മാനസിക സമ്മര്‍ദ്ദമുണ്ടാക്കുന്ന കാരണങ്ങളില്‍ ഏറ്റവും മുന്‍പന്തിയില്‍ തൊഴിലിടങ്ങളിലെ പ്രശ്‌നങ്ങളാണ്. സമയപരിധി കൃത്യമായി പാലിക്കാന്‍ കഴിയാത്ത കാര്യങ്ങള്‍ തീരുംവരെ ജോലി ചെയ്യേണ്ടവര്‍ക്കിടയില്‍ അതുണ്ടാക്കുന്ന സമ്മര്‍ദ്ദം വളരെ വലുതാണ്. പലപ്പോഴും ഉത്കണ്ഠ, വിഷാദം, ആത്മഹത്യ പ്രവണത തുടങ്ങിയ മാനസികാരോഗ്യ പ്രശ്‌നങ്ങളിലേക്ക് ഇത് അവരെ തള്ളി വിടാറുണ്ട്. എന്നാല്‍ പല മാനസിക സമ്മര്‍ദ്ദങ്ങളേയും പ്രതിരോധിക്കാന്‍ ചിലകാര്യങ്ങള്‍ ചെയ്യുന്നതിലൂടെ നമുക്ക് സാധിക്കും.
SHITO-RYU-KARATE യെ കുറിച്ച് അറിയാൻ താഴെയുള്ള ലിങ്കിൽ ക്ലിക്ക് ചെയ്യുക..
ടെന്‍ഷന്‍ മാറാന്‍ എന്ത് ചെയ്യണം?
1. നമ്മുടെ സന്തോഷവും സമാധാനവും മറ്റുള്ളവരുടെ ഉത്തരവാദിത്വമോ ജോലിയോ അല്ല, നമ്മുടേത് മാത്രമാണ് എന്ന് തിരിച്ചറിയണം. സാഹചര്യങ്ങളോ ആളുകളോ അല്ല, നമ്മുടെ ചിന്താരീതികളും പ്രവൃത്തികളുമാണ് മാറേണ്ടത്.
2. ജോലിയുടെ ലക്ഷ്യങ്ങളെപ്പറ്റി കൃത്യമായ ബോധ്യമുള്ളവരായിരിക്കുക, അറിയാത്ത കാര്യങ്ങള്‍ ചോദിച്ച് മനസിലാക്കി പ്രവര്‍ത്തിക്കുക. ഇതുവഴി ആധിയും പിഴവുകളും ഒഴിവാക്കാം
3. കൃത്യസമയത്ത് അല്ലെങ്കില്‍ ഒരല്‍പം നേരത്തെ ജോലിക്ക് എത്തുക. വെപ്രാളവും ടെന്‍ഷനും ഒഴിവാക്കാന്‍ അത് ഏറെ ഉപകാരപ്പെടും.
4. ചെയ്തുതീര്ക്കേണ്ട കാര്യങ്ങള്‍ ഊഴത്തിനനുസരിച്ച് വര്‍ഗീകരിക്കുക. അത് കുറിച്ചുവെയ്ക്കാം. അങ്ങനെയെങ്കില്‍ താല്‍ക്കാലികമായ മറവികള്‍ ഉണ്ടാവാതിരിക്കാം.
5. ശ്രദ്ധയോടെ ജോലി ചെയ്യുക. ഇടയിലുള്ള സംസാരം, ഫോണ്‍ ഉപയോഗം, വിനോദത്തിനായുള്ള മറ്റ് കാര്യങ്ങള്‍ തുടങ്ങിയവ നിയന്ത്രിക്കുക.
6. നോ പറയാന്‍ പടിക്കുക. സാധിക്കുമെങ്കില്‍ പ്രശ്‌നങ്ങള്‍ യഥാസമയം പരിഹരിക്കുക.
7. മറ്റുള്ളവരുടെ സ്ഥാനത്ത് നിന്നും ചിന്തിക്കാനും തീരുമാനമെടുക്കാനും ശ്രമിക്കുക.
8. സഹപ്രവര്ത്തകരുമായി സൗഹൃദത്തിലും സഹവര്‍ത്തിത്വത്തിലും പ്രവര്‍ത്തിക്കുക.
9. നമ്മുടെ പരിധിയില്‍ നില്‍ക്കാത്ത പ്രശ്‌നങ്ങള്‍ മേലധികാരിയിലേക്ക് എത്തിക്കുക. അതുവഴി നിര്‍ണായക തീരുമാനങ്ങള്‍ എടുക്കുന്നതിന്റെ സമ്മര്‍ദ്ദം കുറയ്ക്കാന്‍ സാധിക്കും.
10. നമ്മെ ചിന്താകുലരാക്കുന്ന ആധിപിടിപ്പിക്കുന്ന കാര്യങ്ങള്‍ കണ്ടെത്തി ആ ജോലികള്‍ ആദ്യം തീര്‍ക്കാന്‍ ശ്രമിക്കുക.
11. ചെയ്യാന് പറ്റുമെന്ന് ഉറപ്പില്ലാത്ത കാര്യങ്ങള്‍ ഏറ്റെടുക്കാതിരിക്കുക.
12. സമയം ക്രമീകരിക്കുക. പ്രാധാന്യവും ആവശ്യവും അനുസരിച്ച് മാത്രം സമയം ചെലവഴിക്കുക.
13. ഭക്ഷണവും വെള്ളവും ഒഴിവാക്കി ജോലി ചെയ്യരുത്. സുഖമില്ലെങ്കില്‍ വിശ്രമിക്കുക.
14. ഒരു കാര്യം ചെയ്യാന് സാധിക്കില്ലെന്ന് ഉറപ്പുണ്ടെങ്കില്‍ അതില്‍ ആധി പിടിക്കാതെ വിഷയം വിട്ടുകളഞ്ഞ് മുന്നോട്ട് പോവുക.
15. ഊഹങ്ങള് നിര്‍ത്തി വ്യക്തത നേടുക.
16. ഓഫീസ് കാര്യങ്ങള്‍ കഴിവതും ഓഫീസില്‍ അവസാനിപ്പിക്കുക.
No comments:
Post a Comment