ഏറ്റവും മികച്ച പ്രഭാതഭക്ഷണം പുട്ട്; കാരണം അറിയണ്ടേ!..

രണ്ടു വര്‍ഷം മുന്‍പു ദേശീയ തലത്തില്‍ സ്വകാര്യ ടിവി ചാനല്‍ നടത്തിയ സര്‍വേയില്‍ ഏറ്റവും മികച്ച പ്രഭാതഭക്ഷണമായി തിരഞ്ഞെടുത്തതു പുട്ടും കടലക്കറിയും. പുട്ടിലെ കാര്‍ബോഹൈഡ്രേറ്റും കടലയിലെ പ്രോട്ടീനും ബെസ്റ്റ് കൂട്ടുകെട്ടാണെന്നു ന്യൂട്രീഷന്‍ സ്‌പെഷലിസ്റ്റ് ഡോ. അനിത മോഹന്‍ പറയുന്നു. ആവിയില്‍ പുഴുങ്ങിയെടുക്കുന്നതിനാല്‍ പോഷകനഷ്ടം കുറവ്, ശരീരത്തിന് ഉന്മേഷം പകരാനുള്ള ശേഷി തുടങ്ങിയവയും കൂടിയായപ്പോള്‍ ബ്രേക്ക് ഫാസ്റ്റ് പരീക്ഷയില്‍ പുട്ട് ഒന്നാമതായി പുട്ടും പയറും, പുട്ടും മീനും, പുട്ടും ഇറച്ചിയും, പുട്ടും മുട്ടക്കറിയും, പുട്ടും പഴവും അങ്ങനെ എത്രയോ ടേസ്റ്റുകള്‍ ഉണ്ട് അല്ലേ. പ്രഭാതഭക്ഷണത്തില്‍ മാംസം ഒഴിവാക്കുകയാണു നല്ലതെന്നു ഭക്ഷ്യവിദഗ്ധര്‍ പറയുന്നു. മറ്റു സമയമങ്ങളില്‍ ഏതു രുചിയുമാകട്ടെ. 

പോഷകം കൂട്ടാന്‍,

പുട്ടു പുഴുങ്ങുമ്പോള്‍ തേങ്ങയ്‌ക്കൊപ്പം കാരറ്റ് ചേര്‍ക്കാം.

ഗോതമ്പ്, റാഗി പുട്ട് പോഷകസമൃദ്ധം.

പ്രമേഹ രോഗികള്‍ക്കും നല്ല ഭക്ഷണം, പക്ഷേ മിതമായി കഴിക്കണം.

ചെറിയ കഷണം പുട്ട്, ആവശ്യത്തിനു കറി എന്നതാകട്ടെ ശീലം.

മുളങ്കുറ്റി, ചിരട്ട തുടങ്ങിയവയില്‍ ഉണ്ടാക്കിയാല്‍ കൂടുതല്‍ നല്ലത്.

പുട്ട് - പഞ്ചസാര എന്ന രീതി ഒഴിവാക്കാം.

കറിയായി മുളപ്പിച്ച പയറോ, കടലയോ ആണെങ്കില്‍ കൂടുതല്‍ നന്ന്.

അരിയിടിച്ചു, പൊടിവറുത്തു, പുട്ടുചുട്ട കേരളം' എന്ന പാട്ടുണ്ടായതു പോലും പുട്ടിഷ്ടം കൊണ്ടാണല്ലോ. പാട്ടും പാടി പുട്ടും ബീഫും അകത്താക്കുമ്പോള്‍ മലയാളികള്‍ പലരും അറിയാത്ത ഒരു കാര്യമുണ്ട്, പുട്ടിന്റെ ഉറവിടം പോര്‍ച്ചുഗലാണെന്ന്.

സൈക്കോ കാമുകരുടെ 10 ലക്ഷണങ്ങൾ..

‘എനിക്ക് കിട്ടിയില്ലെങ്കിൽ ആര്‍ക്കും വേണ്ട’; സൈക്കോ കാമുകരുടെ 10 ലക്ഷണങ്ങൾ: 

പ്രണയ തിരസ്കാരം നേരിട്ടാൽ പെണ്ണിനെ  കൊല്ലണമെന്ന ഒരു വിചാരം ചില ചെറുപ്പക്കാരുടെയെങ്കിലും മനസ്സിൽ കയറിയിട്ടുണ്ട്. അത് കൊണ്ട് ജാഗ്രതാ നിർദ്ദേശം ഉൾക്കൊള്ളുന്ന ഈ പഴയ പോസ്റ്റ് വീണ്ടും. പാലിച്ചാൽ തടി രക്ഷപ്പെടുത്താം.

പ്രണയാതിക്രമങ്ങൾ തടയാൻ പോന്ന ജാഗ്രതകളെ കുറിച്ചുള്ള ഈ കുറിപ്പ് പ്രണയ സാധ്യത കൂടുതലുള്ള ഇടങ്ങളിൽ പ്രദർശിപ്പിക്കേണ്ടതാണെന്ന് തോന്നുന്നു.ഈ ലക്ഷണങ്ങൾ കാണിച്ചാൽ പക്വമായ ബന്ധം രൂപപ്പെടുത്താമോയെന്ന് ആദ്യം നോക്കാം .ഇല്ലെങ്കിൽ നയപരമായി പിൻവലിയാൻ നോക്കണം.എത്രയും വേഗം ചെയ്താൽ കുത്തിനും കത്തിക്കലിനും ഇരയാകാതിരിക്കാം.

എന്റെ ഇഷ്ടത്തിനനുസരിച്ചു മാത്രം പെരുമാറിയാൽ മതിയെന്ന വാശി കാണിക്കുന്നത് അപായ സൂചനയാണ്.അനുസരിക്കാതെ വരുമ്പോൾ ഭീഷണികളും വൈകാരിക ബ്ലാക്ക് മെയ്‌ലിങ്ങുകളുമൊക്കെ പുറത്തെടുക്കുന്നത് ചുവന്ന സിഗ്നലാണ്.

എവിടെ പോകണം ,ആരോട് മിണ്ടണം ,ഏതു വസ്ത്രം ധരിക്കണം തുടങ്ങിയ വ്യക്തിപരമായ സ്വാതന്ത്ര്യങ്ങളിൽ നിയന്ത്രണങ്ങൾ കൊണ്ട് വരാൻ തുടങ്ങുന്നത് ഒരു മുന്നറിയിപ്പാണ്.

