നരകത്തിലേക്കുള്ള വാതിൽ..

50 വർഷമായി കത്തിക്കൊണ്ടിരിക്കുന്ന മനുഷ്യനിർമിത തീയാണിത്.

ഈ ദ്വാരം 70 മീറ്റർ വീതിയും 30 മീറ്റർ ആഴവുമുള്ളതാണ. എന്ന് വച്ചാൽ ഒരു കൊച്ചു ക്രിക്കറ്റ് ഗ്രൗണ്ടിന്റെ അത്ര വലിപ്പം.

ഇത് അഗ്നിപർവതം പോലെ താനേ ഉണ്ടായതല്ല. 

1971 ൽ സോവിയറ്റ് ജിയോളജിസ്റ്റുകൾ  തുർക്ക്മെനിസ്താനിലെ കാരക്കൗം മരുഭൂമിയിൽ എണ്ണ തേടുകയായിരുന്നു. ആ വിലയേറിയ കറുത്ത സ്വർണ്ണത്തിനായി അവർ കൂടുതൽ കൂടുതൽ ആഴത്തിൽ തിരയുമ്പോൾ അവരുടെ പ്ലാറ്റ്ഫോം തകരുകയും മീഥെയ്ൻ പുറത്തേക്ക് വരികയും ചെയ്തു.

മീഥെയ്ൻ വിഷാംശം ഉള്ളതിനാൽ ചുറ്റുമുള്ള ഗ്രാമങ്ങളിൽ വാതകം പടരാതെ നോക്കേണ്ടത് അത്യാവശ്യമായി വന്നു. അതിനാൽ, അവർ എന്താണ് ചെയ്തത് ? 

ചോർച്ച അടച്ചു വയ്ക്കുവാൻ ഒരു വഴിയുമില്ല, അടച്ചു വച്ചാലും ചോർച്ച വേണ്ടത്ര തടയുവാൻ അത് പര്യാപ്തമല്ലേ. 

ആഴ്ചകൾക്കുള്ളിൽ വാതകം പുറത്തു വരുന്നത് നിൽക്കുമെന്ന് കരുതി ജിയോളജിസ്റ്റുകൾ  വാതകത്തിനു തീ കൊടുത്തു.

അവർ വിചാരിച്ചതിൽനിന്നും തീർത്തും വ്യത്യസ്തമായി ആ ദ്വാരം ഇന്നും കത്തുന്നു ! 

ഇപ്പോൾ ഇത് ഒരു വിനോദസചാര കേന്ദ്രം ആണ്.

മത്തി അഥവാ ചാള..

നവംബർ 24 മത്തിദിനം ആയി ആചരിക്കുന്നു.

ലോകത്തിൽ ഏറ്റവുമധികം പിടിക്കപ്പെടുന്ന ഭക്ഷ്യയോഗ്യമായ കടൽ മത്സ്യങ്ങൾ ആണ് മത്തി. അഥവാ ചാള , സാർഡൈൻ (Sardine) എന്ന പേരിലും അറിയപ്പെടുന്നു. അഞ്ചു ജനുസുകളിലായി 21 ൽ കൂടുതൽ മത്സ്യങ്ങളെ ഈ നാമത്തിൽ വിളിക്കുന്നു . ഹെറിംഗ് വിഭാഗത്തിൽ ക്ലൂപ്പൈഡേ (Clupeidae) കുടുംബത്തിൽപ്പെട്ട മൽസ്യങ്ങൾ ആണ് ഇവ. 

ലോകത്ത് മത്സ്യബന്ധനത്തിലൂടെ ലഭിക്കുന്ന മത്സ്യയിനങ്ങളിൽ മൂന്നിലൊന്നുഭാഗവും മത്തിയാണ്. സാധാരണക്കാരുടെ മത്സ്യം എന്ന അർത്ഥത്തിൽ ഇത് 'പാവപ്പെട്ടവന്റെ മത്സ്യം' എന്നറിയപ്പെടുന്നു. 

