എൻ വായിറ്റേ നെറ്റ് ദ്വീപ്.. ഒരു നിഗൂഢത..

ശാസ്ത്രത്തിനും സാങ്കേതികവിദ്യകൾക്കും പിടികൊടുക്കാത്ത എൻ വായിറ്റേ നെറ്റ് ദ്വീപ്....!!!

നിന്ന നിൽപ്പിൽ ആളുകളെ കാണാതാവുന്നു ശാസ്ത്രത്തിനും സാങ്കേതികവിദ്യകൾക്കും പിടികൊടുക്കാത്ത എൻ വായിറ്റേ നെറ്റ് എന്ന ദ്വീപിനെ കുറിച്ചാണ് സൂചീപ്പിച്ചത് കെനിയയിലെ ടെർക്കാനതടകത്തിലെ അനേകം ദ്വീപുകളിലൊന്നയ എൻ വായ്റ്റേ നെറ്റിനെ ചുറ്റിപറ്റി ഉള്ളത് ' ഒരിക്കൽ ആദ്വീപിൽ എത്തിയവർക്കു പിന്നെയൊരു തിരിച്ചു പോക്കില്ല' എൻ വായ്റ്റേ നെറ്റെ ന്ന എന്ന വാക്കിന്റെ അർത്ഥം ഇനിയൊരു മടങ്ങിപോക്കില്ല എന്നാണ്...

ദ്വീപിന് ന്റെ ദുരുഹത കാരണം സമീപ പ്രദേശങ്ങളിലെ ഗോത്രങ്ങൾ നൽകിയിരിക്കുന്ന അർത്ഥവത്തായ പേര്.ഈ ആധുനിക കാലഘട്ടത്തിലും ആദ്വീപിനെക്കുറിച്ചുള്ള 'ദൂരുഹതകൾക്ക് അവസാനമായിട്ടില്ല കിലോമീറ്ററുകളോളം പരന്നു കിടക്കുന്ന ഇ3 ദ്വീപിലേക്ക് സമീപ ദ്വീപുനിവാസികൾ പോലും പോകാൻ തയാറല്ല. ശാപം പിടിച്ച ദ്വീപാണിതെന്നാണ് അവരുടെ വിശ്വാസം വ്യക്തമായ തെളിവുകളും സാക്ഷ്യങ്ങളും അവരുടെ വിശ്വാസത്തിന് ആക്കം കൂട്ടുകയും ചെയ്യുന്നു.

എൽ മോലോ ഗോത്ര വിഭാഗക്കാരെ പറ്റി പഠിക്കാൻ 1935-ലാണ് വിവിയൻ ഫ്യു ക്സ് - എന്ന ബ്രിട്ടിഷ് പര്യവേക്ഷകൻ ടെർക്കാന'തട്ടം കത്തിനു ചുറ്റുമുള്ള ദ്വീപുകളിലെത്തുന്നത് മാസങ്ങളോളം നീളുന്നതായിരുന്നു പഠനം എല്ലാ ദ്വീപുകളും സന്ദർശിക്കുന്നതിന്റെ ഭാഗമായി എൻ വായ്റ്റേനെറ്റിലേക്കും ഫ്യൂ ക് സ് തന്റെ രണ്ട് സഹപ്രവർത്തകരെ പറഞ്ഞയച്ചു മാർട്ടിൻ ഷെഫ്ലിസും ബിൽഡേ സണും' എല്ലാ ദിവസവും വൈകിയിട്ട് ദ്വീപിൽ നിന്ന് തീ കത്തിച്ചായിരുന്നു എല്ലാം ഭംഗിയായി നടക്കുന്നു എന്നതിന്റെ അടയാളം ഇരുവരും ഫ്യൂക്സിനു നൽകിയിരുന്നത്...

 എതാനും ആഴ്ച കഴിഞ്ഞു ഒരു നാൾ തീ അയാളം കാണാതായി അതോടെ പര്യവേക്ഷണ സംഘത്തിലെ ഏതാനും പേരെ ഫ്യൂക്‌സ് ദ്വീപിലേക്കയച്ചു അപ്പോഴും ഗോത്ര വിഭാഗക്കാരിൽ ആരും അങ്ങേ,ട്ട് പോകൻ തയാറായില്ല - ചെറുവിമാനം ഉപയോഗിച്ച് പോലും ദ്വീപിൽ അന്വേഷണം നടത്തിയിട്ടും ഷെഫ്ലിസിന്റെയും ഡേസണിന്റെയും പൊടിപോലും കണ്ടു പിടിക്കാനായില്ല.. മാത്രവുമല്ല രണ്ടു പേർ അവിടെ താമസിച്ചിരുന്നതിന്റേതായ യാതെരു തെളിവുകളും അവിടെയുണ്ടായിരുന്നില്ല.

എൻ വായ്റ്റേ നെറ്റ് ദ്വീപിനെ പറ്റി ആദ്യമായി പോലീസിൽ രേഖപ്പെടുത്തുന്ന പരാതിയും അതായിരുന്നു

അതാദ്യമായിട്ടായിരുന്നില്ല ആ ദ്വീപിലെത്തുന്നവരെ കാണാതാകുന്നതെന്ന സത്യം പിന്നീടാണദ്ദേഹം അറിയുന്നത്.. വർഷങ്ങൾക്ക് മുൻപേ എൻ വായ്റ്റേ നെറ്റ് ദ്വീപുവാസികളെ മുഴുവൻ ഒറ്റയടിക്ക് കാണതായ സംഭവമുണ്ടായിട്ടുണ്ട് അതിനു ശേഷം ആദ്വീപിലേക്ക് മനുഷ്യരാരും പോകാറില്ല..

ഫലഭൂയിഷ്ഠമായ മണ്ണായിരുന്നു എൻ വായ്റ്റേ നെറ്റിലേത് അതിനാൽ തന്നെ അവിടേക്ക് ആദ്യമായെത്തിയ ഗോത്ര വിഭാഗക്കാർ താമസവും കൃഷിയുമെല്ലാമായി സുഖജീവിതമായിരുന്നു എന്നാൽ മറ്റു മൃഗങ്ങളെയോ -പക്ഷികളെ യോദ്വീപിൽ - കാണാത്തതിൽ അവർക്ക് ആശങ്കയുണ്ടായിരുന്നു' മാത്രവുമല്ല തിളങ്ങുന്ന മരതകപ്പച്ചനിറത്തിലായിരുന്നു അവിടത്തെസസ്യജാലങ്ങൾ' തവിട്ടു നിറത്തിലുള്ള പാറക്കുട്ടങ്ങ ളാകട്ടെ പോളിഷ് ചെയ്തതുപോലെ മിനുസമുള്ളതും ' ദ്വീപിന്റെ ഒരു പ്രത്യേകഭാഗത്തേക്ക് മനുഷ്യർക്ക് കടന്നു ചെല്ലാൻ പോലും പറ്റില്ല..

മരങ്ങളുടെ ശാഖകൾ പരസ്പരം കെട്ടിപ്പിണഞ്ഞ് കരിങ്കല്ലിനേക്കാൾ കരുത്തുറ്റ പ്രകൃതിദത്ത മതിലുകളായിരുന്നു അവിടെ തീർത്തിരുന്നത് ' ദ്വീപുവാസികൾ പലപ്പോഴും ചുറ്റുമുള്ള ഗോത്രങ്ങളിലെ ബന്ധുക്കളെ കാണാനായി എത്തുന്നതും പതിവായിരുന്നു അവരുമെത്തു കച്ചവടവും നടത്തിപ്പോന്നു എന്നാൽ ദ്വീപിൽ പലപ്പേഴും ദുരുഹതകൾ നിറഞ്ഞു നിന്നിരുന്നു..

രാത്രികാലങ്ങളിൽ ചിലപ്പോൾ പുക പോലുള്ള ചില രൂപങ്ങൾ വീടുകൾക്ക് മുന്നിൽ വരും' മനുഷ്യന്റെ രൂപമായിരിക്കും അവയ്ക്ക് ' ദ്വീപിൽ പലയിടത്തും അവയെ കാണുന്നതും പതിവായി ഈ പുക മനുഷ്യരെ തൊടുന്നവർ പെട്ടെന്ന് അതിനൊപ്പം അന്തരീക്ഷത്തിൽ അലിഞ്ഞിലാതാക്കുമെന്നു വരെയായി കഥകൾ

പതിയെ പതിയെ മറ്റു ദ്വീപുകളിൽ നിന്ന് എൻ വായ്റ്റേനെറ്റിലേക്കുള്ള ഗോത്രനിവാസികളുടെ വരവും കുറഞ്ഞു അതിന് കാരണവുമുണ്ട്..

അകാല മരണങ്ങൾ അവിടെ ഏറിത്തുടങ്ങിയിരുന്നു 'ചെറിയൊരു മരക്കുറ്റിയിൽ നിന്നേൽക്കുന്ന പോറലുകൾ പോലും വലിയ മുറിവായി മാറുന്ന അവസ്ഥ 'പലർക്കും അംഗവൈകല്യം സംഭവിച്ചു ശുദ്ധമായ മത്സ്യത്തിൽ നിന്നു പോലും വിഷബാധ ഏൽക്കുന്നു ശരീരത്തിൽ ചെറു മുറിവുണ്ടായാൽ അണുബാധയേറ്റ് മരണം ഉറപ്പ്.