ഫോണിൽ കാൾ ലിസ്റ്റ് പരിശോധിക്കൽ,മെസ്സേജ് നോക്കൽ ,സോഷ്യൽ മീഡിയയിൽ എന്ത് ചെയ്യുന്നുവെന്ന തിരച്ചിൽ -ഇവയൊക്കെ ഇരുത്തമില്ലാത്ത പ്രണയ ലക്ഷണങ്ങളാണ്.

ഫോൺ എൻഗേജ്ഡ് ആകുമ്പോഴും ,എടുക്കാൻ താമസിക്കുമ്പോഴും കലഹം കൂട്ടുന്നതും സീനാക്കുന്നതും കുഴപ്പത്തിന്റെ ലക്ഷണമാണ്.

നിനക്ക് ഞാനില്ലേയെന്ന മധുര വർത്തമാനം ചൊല്ലി മറ്റെല്ലാ സാമൂഹിക ബന്ധങ്ങളെയും പരിമിതപ്പെടുത്താൻ നോക്കുന്നത് നീരാളിപ്പിടുത്തതിന്റെ തുടക്കമാകാം.

ചൊല്ലിലും ചെയ്തിയിലും വ്യക്തിപരമായ സ്വാതന്ത്ര്യത്തിൽ നിരന്തരം ഇടപെടുന്നതായി തോന്നുന്നുവെങ്കിൽ ജാഗ്രത പാലിക്കണം.

നേരവും കാലവും നോക്കാതെ ശല്യപ്പെടുത്തുന്ന വിധത്തിൽ വിളിക്കുകയും മെസ്സേജ് അയക്കുകയും,ഇപ്പോൾ തിരക്കാണെന്നു പറയുമ്പോൾ കോപിക്കുകയും ചെയ്യുന്ന ശൈലികൾ ഉണ്ടാകുമ്പോൾ സൂക്ഷിക്കണം.

നീ എന്നെ വിട്ടാൽ ചത്ത് കളയുമെന്നോ ,നിന്നെ കൊന്നു കളയുമെന്നോ ഒക്കെയുള്ള പറച്ചിൽ ഗുരുതരാവസ്ഥയിലേക്കുള്ള പോക്കാണ്.ശരീര ഭാഗങ്ങൾ മുറിച്ചു പടം അയച്ചു വിരട്ടുന്നത് ദുരന്ത സൂചനയാണ്. 

പ്രണയ ഭാവത്തിന്റെ കൊടുമുടിയിലേക്ക് പൊക്കി കയറ്റുകയും ,നിസ്സാരകാര്യങ്ങളിൽ നിയന്ത്രണം വിട്ട് കോപിച്ചു ആശയക്കുഴപ്പം ഉണ്ടാക്കുകയും ,പിന്നെ സോറി സോറിയെന്ന് വിലപിക്കുകയും ചെയ്യുന്നവരെ വിശ്വസിക്കാൻ പാടില്ല.

മറ്റാരെങ്കിലുമായി അടുത്ത് ഇടപഴകിയാൽ അസൂയ ,വൈകാരികമായി തളർത്തൽ.സംശയിക്കൽ -തുടങ്ങിയ പ്രതികരണങ്ങൾ പേടിയോടെ തന്നെ കാണണം. 

ഈ പത്തു സൂചനകളിൽ ഏതെങ്കിലും ഉണ്ടെങ്കിൽ സമാധാനപൂർണമായ പ്രണയം അസാധ്യം.ഈ പ്രണയ വണ്ടിയിൽ നിന്നും ഇറങ്ങുന്നതാണ് ബുദ്ധി.

ആരോഗ്യത്തിനും ദീർഘായുസ്സിനും വ്യായാമം..

ഇന്നത്തെ കാലത്ത് ഏറ്റവും കൂടുതല്‍ മരണങ്ങള്‍ സംഭവിക്കുന്നത് പലപ്പോഴും ഹൃദയാഘാതം മൂലമാണ്. എന്നാല്‍ ഇതാണ് കാരണം എന്ന് തിരിച്ചറിഞ്ഞിട്ടും പലപ്പോഴും അതിനെ പ്രതിരോധിക്കാന്‍ പലരും ശ്രമിക്കുന്നില്ല. എന്തൊക്കെ കാരണങ്ങള്‍ കൊണ്ടാണ് ഇത് സംഭവിക്കുന്നത് എന്നും എന്താണ് ഇതിന് പിന്നിലുള്ള പ്രധാന കാരണം എന്നും പലരും മനസ്സിലാക്കുന്നില്ല. ഇന്നത്തെ ജീവിത ശൈലിയും, മടിയും, ഭക്ഷണ ശീലവും എല്ലാമാണ് പലപ്പോഴും പ്രശ്നങ്ങള്‍ വഷളാക്കുന്നത്. വ്യായാമക്കുറവും ജങ്ക്ഫുഡുകളും അവസ്ഥ പിന്നേയും മോശമാക്കുന്നു.

എന്നാല്‍ ഇനി അല്‍പ സ്വല്‍പ വ്യായാമം ശീലമാക്കിക്കോളൂ.

കാരണം അത് നിങ്ങളുടെ ആരോഗ്യത്തിനും ആയുസ്സിനും വളരെയധികം സഹായിക്കുന്നതാണ് എന്ന കാര്യത്തില്‍ സംശയം വേണ്ട. പലപ്പോഴും ആയുസ്സിന് വിലങ്ങ് തടിയാവുന്ന ശീലങ്ങളില്‍ പ്രധാനപ്പെട്ടത് തന്നെയാണ് വ്യായാമക്കുറവ്. ഇനി ആയുര്‍ദൈര്‍ഘ്യത്തിന് വേണ്ടി വ്യായാമം ചെയ്ത് തുടങ്ങാവുന്നതാണ്. നാളെ മുതല്‍ തന്നെ വ്യായാമത്തിന് തുടക്കം കുറിക്കാം. കൃത്യമായ ചിട്ടയോടെ ദിവസവും ചെയ്താല്‍ അത് നിങ്ങള്‍ക്ക് പല വിധത്തിലുള്ള ആരോഗ്യ ഗുണങ്ങള്‍ നല്‍കുന്നുണ്ട്.

