത്രക്കാരുമായി 130 കിലോമീറ്റർ ദൂരം വിജയകരമായി പറന്നു എന്നത് ലോക ശ്രദ്ധ ആകർഷിച്ചിരുന്നു. അമേരിക്കയിലെ ഈസ്റ്റ് ഹാമ്പ്ടണിൽ നിന്ന് ന്യൂയോർക്കിലെ ജെ.എഫ്.കെ വിമാനത്താവളത്തിലേക്കായിരുന്നു ഈ ചരിത്രപരമായ യാത്ര. കേവലം 30 മിനിറ്റിനുള്ളിൽ ഈ ദൂരം പിന്നിട്ടത്, വൈദ്യുത വിമാനങ്ങളുടെ സാധ്യതകൾ എത്രത്തോളമാണെന്ന് തെളിയിക്കുന്ന ഒന്നാണ്. ഏറ്റവും ശ്രദ്ധേയമായ കാര്യം, ഈ യാത്രയ്ക്ക് ഇന്ധനച്ചെലവായി വെറും 700 രൂപയിൽ താഴെ (ഏകദേശം $8) മാത്രമാണ് വന്നത് എന്നതാണ്. ഒരു ഹെലികോപ്റ്ററിന് ഇതേ ദൂരം പറക്കാൻ 13,000 രൂപയിലധികം ചെലവ് വരുമെന്നിരിക്കെ, ALIA CX300-ന്റെ ഈ നേട്ടം വളരെ വലുതാണ്.

ചെലവ് കുറഞ്ഞ യാത്ര: 

പരമ്പരാഗത വിമാനങ്ങളെയോ ഹെലികോപ്റ്ററുകളെയോ അപേക്ഷിച്ച് വളരെ കുറഞ്ഞ ഇന്ധനച്ചെലവാണ് ALIA CX300-ന്റെ പ്രധാന ഇത് ഭാവിയിൽ യാത്രാ നിരക്കുകൾ കുറയ്ക്കാൻ സഹായിക്കും.

പൂർണ്ണമായും വൈദ്യുതിയിൽ പ്രവർത്തിക്കുന്നതിനാൽ, കാർബൺ ബഹിർഗമനം ഇല്ലാതാക്കുന്നു. ഇത് കാലാവസ്ഥാ വ്യതിയാനത്തെ ചെറുക്കുന്നതിൽ വലിയൊരു ചുവടുവയ്പ്പാണ്.

ഇലക്ട്രിക് മോട്ടോറുകൾ ഉപയോഗിക്കുന്നതിനാൽ, വിമാനം വളരെ ശാന്തമായാണ് പറക്കുന്നത്. ഇത് യാത്രക്കാർക്ക് കൂടുതൽ സുഖകരമായ അനുഭവം നൽകുന്നു. സാധാരണ വിമാനങ്ങളിലെ എഞ്ചിൻ ശബ്ദം ഇല്ലാത്തതിനാൽ യാത്രക്കാർക്ക് പരസ്പരം സംസാരിക്കാനും എളുപ്പമാണ്.

ഏകദേശം 463 കിലോമീറ്റർ (250 നോട്ടിക്കൽ മൈൽ) ദൂരം ഒറ്റ ചാർജിൽ പറക്കാൻ ALIA CX300-ന് സാധിക്കും. ഇത് ഹ്രസ്വ ദൂര യാത്രകൾക്കും പ്രാദേശിക റൂട്ടുകൾക്കും വളരെ അനുയോജ്യമാണ്.

Beta Technologies സുരക്ഷയ്ക്ക് വലിയ പ്രാധാന്യം നൽകുന്നുണ്ട്. കർശനമായ പരീക്ഷണങ്ങൾക്കും പരിശോധനകൾക്കും ശേഷമാണ് വിമാനം പുറത്തിറക്കുന്നത്.