നല്ല പോലെ നീന്തലറിയാവുന്ന ദീപ നിവാസികളുടെ മൃതശരീരം തടാകത്തിൽ തുടരെ പ്രത്യക്ഷപ്പെടാൻ കൂടി തുടങ്ങിയതോടെ ഒരിക്കൽ സ്വർഗ്ഗമായിരുന്ന എൻ വായ്റ്റേ നെറ്റ് ദ്വീപ് ശാപഭൂമിയെന്ന് കുപ്രസിദ്ധി നേടി. മാത്രവുമല്ല രാത്രി കാലങ്ങളിൽ മനുഷ്യനോ മൃഗമോ എന്ന് തിരിച്ചറിയനാവത്ത രീതിയിലുള്ള അലറിക്കരച്ചിലുകളും ദ്വീപിൽ നിന്ന് പതിവായി കേട്ട് തുടങ്ങി..

എൻ വായ്റ്റേ നെറ്റിലുള്ള എതെങ്കിലും ഒരാളെ പരിസര ദ്വീപുകളി ല്ലുള്ളവർകണ്ടിട്ടു തന്നെ ദിവസങ്ങളേറെയായെന്ന അവസ്ഥയെത്തി.. അതോടെയാണ് ഒരു ചങ്ങാടത്തിലേറി എതാനും പേർ ദ്വീപിലെത്തിയത് പക്ഷേകണ്ടതാകട്ടെ ഞെട്ടിക്കുന്ന കാഴ്ചയും ഉപേക്ഷിക്കപ്പെട്ട വീടുകൾ '

തീ അണഞ്ഞുപോയ വിറകു കൂനകൾക്കു സമീപം ചീഞ്ഞളിഞ്ഞു കിടക്കുന്ന മത്സ്യങ്ങൾ 'തൊഴിൽ ഉപകരണങ്ങളെല്ലാം വീട്ടിൽ ഒരു മൂലയ്ക്ക് ഭംഗിയായി ചാരി വച്ചിരിക്കുന്നു തികച്ചും ശാന്തമായ അന്തരീക്ഷം പക്ഷേഒരൊറ്റ മനുഷ്യൻ പോലുമില്ലാനിന്ന നില്പിപ്പിൽ എല്ലാവരും അപ്രത്യക്ഷമായ അവസ്ഥ 'ജീവനും കൊണ്ട് തിരികെ പായുകായായിരുന്നു അന്വേഷിച്ചെത്തിയവർ..

അന്യഗ്രഹ ജീവികളാണ് ഈ ദ്വീപിലെ വില്ലന്മരെന്നും പിന്നീട് കഥകൾ പരന്നു പക്ഷേ ഇത്രയേറെ വർഷങ്ങളായിട്ടും ഒരാളുപോലും പിന്നീട് ദ്വീപിലേക്ക് കടന്നിട്ടില്ല'' ഇന്ന് ഇന്റെർനെറ്റിൽ പോലും ആകെ ലഭ്യമായിട്ടുള്ളത് ചില ആകാശ ദൃശ്യങ്ങൾ മാത്രം....

 എന്നാൽ അതു കൊണ്ടും തീർന്നില്ല ശാപം ഒരു സമയത്ത് എൻവയ്റ്റേ നെറ്റിനു ചുറ്റുമുള്ള ദ്വീപുകളിൽ ജനിക്കുന്ന കുട്ടികൾക്ക് വിചിത്രമായ ഒരു രോഗം പിടിക്കപ്പെട്ടു പലരും ജനിച്ചയുടനെ ശ്വാസം കിട്ടാതെ മരിക്കാൻ തുടങ്ങി മാത്രവുമല്ല, എതാനും സമയം കഴിയുന്നതോെ കുട്ടികളുടെ ശരീരത്തിലെ ജലാംശമില്ലതായി മമ്മികളെപ്പോലെയാകുന്ന അവസ്ഥ തണുത്ത കാലാവസ്ഥയിൽ പോലും പീന്നീട്  ഈ വിഭാഗം മാറ്റെരിടത്തേക്ക് പലായനം ചെയ്യുകയാണ് ഉണ്ടായത് -എൻ വായ്റ്റേറ്റിനെ ചുറ്റിപറ്റിയുള്ള ദുരുഹതകൾ - ഇപ്പോഴും നിലനില്ക്കുന്നു ഉത്തരം കിട്ടാതെ..

ലൈംഗികവും വൈകാരികവുമായ വിവാഹേതര ബന്ധങ്ങൾ തേടിപ്പോകുന്നവർ അറിയാൻ..

കുടുംബ ബന്ധങ്ങളിലെ ശൈഥില്യം, ദമ്പതികൾ തമ്മിലുള്ള പൊരുത്തക്കേട്, ആത്മാർഥമായ സ്നേഹത്തിന്റെ അഭാവം ഇതൊക്കെ ജീവിതത്തിന്റെ പല ഘട്ടങ്ങളിലും വിവാഹേതര ബന്ധങ്ങൾ തേടി പോകാൻ വ്യക്തികളെ പ്രേരിപ്പിക്കാറുണ്ട്. ഇന്റർനെറ്റ് വരുന്നതിനു മുൻപുള്ള കാലഘട്ടത്തിൽ വിവാഹേതര ബന്ധങ്ങൾ സ്ഥാപിക്കാനും നിലനിർത്താനും നേർക്കുനേരെയുള്ള ആശയവിനിമയവും ഇടപെടലുകളും പ്രധാന പങ്കു വഹിച്ചിരുന്നു. അക്കാരണം കൊണ്ടുതന്നെ സമൂഹത്തിന്റെ ഒരു നിരീക്ഷണത്തിനു വിധേയമായാണ് മിക്കവാറും അത്തരം ബന്ധങ്ങൾ നില നിന്നു പോന്നിട്ടുള്ളത്. സമൂഹത്തിൽ സമ്പത്തു കൊണ്ടും പദവി കൊണ്ടും അധികാരം കൊണ്ടും ഉന്നത സ്ഥാനീയരായ ആളുകൾക്ക് അത്തരം ബന്ധങ്ങൾക്ക് സാധ്യത കൂടുതലും സാധാരണക്കാരന്  അത് താരതമ്യേന അപ്രാപ്യവുമായ സംഗതിയാണ്. 

എന്നാൽ ഇന്റർനെറ്റിന്റെ കടന്നു വരവോടുകൂടി വിവാഹേതര ബന്ധങ്ങൾ സാമൂഹ്യ സാമ്പത്തിക പശ്ചാത്തലങ്ങൾക്കതീതമായി സാർവത്രികമായ പ്രതിഭാസമായി മാറിയിരിക്കുന്നു എന്നതാണ് ഒന്നാമത്തെ യാഥാർഥ്യം. കാരണം നേർക്കു നേർ ഇടപെടാതെ തന്നെ സ്വന്തം കുടുംബാംഗങ്ങളിൽ നിന്നും സമൂഹത്തിൽ നിന്നും ഇതിനെ മറച്ചു വച്ചു കൊണ്ട് വളരെ ഫലപ്രദമായി വിവാഹേതര ബന്ധങ്ങൾ സ്ഥാപിക്കാനും തുടർന്നു കൊണ്ടു പോകാനും സമൂഹ മാധ്യമങ്ങൾ അനുവദിക്കുന്നു എന്നുള്ളതാണ്.

 ഇതിൻറെ ഒരു മറുവശമാണ് സമൂഹ മാധ്യമങ്ങളിൽ നിലനിൽക്കുന്ന ചതിക്കുഴികൾ പലപ്പോഴും വ്യാജ പ്രൊഫൈൽ ഉപയോഗിച്ച് സ്വന്തം സുഖവും സൗകര്യവും നേടിയെടുക്കാൻ ഒട്ടേറെ ആളുകൾ ഫെയ്സ് ബുക്ക് പോലെയുള്ള സമൂഹ മാധ്യമങ്ങളെ ഉപയോഗപ്പെടുത്തുന്നുണ്ട്. ഇതിലൂടെ ചാറ്റിങ്ങും പലപ്പോഴും നഗ്‌ന ചിത്രങ്ങൾ അടക്കം വിനിമയവും തരം കിട്ടുകയാണെങ്കിൽ എവിടെയെങ്കിലും വച്ച് കാണാനുള്ള സാഹചര്യങ്ങൾ ഒരുങ്ങുകയും വൻ തോതിലുള്ള സാമ്പത്തിക ഇടപാടുകൾ വരെ നടക്കുന്നു എന്നതാണ് യാഥാർഥ്യം. 

പലപ്പോഴും ഒരു വ്യാജ പ്രൊഫൈൽ സൃഷ്ടിച്ച് മറ്റൊരു വ്യക്തിയുമായി ചാറ്റ് ചെയ്‌ത്‌ അയാളെ പൂർണമായി സ്വാധീനിച്ച് വലയിൽ വീഴ്ത്തി തനിക്ക് വേണ്ടുന്നതെല്ലാം നേടിയ ശേഷം അത് പണമാകാം ലൈംഗിക സംതൃപ്‌തി ആകാം ഒരു പക്ഷേ നഗ്‌ന ചിത്രങ്ങൾ പോലെയുള്ള കാര്യങ്ങളാകാം.  എല്ലാം നേടിയ ശേഷം വ്യാജ വാഗ്‌ദാനങ്ങൾ നൽകി അവരെ പ്രലോഭിപ്പിച്ച് കാര്യത്തോടടുക്കുമ്പോൾ വളരെ ഭംഗിയായി അപ്രത്യക്ഷമാകുന്ന ഒട്ടേറെ ആളുകൾ ഇന്ന് സമൂഹത്തിൽ വ്യാപകമായി ഉണ്ട്. മനുഷ്യ സഹജമായ കുറ്റകൃത്യ വാസനകളെ വളരെ ഭംഗിയായിട്ട് പൊതു സമൂഹം അറിയാത്ത രീതിയിൽ ഉപയോഗപ്പെടുത്താൻ സമൂഹ മാധ്യമങ്ങൾ അരങ്ങൊരുക്കുന്നു എന്നതാണ് സത്യം. ഇതിന് കൂടുതൽ വിധേയരായി പോകുന്നത് സ്ത്രീകളും കൗമാരക്കാരായ കുട്ടികളുമാണ്. ചെറിയ തോതിലെങ്കിലും പുരുഷന്മാരും ഇത്തരം വലകളിൽ വീണു പോകുന്നതും കണ്ടു വരുന്നുണ്ട്.