 

അമിതവ്യായാമം വേണ്ട ;

 

ഒരു ആവേശത്തിന്‍റെ പുറത്ത് വ്യായാമം ചെയ്യാന്‍ തുടങ്ങുമ്ബോള്‍ ആദ്യം തന്നെ അതികഠിനമായ വ്യായാമമുറകളായിരിക്കും പലരും ശീലിക്കുക. എന്നാല്‍ ഇത്തരത്തില്‍ ചെയ്യുന്ന വ്യായാമം നിങ്ങളുടെ ആരോഗ്യം വര്‍ദ്ധിപ്പിക്കുകയല്ല ആയുസ്സെടുക്കുകയാണ് ചെയ്യുന്നത്. അതുകൊണ്ട് തന്നെ കൃത്യമായ ഒരു കണക്ക് വെച്ച്‌ വേണം ഇത് ചെയ്യുന്നതിന്. അല്ലെങ്കില്‍ അതുണ്ടാക്കുന്ന ബുദ്ധിമുട്ടുകള്‍ ചില്ലറയല്ല. അമിതവ്യായാമം ആവേശത്തിന് ചെയ്യുമ്ബോള്‍ ഓര്‍ക്കേണ്ടത് അത് നിങ്ങള്‍ക്ക് ആരോഗ്യ പ്രശ്നങ്ങള്‍ ഉണ്ടാക്കും എന്നുള്ളത് തന്നെയാണ്.

രണ്ട് മണിക്കൂര്‍ നേരം ചെയ്യുക ;

വ്യായാമം തുടങ്ങുമ്ബോള്‍ ഒരുമിച്ച്‌ രണ്ട് മണിക്കൂര്‍ നേരം ചെയ്യാന്‍ ആര്‍ക്കും സാധിക്കില്ല. എങ്കിലും ഇടക്ക് അല്‍പം വിശ്രമിച്ചും വ്യായാമം ചെയ്യാന്‍ ശ്രദ്ധിക്കണം. രണ്ട് മണിക്കൂര്‍ നേരം വ്യായാമം ചെയ്യാന്‍ പരിശ്രമിക്കണം. ആദ്യത്തെ ദിവസം ഒരു മണിക്കൂര്‍ ആണെങ്കില്‍ അടുത്ത ദിവസം അതിന്‍റെ സമയം വര്‍ദ്ധിപ്പിക്കാന്‍ ശ്രദ്ധിക്കണം. എങ്ങനെയായാലും രണ്ട് മണിക്കൂര്‍ വരെയെങ്കിലും ദിവസവും ശീലമാക്കുന്നത് നല്ലതാണ്. ഇത് നിങ്ങളുടെ ആയുര്‍ദൈര്‍ഘ്യം വര്‍ദ്ധിപ്പിക്കുന്നുണ്ട്.

ബുദ്ധിമുട്ടുള്ളവ ;

ചിലര്‍ പെട്ടെന്ന് ഫലം ലഭിക്കുന്നതിന് വേണ്ടി ബുദ്ധിമുട്ടുള്ള വ്യായാമങ്ങള്‍ ചെയ്യാന്‍ ശ്രമിക്കാറുണ്ട്. എന്നാല്‍ ഇത് നിങ്ങളുടെ ആരോഗ്യത്തെ പ്രതിസന്ധിയിലേക്കാണ് തള്ളിവിടുന്നത് എന്ന കാര്യം മറക്കേണ്ടതില്ല. കാരണം രണ്ട് മണിക്കൂര്‍ നേരം വ്യായാമം ചെയ്യുന്നത് ബുദ്ധിമുട്ടേറിയതാണെങ്കില്‍ അത് നിങ്ങളില്‍ പല വിധത്തിലുള്ള അസ്വസ്ഥതകളും ഉണ്ടാക്കുന്നുണ്ട്. ശരീരത്തിന് ബുദ്ധിമുട്ടേറിയ വ്യായാമങ്ങള്‍ ഒഴിവാക്കുക തന്നെ വേണം. ഇത് നിങ്ങള്‍ക്ക് പ്രതിസന്ധികള്‍ ഭാവിയില്‍ ഉണ്ടാക്കുന്നതിനുള്ള സാധ്യതയുണ്ട്.

വ്യായാമവും ഭക്ഷണവും ;

വ്യായാമവും ഭക്ഷണവും വളരെയധികം ശ്രദ്ധിക്കേണ്ടതാണ്. കാരണം വ്യായാമം ചെയ്യുന്നു എന്ന് കരുതി കണ്ണില്‍ കാണുന്നതെല്ലാം വലിച്ച്‌ വാരി കഴിക്കാന്‍ ശ്രമിക്കരുത്. അത് നിങ്ങളില്‍ കൂടുതല്‍ പ്രശ്നങ്ങള്‍ ഉണ്ടാക്കുന്നുണ്ട്. അതുകൊണ്ട് തന്നെ വ്യായാമം ചെയ്യുന്നുവെങ്കില്‍ പ്രോട്ടീന്‍ വിറ്റാമിന്‍ ഒക്കെ അടങ്ങിയ മിതമായ ഭക്ഷണം കഴിക്കാന്‍ ശീലിക്കണം. അല്ലെങ്കില്‍ അത് കൂടുതല്‍ ആരോഗ്യ പ്രതിസന്ധികള്‍ ഉണ്ടാക്കുന്നുണ്ട്. തോന്നിയത് പോലെ ഭക്ഷണം കഴിക്കുകയാണെങ്കില്‍ അതൊരിക്കലും നിങ്ങളുടെ ആരോഗ്യത്തിന് ഉപകാരപ്പെടുന്ന അവസ്ഥയില്‍ ആയിരിക്കുകയില്ല.

ഏതൊക്കെ ദിവസം?