2025 അവസാനത്തോടെ ഫെഡറൽ ഏവിയേഷൻ അഡ്മിനിസ്ട്രേഷനിൽ (FAA) നിന്ന് സർട്ടിഫിക്കേഷൻ നേടാൻ Beta Technologies ലക്ഷ്യമിടുന്നു. ഇത് വാണിജ്യാടിസ്ഥാനത്തിലുള്ള പ്രവർത്തനങ്ങൾക്ക് വഴിയൊരുക്കും.

ALIA CX300 ഒരു കൺവെൻഷണൽ ടേക്ക്ഓഫ് ആൻഡ് ലാൻഡിംഗ് (CTOL) വിമാനമാണ്, അതായത് സാധാരണ വിമാനങ്ങളെപ്പോലെ റൺവേ ഉപയോഗിച്ച് ടേക്ക്ഓഫ് ചെയ്യാനും ലാൻഡ് ചെയ്യാനും ഇതിന് സാധിക്കും. Alia 250 eVTOL (electric Vertical Takeoff and Landing) എന്നൊരു പതിപ്പും Beta Technologies വികസിപ്പിക്കുന്നുണ്ട്. ഇതിന് ലംബമായി പറന്നുയരാനും താഴാനും സാധിക്കുന്നതിനാൽ ഹെലിപാഡുകൾ പോലുള്ള ചെറിയ സ്ഥലങ്ങളിൽ നിന്നും ഇത് പ്രവർത്തിപ്പിക്കാൻ കഴിയും.

നഗരങ്ങളിലെ ഗതാഗതക്കുരുക്ക് കുറയ്ക്കാനും കാർബൺ പുറന്തള്ളൽ നിയന്ത്രിക്കാനും വൈദ്യുത വിമാനങ്ങൾ വലിയൊരു പരിഹാരമാണ്. കുറഞ്ഞ ചെലവിൽ, വേഗത്തിൽ യാത്ര ചെയ്യാൻ സാധിക്കുന്നത് യാത്രാ മേഖലയിൽ വലിയൊരു മാറ്റം കൊണ്ടുവരും. ആർച്ചർ ഏവിയേഷൻ പോലുള്ള മറ്റ് കമ്പനികളും ഇലക്ട്രിക് എയർ ടാക്സികൾ വികസിപ്പിക്കുന്നതിൽ മുന്നോട്ട് പോകുന്നുണ്ട്. വൈദ്യുത കാറുകൾ റോഡ് ഗതാഗതത്തിൽ വരുത്തിയ മാറ്റങ്ങൾക്ക് സമാനമായി, വൈദ്യുത വിമാനങ്ങൾ വ്യോമയാന മേഖലയിലും വിപ്ലവം സൃഷ്ടിക്കുമെന്നാണ് പ്രതീക്ഷിക്കുന്നത്.

ചുരുക്കത്തിൽ, ALIA CX300 ഇലക്ട്രിക് വിമാനം സുസ്ഥിരമായ വ്യോമയാനത്തിന്റെ ഭാവിയിലേക്കുള്ള വാഗ്ദാനമായ ഒരു ചുവടുവെയ്പ്പാണ്.

പവർ ബാങ്ക് ഉപയോഗത്തിന് നിയന്ത്രണം ഏർപ്പെടുത്തി വിമാന കമ്പനികൾ..

കൊറിയൻ എയർലൈൻ കമ്പനിയായ എയർ ബൂസനിൽ സംഭവിച്ച തീ പിടുത്തത്തിന് ശേഷം സിംഗപ്പൂർ എയർലൈൻസ്, കോണ്ടസ്, വെർജിൻ ഓസ്ട്രേലിയ എന്നീ വിമാന കമ്പനികളിൽ പവർ ബാങ്കുകൾ ഉപയോഗിക്കുന്നതും വിലക്കർപ്പെടുത്തിയിട്ടുണ്ട്..

സിംഗപ്പൂർ എയർലൈൻസ് വിമാനങ്ങളിൽ പവർ ബാങ്കുകൾ ഉപയോഗിച്ചു നിങ്ങളുടെ ഡിവൈസുകൾ ചാർജ് ചെയ്യുവാനോ സീറ്റിന് സമീപത്തുള്ള പ്ലഗിൽ കുത്തിപവർ ബാങ്ക് ചാർജ് ചെയ്യുവാനോ പാടുള്ളതല്ല.