വിവാഹിതരായ വ്യക്തികൾ രണ്ടു തരത്തിലുള്ള വിവാഹേതര ബന്ധങ്ങളിൽ ഏർപ്പെടാറുണ്ട് എന്നാണ് മനഃശാസ്ത്രം പറയുന്നത്. 

ഒന്നാമത്തേത് ലൈംഗിക സ്വഭാവമുള്ള വിവാഹേതര ബന്ധമാണ്. വിവാഹ ജീവിതത്തിൽ ലൈംഗിക സംതൃപ്‌തി കുറയുമ്പോൾ അതിനു വേണ്ടി മാത്രം പുറത്തൊരു ബന്ധം തേടി പോകുന്ന ഒരവസ്ഥയാണിത്. ലൈംഗിക വിവാഹേതര ബന്ധങ്ങളിൽ ചെന്നു പെടുന്നതു കൂടുതൽ അല്ലെങ്കിൽ അതിന് മുൻകൈ എടുക്കുന്നതു താൽപര്യം കൂടുതൽ കാണിക്കുന്നത് പുരുഷന്മാരാണ്. 

എന്നാൽ വൈകാരിക വിവാഹേതര ബന്ധങ്ങളിൽ രണ്ടാമതൊരു തരം വിവാഹേതര ബന്ധങ്ങൾ ഉണ്ട്. ജീവിത പങ്കാളിയിൽ നിന്ന് ഒരു വൈകാരിക സുരക്ഷിതത്വമോ സാമീപ്യമോ കിട്ടാതെ വരുമ്പോൾ അതിനുവേണ്ടി  വിവാഹത്തിനു പുറത്ത് ഒരു സുഹൃത്തിനെ തേടുകയും അത്തരം സൗഹൃദങ്ങളിൽ മനസ്സർപ്പിക്കുകയും ചെയ്യുന്ന ഒരവസ്ഥയാണ്. കൂടുതൽ സ്ത്രീകളാണ് വൈകാരിക വിവാഹേതര ബന്ധങ്ങളിലേക്ക് പോകാൻ താൽപര്യം കാട്ടുന്നത്. ഭർത്താവിന്റെ തിരക്കുകൾ ആണോ  അല്ലെങ്കിൽ വേണ്ട രീതിയിൽ സമയം ചെലവിടാൻ കഴിയുന്നില്ല തുടങ്ങിയ പലവിധ കാരണങ്ങൾ കൊണ്ട് സ്ത്രീകൾ വൈകാരിക വിവാഹേതര ബന്ധങ്ങൾ തേടി പോകുന്നു. 

 പുരുഷനും സ്ത്രീയും ഇത്തരം വിവാഹേതര ബന്ധങ്ങളോട് പ്രതികരിക്കുന്ന രീതി വ്യത്യസ്‌തമാണ്‌. 

തന്റെ പങ്കാളിക്ക് ഒരു ലൈംഗിക വിവാഹേതര ബന്ധമുണ്ട് എന്നത് പുരുഷനെ സംബന്ധിച്ചിടത്തോളം അസഹ്യമായ ഒരു കാര്യമാണ്. എന്നാൽ സ്ത്രീകൾക്ക് കൂടുതൽ അസ്വസ്ഥത തന്റെ ഭർത്താവിന് മറ്റൊരു സ്ത്രീയുമായി വൈകാരികമായ അടുപ്പമുണ്ട് എന്നറിയുമ്പോഴാണ്.

ഇത്തരത്തിലുള്ള സ്ത്രീ പുരുഷ വ്യതിയാനങ്ങളും ഒക്കെ ഈ  ബന്ധങ്ങൾ സ്ഥാപിക്കുന്ന കാര്യത്തിലും ബന്ധങ്ങളോടുള്ള പ്രതികരണത്തിന്റെ കാര്യത്തിലും വ്യക്തമായി ഉണ്ടാകാറുണ്ട്. 

സമൂഹ മാധ്യമങ്ങളിലെ വ്യാജ പ്രൊഫൈലുകൾ  ഉപയോഗിച്ച്  സ്ത്രീകളെ ചാക്കിട്ടു പിടിക്കുന്ന വിരുതന്മാർ ഒട്ടേറെ സമൂഹത്തിലുണ്ട്. പലപ്പോഴും അവരുടെ ഒഴിവു സമയത്തെ ഒരു വിനോദമായിട്ട് മാത്രമായിരിക്കാം ഇത്തരം കാര്യങ്ങൾ തുടങ്ങുന്നത്. അവസരം കിട്ടുകയാണെങ്കിൽ ലൈംഗിക ബന്ധം സ്ഥാപിക്കാനും പറ്റുമെങ്കിൽ സാമ്പത്തികമായി അവരെ ചൂഷണം ചെയ്യാനുമൊക്കെ ഇത്തരത്തിലുള്ള വ്യക്തികൾ താൽപര്യം കാണിക്കുന്നു. പലപ്പോഴും നഗ്‌ന ഫോട്ടോകളുടെയും മറ്റും കൈമാറ്റം നടന്നതിനെ തുടർന്ന് അതുപയോഗിച്ച് സ്ത്രീകളെ ബ്ലാക്‌മെയിൽ ചെയ്യാനും പണം തട്ടാനും ഇത്തരം വിരുതന്മാർ ശ്രമിക്കാറുണ്ട്. ചില സ്ത്രീകളെങ്കിലും ഇത്തരം വ്യാജ പ്രൊഫൈലുകളിൽ മറഞ്ഞിരുന്ന് വാചകമടിക്കുന്ന പുരുഷന്മാരുടെ വാഗ്ധോരണിയിൽ വീണു പോയി അവരോടൊപ്പം ഒരു ഭാവി ജീവിതം സ്വപ്നം കാണുന്നു..

ആ ഭാവി ജീവിതത്തിന് തടസ്സം സൃഷ്ടിക്കുന്ന കാര്യങ്ങൾ അത് സ്വന്തം ഭർത്താവായാലും കുഞ്ഞ് ആയാലും മറ്റ് ബന്ധുക്കൾ ആയാലും അവരെ ഇല്ലായ്‌മ ചെയ്തതാണെങ്കിൽ പോലും സ്വപ്‌നതുല്യമായ ജീവിതത്തിലേക്ക് പോകണം എന്നുള്ള ഒരു ആഗ്രഹത്തിലേക്ക് അവർ എത്തിച്ചേരുകയും അതിനുവേണ്ടി പലപ്പോഴും ഈ വ്യാജ പ്രൊഫൈലിൽ മറഞ്ഞിരുന്ന് ഇടപെടുന്ന ആൾ പറയുന്ന ഏതു നിർദേശവും  പാലിക്കാൻ അവർ തയ്യാറാവുകയും ചെയ്യാറുണ്ട്.  ഇത് പലപ്പോഴും വൈകാരിക അടിമത്തം അല്ലെങ്കിൽ emotional slavery എന്നൊരു മാനസികാവസ്ഥയിൽ ചെന്നു പെടുന്നൊരു സ്ത്രീയാണ് ചെയ്യാറുള്ളത്.

 വൈകാരിക അടിമത്തം എന്നത് അങ്ങേയറ്റം വിഷലിപ്‌തമായ ഒരു മാനസിക നിലയാണ്. ലോകത്ത് തനിക്ക് ഒരു വ്യക്തിയുടെ സാന്നിധ്യം മാത്രം മതി. ആ വ്യക്തിയോടൊപ്പം ജീവിക്കുക എന്നതാണ് തന്റെ ലക്ഷ്യം മറ്റാരും തന്റെ ജീവിതത്തിൽ പ്രസക്തമല്ല എന്ന ഒരു ചിന്തയാണ് ഈ വൈകാരിക അടിമത്തം. ആ വ്യക്തിയിലേക്ക് ഈ സ്ത്രീയുടെ ജീവിതം പരിപൂർണമായിട്ട് ചുരുങ്ങി പോകുന്ന അവസ്ഥയാണിത്. സ്വാഭാവികമായും ആ വ്യക്തി പറയുന്ന എന്തു കാര്യവും അതെത്ര അനാശാസ്യമായ എന്തു കാര്യമാണെങ്കിലും എത്ര ഭീകരമായ കാര്യമാണെങ്കിലും അത് ചെയ്യുക എന്നൊരു മാനസിക നിലയിലേക്ക് വൈകാരിക അടിമത്തത്തിലേക്ക് സ്ത്രീകൾ എത്തിച്ചേരാറുണ്ട്. അത് കൊലപാതകവും പണാപഹരണവും മറ്റ് ഏതെങ്കിലും തരത്തിലുള്ള കുറ്റകൃത്യങ്ങൾ ആണെങ്കിലും അതിനോട് മടി കൂടാതെ ആ സ്ത്രീകൾ സഹകരിച്ചെന്നു വരും. 