ഇംഗ്ലീഷിൽ സാർഡൈൻ (Sardine), പ്ലിച്ചാർഡ് (pilchard) എന്നറിയപ്പെടുന്നു. സാർഡിനിയ ദ്വീപിനു സമീപം ഇവയെ കണ്ടെത്തിയത് കൊണ്ടാണ് ഇവക്ക് സാർഡൈൻ എന്ന പേര് വരാൻ കാരണം. ലോകത്ത് ഏറ്റവുമധികം മത്തി ലഭിക്കുന്നത് ആഫ്രിക്കൻ രാജ്യമായ മൊറോക്കോ തീരത്താണ്. അറ്റലാന്റിക് സമുദ്രവും പസഫിക് സമുദ്രവും മത്തിയുടെ മുഖ്യ ഉറവിടങ്ങളാണ്. പൊള്ളിച്ചും, വറുത്തും, അച്ചാർ ആക്കിയും മറ്റും മത്തി വിവിധ രൂപത്തിൽ ഉപയോഗിക്കാറുണ്ട്. 

ഇവ ക്ലൂപിഡേ (Clupeidae)കുടുംബത്തിലെ ഹെറിംഗ് (herring)വർഗ്ഗത്തിൽപെടുന്നു.ജലോപരിതലത്തിൽ കൂട്ടമായിക്കാണപ്പെടുന്ന ഇവയുടെ മുഖ്യഭക്ഷണം ഫ്രജിലേറിയ എന്ന ഉത്പ്ലവജീവിയാണ്.

മത്തികളുടെ കൂട്ടം പസഫിക് സമുദ്രത്തിൽ നിന്ന്

പോഷക മൂല്യം

മെച്ചപ്പെട്ട ഹൃദയാരോഗ്യം നിലനിർത്താൻ സഹായിക്കുന്ന ഒമേഗ-3 ഫാറ്റി ആസിഡിനാൽ സമ്പുഷ്ടമാണ്‌ മത്തി. പതിവായി ഒമേഗ-3 ഫാറ്റി ആസിഡ് അടങ്ങിയ ഭക്ഷണങ്ങൾ കഴിക്കുന്നത് അൽഷൈമേഴ്സ് രോഗം വരാതിരിക്കാൻ സഹായിക്കുമെന്ന് സമീപകാല പഠനങ്ങൾ പറയുന്നു.

 ഒമേഗ-3 കൂടാതെ ജീവകം ഡി, കാൽസ്യം, ബി12, മാംസ്യം എന്നിവയും മത്തിയിൽ അടങ്ങിയിട്ടുണ്ട്. പ്രതിദിനം സാധാരണ കഴിക്കുന്ന മത്തിയിൽ നിന്ന് 13 ശതമാനം ജീവകം ബി 12 ലഭിക്കുന്നു.

വേണം ഒരു അമ്മവയർ.. തണുത്തുറഞ്ഞ കുഞ്ഞുങ്ങൾ..

ആശുപത്രി ലാബിലെ തണുത്തുറഞ്ഞ കുപ്പികളിൽ, പിറക്കാനൊരു അമ്മവയർ കാത്ത് വരിനിൽക്കുന്ന ഗർഭക്കുഞ്ഞുങ്ങൾ... 

ചിലർക്ക് എങ്കിലും ഇതൊരു വിചിത്ര ഭാവനയായി തോന്നാം. പക്ഷേ 

അറിയാമോ, ചില സത്യങ്ങൾ ഭാവനയേക്കാൾ വിചിത്രമാണ്..!

പോയ പതിറ്റാണ്ടിൽ ലോകമെങ്ങും വലിയൊരു കച്ചവടമായി വളർന്നുപടർന്നിട്ടുണ്ട് ഐ വി എഫ് 

എന്ന In vitro fertilisation. സ്ത്രീശരീരത്തിൽ സ്വാഭാവിക ഗർഭധാരണം നടക്കാത്ത 

സാഹചര്യത്തിൽ പുരുഷ ബീജവും 

സ്ത്രീ അണ്ഡവും പുറത്തെടുത്തു കൃത്രിമമായി കൂട്ടിയിണക്കുന്ന 'കല'യാണത്. 