എല്ലാ ദിവസവും വ്യായാമം ചെയ്യണം എന്ന് നിര്‍ബന്ധമില്ല. കാരണം ഇടക്ക് ശരീരത്തിന് വിശ്രമം അനിവാര്യമാണ്. അതുകൊണ്ട് ഒരുദിവസം വ്യായാമം ചെയ്തില്ല എന്ന് വെച്ച്‌ പ്രത്യേക മാറ്റങ്ങള്‍ ഒന്നും നിങ്ങളുടെ ശരീരത്തില്‍ ഉണ്ടാവുന്നില്ല. പക്ഷേ ഇതില്‍ മടി പിടിച്ച്‌ ഇരിക്കുന്നത് ആരോഗ്യത്തിന് ഉണ്ടാക്കുന്ന ബുദ്ധിമുട്ടുകള്‍ ചില്ലറയല്ല. അതുകൊണ്ട് തന്നെ ഏതൊക്കെ ദിവസം വ്യായാമം ചെയ്യണം എന്നുള്ളത് നിങ്ങള്‍ക്ക് തീരുമാനിക്കാം.

വ്യായാമമേ ചെയ്യാത്തവര്‍ ;

ചിലര്‍ വെറും ഭക്ഷണം കഴിക്കലും ജോലിയുമായി കഴിഞ്ഞ് കൂടുന്നവരായിരിക്കും. ഇവര്‍ അല്‍പമൊന്ന് ശ്രദ്ധിക്കുന്നത് നല്ലതാണ്. കാരണം വെറുതേ ഇങ്ങനെ ഇരിക്കുന്നവരില്‍ പല വിധത്തിലുള്ള ആരോഗ്യപ്രശ്നങ്ങളും ഉണ്ടാവുന്നതിനുള്ള സാധ്യതയുണ്ട്. ഇവര്‍ക്ക് ഭാവിയില്‍ പക്ഷാഘാതം, ഹൃദയാഘാതം, പ്രമേഹം, രക്തസമ്മര്‍ദ്ദം, കൊളസ്ട്രോള്‍ എന്നിവക്കുള്ള സാധ്യതയും വളരെ കൂടുതലാണ്. അതുകൊണ്ട് തന്നെ വളരെയധികം ശ്രദ്ധിച്ച്‌ വേണം ഓരോ കാര്യങ്ങളും ചെയ്യുന്നതിന്. അല്ലെങ്കില്‍ ആശുപത്രിയില്‍ നിന്നും ഇറങ്ങാന്‍ സമയം ഉണ്ടാവില്ല എന്നതാണ് സത്യം.

നടക്കുന്നത് നല്ലത് ;

വ്യായാമം തുടങ്ങണം എന്ന് വിചാരിച്ച്‌ എന്തെങ്കിലും തരത്തിലുള്ള വ്യായാമങ്ങള്‍ ചെയ്യാന്‍ ശ്രമിക്കരുത്.

കാരണം ഇത് നിങ്ങളില്‍ പല വിധത്തിലുള്ള പ്രതിസന്ധികള്‍ ഉണ്ടാക്കുന്നുണ്ട്. നടക്കുന്നത് എന്തുകൊണ്ടും നല്ലതാണ്. ദിവസവും ചുരുങ്ങിയത് ഒരു മണിക്കൂറെങ്കിലും നടക്കാന്‍ ശ്രദ്ധിക്കുക. ഇത് കൊണ്ട് ആയുര്‍ദൈര്‍ഘ്യം വര്‍ദ്ധിക്കും എന്ന കാര്യത്തില്‍ സംശയം വേണ്ട. നമ്മള്‍ ചെയ്യുന്ന വ്യായാമങ്ങളില്‍ എന്നും ഏറ്റവും മികച്ച്‌ നില്‍ക്കുന്നത് നടക്കുക എന്ന വ്യായാമം തന്നെയാണ്.

ഇരുട്ടത്ത് ഫോൺ ഉപയോഗിച്ചാലുള്ള ആരോഗ്യ പ്രശ്നങ്ങൾ..?

ഇരുട്ടിൽ ഫോൺ ഉപയോഗിക്കുന്നത് ഒരുപാട് ആരോഗ്യ പ്രശ്നങ്ങൾക്ക് കാരണം ആകുന്നു. മൊബൈൽ ഫോൺ, ടാബ്‌ലെറ്റ്, കമ്പ്യൂട്ടർ സ്‌ക്രീൻ എന്നിവയിൽ നിന്ന് പുറത്തുവരുന്ന നീല വെളിച്ചം (blue rays) ഉറക്കത്തെ ബാധിക്കുന്നു. ഉറക്കക്കുറവ്, ക്ഷീണം, ഏകാഗ്രത കുറവ്, മാനസിക സമ്മർദ്ദം, കാഴ്ച സംബന്ധമായ രോഗങ്ങൾ എന്നിവ ഉണ്ടാകാൻ ഇടയാകുന്നു. ചുറ്റുമുള്ള ഇരുട്ടും മൊബൈൽ‌ അല്ലെങ്കിൽ‌ കമ്പ്യൂട്ടർ‌ സ്‌ക്രീനിലെ പ്രകാശവും കണ്ണുകളെ വളരെയധികം ബുദ്ധിമുട്ടിലാക്കും.  കൗമാരക്കാരിൽ ആണ് ഇത് കൂടുതൽ ആയി കണ്ട് വരുന്നത്. ഉറക്കക്കുറവ് എന്ന പ്രശ്നം സാധാരണമാണ്. പക്ഷെ ഭാവിയിൽ ഇത് നിർണായകമാകും. ഇലക്ട്രോണിക് ഉപകരണങ്ങളിൽ നിന്നുള്ള പ്രകാശം തലച്ചോറിന്റെ പ്രവർത്തനത്തെയും ഉറക്കത്തെ സഹായിക്കുന്ന മെലറ്റോണിൻ എന്ന ഹോർമോണിന്റെ ഉത്പാദനത്തെയും ബാധിക്കുമെന്ന് ഗവേഷകർ കണ്ടെത്തിയിട്ടുണ്ട്. ഇത് ഉറക്കത്തെ മാത്രമല്ല, അമിതവണ്ണം, പ്രമേഹം, ഹൃദ്രോഗം എന്നിവയ്ക്കും കാരണമാകുന്നു. രാത്രിയിൽ നിങ്ങൾ ഫോൺ ഉപയോഗിക്കുകയാണെങ്കിൽ, പ്രകാശ തീവ്രത ക്രമീകരിച്ച് 'കണ്ണ് സംരക്ഷണ മോഡിൽ' (eye protection mode, night mode) ഇടുക. ഇത് ഭാഗികമായി പ്രശ്നം പരിഹരിക്കാൻ കഴിയും.

