1990-കളിലും, 2000-കളിലും അൽ-ഖ്വയ്ദ പോലുള്ള ഭീകരസംഘടനകൾ ഇതിന്റെ ടൈമർ ഫീച്ചർ ഉപയോഗിച്ച് സ്ഫോടന ഉപകരണങ്ങൾ (IEDs - Improvised Explosive Devices) നിർമ്മിക്കാൻ തുടങ്ങിയതോടെ പ്രശ്നങ്ങൾ ആരംഭിച്ചു. ഒരിക്കൽ യുണൈറ്റഡ് സ്റ്റേറ്റ്സ് സൈന്യം ഗ്വാണ്ടാനാമോ ബേയിൽ തടവുകാരെ പരിശോധിച്ചപ്പോൾ കൂടുതൽ തടവുകാരും F-91W വാച്ച് കൈവശം വച്ചിരിക്കുന്നത് ശ്രദ്ധിക്കപ്പെട്ടു. തുടർന്ന് ഇത് ഒരു "ഭീകരതയുടെ അടയാളം" ആയി കണക്കാക്കി . വിക്കിലീക്സ് പുറത്തുവിട്ട രഹസ്യരേഖകൾ പ്രകാരം ഈ വാച്ച് ധരിച്ചിരു ന്നത് തടവുകാരുടെ തുടർനടപടികൾക്ക് ഒരു കാരണമായി ചൂണ്ടിക്കാണിക്കപ്പെട്ടു. തുടർന്ന് ഗ്വാണ്ടാനാമോ പോലുള്ള പ്രത്യേക സുരക്ഷാ മേഖലകളിൽ ഇത് നിരോധിക്കപ്പെട്ടു.
1993-ലെ വേൾഡ് ട്രേഡ് സെന്റർ ബോംബാ ക്രമണവുമായി ബന്ധപ്പെട്ടവർ ഈ വാച്ച് ഉപയോഗിച്ചിരുന്നതായി റിപ്പോർട്ടുകൾ ഉണ്ട്. ഇതിന്റെ എളുപ്പത്തിലുള്ള ലഭ്യതയും ( വർഷത്തിൽ ഏകദേശം 30 ലക്ഷം യൂണിറ്റുകൾ ഉൽപ്പാദിപ്പിക്കപ്പെടുന്നു ), മോഡിഫിക്കേഷന് അനുയോ ജ്യമായ സവിശേഷതകളും ഇതിനെ ദുരുപയോ ഗത്തിന് സാധ്യതയുള്ളതാക്കി മാറ്റി.
പലപ്പോഴും ഈ വാച്ച് പൊതുവെ യു.എസിലും മറ്റ് രാജ്യങ്ങളിലും നിരോധിക്കപ്പെട്ടു എന്ന് സ്ഥിതികരിക്കാത്ത റിപ്പോർട്ടുകൾ പോലും ഉണ്ടായി . എന്തായാലും ഇത് ഇപ്പോഴും ഓൺ ലൈൻ ഷോപ്പിംഗ് സൈറ്റുകളിൽ പോലും ( ആമസോണിലും വാൾമാർട്ടിലും ) ലഭ്യമാണ് . സാധാരണ ഉപയോക്താക്കൾക്ക് ഇത് ഒരു സാധാരണ വിശ്വസനീയമായ വാച്ച് മാത്രമാ ണെങ്കിലും ചരിത്രത്തിൽ പല സന്ദർഭങ്ങളിലും സുരക്ഷാ ആശങ്കകൾ മൂലം വിവാദമായ ഒരു വാച്ചായി മാറി കാസിയോ F-91W .
No comments:
Post a Comment