ടാരി റോയൽസ് ആദ്യ ടൂർണമെന്റിലേക്ക്..

ഓസ്ട്രേലിയയിൽ ന്യൂ സൗത്ത് വെയില്‍സിലെ ടാരിയിൽ നിന്നുമുള്ള മലയാളി ക്രിക്കറ്റ് ക്ലബായ ടാരി റോയൽസ് ഒക്ടോബർ 27 നു നടക്കുന്ന പോർട്ട് മക്യുറി ക്രിക്കറ്റ് ടൂർണമെൻ്റിൽ  അരങ്ങേറ്റം കുറിക്കുന്നു.

പുതുതായി രൂപീകരിച്ച ക്രിക്കറ്റ് ടീമായ, ടാരി റോയൽസ് കുറച്ചു മാസങ്ങൾക്കു മുമ്പ് പോർട്ട് ക്രിക്കറ്റ് ക്ലബുമായി ഒരു സൗഹൃദ മത്സരം നടത്തിയിരുന്നു.. 

 ടാരി റോയൽസ് 

യൂറോപ്പ് , മിഡിൽ ഈസ്റ്റ് , ന്യൂസിലാൻഡ്, ഇന്ത്യ എന്നീ രാജ്യങ്ങൾ കൂടാതെ ടാരിയിലും പരിസര പ്രദേശമായ ഫോസ്റ്ററിലും വന്നു ചേർന്ന കായിക പ്രേമികളായ മലയാളികൾ ഒന്ന് ചേർന്ന് രൂപീകരിച്ച ക്ലബ്ബാണ്..

   ടാരി റോയൽസ് ടീം അംഗങ്ങൾ..

ഒക്ടോബർ 27 ലേ മത്സരത്തിൽ തങ്ങളുടെ കഴിവുകൾ പ്രകടിപ്പിക്കാൻ തയ്യാറെടുക്കുന്ന ടാരി റോയൽസ്, കഴിഞ്ഞ കുറച്ച് മാസങ്ങളായി തീവ്ര പരിശീലനത്തിലാണ്. ടാരിയിലുള്ള റിക്രിയേഷണൽ ഗ്രൗണ്ടിലാണ് പരിശീലനങ്ങൾ നടത്തുന്നത്. 

ആദ്യ മത്സരത്തിന് ദിവസങ്ങൾ മാത്രം ബാക്കി നിൽക്കെ, പുതിയ ക്രിക്കറ്റ് ടീമിന്  ടാരിയിലും പരിസര പ്രദേശമായ ഫോസ്റ്ററിലും താമസിക്കുന്ന നൂറുകണക്കിന്  മലയാളി കുടുംബങ്ങളിൽ നിന്നും വലിയ പിന്തുണയാണ് ലഭിക്കുന്നത്..

റീജിയണൽ ക്രിക്കറ്റിൽ നിലയുറപ്പിക്കാനും ഭാവിയിലെ വിജയത്തിന് അടിത്തറ പാകാനുമുള്ള സുപ്രധാന അവസരമാണ് ടാരി റോയൽസിന് ഈ ടൂർണമെൻ്റ്. ടാരിയിലും  ഫോസ്റ്ററിലും ഉള്ള കായിക പ്രേമികൾ ആവേശത്തോടെ കാത്തിരിക്കുകയാണ്..

ടാരിയിലും ,ഫോർസ്റ്ററിലും പരിസര പ്രദേശങ്ങളിലുമുള്ള എല്ലാ ക്രിക്കറ്റ് പ്രേമികളെയും സ്വാഗതം ചെയ്യുന്നതായി ടാരി റോയല്‍സ് കോ-ഓര്‍ഡിനെറ്റർമാർ അറിയിച്ചു. 

കൂടുതൽ വിവരങ്ങൾക്കായി ബന്ധപ്പെടേണ്ട വ്യക്തികളെയും അവരുടെ നമ്പരും ഇവിടെ ചേർക്കുന്നു..

ജിസ്റ്റോ - 0413 726 876

പ്രിമൽ - 0466 244 198

ഷിബു - 0470 280 960