ഇപ്പോൾ ചെറിയ ആശുപത്രികൾ പോലും പരസ്യം ചെയ്തു വളർത്തുന്ന പുത്തൻ ചികിത്സ. 

പുറത്തു കൂട്ടിച്ചേർത്തു ഭ്രൂണമാക്കിയ ജീവനെ പിന്നെ അമ്മയാകാൻ ആഗ്രഹിക്കുന്ന സ്ത്രീയുടെയോ അല്ലെങ്കിൽ ഗർഭപാത്രം വാടകക്ക് നല്കാൻ തയാറായ ഒരാളുടെയോ ഉള്ളിൽ നിക്ഷേപിക്കുന്നു. അവിടെ ആ ജീവകോശം വളർന്നു കുഞ്ഞാകുന്നു.

ഇങ്ങനെ ivf ചികിത്സ നടത്തുമ്പോൾ ഡോക്ടർമാർ എപ്പോഴും ഒന്നിലധികം അണ്ടങ്ങൾ സ്ത്രീയിൽനിന്ന് എടുത്തു പുരുഷബീജവുമായി കൂട്ടിച്ചേർക്കും. അതായതു ഒരു കുഞ്ഞിനുവേണ്ടി പത്തോ പതിനഞ്ചോ ഭ്രൂണങ്ങൾ സൃഷ്ടിക്കും.

ചികിത്സയുടെ ആദ്യ ശ്രമം പരാജയപ്പെട്ടാൽ വീണ്ടും സ്ത്രീയുടെ ഉള്ളിൽ നിക്ഷേപ്പിക്കാനായുള്ള ഒരു കരുതൽ ശേഖരം ആണിത്. ഒറ്റ തവണയിൽ ഒരുപാടു ജീവനുകൾ സൃഷ്ടിച്ചു സൂക്ഷിക്കുന്ന 

'ജീവ ബാങ്ക്..'

ഒടുവിൽ ഈ അനവധി ഭ്രൂണങ്ങളിൽ ഒന്ന് മാത്രം സ്ത്രീയുടെ ഗർഭാശയത്തിലേക്ക് മാറ്റപ്പെടുന്നു. ബാക്കി ജീവനുകൾ ദ്രവ നൈട്രജനിൽ മരവിപ്പിച്ചു ലാബിൽ സൂക്ഷിക്കുന്നു.

ഇങ്ങനെ സൂക്ഷിക്കുന്ന ഒരു ഭ്രൂണവും ഓരോ കുഞ്ഞാണ്, ജീവനാണ്. അമ്മയുടെ വയറ്റിലേക്ക് മാറി പടർന്നു വളരാൻ കൊതിക്കുന്ന ഗർഭക്കുഞ്ഞുങ്ങൾ..!

Ivf ചികിത്സ വിജയിച്ചു ഗർഭധാരണം സംഭവിക്കുന്നതോടെ പലപ്പോഴും അച്ഛനും അമ്മയും അവരുടെ തന്നെ ഈ ജീവനുകളെ മറക്കുന്നു. അതിനെ ആശുപത്രി ലാബിൽ തന്നെ ഉപേക്ഷിച്ചു അവർ കിട്ടിയ ഒരു കുഞ്ഞുമായി മടങ്ങുന്നു. 

വിചിത്രമായ ഒരു വിധിയാണത്. Ivf വിജയിച്ചു കുഞ്ഞുമായി മടങ്ങുന്ന ഓരോ അമ്മയും തനിക്കു കിട്ടിയ കുഞ്ഞിന്റെ പത്തോ പതിനഞ്ചോ സഹോദരങ്ങളെ ആശുപത്രി ലാബിൽ ഉപേക്ഷിച്ചാണ് പോകുന്നത്..!