സ്ത്രീകൾ മാത്രമല്ല ഇത്തരം ചതിക്കുഴികളിൽ വീഴുന്നത് കൗമാരക്കാരായ ആൺകുട്ടികളും പെൺകുട്ടികളും ഇത്തരം കുഴികളിൽ വീണു പോകുന്നത് സർവസാധാരണമാണ്. പലപ്പോഴും ഡേറ്റിങ് ആപ്പുകൾ പോലെയുള്ള സങ്കേതങ്ങളുടെ ഉപയോഗം കൗമാര പ്രായക്കാരുടെ ഇടയിൽ  വളരെ കൂടി വരുന്നതായി നമ്മൾ കാണുന്നുണ്ട്. ഇതിലൂടെയും മറഞ്ഞിരുന്നു കൊണ്ട് വ്യാജമായ ചിത്രങ്ങളും വിലാസങ്ങളും വിശദാംശങ്ങളും നൽകി മറ്റുള്ളവരെ കബളിപ്പിക്കുന്ന ധാരാളം ചതിയന്മാർ ഇവയിലും ഒളിഞ്ഞിരിപ്പുണ്ട്. പലപ്പോഴും കൗമാരപ്രായക്കാരെ വാചകമടിച്ചു വീഴ്ത്തി അവരിൽ നിന്ന് എല്ലാത്തരത്തിലുമുള്ള സൗകര്യങ്ങൾ തട്ടിപ്പറിച്ചതിനുശേഷം അവരെ ഒഴിവാക്കുകയും പലപ്പോഴും അങ്ങനെ ഒഴിവാക്കപ്പെടുമ്പോൾ ഈ കുട്ടികൾ തീവ്രമായ വിഷാദത്തിലേക്കും ആത്മഹത്യാ പ്രവണതയിലേക്കും വീണു പോകുന്നതായി നമ്മൾ കണ്ടു വരുന്നു.

 

പുരുഷന്മാരും ഇത്തരം കെണികളിൽ വീണു പോകുന്നത് അത്യപൂർവമല്ലാതെ സംഭവിക്കുന്നുണ്ട്. പലപ്പോഴും പുരുഷന്മാരെ കെണിയിൽ വീഴ്ത്തുന്നത് സ്ത്രീകൾ ആയിരിക്കാം മറ്റു പുരുഷന്മാരായിരിക്കാം. പലപ്പോഴും സമ്പന്നരായ പുരുഷന്മാരുടെ ദൗർബല്യങ്ങൾ മനസ്സിലാക്കി അത് മുതലെടുക്കാൻ വേണ്ടി സംഘടിതമായ കുറ്റകൃത്യം ചെയ്യുന്ന സംഘങ്ങളും ഈ  രീതിയിൽ പ്രവർത്തിക്കാറുണ്ട്. ഒരു സ്ത്രീയുടെ പ്രൊഫൈൽ ശ്രദ്ധിച്ച് പുരുഷനുമായി ചാറ്റ് ചെയ്യുകയും അയാളിൽ നിന്നു പല രഹസ്യങ്ങളും ചോർത്തിയെടുക്കുകയും ഈ പറഞ്ഞ വിഡിയോ കോളുകളടക്കമുള്ള കാര്യങ്ങൾ നടത്തുകയും ആ കോളുകളെല്ലാം റെക്കോർഡ് ചെയ്‌ത്‌ വച്ചതിനു ശേഷം അതിന്റെ പേരിൽ പുരുഷന്മാരെ ബ്ലാക്‌മെയിൽ ചെയ്യുകയും ചെയ്യുന്ന സംഘങ്ങൾ നിലവിലുണ്ട്. അത്തരം ധാരാളം കേസുകൾ റിപ്പോർട്ട് ചെയ്യപ്പെടുകയും ചെയ്യുന്നുണ്ട്.  

സമൂഹമാധ്യമങ്ങളിലൂടെയുള്ള സൗഹൃദങ്ങളിൽ ആരോഗ്യപരമായ അതിർവരമ്പുകൾ നാം പാലിക്കേണ്ടതുണ്ട്. ഒന്ന് ആ വ്യക്തിയെക്കുറിച്ച് പൂർണമായി മനസിലാക്കിയ ശേഷം മാത്രമേ അദ്ദേഹത്തോട് കൂടുതൽ അടുപ്പം സ്ഥാപിക്കുകയോ സ്വന്തം സ്വകാര്യങ്ങൾ വെളിപ്പെടുത്തുകയോ ചെയ്യാവൂ. ആ വ്യക്തി പറയുന്ന കാര്യങ്ങൾ ശരിയാണോ എന്ന് അന്വേഷിച്ച് അറിയാൻ ഇന്ന് ഇന്റർനെറ്റ് യുഗത്തിൽ  ഒരുപാട് മാർഗങ്ങൾ ഉണ്ട്. ഒരു പ്രത്യേക സ്ഥലത്ത് ജോലി ചെയ്യുന്നു, ഒരു സ്ഥാപനത്തിൽ ജോലി ചെയ്യുന്നു അല്ലെങ്കിൽ ഒരു സ്ഥലത്ത് പഠിക്കുന്നു എന്ന് പറഞ്ഞാൽ അവിടെ നമുക്ക് പരിചയമുള്ള അല്ലെങ്കിൽ നമ്മുടെ പരിചിത വലയത്തിൽ എവിടെയെങ്കിലുമുള്ള വ്യക്തികളുമായി അന്വേഷിച്ചിട്ട് ഇങ്ങനെയൊരു വ്യക്തി ഉണ്ടോ അയാളുടെ സ്വഭാവം എങ്ങനെയാണ് തുടങ്ങിയവ അറിയാനിന്ന് അനായാസം സാധിച്ചേക്കും.

ഇത്തരത്തിൽ ആ വ്യക്തിയെക്കുറിച്ച് ഒരു അന്വേഷണം നടത്തി, അയാളെക്കുറിച്ച് വ്യക്തമായി ബോധ്യപ്പെട്ടതിനു ശേഷം മാത്രം അത്തരം ബന്ധങ്ങൾ തുടരുന്നതായിരിക്കും അഭികാമ്യം. മറിച്ച് തനിക്ക് ബോധ്യം ഇല്ലാത്ത അല്ലെങ്കിൽ അന്വേഷിച്ച്  മനസിലാക്കാൻ കഴിഞ്ഞിട്ടില്ലാത്ത വ്യക്തികളെ നാം കൂടുതൽ സഹകരിപ്പിക്കുന്നത് നല്ലതാകില്ല.

കോക്നോ സ്റ്റോണിന്റെ കഥ..

സ്കോട്‌ലൻഡിൽ 1887ലാണ് ഈ ഭീമൻ പാറക്കഷ്ണം കണ്ടെത്തുന്നത്. കോക്നോ എന്നറിയപ്പെട്ടിരുന്ന ഫാമിനു സമീപത്തുനിന്നു കണ്ടെത്തിയതിനാലായിരുന്നു അതുമായി ബന്ധപ്പെട്ട പേര് നൽകിയത്. റവ. ജയിംസ് ഹാർവി കണ്ടെത്തിയ ഈ പാറയിൽ പലതരത്തിലുള്ള 90 അടയാളങ്ങളായിരുന്നു ഉണ്ടായിരുന്നത്. അതിലേറെയും വൃത്താകൃതിയിലുള്ളതായിരുന്നു.

ചരിത്രപരമായി ഏറെ പ്രാധാന്യമുള്ളതാണെന്ന് ഒറ്റനോട്ടത്തിൽ വ്യക്തം. ഒട്ടേറെ പുരാവസ്തു ഗവേഷകരും ഇതു പരിശോധിച്ചു.

 13 മീറ്റര്‍ നീളവും 7.9 മീറ്റർ വീതിയുമുള്ള ഈ പാറക്കഷ്ണം ചരിത്രാതീത കാലത്ത് ആകാശനിരീക്ഷണത്തിന് ഉപയോഗിച്ചിരുന്ന ഭൂപടം ആണെന്നാണു കരുതപ്പെടുന്നത്. നക്ഷത്രങ്ങളും ഗ്രഹങ്ങളും ക്ഷീരപഥങ്ങളും നിറഞ്ഞ ഒരു കോസ്മിക് മാപ് ആണിതെന്ന നിലയിലായിരുന്നു ആദ്യകാല പഠനങ്ങൾ. സൂര്യന്റെയും ചന്ദ്രന്റെയും സഞ്ചാരം സംബന്ധിച്ച കൃത്യമായ അടയാളപ്പെടുത്തലുകൾ അതിലുണ്ടായിരുന്നു. എന്നാൽ മറ്റ് അടയാളങ്ങളുടെ അർഥം തിരിച്ചറിയാൻ ഇന്നും ഗവേഷകർക്കായിട്ടില്ല.

യൂറോപ്പിൽ പല ഭാഗത്തും ഇത്തരം പെട്രോഗ്ലിഫുകൾ കണ്ടെത്തിയിട്ടുണ്ട് (പാറകളിൽ കല്ലുകൊണ്ടോ ആയുധങ്ങൾ കൊണ്ടോ കൊത്തിയുണ്ടാക്കുന്ന അടയാളങ്ങളാണ് പെട്രോഗ്ലിഫുകൾ.

 പാറകളിലെ പ്രാചീനകാല ചിത്രംവരകൾക്ക് പിക്ചോഗ്രാഫുകൾ എന്നാണു പേര്) എന്നാൽ സ്കോട്‌ലൻഡിൽ കണ്ടെത്തിയതിനു സമാനമായ അടയാളങ്ങൾ ലോകത്ത് വേറെ എവിടെയും കണ്ടെത്താനായിട്ടില്ലെന്നതാണ് കോക്നോ സ്റ്റോണിന്റെ ദുരൂഹത വർധിക്കാനുള്ള കാരണം. വർഷങ്ങളോളം ഇതിന്മേൽ കാര്യമായ പഠനമൊന്നും നടന്നില്ല. എന്നാൽ 1965ൽ ഈ അടയാളങ്ങൾ പൂർണമായും ഫോട്ടോയെടുക്കുകയും മറ്റ് തെളിവുകൾ ശേഖരിക്കുകയും ചെയ്തതിനു ശേഷം മണ്ണിട്ടു മൂടാൻ തീരുമാനിച്ചു.