കണ്ണിലേക്ക് പ്രവേശിക്കുന്ന പ്രകാശത്തിന്റെ അളവ് നിയന്ത്രിക്കുന്നത് കണ്ണിലെ കൃഷ്ണമണിയാണ് (pupil). കൃഷ്ണമണിയുടെ വലുപ്പം വർദ്ധിപ്പിക്കുകയും കുറയ്ക്കുകയും ചെയ്യുന്നത് ഐറിസ് (iris)എന്ന പേശികളുടെ ഒരു കൂട്ടമാണ്. മുറിയിലെ പ്രകാശം വളരെ മങ്ങിയതോ ഇരുണ്ടതോ ആണെങ്കിൽ ഐറിസ് പൂർണ്ണമായും അയഞ്ഞു കൃഷ്ണമണിയുടെ വലുപ്പം വർദ്ധിപ്പിക്കുന്നു. കൂടുതൽ വെളിചം കണ്ണിലേക്ക് പ്രവേശിക്കുന്നതിനാണ് ഈ ക്രമീകരണം. നിങ്ങൾ ഇരുണ്ട മുറിയിൽ ഒരു കമ്പ്യൂട്ടറോ മൊബൈലോ ഉപയോഗിക്കുമ്പോൾ, പ്രകാശത്തിന്റെ ഉറവിടം ഒരു കമ്പ്യൂട്ടർ അല്ലെങ്കിൽ മൊബൈൽ സ്‌ക്രീൻ മാത്രമായിരിക്കും. അത് മാത്രമല്ല സ്ക്രീനിൽ പല തരത്തിൽ ഉള്ള കളർ റെയ്‌സ് വരുമ്പോൾ ഐറിസ് അതിന് അനുസരിച്ചു പെട്ടെന്ന് തന്നെ അയയുകയും മുറുകുകയും ചെയ്യണം. ഇത് ആ പേശികളിൽ വളരെ അതികം സമ്മർദ്ദം ഉണ്ടാക്കുന്നു. പകൽ വെളിച്ചത്തിൽ ആണെങ്കിൽ യാതൊരു പ്രശ്നവുമില്ല, കാരണം മൊബൈൽ സ്‌ക്രീനോ കമ്പ്യൂട്ടറോ മറ്റ് പ്രകാശ സ്രോതസ്സുകളിൽ ഒന്ന് മാത്രമാണ്. അതിനാൽ സ്‌ക്രീനിലെ പ്രകാശത്തിന്റെ തീവ്രതയിലെ വ്യത്യാസം കണ്ണുകളെ ബാധിക്കില്ല. നമ്മുടെ കണ്ണുകൾക്ക് വളരെയധികം ബുദ്ധിമുട്ട് നൽകരുത്, അതിനാൽ നിങ്ങൾ കമ്പ്യൂട്ടറോ ഫോണോ ഇരുട്ടിൽ ഉപയോഗിക്കുന്നത് നല്ല ആശയമല്ല.

എന്താണ് ഡിജിറ്റൽ സിഗ്നേച്ചർ..

നൂതന സാങ്കേതിക വിദ്യയുടെ സഹായത്തോടെ ഇലക്ട്രോണിക് രേഖയെ ലഭിക്കേണ്ട വ്യക്തിക്ക് മാത്രമായി എത്തിച്ചു കൊടുക്കുകയും ഒറിജിനൽ രേഖക്ക് യാതൊരുവിധ മാറ്റമോ കൃത്രിമമൊ നടന്നിട്ടില്ലെന്ന് പൂർണമായി ഉറപ്പുവരുത്താൻ സഹായിക്കുന്ന സംവിധാനമാണ് ഡിജിറ്റൽ സിഗ്‌നേച്ചർ.

e-mail സന്ദേശം ലഭിച്ചതനുസരിച്ച് ചില കാര്യങ്ങൾ ചെയ്ത് കബളിക്കപ്പെട്ടു എന്ന് കേട്ടിട്ടുണ്ട്. അതിന്റെ കാരണം ആരുടെ കയ്യിൽ നിന്നും mail ലഭിച്ചു എന്ന് ആധികാരമായി പറയാൻ പറ്റാത്തതാണ്. കമ്പനിയുടെ പേര് അല്ലെങ്കിൽ വേറൊരാളുടെ പേരിൽ നമുക്ക് mail ചെയ്യാൻ സാധിക്കും. ഔദ്യോഗിക രേഖകൾ അയക്കേണ്ട അവസരത്തിൽ സാധാരണ കടലാസിന്റെ പോലെ ഒപ്പിടാൻ സാധ്യമല്ല. അഥവാ മുദ്ര സ്കാനറിന്റെ സഹായത്തോടെ സ്കാൻ ചെയ്ത് ചേർത്താലും രേഖയുടെ പൂർണ ആധികാരികത ഉറപ്പിക്കാനാവില്ല.എന്നാൽ ഡിജിറ്റൽ സിഗ്നേച്ചറിൽ സന്ദേശം ആരിൽ നിന്ന് ലഭിച്ചു ആരുടെ കയ്യിൽ ലഭിച്ചു ഒരു കൃത്രിമവും നടന്നിട്ടില്ല എന്ന് ഉറപ്പു വരുത്താനാകും.