ആശുപത്രി ലാബിലെ ദ്രവ നൈട്രജനിൽ പിറക്കാത്ത മക്കളുടെ നിലവിളികൾ..! അമ്മയുടെ ഉള്ളിൽ ആയിരുന്നു എങ്കിൽ അവർ എട്ടു - പത്തു ആഴ്ച പ്രായം ആയിട്ടുണ്ടാവും.

അമ്മവയർ തേടുന്ന ഈ ഗർഭക്കുഞ്ഞുങ്ങളെ ദത്തുനല്കുന്ന രീതി തുടങ്ങിയിരിക്കുകയാണ് അമേരിക്കയിലെ ആശുപത്രികൾ ഇപ്പോൾ. താല്പര്യമുള്ളവർക്ക് ആശുപത്രി ലാബിലെ ഭ്രൂണങ്ങളിൽ ഒന്ന് ഏറ്റെടുത്തു സ്വന്തം ഗർഭപാത്രത്തിൽ വളർത്താം.

അമേരിക്കയിലെ മാത്രം ആശുപത്രി ലാബുകളിൽ ivf ചികിത്സയുടെ ഭാഗമായി ഇങ്ങനെ ശീതീകരിക്കപ്പെട്ടു സൂക്ഷിച്ചിരിക്കുന്ന കുഞ്ഞുങ്ങളുടെ എണ്ണം ഏഴു ലക്ഷം വരും. 

ഇപ്പോൾ ഓരോ വർഷവും ഇതിൽ രണ്ടായിരം എണ്ണം ദത്തു നൽകപ്പെടുന്നു. അതിൽ ആയിരം എണ്ണം ദത്തെടുത്ത അമ്മയുടെ വയറ്റിൽ വിജയകരമായി വളർന്നു ഭൂമിയിൽ പിറക്കുന്നു. പിറക്കും മുൻപേ അനാഥരായവർക്കു മറ്റൊരു അമ്മയുടെ വയറ്റിൽ പുനർജ്ജന്മം..!

അമ്മയും അച്ഛനും ഉപേക്ഷിച്ചുപോയ ലക്ഷക്കണക്കിന് ഭ്രൂണങ്ങളിൽ ആയിരം എണ്ണം അമേരിക്കയിൽ മറ്റൊരു അമ്മയുടെ വയറ്റിൽ വളർന്നു ഭൂമിയിലേക്ക് പിറന്നു വീഴുന്നു. ഓർക്കണം, ഇത് അമേരിക്കയിലെ മാത്രം കഥയാണ്. ഭ്രൂണം ദത്തെടുക്കുന്നതിനെകുറിച്ച് കേട്ട് തുടങ്ങാത്ത കേരളത്തിൽ എന്താവും കഥ...?

നമ്മുടെ നാട്ടിൽ ഓരോ ivf കുഞ്ഞു ജനിക്കുമ്പോഴും പിറക്കാൻ വയർ കിട്ടാതെപോയ മറ്റു പത്തു ഗർഭകുഞ്ഞുങ്ങൾ ആശുപത്രിയുടെ ചവറ്റുകൊട്ടയിലേക്ക് എറിയപ്പെടുന്നുണ്ടാവാം.

അമേരിക്കയിൽ ഭ്രൂണം ദത്തെടുക്കാൻ തയാർ ആകുന്നതു രണ്ടു കൂട്ടർ ആണ്, ഭ്രൂണഹത്യ പാപം എന്ന് കരുതുന്ന മതവിശ്വാസികളും ivf ചികിത്സയുടെ മുഴുവൻ ചിലവും താങ്ങാൻ കഴിവില്ലാത്തവരും.