പുരാവസ്തു ഗവേഷകൻ ലുഡോവിക് മക്‌ലെല്ലൻ മന്നിന്റെ നേതൃത്വത്തിലായിരുന്നു ഇത്. അതിനു കാരണവുമുണ്ട്. ഒട്ടേറെ പേര്‍ ഈ പാറ കാണാനെത്തുകയും അതിന്മേൽ സ്വന്തം കരവിരുതു പ്രകടിപ്പിക്കുകയും ചെയ്തു തുടങ്ങിയതോടെ അടയാളങ്ങളുടെ രൂപംതന്നെ മാറാന്‍ തുടങ്ങി. അങ്ങനെയാണ് ഏതാനും അടി കനത്തിൽ മണ്ണിട്ട് ഈ പാറ മൂടിയത്. എന്നാൽ ലുഡോവിക് തന്നെ തന്റെ ഒരു നിരീക്ഷണത്തിന്റെ ഭാഗമായി പാറകളിലെ അടയാളങ്ങൾക്കു മീതെ വെളുത്ത ചായം പൂശിയിരുന്നുവെന്നതാണ് കൗതുകകരം! ഗ്രഹണം മുൻകൂട്ടി നിശ്ചയിക്കാനും സൂര്യന്റെയും ചന്ദ്രന്റെയും സഞ്ചാരപാത തിരിച്ചറിയാനും വേണ്ടിയാണ് ഈ പാറയിലെ അടയാളങ്ങൾ ഉപയോഗിച്ചിരുന്നതെന്നു തെളിയിക്കുകയായിരുന്നു അദ്ദേഹത്തിന്റെ ലക്ഷ്യം.

അര നൂറ്റാണ്ടിനിപ്പുറം, 2015ൽ, വീണ്ടും കോക്നോ സ്റ്റോൺ മണ്ണു മാറ്റി പുറത്തെടുത്തു. മൂന്നു ദിവസത്തോളം പണിയെടുത്താണ് ഗ്ലാസ്ഗോ സർവകലാശാലയിലെ ഗവേഷകരും വിദ്യാർഥികളും ഭാഗികമായി ഈ പാറ വീണ്ടെടുത്തത്. പിന്നീട് ഒരു വർഷംകൊണ്ടു നടത്തിയ പഠനത്തിൽ കോക്നോ സ്റ്റോൺ വീണ്ടും പൂർണമായി ലോകത്തിനു മുന്നിലെത്തി. ബിസി 3000 ആണ്ടിലാണ് ഈ പാറയിൽ കൊത്തുപണികൾ നടത്തിയതെന്നാണു ഗവേഷകർ കണ്ടെത്തിയിട്ടുള്ളത്. യൂറോപ്പിൽ നിയോലിതിക് അല്ലെങ്കിൽ വെങ്കലയുഗത്തിൽ നടന്നിട്ടുള്ള ഏറ്റവും മികച്ച കപ് ആൻഡ് റിങ് മാർക്കിങ് കൂടിയായിരുന്നു കോക്നോ സ്റ്റോണിലേത് (പുരാതന കാലത്ത് യൂറോപ്പിന്റെ പല ഭാഗങ്ങളിലും പാറകളിൽ കൊത്തിയ നിലയിൽ കണ്ടെത്തിയ അടയാളങ്ങളാണ് കപ് ആൻഡ് റിങ്സ് എന്നറിയപ്പെടുന്നത്)

കൃത്യതയോടെ അടയാളപ്പെടുത്തിയിട്ടുണ്ടെങ്കിലും പാറയിലെ കോക്നോ സ്റ്റോണിലെ അടയാളങ്ങൾ ഇന്നും ലോകത്തിനു മുന്നിലെ സമസ്യയാണ്. ഇതാരാണ് നിർമിച്ചതെന്നതും അവ്യക്തം. വാനനിരീക്ഷണത്തിനുള്ള ഭൂപടം, പ്രാചീനകാലത്തെ ചിത്രരചനാ രീതി, പ്രാചീനമായൊരു ഭാഷ എന്നിങ്ങനെ പല വാദങ്ങളുമുണ്ട്. അതല്ല, മതപരമായ ആചാരത്തിന് ഉപയോഗിച്ചതാണ് ഈ പാറയെന്ന വാദവുമുണ്ട്. കോക്നോ സ്റ്റോണിന് സമാനമായ മറ്റു പാറകള്‍ മധ്യ അമേരിക്കൻ രാജ്യങ്ങളിൽ കണ്ടെത്തിയിട്ടുണ്ട്. ഇന്ത്യയിലും പലയിടത്തും സമാനമായ അടയാളങ്ങൾ കണ്ടെത്തിയിട്ടുണ്ടെന്നതാണു യാഥാർഥ്യം.

ഭ്രൂണഹത്യ അരുത്.. Say No To Abortion..

ഇനിയൊരു കുഞ്ഞും അമ്മയുടെ ഉദരത്തിൽ ചിന്നഭിന്നം ആകരുത്.. 

ഒരു കഥ പറയാം. ഒരു സംഭവകഥ

1980കളിൽ ഒരിക്കൽ എപ്പൊഴോ മദ്യപാനം കൂടി കരൾ രോഗം വന്ന് മരിച്ച ഒരാളുടെ ഭാര്യയായിരുന്നു ഡൊളോറസ് അവീരോ (Dolores Aveiro). ഗർഭിണിയായിരുന്ന ഡൊളോറസിന് ആ കുഞ്ഞിനെ വേണമെന്ന് ആഗ്രഹമില്ലായിരുന്നു. ഒരുപക്ഷേ ഒറ്റയ്ക്ക് കുടുംബം നോക്കുന്നതെങ്ങനെയെന്ന് ആലോചിച്ചിരിക്കാം. ഗർഭഛിദ്രം നടത്തണമെന്ന ആവശ്യവുമായി ഒരു ഡോക്ടറെ സമീപിച്ച അവരെ ഡോക്ടർ കൈവിട്ടു. ചൂടുള്ള ബിയർ കുടിച്ചശേഷം തളർന്നുവീഴും വരെ ഓടിയ ഡൊളോറസിന്റെ അവസാന ശ്രമത്തെയും തോല്പിച്ച് ആ കുഞ്ഞ് 1985 ഫെബ്രുവരി 5 ന് ഭൂമിയിൽ പിറന്നുവീണു.

അവനെ നശിപ്പിക്കാൻ അമ്മ തളർന്നുവീഴും വരെ ഓടിയെങ്കിൽ ഇന്ന് ലോകത്ത് അങ്ങോളമിങ്ങോളമുള്ള പുൽ മൈതാനങ്ങളിൽ അവന്റെ പിന്നാലെ നെട്ടോട്ടമോടി തളർന്ന് വീഴുകയാണ് ഒട്ടുമിക്ക ഡിഫന്റർമാരുടെയും ജോലി. പട്ടിണി പേടിച്ച് നശിപ്പിക്കാൻ തീരുമാനിച്ച ആ കുഞ്ഞ് ആ കുടുംബത്തിന്റെ പട്ടിണി മാറ്റിയെന്ന് മാത്രമല്ല ഇന്ന് ലോകത്ത് ഏറ്റവും പ്രതിഫലം വാങ്ങുന്ന ഫുട്ബോളറും കൂടിയാണ്. മൂന്നക്ഷരത്തിൽ ലോകം മുഴുവൻ അറിയപ്പെടുന്ന ആ മറ്റാരുമല്ല. ക്രിസ്റ്റ്യാനോ റൊണാള്‍ഡോ. 

”Cristiano was an unwanted baby but he’s given me so much joy.” ( ക്രിസ്റ്റ്യാനോയുടെ അമ്മ.. )

പിറന്ന് വീഴാൻ പോകുന്ന കുഞ്ഞിന്റെ വിലയോ ജാതകമോ മുൻകൂട്ടി നിശ്ചയിക്കാൻ ലോകത്ത് ഒരാൾക്കും സാദ്ധ്യമല്ല. ഒരു ക്രിസ്റ്റ്യാനോ റൊണാൾഡോയിൽ തീരുന്നില്ല അബോർഷനിൽ നിന്ന് രക്ഷപ്പെട്ടവരുടെ ലിസ്റ്റ്. 

ടൈറ്റാനിക്കിലെ പ്രശസ്തമായ ആ പാട്ടിന്റെ (Every night in my dreams) ശബ്ദം സെലിൻ ഡിയോൺ, പട്ടിണി നിറഞ്ഞ കുടുംബത്തിലെ പതിനാലാമത്തെ കുഞ്ഞിനെ വേണ്ടെന്ന് വയ്ക്കണമെന്ന തീരുമാനം ഒരു പള്ളി വികാരി തടഞ്ഞതുകൊണ്ട് ഭൂമിയിൽ പിറന്നവളാണ്.

 കരോൾ വോയ്റ്റിവ, പിൽക്കാലത്തെ സെന്‍റ്.ജോൺ പോൾ രണ്ടാമൻ മാർ പാപ്പ, സ്വന്തം ജീവൻ രക്ഷിക്കാൻ ഡോക്ടർ സജസ്റ്റ് ചെയ്ത അബോർഷൻ അമ്മ വേണ്ടെന്ന് വച്ചതിന്റെ ഫലമായിരുന്നു.