100 വാട്ട് അല്ലെങ്കിൽ അതിൽ താഴെയുള്ള പവർ ബാങ്കുകൾ മാത്രമേ നിയമപരമായി വിമാനങ്ങളിൽ ഹാൻഡ് കാരിയിൽ കൊണ്ടുപോകാൻ സാധിക്കു. നൂറു വാട്ടിലും 160 വാട്ട് ഇടയിലുള്ള പവർ ബാങ്ക് വിമാന കമ്പനിയുടെ പ്രത്യേക അനുമതിയോടുകൂടി മാത്രമേ കൊണ്ടുപോകാൻ സാധിക്കും. ഇതിൽ മാറ്റം വരുത്തുന്ന ആളുകൾക്ക് ഏപ്രിൽ ഒന്ന് 2025 മുതൽ ഫൈൻ ഉണ്ടാക്കുന്നതാണ്..

ക്വാൻ്റ്റസ് വിമാനങ്ങളിൽ പവർ ബാങ്കുകൾ ഇൻബിൽഡ് ആയി വരുന്ന പെട്ടികൾ ഉപയോഗിക്കാൻ പാടുള്ളതല്ല പൂർണ്ണമായി നിരോധിച്ചിരിക്കുകയാണ്.

ഇനിമുതൽ പവർ ബാങ്കിൻറെ വാങ്ങിച്ചപ്പോൾ ലഭിച്ച കവറും കൈവശം വയ്ക്കേണ്ടതാണ്. ഷോട്ട് സർക്യൂട്ട് ഒഴിവാക്കാൻ സാധിക്കുന്ന തരം പവർ ബാങ്കുകൾ മാത്രമേ വിമാനത്തിൽ അനുവദിക്കുക ഉള്ളൂ..

ഓസ്ട്രേലിയയിൽ പവർ ബാങ്കുകളുടെ പ്രവർത്തനങ്ങൾ വിലയിരുത്തുന്നതിനൂം ഗുണമേന്മ പരിശോധിക്കുന്നതിനും ശക്തമായ നിയമങ്ങൾ ഇല്ലാത്തത് കാരണം ഭാവിയിൽ കൂടുതൽ നിയന്ത്രണം ഏർപ്പെടുത്തേണ്ടി വരും.

 താഴെപ്പറയുന്ന കമ്പനികളുടെ പവർ ബാങ്കുകൾ ഇനിമുതൽ വിമാനങ്ങളിൽ ഉപയോഗിക്കുവാൻ പാടില്ല..

Anker

Baseus 

SnapWireless power banks

വിമാനങ്ങളിൽ ഉപയോഗിക്കുന്ന പവർ ബാങ്കുകൾ ഇനിമുതൽ അംഗീകൃത കടകളിൽ നിന്നും വാങ്ങിക്കുന്ന ആവണമെന്നും അതിൻറെ ബില്ലുകൾ കൂടാതെ കവ്റുകൾ കയ്യിൽ കരുതേണ്ടതും ആണ്. ഓൺലൈനായി വാങ്ങിക്കുന്ന ചൈനീസ് പവർ ബാങ്കുകൾ വിമാനത്തിൽ കയറ്റുവാൻ സാധിക്കുന്നതല്ല..

സുരക്ഷിതമല്ലാത്ത ലൈംഗിക ബന്ധത്തിൽ ഏർപ്പെട്ടവർ ഉടൻ ചെയ്യേണ്ട കാര്യങ്ങൾ..