ഡിജിറ്റൽ സിഗ്നേച്ചറിൽ അയക്കുന്ന വിവരങ്ങൾ മറ്റാരും വായിക്കാത്ത രീതിയിൽ ഒരു കോഡായി മാറ്റുന്നു.ഇതിനെ എൻക്രിപ്ഷൻ എന്നു പറയുന്നു. എൻക്രിപ്ഷനെ പഴയ സന്ദേശത്തിന്റെ രൂപത്തിലേക്ക് വീണ്ടും ആക്കുന്നതിനെ ഡിക്രിപ്ഷൻ എന്നു പറയുന്നു.credit card നമ്പർ എൻക്രിപ്റ്റ് ചെയ്താണ് ഇന്റർനെറ്റ് വഴി അയക്കുന്നത്. ഡിജിറ്റൽ കീ എന്ന ഒരു കൂട്ടം നമ്പറുകൾ ഉപയോഗിച്ചാണ് എൻക്രിപ്റ്റ് ചെയ്യുന്നത്.ഒരു കിലോ ബിറ്റ് (1KB) എൻക്രിപ്ഷൻ കീ ഉപയോഗിക്കുവാനുള്ള സാങ്കേതിക വിദ്യയുണ്ട്.വെറും 16 bit ഉപയോഗിച്ചാൽ ലോക്ക് തുറക്കുവാനായി 65536 രീതികൾ പരീക്ഷിക്കണം. 32 bit ആണെങ്കിൽ 400 കോടിയോളം വരും ഉത്തരം.അപ്പോൾ 1KB എത്ര വലുതാണെന്ന് ആലോചിക്കാമല്ലൊ.ഇപ്പോഴത്തെ സൂപ്പർ കംപ്യൂട്ടറുകൾ ആയിരക്കണക്കിന് വർഷം ഇരിക്കേണ്ടി വരും ഇത്തരം പൂട്ട് പൊളിക്കുവാനായി..

ആയുർവ്വേദംപറയുന്നു, കുളിക്കുന്നതിനെ കുറിച്ച്..

ദിവസവും രണ്ട് നേരം കുളിക്കണം എന്നാണ് പറയുന്നത്. എന്നാൽ രണ്ട് നേരം കുളിക്കാന്‍ ബുദ്ധിമുട്ടുള്ളവർ ഒരു നേരമെങ്കിലും കുളിക്കാൻ ശ്രദ്ധിക്കണം. എന്നാൽ മാത്രമേ അത് നിങ്ങളുടെ ആരോഗ്യത്തിനും ബുദ്ധിക്കും എല്ലാം ഗുണകരമായി ബാധിക്കുകയുള്ളൂ. ആയുര്‍വ്വേദത്തിൽ കുളിക്കേണ്ട രീതികളെപ്പറ്റി പല കാര്യങ്ങളും പറഞ്ഞിട്ടുണ്ട്. ഇത്തരം കാര്യങ്ങൾ തിരിച്ചറിഞ്ഞാൽ അത് നിങ്ങൾക്ക് പലതും നൽകുന്നുണ്ട്. പല രോഗങ്ങളേയും ഇല്ലാതാക്കി നല്ല ആരോഗ്യവും കരുത്തും വർദ്ധിപ്പിക്കുന്നതിന് എന്നും മികച്ച് നില്‍ക്കുന്ന ഒന്നാണ് ചിട്ടയനുസരിച്ചുള്ള കുളി. ഇത് ശ്രദ്ധിച്ചാൽ നമുക്ക് പല വിധത്തിലുള്ള ഗുണങ്ങളും ഉണ്ടാവുന്നുണ്ട്. എന്തൊക്കെയാണ് ശ്രദ്ധിക്കേണ്ട കാര്യങ്ങൾ എന്ന് നമുക്ക് നോക്കാം.

രാവിലെയുള്ള കുളി

രാവിലെ എഴുന്നേറ്റ ഉടനേ ഉറക്കച്ചടവ് മാറും മുൻപ് കുളിക്കാൻ ശ്രദ്ധിക്കുക. ഇത് നിങ്ങളുടെ അന്നത്തെ ദിവസം ഊർജ്ജത്തിന്‍റേയും ഉൻമേഷത്തിന്‍റേയും ആക്കി മാറ്റുന്നതിന് സഹായിക്കുന്നുണ്ട്. ഇതിൽ ശ്രദ്ധിക്കേണ്ട കാര്യം എന്ന് പറയുന്നത് തണുത്ത വെള്ളത്തിൽ കുളിക്കാൻ ശ്രമിക്കുക എന്നുള്ളതാണ്. എന്നാല്‍ ഷവറിലാണ് കുളിക്കുന്നതെങ്കിൽ അത് അൽപം ശ്രദ്ധിച്ച് വേണം. കാരണം ഷവറിൽ നിന്ന് വെള്ളം നേരിട്ട് തലയിലേക്കാണ് പതിക്കുന്നത്. ഇത് പല വിധത്തിലുള്ള ആരോഗ്യ പ്രശ്നങ്ങൾ നിങ്ങളിൽ ഉണ്ടാക്കുന്നുണ്ട്. അതുകൊണ്ട് കുളിക്കുമ്പോൾ ആദ്യം കാലിലാണ് വെള്ളം ഒഴിക്കേണ്ടത്. അതിന് ശേഷം എവിടെ വേണമെങ്കിലും നനച്ച് കുളി തുടങ്ങാവുന്നതാണ്.

എന്തുകൊണ്ട് കാലിൽ ആദ്യം വെള്ളം

എന്തുകൊണ്ടാണ് കാലിൽ ആദ്യം വെള്ളമൊഴിക്കുന്നത് എന്ന കാര്യം അറിഞ്ഞിരിക്കേണ്ടത് അത്യാവശ്യമാണ്. കാരണം നേരിട്ട് തലയിൽ വെള്ളമൊഴിക്കുമ്പോൾ അത് പല വിധത്തിലുള്ള അസ്വസ്ഥതകളും ആരോഗ്യത്തിൻറെ കാര്യത്തിൽ ഉണ്ടാക്കുന്നുണ്ട്. തലച്ചോറിനെ തണുപ്പ് വരുന്നുണ്ട് എന്ന് അറിയിക്കുന്നതിന് വേണ്ടിയാണ് കാലിൽ ആദ്യം വെള്ളമൊഴിക്കാൻ പറയുന്നത്. തലയിൽ ആദ്യം വെള്ളമൊഴിക്കുമ്പോൾ അത് പല വിധത്തിലുള്ള അസ്വസ്ഥതകളും ഉണ്ടാക്കുന്നുണ്ട്. അതുകൊണ്ട് തന്നെ ഇത്തരം കാര്യങ്ങൾ വളരെയധികം ശ്രദ്ധിക്കണം.