 ഹോളിവുഡ് അഭിനേതാവും ഓസ്കാർ അവാർഡ് ജേതാവുമായ ജാക് നിക്കോൾസൺ അമ്മയെ മുത്തശ്ശി അബോർഷനിൽ നിന്ന് പിന്തിരിപ്പിച്ചതിന്റെ ഫലവും.

ഇവരുടെയൊന്നും കഥകൾ അറിഞ്ഞില്ലെങ്കിൽ പോലും മറ്റാരോ ഒരാൾ സ്വന്തം സുഖത്തെക്കുറിച്ച് ഓർക്കാഞ്ഞതിന്റെ, സ്വാർഥമതികളാവാഞ്ഞതിന്റെ, ഫലമാണ് ഞാനും നിങ്ങളുമെല്ലാം. മറ്റൊരാളുടെ ഔദാര്യത്തിൽ പിറന്നുവീണ ഒരാൾക്ക് എങ്ങനെ അതേ അവകാശം ഇനിയൊരാൾക്ക് ഒരു കുഞ്ഞിന് നിഷേധിക്കാൻ കഴിയും?

ഓർക്കുക, നിങ്ങളവസാനിപ്പിക്കുന്നത് ചിലപ്പോൾ ലോകത്തെ തന്നെ മാറ്റി മറിക്കാൻ പോകുന്ന ഒരു വ്യക്തിയെ ആയിരിക്കാം. 

ഗർഭസ്ഥശിശുവിനെ ഒരു വ്യക്തിയായി കാണാൻ സാധിക്കില്ലെന്നും അതുകൊണ്ട് അബോർഷൻ കൊലപാതകമല്ലെന്നും വാദിക്കുന്നവരുണ്ട്. അബോർഷൻ പ്രായപരിധി 24 ആഴ്ച എന്ന് മാറ്റിയെഴുതുമ്പോൾ കൊല്ലപ്പെടുന്നത് ഒരു വ്യക്തിയല്ലെന്ന് വിശ്വസിക്കാൻ എന്തുകൊണ്ടോ, എനിക്ക് കഴിയുന്നില്ല. 21ആം ദിവസം ഹൃദയം മിടിച്ച് തുടങ്ങുന്നു. ശ്വാസോച്ഛ്വാസം 12 ആഴ്ച ആകുമ്പോൾ കാണാൻ കഴിയും. ആദ്യ ആഴ്ചകളിൽ ശ്വാസകോശം ഒരു സോളിഡ് ഓർഗൻ ആണെങ്കിലും ശ്വാസകോശം 28 ആഴ്ചയിൽ വികസിച്ച് തുടങ്ങുകയും ചെയ്യും. 12 ആഴ്ചയോടെ വിഴുങ്ങാനുള്ള കഴിവ് ലഭിക്കുന്നു.16 ആഴ്ചയിൽ നനുത്ത രോമങ്ങൾ (ലാന്യുഗോ ഹെയർ) കണ്ടുതുടങ്ങുന്നു. 12 ആഴ്ചയുടെ അവസാനം വൃക്കകൾ പ്രവർത്തിച്ച് തുടങ്ങും.

പൂർണവളർച്ചയെത്തിയ ഒരു കുഞ്ഞിന് സാധാരണ 2.5 തൊട്ട് 3.5 കിലോഗ്രാം വരെ തൂക്കവും 50 cm നീളവും (Crown Rump Length) ഉണ്ടായിരിക്കും. സാധാരണ 10 ചാന്ദ്രമാസം (280 ദിവസം) ആണു ഗർഭകാലമെങ്കിലും 37 ആഴ്ചകൾക്ക് മുൻപ് പിറക്കുന്ന കുഞ്ഞുങ്ങളെയേ മാസം തികയാതെ പിറന്നു (Preterm) എന്ന കണക്കിൽ ഉൾപ്പെടുത്താറുള്ളൂ. ഗർഭപാത്രത്തിനു പുറത്ത് ജീവിച്ച കുഞ്ഞുങ്ങളിൽ ഏറ്റവും പ്രായം കുറഞ്ഞത് 21 ആഴ്ച 5 ദിവസം പ്രായമുണ്ടായിരുന്ന കാനഡയിലെ ഒട്ടാവയിൽ ജനിച്ച കുട്ടിക്കാണ്. ഇന്ത്യയിൽ 23 ആഴ്ച പ്രായവും 460 ഗ്രാം തൂക്കവും 30cm നീളവുമുള്ള ബേബി സാക്ഷി മുംബൈയിൽ സുരക്ഷിതമായി ഹോസ്പിറ്റൽ വിടുകയുണ്ടായി.

അപൂർവമായ സംഭവങ്ങളായിരുന്നാൽ തന്നെ 24 ആഴ്ചയ്ക്ക് മുൻപ് ജനിച്ച കുട്ടികൾ ജീവിക്കാറുണ്ടെന്ന് സൂചിപ്പിക്കാൻ വേണ്ടി പറഞ്ഞെന്ന് മാത്രം. Period of Viability ആയി പറയപ്പെടുന്നത് 28 ആഴ്ചകളാണ്. അതായത് 7 മാസം. അപ്പോൾ കുഞ്ഞിന് ഏകദേശം 25 സെ.മീ നീളവും 1100 ഗ്രാം തൂക്കവുമുണ്ടാകും. പിന്നീടുള്ള 12 ആഴ്ചകൾ കൊണ്ട് അത്രത്തോളം തന്നെ തൂക്കം കൂടുകയും ചെയ്യും. ജനിക്കാത്ത ഒരു കുഞ്ഞ് മനുഷ്യനല്ലെന്നും മനുഷ്യാവകാശമില്ലെന്നും വാദിക്കുന്നത് ശരിയാണെന്ന് ഇപ്പൊഴും എനിക്ക് അഭിപ്രായമില്ല. എതിരുള്ളവർ പറഞ്ഞുതന്നാൽ കൊള്ളാം. ജനിച്ച് വീഴുന്നതിനു മുൻപുള്ള കുഞ്ഞിന്റെ മുഖമോ സ്വരമോ അറിയില്ലാത്തതുകൊണ്ട് കൊല്ലാൻ എളുപ്പമുണ്ടാകും. എന്നാൽ 24 ആഴ്ച പ്രായമുള്ള കുഞ്ഞിന്റെ ജീവൻ അവസാനിപ്പിക്കുന്നതിനു പകരം രണ്ടോ മൂന്നോ വയസുള്ള കുഞ്ഞിനെ കൊല്ലാൻ ഒന്ന് പറഞ്ഞ് നോക്കൂ.

മറ്റൊരു വാദം സ്ത്രീയുടെ ശരീരത്തിനു മേൽ സമ്പൂർണമായ അധികാരം സ്ത്രീയ്ക്കാണെന്നും തീരുമാനം സ്ത്രീയുടേതാണെന്നുമാണ്. രണ്ട് പ്രശ്നങ്ങളുണ്ടിവിടെ. ഒന്ന്, ഈ വാദം തന്നെ തെറ്റാണ്. തീരുമാനമെടുക്കപ്പെടുന്നത് സ്ത്രീയുടെ മാത്രം ശരീരത്തെക്കുറിച്ചല്ല. തീരുമാനത്തിന്റെ പരിധിയിൽ രണ്ടാമത് ഒരു മനുഷ്യജീവൻ കൂടി വരുന്നുണ്ട്. രണ്ടാമതായി, നമ്മുടെ ജീവന്റെ മേൽ പൂർണ അധികാരം നമുക്ക് മാത്രമായിരുന്നെങ്കിൽ ചില ഇടങ്ങളിലെങ്കിലും ആത്മഹത്യയും ആത്മഹത്യാപ്രേരണയും പുകയിലയും മദ്യപാനവും ലഹരി ഉപയോഗവും കുറ്റകരമാകുമായിരുന്നില്ല.

അബോര്‍ഷന്‍: അനുവദിക്കേണ്ടത് ഇളവല്ല, നിയമത്തിന്റെ സംരക്ഷണം

എത്ര ആഴ്ച ആയിരുന്നാലും ജനിക്കാൻ പോകുന്ന കുഞ്ഞും മനുഷ്യനാണ്. മനുഷ്യാവകാശങ്ങളുമുണ്ട്. ഗാസയിലും പലസ്തീനിലും കശ്മീരിലും നിരപരാധികൾക്ക് വേണ്ടി ഗർജിക്കാൻ സിംഹങ്ങളുണ്ട്. 2007ൽ മാത്രം ഈ ഇന്ത്യാ മഹാരാജ്യത്ത് 6.4 മില്യൺ ഭ്രൂണഹത്യ നടന്നിട്ടുണ്ടത്രേ. കശ്മീരും ഗുജറാത്തും വടക്കും തെക്കും ഇൻഡ്യയും കൂട്ടിയെടുത്താൽ അതിന്റെ എത്രയോ മടങ്ങ് നിരപരാധികൾ. ഈ ഭ്രൂണഹത്യകളത്രയും അമ്മയുടെ ജീവന് ഭീഷണിയുള്ളതുകൊണ്ട് നടന്നതാണെന്ന് വിശ്വസിക്കുന്നവർക്ക് നല്ല നമസ്കാരം.

