കഴിഞ്ഞവർഷം പകുതി മുതൽ ഇന്ത്യയുടെ സ്വന്തം ഭാരത് ന്യൂ കാർ അസിസ്റ്റൻറ് പ്രോഗ്രാം നിലവിൽ വന്നിട്ടുണ്ട്. ഇന്ത്യയിൽ നിർമ്മിച്ച് ആഗോള വിപണികളിൽ നിൽക്കാൻ ഉദ്ദേശിച്ചിട്ടുള്ള വാഹനങ്ങൾ ഇപ്പോഴും പഴയ ടെസ്റ്റിന് തന്നെ പോകുന്നുണ്ട്. നേരിയ വ്യത്യാസം മാത്രമേ ഇവ തമ്മിലുള്ളൂ എന്നതുകൊണ്ട് റേറ്റിംഗ് ഏതായാലും കാർ നന്നായാൽ മതി.
ഇങ്ങനെയാണ് ക്രാഷ്ട്രസ്റ്റ്
മുന്നിൽ നിന്നുള്ള ഒരു ഇടിയുടെ ആഘാതം അളക്കാൻ ടെസ്റ്റ് കാർ മണിക്കൂറിൽ 56 കിലോമീറ്റർ വേഗതയിൽ പാഞ്ഞ് മറ്റൊരു വാഹനത്തിൽ അല്ലെങ്കിൽ ഒരു വസ്തുവിൽ ഇടിക്കയാണ് ചെയ്യുന്നത് Gncap ഇല്. പക്ഷേ Bncapൽ അത് 64 കിലോമീറ്റർ ആണ്.
സുരക്ഷയിൽ നോ കോംപ്രമൈസ്
വാഹനങ്ങൾക്ക് നിർബന്ധമായും വേണ്ട സുരക്ഷാ സജീവനങ്ങൾ ഏതൊക്കെയാണെന്ന് കാലാകാലങ്ങളിൽ റേറ്റിംഗ് ഏജൻസികളും സർക്കാരും അറിയിക്കും. ഇന്ത്യയിലെ കാറുകൾക്ക് എയർബാഗ് നിർബന്ധമാക്കിയത് ഉദാഹരണം. ആദ്യം മുന്നിൽ ഡ്രൈവർക്ക് മാത്രം എന്നതായിരുന്നു വ്യവസ്ഥ. ഇപ്പോൾ മുന്നിൽ രണ്ട് എയർബാഗ് എന്നായി, അതിനുശേഷം ഇപ്പോൾ വശങ്ങളിലും നിർബന്ധമാക്കി. അതുപോലെ സീറ്റ് ബെൽറ്റും അത് ഉപയോഗിക്കാൻ പ്രേരിപ്പിക്കുന്ന റിമൈൻഡറുകളും മികച്ച സ്റ്റാർ റേറ്റിംഗ് കിട്ടാൻ നിർബന്ധമാണ്.. കുട്ടികളെ ഇരുത്താനുള്ള പ്രത്യേക സീറ്റുകൾ ഘടിപ്പിക്കാനുള്ള ലോക്കുകൾ ഇപ്പോൾ കാറിൽ നിർബന്ധമാണ്.
കാൽനടക്കാരെ വാഹനം പിടിച്ചാൽ ഉണ്ടാകുന്ന ആഘാതം കുറയ്ക്കുവാനുള്ള സംവിധാനങ്ങൾ ഇപ്പോൾ ഇന്ത്യയിലെ കാറുകളിൽ നിർബന്ധമാണ്.
നിർബന്ധമല്ല
ഇന്ത്യയിലെ ഈ Bncap നിയമങ്ങളിൽ ചെറിയ കുഴപ്പങ്ങളും ഉണ്ട്. ഇന്ത്യയിൽ ഒരു കാർ മോഡലും നിർബന്ധമായും ടെസ്റ്റ് ചെയ്തിരിക്കണമെന്നില്ല. വാഹനം നിർമ്മാതാക്കൾക്ക് അതിൽ താല്പര്യമുണ്ടെങ്കിൽ മാത്രം ടെസ്റ്റിംഗ് ഏജൻസിയെ അറിയിക്കാം. സ്റ്റാർ റേറ്റിംഗ് ഉണ്ടായതുകൊണ്ട് മാത്രം അപകടം ഒഴിവാകില്ല. സ്റ്റാർ റേറ്റിംഗ് നടത്തുന്നത് പോലുള്ള ഒരു നിയന്ത്രിത അന്തരീക്ഷത്തിൽ അല്ല റോഡിൽ വാഹനം ഓടിക്കുന്നത്. അതുകൊണ്ട് റേറ്റിംഗ് ഏജൻസി പറയുന്ന അത്ര സുരക്ഷ വാഹനത്തിന് കിട്ടണമെന്നില്ല.
No comments:
Post a Comment