തോർത്തുമ്പോൾ

തോർത്തുന്ന കാര്യത്തിലും അൽപം ശ്രദ്ധിക്കണം. തോർത്തുമ്പോൾ ആദ്യം തലയല്ല തോർത്തേണ്ടത്. പലരുടേയും ശീലം ഇത്തരത്തിലായിരിക്കും. എന്നാൽ തല തോർത്തുന്നതിന് മുൻപ് മുതുകാണ് തോർത്തേണ്ടത്. ഇത്തരത്തിൽ ചെയ്യണം എന്നാണ് ആയുർവ്വേദം നിർദ്ദേശിക്കുന്നത്. മാത്രമല്ല മേലു വേദന, നീര്‍ വീഴ്ച എന്നിവ ഉള്ളവരിൽ പലപ്പോഴും കുളിയുടെ രീതി മാറ്റുന്നത് നല്ലതാണ്. ഇവരും കുളിക്കുമ്പോൾ ആദ്യം കാലിൽ വെള്ളമൊഴിക്കാൻ ശ്രദ്ധിക്കണം. ഒരു കാരണവശാലും തലയിൽ ആദ്യം വെള്ളം ഒഴിക്കാൻ പാടില്ല.

ദിവസവും എണ്ണ തേക്കുന്നത്

ദിവസവും എണ്ണ തേക്കുന്ന ശീലം ഉള്ളവരാണോ നിങ്ങൾ എന്നാൽ അതും അൽപം ശ്രദ്ധിക്കണം. കാരണം ദിവസവും എണ്ണ തേക്കുന്നതിലൂടെ അത് പലപ്പോഴും നിങ്ങളിൽ ചര്‍മ്മം കൂടുതൽ എണ്ണമയമായി മാറുന്നതിനുള്ള സാധ്യതയുണ്ട്. അതുകൊണ്ട് ഇത്തരം കാര്യങ്ങൾ അൽപം ശ്രദ്ധിക്കേണ്ടതാണ്. ദിവസവും എണ്ണ തേച്ച് കുളിക്കാതെ ആഴ്ചയിൽ രണ്ടോ മൂന്നോ ദിവസം എണ്ണ തേക്കാൻ ശ്രദ്ധിക്കുക. ഇത്തരത്തിൽ ചെയ്യുന്നത് ആരോഗ്യത്തിന് വളരെയധികം ഗുണങ്ങൾ നൽകുകയും നീർവീഴ്ച പോലുള്ള അസ്വസ്ഥതകളിൽ നിന്ന് നിങ്ങളെ സംരക്ഷിക്കുകയും ചെയ്യുന്നുണ്ട്.

തിളപ്പിച്ചാറിയ വെള്ളം

ശരീരം കുളിക്കാൻ തിളപ്പിച്ചാറിയ വെള്ളമാണ് നല്ലത്. തലകുളിക്കുന്നതിന് ആവട്ടെ പച്ച വെള്ളവും ഉപയോഗിക്കാവുന്നതാണ്. നാല്‍പ്പാമരാദി തൈലം ദേഹത്ത് തേച്ച് കുളിച്ച് നോക്കൂ. ഇത് നല്ലതു പോലെ ശരീരത്തിൽ തേച്ച് പിടിപ്പിച്ച് പതിനഞ്ച് മിനിട്ട് കഴിഞ്ഞ് ഇളം ചൂടുവെള്ളത്തിൽ കുളിക്കാവുന്നതാണ്. ശരീരവേദന , പേശീവേദന എന്നീ അസ്വസ്ഥതകളെ എല്ലാം ഇല്ലാതാക്കി നല്ല ശാരീരിക ഉൻമേഷവും മാനസിക ഉൻമേഷവും നൽകുന്നുണ്ട്. മാത്രമല്ല സോപ്പ് ഉപയോഗിക്കാതിരിക്കുകയാണ് നല്ലത്. അതിന് പകരം നമുക്ക് ചെറുപയർ പൊടി ഉപയോഗിക്കാവുന്നതാണ്. ഇത് ചർമ്മ രോഗങ്ങൾക്കും പരിഹാരം കാണുന്നതിന് സഹായിക്കുന്നുണ്ട്.

തലയിൽ എണ്ണ തേക്കുമ്പോൾ

തലയിൽ എല്ലാ ദിവസവും എണ്ണ തേച്ചില്ലെങ്കിലും ആഴ്ചയിൽ രണ്ട് തവണയെങ്കിലും എണ്ണ തേക്കാൻ ശ്രദ്ധിക്കണം. അതിന് വേണ്ടി ജീരകമോ തുളസിയോ ഇട്ട എണ്ണ കാച്ചി തേക്കുന്നതിന് ശ്രദ്ധിക്കുക. എണ്ണ നല്ലതു പോലെ തേച്ച് മസ്സാജ് ചെയ്ത ശേഷം താളി ഉപയോഗിച്ച് കഴുകിക്കളയാൻ ശ്രദ്ധിക്കണം. അതിന് വേണ്ടി കുറുന്തോട്ടിയോ വെള്ളിലയോ കൊണ്ട് താളി തയ്യാറാക്കാവുന്നതാണ്. ഇത് മുടിയുടെ ആരോഗ്യം വർദ്ധിപ്പിക്കുന്നതിനും സഹായിക്കുന്നുണ്ട്. അതുകൊണ്ട് തന്നെ ഇത്തരം കാര്യങ്ങൾ അൽപം ശ്രദ്ധയോടെ സമയമെടുത്ത് ചെയ്യേണ്ടതാണ്.

ഇടിമിന്നലുള്ളപ്പോൾ മൊബൈൽഫോൺ ഉപയോഗിക്കാമോ ??

ആദ്യമേ പറയട്ടെ... 