ഒരു ചെറിയ കള്ളം പറഞ്ഞാൽ ആർക്കും ഭ്രൂണഹത്യ നടത്തിക്കിട്ടും. നിയമവിരുദ്ധമായ ഭ്രൂണഹത്യ ഏറ്റവും കൂടുതൽ ഉപയോഗിക്കപ്പെടുന്നത്‌ പെൺ ഭ്രൂണഹത്യക്കാണത്രേ. ആരു ജീവിക്കണം ആരു മരിക്കണം എന്ന് തീരുമാനിക്കാൻ ആരാണു നമുക്ക്‌ അധികാരം തന്നത്‌? അതീവഗുരുതരമായ അംഗവൈകല്യമുണ്ടെങ്കിൽ അബോർഷൻ നടത്താമെന്നാണ. മനോരമയിൽ രണ്ട്‌ കൈകളുമില്ലാത്ത ഒരു കുട്ടി മനോഹരമായി ചിത്രം വരയ്ക്കുന്നത്‌ കണ്ടിരുന്നു. ആ കുട്ടിയെ കൊന്നുകളഞ്ഞിരുന്നെങ്കിലോ? സ്റ്റീഫൻ ഹോക്കിങ്ങ്സ്‌ ആത്മഹത്യ ചെയ്തിരുന്നെങ്കിലോ? ഹെലൻ കെല്ലർ അന്ധയായപ്പൊ കൊന്നിരുന്നെങ്കിലോ?  

ജീവിക്കാൻ ആർക്കാണ് അർഹതയെന്ന് തീരുമാനിക്കാൻ നമ്മളാരാണ്?

ഗൂഗിളിൻറെ കഥ..

ഗൂഗിൾ ഇൻറർനെറ്റ് തിരച്ചിൽ, വെബ് അധിഷ്ഠിത സേവനം, വെബ്സൈറ്റ് പരസ്യം എന്നീ രംഗങ്ങളിൽ പ്രവർത്തിക്കുന്ന അമേരിക്കൻ കമ്പനിയാണ് ഗൂഗിൾ (ഇംഗ്ലീഷ് ഉച്ചാരണം - IPA: [ˈguːgəl]) ലോകത്തിലെ ഏറ്റവുംവിശാലമായ ഇന്റർനെറ്റ് തിരച്ചിൽ സംവിധാനമാണ് ഗൂഗിൾ. 

അറിവുകൾ ശേഖരിച്ച് സാർവ്വ ദേശീയമായി ലഭ്യമാക്കുക എന്നതാണ് ഗൂഗിളിന്റെ പ്രഖ്യാപിത ലക്ഷ്യം. വിവിധ തിരച്ചിൽ ഉപകരണങ്ങളിലൂടെ ഇരുപത് കോടിയിൽപ്പരം അന്വേഷണങ്ങളാണ് പ്രതിദിനം ഗൂഗിളിലെത്തുന്നത്. വെബ്സെർച്ച് എൻ‌ജിൻ മാത്രമായി തുടക്കം കുറിച്ച ഗൂഗിളിൽ ഇപ്പോൾ ചിത്രങ്ങൾ, വാർത്തകൾ, വീഡിയോ, മാപ്പുകൾ, ഓൺലൈൻ വ്യാപാരം, ഓൺലൈൻ സംവാദം എന്നിങ്ങനെ ഇന്റർനെറ്റിന്റെസമസ്ത മേഖലകളിലും അനുബന്ധ സംവിധാനങ്ങളുണ്ട്. 2005 തുടക്കമായപ്പോഴേക്കും 800 കോടിയോളം വെബ് പേജുകളും നൂറുകോടിയോളം വെബ്ചിത്രങ്ങളുംഗൂഗിൾ തിരച്ചിലുകൾക്കായി ക്രമപ്പെടുത്തിയിരുന്നു2015 ഓഗസ്റ്റ് 10 -ന് ഗൂഗിൾ പല കമ്പനികളായി വിഭജിച്ചു. അങ്ങനെ ആൽഫബെറ്റ് എന്ന് പേരിട്ട പുതിയ കമ്പനിയിലെ ഉപകമ്പനിയായി ഗൂഗിൾ. സുന്ദർ പിച്ചൈ ഗൂഗിളിന്റെ പുതിയ സിഇഒ ആയി നിയമിതനായി.

മുൻ സി ഇ ഒ ലാറി പേജ് മാതൃസ്ഥാപനമായ ആൽഫബെറ്റ് ഇൻകോർപ്പറേഷന് നേതൃത്വം നല്കും.അപ്രതീക്ഷിതമായ ഒരു അക്ഷരപ്പിശകിൽ നിന്നും പിറവിയെടുത്തതാണ് ഗൂഗിൾ എന്ന പദം.
ഒന്നിനു ശേഷം നൂറു പൂജ്യങ്ങൾ വരുന്ന സംഖ്യയെ സൂചിപ്പിക്കാൻ ഉപയോഗിക്കുന്ന ഗൂഗൾ(googol) എന്ന പദം സെർച്ച് എൻ‌ജിന്റെ പേരാക്കാനായിരുന്നു സ്ഥാപകരുടെ ലക്ഷ്യം. അമേരിക്കൻ ഗണിത ശാസ്ത്രജ്ഞനായ എഡ്വേഡ് കാസ്നറുടെ അനന്തരവൻ ഒൻപതു വയസുകാരൻ മിൽട്ടൺ സൈറോറ്റയാണ് 1938ൽ ആദ്യമായി ഗൂഗൾ എന്ന പദം ഉപയോഗിച്ചത്. 

ഗണിത ശാസ്ത്രജ്ഞരുടെ ഇടയിൽ പ്രചരിച്ചിരുന്നഈ പദം തന്നെ തങ്ങളുടെ സെർച്ച് എൻ‌ജിനു പേരായി നൽകാം എന്നായിരുന്നു ഗൂഗിളിന്റെ പിറവിക്കു പിന്നിൽ പ്രവർത്തിച്ചവരുടെ ചിന്ത. എണ്ണിയാലൊടുങ്ങാത്ത വിവരങ്ങൾ ഈ സെർച്ച് എൻ‌ജിനിൽ ലഭ്യമാകും എന്ന സന്ദേശമായിരുന്നു വിവക്ഷ. എന്നാൽ അവർ എഴുതിയത് അക്ഷരപ്പിശകോടെയായെന്നു മാത്രം. അങ്ങനെ ഗൂഗളിനു പകരം ഗൂഗിൾ(google) ആയി മാറി.ഏതായാലും തങ്ങൾക്കു പറ്റിയ അക്ഷരപ്പിശക് മറ്റാരെയും വഴിതെറ്റിക്കരുത് എന്ന ചിന്ത ഗൂഗിൾ ഉടമകൾക്ക് ഉണ്ടെന്നുള്ളതാണു രസകരമായ വസ്തുത. ഗൂഗിൾ എന്ന് ടൈപ് ചെയ്യുമ്പോൾ വന്നുപോയേക്കാവുന്ന അക്ഷരപ്പിശകുകളുടെ ഫലങ്ങളെല്ലാം ഡൊമെയ്ൻ പദങ്ങളായി രജിസ്റ്റർ ചെയ്തിട്ടുണ്ട്..gogle , googel.comഎന്നിങ്ങനെ തെറ്റായി ടൈപ് ചെയ്താലും ചെന്നെത്തുന്നത്ഗൂഗിളിൽ തന്നെയായിരിക്കും. ഗൂഗിളിനു സദൃശമായ അക്ഷരത്തെറ്റുകളെല്ലാം ഇപ്രകാരം ശരിയായ ഡൊമെയിൻ നാമത്തിലേക്കു് വഴിതിരിച്ചു വിട്ടിരിക്കുകയാണ്.

സ്റ്റാൻ‌ഫോർഡ് സർവ്വകലാശാലയിലെപി.എച്ച്.ഡി. വിദ്യാർത്ഥികളായിരുന്ന ലാറി പേജ്, സെർജി ബ്രിൻഎന്നിവരുടെഗവേഷണ വിഷയമെന്ന നിലയ്ക്കാണ് ഗൂഗിൾ ബീജാവാപം ചെയ്തത്. 1996 ജനുവരിയിലായിരുന്നു ഇവർ ഗവേഷണത്തിനു തുടക്കമിട്ടത്. വെബ്‌സൈറ്റുകളുടെ സ്വഭാവത്തിനനുസരിച്ച് തിരയൽ ക്രമീകരിക്കാമോ എന്ന പരീക്ഷണമാണ് ഇവർ തുടക്കമിട്ടത്. അതുവരെ ഒരാൾ തിരയുന്ന പദം എത്ര തവണ പേജിലുണ്ട് എന്നു നോക്കുക മാത്രമായിരുന്നുവെബ്‌തിരയൽ സംവിധാനങ്ങളുടെ ശൈലി. പലപ്പോഴും പരസ്പര ബന്ധമില്ലാത്ത ഫലങ്ങൾ ഇത്തരം തിരയലുകൾ തരുമെന്നതിൽ സംശയമില്ല. തങ്ങളുടെ പുതിയ തിരച്ചിൽ സംവിധാനത്തിന് ബാക്ക് റബ് എന്ന പേരാണ് ലാറിയും സെർജിയും നൽകിയത്. ബാക്ൿലിങ്കുകളിൽനിന്നും സെർച്ച് ഫലങ്ങൾ കണ്ടെത്തിയിരുന്നതിനാലാണിത്.പരീക്ഷണങ്ങൾ ഫലപ്രാപ്തിയിലെത്തിയതോടെ 1997 സെപ്റ്റംബർ 15ന് ഗൂഗിൾ എന്ന ഡൊമെയിൻ നാമം രജിസ്റ്റർ ചെയ്യപ്പെട്ടു. ഒരുവർഷത്തിനു ശേഷംകാലിഫോർണിയയിൽ ഒരു സുഹൃത്തിന്റെ ഗാരേജിൽ ലാറിയും സെർജിയും തങ്ങളുടെ കമ്പനിയുടെ പ്രവർത്തനമാരംഭിച്ചു.