ദ്രവ നൈട്രജനിൽ ഒരു ഭ്രൂണം എത്ര കാലം വേണമെങ്കിലും മരവിപ്പിച്ചു സൂക്ഷിക്കാം. വേണമെങ്കിൽ ഇരുപതോ മുപ്പതോ വർഷം. അതിനു ശേഷം വേണമെങ്കിൽ ആ ഭ്രൂണത്തെ അമ്മയുടെ വയറ്റിലേക്ക് മാറ്റി വളർത്താം. സാധാരണപോലെ അത് വളരും.

ഓർത്തുനോക്കൂ, ഒരു അമ്മ വയർ കിട്ടാനായി ഇരുപതു വർഷങ്ങൾ ആശുപത്രി ലാബിലെ തണുപ്പിൽ കാത്തിരിക്കുന്ന ഒരു കുഞ്ഞിനെകുറിച്ച്..

പിറക്കുന്ന നേരം അവന്റെ യഥാർഥ വയസ് എത്രയായിരിക്കും?

ഒരുപക്ഷെ, ഇതൊക്കെ മനുഷ്യനും വിധിയും തമ്മിലുള്ള ഒരു ചതുരംഗം ആവാം. വിധി നൽകിയ പോരായ്മകൾ ശാസ്ത്ര വിദ്യകൊണ്ട് മറികടന്നുകൊണ്ട് മനുഷ്യൻ വിധിക്കുനേരെ ഒരു 'കരു നീക്കുന്നു.' അപ്പോൾ വിധി അതുവരെ ശ്രദ്ധിക്കാതിരുന്ന കോണിൽനിന്നു ഒരു അപ്രതീക്ഷിത തേര് നീക്കി മനുഷ്യനോട് പറയുന്നു: ചെക്..!

ധർമാധർമങ്ങളുടെ ഒരു ഊരാകുടുക്ക്!

പറഞ്ഞല്ലോ, അമേരിക്കയിലെ 

ആശുപത്രി ലാബുകളിൽ 

തണുത്തുറഞ്ഞ ഏഴു ലക്ഷം ഭ്രൂണങ്ങൾ...

അങ്ങനെ ലോകമെങ്ങും...

എല്ലാ രാജ്യങ്ങളിലും....

ആയിരമായിരം ആശുപത്രികളിൽ....

കോടാനുകോടി കുഞ്ഞുങ്ങൾ ഈ ഭൂമിയിൽ പിറക്കാനൊരു ഗർഭപാത്രം എന്ന ഭാഗ്യം തേടി മരവിച്ചു കാത്തിരിക്കുന്നു... 

മനസിലാവുന്നുണ്ടോ? ഞാനും നിങ്ങളും പത്തു മാസം ചുരുണ്ടുകിടന്നുറങ്ങിയ ആ അമ്മവയർ ഒരു ഭാഗ്യമാണ്...

വിലമതിക്കാനാവാത്ത ഒരു ഭാഗ്യം..!

ജീവന്റെ വലിയൊരു ബമ്പർ നറുക്കെടുപ്പിലെ വിജയികൾ ആണ് നമ്മൾ ഓരോരുത്തരും...ദൈവം തിരഞ്ഞെടുത്ത ഒരു കുറി..!

കേൾക്കുന്നില്ലേ; പിറക്കാനൊരു 

അമ്മവയർ കിട്ടാതെപോയ കുഞ്ഞുങ്ങളുടെ കരച്ചിൽ...? 

കാതോർത്തു നോക്കൂ..!

........വിവരങ്ങൾക്കു കടപ്പാട് BBC യുടെ frozen babies എന്ന ലേഖനം. .

Copyright: BBC

സീറ്റ് ബെൽറ്റിന് ഈ വർഷം 61 വയസ്സ്..

ആറിഞ്ച് വീതിയിൽ, കാറിൽ ഡ് നെഞ്ചിനു കുറുകെ കിടന്നുന്ന ഒരു പ്ലാസ്റ്റിക് സ്ട്രാപ്പാണ്. പേര് സീറ്റ് ബെൽറ്റ് എന്നാണ്.

