വിശുദ്ധ പെസഹാ ..

ഈസ്റ്ററിന് മുമ്പുള്ള വ്യാഴാഴ്ചയെ വിശുദ്ധ ദിനമായി ലോകമെങ്ങുമുള്ള ക്രൈസ്തവർ ആചരിക്കുന്നു, ഇ ദിവസത്തെ പെസഹ വ്യാഴാഴ്ച എന്നാണ് വിളിക്കുന്നത്. 

വിശുദ്ധ വാരത്തിലെ അഞ്ചാം ദിവസമാണ് പെസഹ വ്യാഴാഴ്ച. യേശുക്രിസ്തു തന്റെ 12 അപ്പോസ്തലന്മാരുമൊത്തുള്ള അവസാന അത്താഴത്തെ അനുസ്മരിക്കുന്നതാണ് പെസഹ. പെസഹാ എന്ന വാക്കിന്റെ അർത്ഥം 'കടന്നുപോകൽ' എന്നാണ്. അപ്പത്തിന്റെയും വീഞ്ഞിന്റെയും രൂപത്തിൽ ക്രിസ്തുവിന്റെ ശരീരവും രക്തവും നൽകുന്ന ചടങ്ങ് പെസഹ വ്യാഴാഴ്ചയാണ് ആരംഭിച്ചത്.  പള്ളികളിൽ അർപ്പിക്കുന്ന വിശുദ്ധ കുർബാനയുടെ തുടക്കമാണ് പെസഹാ എന്നും വിശ്വസിക്കപ്പെടുന്നു.

ഈ ദിവസം 'മോണ്ടി തേസ്‌ഡേ' എന്നറിയപ്പെടുന്നു. മോണ്ടി തേസ്‌ഡേ എന്ന വാക്കിന്റെ അർത്ഥം " ആജ്ഞ " എന്നർത്ഥം വരുന്ന മൊണ്ടാറ്റം എന്ന ലാറ്റിൻ പദത്തിൽ നിന്നാണ്. 

വിശുദ്ധ ബുധനാഴ്ചയ്ക്ക് ശേഷവും ദുഃഖവെള്ളിയാഴ്ചയ്ക്ക് മുമ്പും വിശുദ്ധ വാരത്തിലെ അഞ്ചാം ദിവസമാണ് പെസഹ വ്യാഴാഴ്ച. 

ഈ ദിവസത്തെ ഏറ്റവും പ്രധാനപ്പെട്ട ചടങ്ങ് ഓരോ ഇടവകയിൽ നിന്നും തിരഞ്ഞെടുക്കപ്പെട്ട 12 പേരുടെ പാദങ്ങൾ കഴുകുക എന്നതാണ്.

പെസഹാ ആഘോഷത്തിന്റെ ഭാഗമായ അപ്പം മുറിക്കൽ ശുശ്രൂഷ വൈകുന്നേരങ്ങളിൽ നടക്കും. പെസഹാ വ്യാഴാഴ്ചയാണ് പെസഹാ അപ്പം ഉണ്ടാക്കുന്നത്. അന്ത്യ അത്താഴത്തിന്റെ ഓർമ്മയുടെ ഭാഗമായി ആണ് ഈ അപ്പം ഉണ്ടാക്കുന്നത്. ലോകത്തിലെ എല്ലാ പാപങ്ങളുടെയും മോചനത്തിനായി തന്റെ ശിഷ്യന്മാർക്ക് തന്റെ ശരീരവും രക്തവും നൽകിയ യേശുക്രിസ്തു, അന്ത്യ അത്താഴ വേളയിൽ അപ്പം എടുത്ത്, അതിനെ അനുഗ്രഹിക്കുകയും മുറിക്കുകയും ചെയ്തു. 'ഇത് നിങ്ങൾക്കുവേണ്ടി നൽകപ്പെടുന്ന എന്റെ ശരീരമാണ്; എന്റെ ഓർമ്മയ്ക്കായി ഇത് ചെയ്യുവിൻ “സത്യം സത്യമായി ഞാൻ നിങ്ങളോടു പറയുന്നു. നിങ്ങൾ മനുഷ്യപുത്രന്റെ ശരീരം ഭക്ഷിക്കുകയും അവന്റെ രക്തം പാനം ചെയ്യുകയും ചെയ്യുന്നില്ലെങ്കിൽ നിങ്ങൾക്കു ജീവൻ ഉണ്ടായിരിക്കുകയില്ല" (യോഹ. 6:53).

 നമ്മുടെ കര്‍ത്താവിന്റെ പെസഹ നമുക്ക് ഒരുമയോടെ ആഘോഷിക്കാം.

 വിശുദ്ധ കുര്‍ബാന സ്ഥാപിച്ച ഈശോയെ നമുക്ക് ഓര്‍ക്കാം. ക്രൈസ്തവ ജീവിതത്തിന്റെ ഹൃദയമാണ് ബലിയര്‍പ്പണം. ഏവര്‍ക്കും പെസഹവ്യാഴാഴ്ചയുടെ ആശംസകള്‍ സ്നേഹപൂർവ്വം നേരുന്നു..