1999 സെപ്റ്റംബർ 21 വരെ ഗൂഗിൾ സെർച്ച് ബീറ്റാ വെർഷനിലായിരുന്നു പ്രവർത്തിച്ചത്.ലളിതമായ രുപകൽ‌പനയായിരുന്നു ഗൂഗിൾ സെർച്ച് എൻ‌ജിന്റെ പ്രധാന ആകർഷണം. ചിത്രങ്ങൾ അധികമൊന്നും നൽകാതെയുള്ള ഈ ലാളിത്യ മുഖം ഗൂഗിൾ പേജുകൾ ലോഡ് ചെയ്യുന്നത് എളുപ്പമാക്കി. ഇന്റർനെറ്റ് ഉപഭോക്താക്കളുടെഇടയിൽ ഗൂഗിൾ പെട്ടെന്നു പ്രശസ്തമായി. 2000-ൽ സെർച്ച് കീ വേർഡിനനുസരിച്ച്ഗൂഗിളിൽ പരസ്യങ്ങൾ നൽകാൻ തുടങ്ങി. ഗൂഗിളിന്റെ വരുമാനവുംഇതോടെ കുതിച്ചുയർന്നു.

സമകാലീനരായ ഒട്ടേറെ ഡോട്ട്കോം സംരംഭങ്ങൾ പരാജയപ്പെട്ടപ്പോഴും കാർഷെഡിൽ പ്രവർത്തനമാരംഭിച്ച ഗൂഗിൾ വിജയ ഗാഥകൾ രചിച്ചു.ഇന്റർനെറ്റിൽ തിരയുക എന്നതിനു പകരമായി റ്റു ഗൂഗിൾ എന്ന പ്രയോഗശൈലി തന്നെ ഇംഗ്ലീഷിൽ രൂപപ്പെട്ടു.ഏതായാലും ഗൂഗിൾ ഉടമകൾ ഈ ശൈലിക്ക് അത്ര പ്രോത്സാഹനം നൽകിയില്ല. തങ്ങളുടെ ഡൊമെയിൻ നാമം ദുരുപയോഗം ചെയ്യപ്പെടുമോ എന്ന പേടിയായിരുന്നു ഇതിനു പിന്നിൽ.

Spy Princess..

1944 SEPTEMBER 11 പുലർച്ചെ ജർമനിയിലെ നാസി Dachau Concentration Camp ൽ നാല് പേരെ നിരത്തി നിർത്തിയിരിക്കുന്നു അതിൽ മുപ്പത്‌ വയസുമാത്രം പ്രായമുള്ള സുന്ദരിയായ ഒരു പെൺകൊടിയും ഉണ്ടായിരുന്നു പുലർച്ചെ വരെ Wilhelm Ruppert ന്റെ കാമകേളികൾക്ക് ഇരയായിരുന്നു അവർ . പെട്ടന്ന് അവരുടെ തലക്ക് പിന്നിലായി ഒരു വെടിയുണ്ട പാഞ്ഞു കയറി ലിബെർടി എന്ന് ഉറക്കെ പറഞ്ഞു കൊണ്ട് അവൾ ഈ ലോകം വിട്ടുപോയി.അവർ ആരായിരുന്നന്നോ..?

ബ്രിട്ടീഷുകാരെ വിറപ്പിച്ച് ഒടുവിൽ 1799 MAY 4 ശ്രീരംഗപട്ടണത്ത്‌ വെച്ച് ബ്രിട്ടീഷുകാരുടെ വെടിയേറ്റ്‌ കൊല്ലപെട്ട ടിപ്പു സുൽത്താന്റെ കൊച്ചു മകൾ. 

ജൂതരെ വേട്ടയാടുന്ന നാസികൾ എന്തിനു ഒരു മുസ്ലിം സ്ത്രീയെ വധശിക്ഷക്ക്‌ വിധിച്ചു എന്ന് അറിയണമെങ്കിൽ കുറച്ച് പിന്നോട്ട് ഒന്നു പോകണം1914 പ്രശസ്ത സൂഫി സംഗീതഞ്ജനായ ഹസ്രത്ത്‌ വിലായത്ത് ഖാന്റെ മകളായി 1914 ൽ സെന്റ്‌ പീറ്റേഴ്സ് ബർഗിൽ നൂറുന്നിസ ഹിനായത്‌ ജനിച്ചു 1914 ൽ ഹിനായത്ത് ഖാർ കുടുബത്തോടോപ്പം റഷ്യയിൽ നിന്നും ലണ്ടനിലേക്ക് കുടിയേറി പഠനത്തിനു ശേഷം women auxilary force ൽ ചേർന്ന് നാസികൾകെതിരെ പൊരുതാൻ നൂർ ഹിനായത്‌ ഖാനും സഹോദരനും തീരുമാനിച്ചു . ട്രെയിനിങ്ങിനു ശേഷം SOE [ SPECIAL OPERATION EXECUTIVE ] ൽ F സെക്ഷൻ ഏജന്റ് ആയി ഇനായത്ത് ഖാൻ നിയമിതയായി മെഡിക്കൽ എന്ന കോഡിൽ അവർ WIRELESS RADIO OPERATOR ജോലി ഏറ്റെടുക്കുകയുംചെയ്തു.

 മെഡിക്കൽ സംഘമായി എത്തിചേർന്ന ഇവർ നാസികളുടെ പല രഹസ്യ വിവരങ്ങളും ചോർത്തി ബ്രിട്ടനിലെക്കും ഫ്രാൻസിലേക്കും വിവരങ്ങൾ കൈമാറുകയും ചെയ്തു.ഇതേ സമയം മറ്റൊരു ചാരസംഘം ഗസ്ടപ്പോകളുടെ പിടിയിലായി ഈ സമയം F SECTION HEAD ആയ Maurice Buckmaster, ഹിനായത്‌ അടക്കമുള്ളവരെ തിരിച്ചു ലണ്ടനിൽ വരാൻ നിർബ്ബന്ധിച്ചെങ്കിലും ഹിനായത്ത് അതിനു കൂട്ടാകിയില്ല.  വലിയൊരു ചാര വലയത്തെ ബന്ധിപ്പിച്ച് റേഡിയോ ഓപ്പറേറ്റർ ആയി ഇനായത്ത് നിലകൊണ്ടു അതെ സമയം ഇനായത്തിനെ പിന്തുടർന്ന് കൊണ്ട് നാസി രഹസ്യാനേഷണ വിഭാഗവും ഉണ്ടായിരുന്നു ഇരുപത് മിനുട്ടിൽ കൂടുതൽ സമയം ഒരിടത്ത്‌ റേഡിയോ ഓപ്പറേറ്റ്‌ ചെയ്യാതെ അവൾ സ്ഥലങ്ങൾ മാറികൊണ്ടിരുന്നു ഒടുവിൽ ഗെസ്ടപ്പോകളുടെ പിടിയിൽ അവൾ വീണു.

 1944 ൽ അവളെ Dachau Concentration Camp ൽ എത്തികുകയും വെടിവച്ച് കൊല്ലുകയും ആ സമയം വരെ ഒരു രഹസ്യവും അവളിൽ നിന്ന് മനസിലാക്കാൻ ഗെസ്ടപ്പോകൾക്ക്‌ കഴിഞ്ഞ്ഞ്ഞില്ല അവളുടെ കുട്ടികാലത്തെ കുറിച്ചുള്ള വിവരങ്ങളല്ലാതെ. അറസ്റ്റ്‌ ചെയ്ത് നാസി രഹസ്യാനേഷണ വിഭാഗത്തിന്റെ ഓഫീസിൽ വെച്ച് കുളിക്കണം എന്ന് പറഞ്ഞു ബാത്ത്റൂമിൽ കയറിയ ഹിനായത്ത് രക്ഷപെടാൻ ശ്രമിച്ചെങ്കിലും അതിനു കഴിഞ്ഞില്ല. അവളെ കൊല്ലാൻ വിധിക്കുകയും പീഡിപ്പിക്കുകയും ചെയ്ത SS OFICER Wilhelm Ruppert നെ രണ്ടാം ലോക മഹായുദ്ധത്തിനു ശേഷം അമേരിക്ക തൂക്കികൊല്ലുകയും ചെയ്തു.  ബ്രിട്ടൻ ചരിത്രത്തിൽ ആദ്യമായി ഒരു മുസ്ലിം വനിതയുടെ പ്രതിമ സ്ഥാപിക്കപെട്ടതും നൂർ ഇനായത്ത് ഖാന്റെ ആയിരുന്നു.

 2011ൽ SPY PRINCESS എന്നപേരിൽ അവളുടെ ജീവിതകഥ ശർബാനി ബസു പുസ്തകമാക്കി ഇറക്കിയിട്ടുണ്ട് BBC ENEMY OF THE REICH : THE NOOR INAYATH KHANS STORY എന്ന പേരിൽ ഒരു DOCUMENTRY CINEMA നിർമ്മിക്കുകയും ചെയ്തിട്ടുണ്ട്.

കാലം മായ്ക്കാത്ത മുറിവുകളില്ല എന്ന് പറയുന്നത് നേരാ ബ്രിട്ടീഷുകാരോട് പോരാടി മരിച്ച ഒരു രാജാവിന്റെ കൊച്ചുമകൾ അതെ ബ്രിട്ടനും സഖ്യ ക്ഷികൾക്കും വേണ്ടി ചാരപ്രവർത്തനം നടത്തി ധീര രക്ഷസാക്ഷിയായി.