വിമാനത്തിന്റെ ഭാരം കൂടുന്നതിനനുസരിച്ച് വിമാനത്തിന് ആവശ്യമായ ടയറുകളുടെ എണ്ണവും വർദ്ധിക്കുന്നു.എയർബസ് A318ന് 6 ടയറുകളാണെങ്കിൽ എയർബസ് A380 ൽ 22 ടയറുകൾ വരെ കാണാനാവും.
ടയറിൽ നിറക്കുന്നത്
പറക്കുമ്പോൾ അനുഭവപ്പെടുന്ന അന്തരീക്ഷ താപനിലയിലും മർദ്ദത്തിലുമുണ്ടാകുന്ന തീവ്രമായ മാറ്റങ്ങൾ കൊണ്ടുണ്ടാകുന്ന വികാസവും സങ്കോചവും കുറയ്ക്കുന്നതിനും,ജ്വലന സാധ്യത തീരെയില്ല ഒരു നിഷ്ക്രിയ വാതകമാണ് എന്നതുകൊണ്ടും, എയർക്രാഫ്റ്റ് ടയറുകളിൽ സാധാരണ നൈട്രജൻ വാതകമാണ് നിറയ്ക്കുക.ഉയർന്ന മർദ്ദ നിലയായ 180 മുതൽ 220 psi പ്രഷറിലാണ് എയർക്രാഫ്റ്റുകളിൽ നൈട്രജൻ വാതകം നിറയ്ക്കുക.
ട്രെഡ് പാറ്റേൺ
എയർക്രാഫ്റ്റ് ടയറുകളുടെ ട്രെഡ് പാറ്റേൺ കാറുകളുടെ ടയറുകളുടെ ട്രെഡ് പാറ്റേണുകളിൽ നിന്ന് ഒത്തിരി വ്യത്യസ്തമാണെന്ന് കാണാം.simple straight rib tread design ആയിരിക്കും എയർക്രാഫ്റ്റ് ടയറുകളിൽ കാണാൻ കഴിയുക.ഇതിന് കാരണം എയർക്രാഫ്റ്റുകളുടെ ഭാരം കാറുകളുടെ ഭാരത്തിനേക്കാൾ വളരെ കൂടുതലായിരിക്കും.പ്രത്യേകിച്ച് ലാൻഡ് ചെയ്യുന്ന സമയത്തും ടേക്ക് ഓഫ് ചെയ്യുന്ന സമയത്തും.ഉയർന്ന ക്രോസ് വിൻഡ് സാഹചര്യങ്ങളിൽ സ്ഥിരത ഉറപ്പാക്കുന്നതിനും, ഹൈഡ്രൊപ്ലെയിനിങ് പ്രതിഭാസം തടയുന്നതിനും,റൺവേയിൽ വെള്ളമുള്ള സാഹചര്യങ്ങളിൽ വെള്ളം വഴി തിരിച്ചു വിടുന്നതിനും ആവശ്യമായ ബ്രേക്കിംഗ് എഫക്ട് ലഭിക്കുന്നതിനും ഇത്തരം ട്രെഡ് പാറ്റേൺ കൂടിയേ തീരൂ.
ഫ്യൂസിബിൾ പ്ലഗ്
വിമാനത്തിന്റെ ചക്രങ്ങളുടെ ഉള്ളിലായി ഫ്യൂസിബിൾ അഥവാ ഉരുകാൻ കഴിവുള്ള പ്ലഗ്ഗുകളും ഉൾപ്പെടുത്തിയിട്ടുള്ളതായി കാണാം.അടിയന്തിര ലാൻഡിങ് നടത്തുമ്പോഴോ സടൺ ബ്രേക്കിങ്ങിന് വിധേയമാകുമ്പോഴോ ചക്രങ്ങളിൽ അമിത താപനില വരാൻ ഇടയായാൽ ഇവ ഉരുകുന്നതു വഴി ടയറുകൾ സ്ഫോടനാത്മകമായി പൊട്ടിത്തെറിക്കാനുള്ള സാധ്യത ഒഴിവാക്കാൻ ഇവ സഹായിക്കും.ലാൻഡ് ചെയ്യുന്ന സമയത്തും ടേക്ക് ഓഫ് ചെയ്യുന്ന സമയത്തും ടയറും റൺവേയും തമ്മിലുള്ള ഫ്രിക്ഷൻ വഴി അപകടകരമാം വിധത്തിൽ ചാർജ് ബിൽഡപ് ഉണ്ടാകാനുള്ള സാധ്യത ഉണ്ട്.അതുകൊണ്ടാണ് എയർക്രാഫ്റ്റ് ടയറുകൾ കണ്ടക്ടിംഗ് ആയ രീതിയിൽ തയ്യാറാക്കി എടുക്കുന്നത്.
ലൈഫ് സ്പാൻ
വിമാനത്തിന്റെ മെയിൻ വീൽ ടയറുകൾക്ക് 300 മുതൽ 450 ലാൻഡിങ്ങുകൾ താങ്ങാനുള്ള ലൈഫ് സ്പാൻ ലഭിക്കുമെങ്കിൽ,നോസ് വീൽ ടയറുകൾക്ക് തേയ്മാനം കൂടുതലാകയാൽ 200 മുതൽ 350 ലാൻഡിങ് താങ്ങാനുള്ള ലൈഫ് സ്പാനേ ലഭിക്കുകയുള്ളൂ.
No comments:
Post a Comment