ഇടിമിന്നലുള്ളപ്പോൾ ലാൻഡ് ഫോൺ ഉപയോഗിക്കുന്നതിനേക്കാൾ നൂറു മടങ്ങു സുരക്ഷിതമാണ് മൊബൈൽ ഫോൺ

മൊബൈൽ ഫോണും, കോഡ് ലസ് ഫോണും ഉപയോഗിക്കുന്നതുകൊണ്ട് യാതൊരു കുഴപ്പവും ഇല്ല. പക്ഷെ മൊബൈൽ ചാർജ് ചെയ്തുകൊണ്ടിരിക്കുമ്പോൾ ഉപയോഗിക്കരുത് എന്നുമാത്രം. എന്നുവച്ചാൽ.. ഫോൺ കറൻറ്റ് ലൈനുമായി ബന്ധിച്ചിരിക്കരുത് എന്ന്

നമ്മുടെ നാട്ടിൽ ഇലക്ട്രിക്ക് ലൈനും, ഫോൺ കേബിളും.. ( ഇലക്ട്രിക്ക് / ടെലഫോൺ) പോസ്റ്റുകളിലായി നൂറുകണക്കിന് കിലോമീറ്റർ തുറസായ സ്ഥലങ്ങളിലൂടെ വ്യാപിച്ചു കിടക്കുകയാണ്. ആ ലൈനിൽ എവിടെയെങ്കിലും മിന്നൽ ഏറ്റാൽ അതുവഴി ബന്ധിച്ചിരിക്കുന്നു ഉപകരണങ്ങളിൽ കൂടിയ വോൾട്ടേജ് / കറന്റ് എത്തുകയും വീടുകളിൽ വെദ്യുത ലൈനിനു അടുത്തു നിൽക്കുന്നവർക്ക് വൈദ്യുതാഖാതം ഏൽക്കുകയും, ഉപകരണങ്ങൾ നശിക്കുകയും ചെയ്യാം. അതുകൊണ്ടാണ് മിന്നൽ ഉള്ളപ്പോൾ ടിവിയും, ലാൻഡ് ടെലഫോണും മറ്റും വാൾ സോക്കറ്റില്നിന്നും കേബിൾ ഊരി ഇടണം എന്ന് പറയുന്നത്

ഇടിമിന്നൽ എന്ന് പറയുന്നത് മേഘങ്ങളിൽ രൂപപ്പെടുന്ന ഉയർന്ന വോൾട്ടേജിലുള്ള വൈദ്യതി പ്രവാഹം ആണ്. ആ വൈദ്യതിക്കു ഭൂമിയിലേക്ക് എത്തുവാൻ ഏറ്റവും എളുപ്പമായ വഴി കണ്ടെത്തണം. അതിനാൽ ഉയർന്നു നിക്കുന്ന വൈദ്യുതി കടന്നു പോകുവാൻ കഴിയുന്ന വസ്തുക്കളിൽ മിന്നൽ ഏൽക്കുന്നു. മിന്നൽ ഏൽക്കുക എന്ന് പറഞ്ഞാൽ ആ വസ്തുവിലൂടെ മിന്നൽ വൈദ്യുതി കടന്നു പോവുന്നു എന്നാണ് അർഥം. അതിനാൽ ഇടിമിന്നലുള്ളപ്പോൾ തുറസായ സ്ഥലങ്ങളിൽ നിന്ന് ഫോൺ ചെയ്യുകയോ, നിൽക്കുകയോ പോലും ചെയ്യരുത്

കഴിഞ്ഞ ദിവസം സോഷ്യൽ മീഡിയയിൽ പ്രചരിച്ച വാർത്ത: " മൊബൈൽ ഫോൺ എടുക്കവേ മിന്നൽ : യുവാവ് മരിച്ചു "

യുവാവിനു മിന്നൽ ഏൽക്കുമ്പോൾ അദ്ദേഹം മൊബൈൽ ഫോൺ എടുക്കുകയായിരുന്നു. അല്ലാതെ മൊബൈൽ കാരണം അല്ല മിന്നൽ ഏറ്റത്

ഫോൺ ചെയ്യുമ്പോൾ മിന്നൽ ഏൽക്കുവാനുള്ള സാധ്യത, സ്വർണ മാല ധരിച്ചു നിൽക്കുമ്പോൾ മിന്നൽ ഏൽക്കുവാനുള്ള സാധ്യതയ്‌ക്കു തുല്യമാണ്. കാരണം രണ്ടും ലോഹം കൊണ്ട് ഉണ്ടാക്കിയതാണ് എന്നതുതന്നെ. അല്ലാതെ ബോബൈൽ ഫോണിന് ഇടിമിന്നലിനെ ആകർഷിക്കുവാൻ തക്ക പ്രത്യേക ഒരു കഴിവും ഇല്ല.

മിന്നൽ ഉള്ളപ്പോൾ തുറസായ സ്ഥലത്തോ, വെള്ളത്തിനു അരികിലോ. ലോഹം കൊണ്ടുണ്ടാക്കിയ വസ്തുക്കൾക്ക് അടുത്തോ പോയി നിൽക്കരുത്. വീടിനകത്തിരുന്നു മൊബൈൽഫോൺ ധൈര്യമായി ഉപയോഗിക്കാം.

ഇടി മിന്നല്‍ ഉണ്ടായാല്‍ ചെയ്യേണ്ട മുന്‍കരുതലുക

കത്തി, കുട, മുതലായ ലോഹ നിര്‍മിതമായ കൂർത്ത സാധനങ്ങളുമായുള്ള സാമിപ്യം ഒഴിവാക്കുക

മിന്നല്‍ സമയത്ത് പൊക്കം കൂടിയ മരത്തിന്റെ അടിയില്‍പ്പെട്ടാല്‍ അതിന്റെ ചില്ലകളുടെ അടുത്തുനിന്നും ദൂരെ മാറി കുത്തിയിരിക്കുക

 ടെറസിന് മുകളില്‍ വിളക്കുകള്‍ ഘടിപ്പിക്കുന്നതിന് ലോഹ കമ്പികള്‍ ഒഴിവാക്കുക, ടെറസില്‍ അയ കെട്ടുന്നതിന് ലോഹ ദണ്ഡുകളും, ലോഹ വയറുകളിൽനിന്നും അകലം പാലിക്കുക

 തുറസ്സായ സ്ഥലതുള്ളതും മതിയായ സുരക്ഷാ കവചം ഇല്ലാത്തതുമായ ടവറുകള്‍, കളപുരകള്‍, ചെറുകെട്ടിടങ്ങള്‍, കുടിലുകള്‍ എന്നിവ അപകടകരമാണ്

തുറസായ സ്ഥലത്ത് നില്‍ക്കുന്നതും അപകടം ഉണ്ടാക്കാം

സൈക്കിള്‍ ചവിട്ടുന്നതും, ഇരുചക്ര വാഹനങ്ങൾ, ഓടിക്കുന്നതും ഒഴിവാക്കുക, കാറിനോട് ചേര്‍ന്ന് നില്‍ക്കുന്നതും അതില്‍ ചാരി നില്‍ക്കുന്നതും ഒഴിവാക്കുക