ഒരു കോണ്ടമോ ഗർഭനിരോധന മാർഗങ്ങളോ ഇല്ലാതെ ലൈംഗിക ബന്ധത്തിലേർപ്പെട്ടു കഴിഞ്ഞാൽ പരിഭ്രാന്തരാകുന്നത് സ്വാഭാവികമാണ്. അത്തരത്തിൽ ലൈംഗിക ബന്ധത്തിൽ ഏർപ്പെടുന്നതിൽ ചില അപകട വശങ്ങളുണ്ട്. എന്നാൽ അത്തരം അപകടസാധ്യതകൾ പരിഹരിക്കുന്നതിന് ധാരാളം വഴികളുണ്ട്, അതുവഴി സുരക്ഷിതരായും ലൈംഗിക ആരോഗ്യമുള്ളവരായും തുടർന്നും ജീവിക്കാനാകും. 

സുരക്ഷിതമല്ലാത്ത ലൈംഗിക ബന്ധത്തിൽ ഏർപ്പെട്ടവർ ഉടൻ ചെയ്യേണ്ട ചില കാര്യങ്ങൾ ചുവടെ കൊടുത്തിരിക്കുന്നു.

ഉടനെ ചെയ്യേണ്ടത് 

ധരിച്ചിരിക്കുന്ന കോണ്ടം മുറിഞ്ഞതായി ശ്രദ്ധയിൽപ്പെട്ടാൽ, ഏതെങ്കിലും ലൈംഗിക പ്രവർത്തികൾ നിർത്തി പങ്കാളിയിൽ നിന്ന് മാറുക. ഒരു കോണ്ടം ഇല്ലാതെ ലൈംഗിക ബന്ധത്തിലേർപ്പെട്ടിട്ടുണ്ടെങ്കിൽ, ഉടൻ ചെയ്യാനാകുന്ന ചില കാര്യങ്ങളുണ്ടെന്ന് ഓർമ്മിക്കുക.

ബാത്ത്റൂം ഉപയോഗിക്കുക

ആദ്യം, യോനിയിൽ നിന്നും ലിംഗത്തിൽ നിന്നും മലദ്വാരത്തിൽ നിന്നുമുള്ള ദ്രാവകങ്ങൾ നീക്കംചെയ്യാൻ ബാത്ത്റൂമിലേക്ക് പോകുക. ഇത് നിങ്ങൾക്ക് കൂടുതൽ സുഖകരമാക്കുകയും മൂത്രനാളി അണുബാധയ്ക്ക് (യുടിഐ) കാരണമായേക്കാവുന്ന ബാക്ടീരിയകളെ നീക്കംചെയ്യാൻ സഹായിക്കുകയും ചെയ്യും. ടോയ്‌ലറ്റിൽ ഇരുന്ന് ജനനേന്ദ്രിയം ഉപയോഗിച്ച് താഴേക്ക് തള്ളി അവശേഷിക്കുന്ന ഏതെങ്കിലും ദ്രാവകം പുറന്തള്ളാം. മൂത്രമൊഴിക്കുന്നതും നല്ലതാണ്.

കോണ്ടം ഉപയോഗിക്കാതെയോ, അത് മുറിഞ്ഞതിനു ശേഷവും ലൈംഗിക ബന്ധത്തിൽ ഏർപ്പെട്ടവർക്ക് മൂത്രമൊഴിക്കുന്നതിലൂടെ ഗർഭധാരണ സാധ്യത ഇല്ലാതാക്കാൻ കഴിയില്ലെന്ന് അറിയുക. ശുക്ലത്തിലുള്ള ബീജം ഇതിനകം അണ്ഡാശയത്തിലേക്കു പോയിരിക്കാം.

വിഷമിക്കേണ്ട, നന്നായി കഴുകുക

ലൈംഗിക പ്രവർത്തനത്തിന് ശേഷം ജനനേന്ദ്രിയ പ്രദേശങ്ങൾക്ക് സമഗ്രമായ ശുദ്ധീകരണം ആവശ്യമാണ്. ജനനേന്ദ്രിയ ഭാഗങ്ങൾ കഴുകുന്നത് ആരോഗ്യപരമായി ഏറെ നല്ല ശീലമാണ്, യോനി അല്ലെങ്കിൽ മലദ്വാരം ഇത് യോനി അല്ലെങ്കിൽ മൂത്രനാളി വഴിയുള്ള അണുബാധയ്ക്കുള്ള സാധ്യത കുറയ്ക്കുന്നു. കഴുകാനായി ഇളം ചൂടുള്ള വെള്ളം ഉപയോഗിക്കുന്നതും നല്ലതാണ്.

പ്രത്യേക സാഹചര്യത്തിൽ കോണ്ടം ഉപയോഗിക്കാതെയോ, മറ്റു ഗർഭനിരോധന മുൻകരുതലുകൾ സ്വീകരിക്കാതെയോ ലൈംഗിക ബന്ധത്തിൽ ഏർപ്പെട്ടിട്ടുണ്ടെങ്കിൽ പരിഭ്രാന്തരാകാതിരിക്കണം. ഇതേക്കുറിച്ച് ആശങ്കകൾ ഉണ്ടെങ്കിൽ സുഹൃത്തുക്കളുമായോ കുടുംബാംഗങ്ങളുമായോ സാഹചര്യത്തെക്കുറിച്ച് സംസാരിക്കാൻ ശ്രമിക്കുക. എന്നാൽ മറ്റൊരാളോടും സംസാരിക്കാൻ‌ താൽ‌പ്പര്യമില്ലെങ്കിൽ‌, ഔദ്യോഗിക ആരോഗ്യ കൌൺസിലിങ് സംവിധാനത്തെ ബന്ധപ്പെടുന്നതാണ് നല്ലത്.

ഗർഭനിരോധന മുൻകരുതലുകൾ സ്വീകരിക്കാതെ ലൈംഗികബന്ധത്തിൽ ഏർപ്പെട്ടവർക്ക് അടിയന്തിര ഗർഭനിരോധനം (ഇസി) ആവശ്യമുണ്ടെങ്കിൽ, അതിന് ആവശ്യമായ വൈദ്യ സഹായം തേടുക. ലൈംഗികമായി പകരുന്ന അണുബാധ (എസ്ടിഐ) അല്ലെങ്കിൽ എച്ച് ഐ വി ബാധിതരാണെന്ന് ആശങ്കയുണ്ടെങ്കിൽ, ഒരു ഡോക്ടറുമായോ ലൈംഗികാരോഗ്യ ക്ലിനിക്കുമായോ ബന്ധപ്പെടുക.

ലക്ഷണങ്ങൾ 

ഇവ ചില സെക്ഷ്വലി ട്രാൻസ്മിറ്റഡ് ഇൻഫെക്ഷൻ രോഗലക്ഷണങ്ങളില്ലാത്തവയാണെങ്കിലും മറ്റുള്ളവയിൽ വ്രണം, ചൊറിച്ചിൽ, മണമുള്ള ഡിസ്ചാർജ് അല്ലെങ്കിൽ മൂത്രമൊഴിക്കുമ്പോൾ വേദന എന്നിവ അനുഭവപ്പെടാം.

സുരക്ഷിതമല്ലാത്ത ലൈംഗിക ബന്ധം പുലർത്തിയെങ്കിൽ ജനനേന്ദ്രിയം, മലദ്വാരം എന്നിവയിൽ ശ്രദ്ധ പുലർത്തുക, അസാധാരണമായ എന്തെങ്കിലും ശ്രദ്ധയിൽപ്പെട്ടാൽ എസ്ടിഐ പരിശോധന നടത്തേണ്ടത് അത്യാവശ്യമാണ്.

ഗർഭനിരോധന മുൻകരുതലുകൾ സ്വീകരിക്കാതെ ലൈംഗികബന്ധത്തിൽ ഏർപ്പെട്ടവർ 72 മണിക്കൂറിനുള്ളിൽ മുൻകരുതലുകൾ സ്വീകരിക്കണം. ചെയ്യുക.അതുപോലെ, 72 മണിക്കൂർ സമയപരിധിക്കുള്ളിൽ എച്ച് ഐ വി പ്രതിരോധ മരുന്നുകൾ കഴിക്കേണ്ടത് അത്യാവശ്യമാണ്.