ഒരു കാർ, അത് മുംബൈ പൂനെ ഹൈവേയിലൂടെ ഏകദേശം 80 കിലോമീറ്റർ വേഗത്തിൽ സഞ്ചരിച്ചുകൊണ്ടിരുന്ന ഒരു  ഫോക്സ്‌വാഗൺ പോളോ TdI ബ്ലാക്ക് ഹൈലൈൻ മോഡൽ കാറായിരുന്നു. അതിൽ എബിഎസ് ഉണ്ടായിരുന്നു. എയർ ബാഗ്‌സ് ഉണ്ടായിരുന്നു. മഴയത്തുപോലും തെന്നില്ല എന്ന് വാഗ്ദാനം ചെയ്യുന്ന യോക്കോഹാമ എസ് ഡ്രൈവ്സ് ടയർ ആയിരുന്നു അതിൽ. ഒരു കാറിൽ ഉണ്ടാകാവുന്നതിന്റെ പരമാവധി സുരക്ഷാ സംവിധാനങ്ങൾ ഉണ്ടായിരുന്നിട്ടും, ആ ഹൈവേയിലെ നിർണായകമായ ഒരു വളവിൽ വെച്ച് ഒരു ട്രക്ക് ആ കാറിന്റെ പിന്നിലിടിച്ചു. അതോടെ അതിന്റെ നിയന്ത്രണം പാടെ നഷ്ടമായി. വളഞ്ഞുപുളഞ്ഞ് പോയ ആ കാർ ചെന്നിടിച്ചത് ഒരു സ്പീഡ് ബ്രേക്കറിന്റെ മുകളിലായിരുന്നു. 

പിന്നെ നടന്നതൊന്നും ഡ്രൈവർക്ക് ഓർമയില്ല. മനസ്സിൽ തെളിയുന്നത് മിന്നിമായുന്ന വെട്ടവും, തുടർച്ചയായി കാതിൽ വന്നു വീണ കുറെ ശബ്ദങ്ങളും മാത്രം. ഡിവൈഡറിൽ തട്ടി മറിഞ്ഞ ആ കാർ നേരെ ചെന്ന് വീണത് കലുങ്കിന്റെ എതിർവശത്തുള്ള ഒരു താഴ്ന്ന പ്രദേശത്തായിരുന്നു. ഡ്രൈവർ സീറ്റുബെൽറ്റ് ധരിച്ചിരുന്നു. ഇടിയുടെ ആഘാതത്തിൽ എയർ ബാഗും പ്രവർത്തിച്ചിരുന്നു. ദേഹത്ത് അവിടവിടെയായി ചില പോറലുകൾ അല്ലാതെ ഒരൊടിവുപോലും അയാൾക്ക് പറ്റിയിരുന്നില്ല. എന്നാൽ ആ കാറിന്റെ ചിത്രം മാത്രം കാണുന്ന ആരെങ്കിലും അതിനുള്ളിൽ സഞ്ചരിച്ചിരുന്ന യാത്രക്കാർ ജീവനോടെ അവശേഷിക്കും എന്ന് കരുതുമോ?

അവിടെയാണ് സീറ്റ് ബെൽറ്റ് എന്ന കണ്ടുപിടുത്തതിന്റെ പ്രസക്തി നമുക്ക് ബോധ്യപ്പെടുന്നത്. ഈ യാത്രക്കാരന്റെ ജീവൻ രക്ഷിച്ചത് 1959 -ൽ വോൾവോ എന്ന സ്വീഡിഷ് വാഹനനിർമ്മാണ കമ്പനിയിലെ ഡിസൈൻ എഞ്ചിനീയർ ആയിരുന്ന നീൽസ് ബോലിൻ ആണ്. ആ കണ്ടുപിടുത്തത്തിന് ഈ വർഷം 61 വയസ്സുതികഞ്ഞു. 

ഇന്ന് വർഷാവർഷം അമേരിക്കയിൽ മാത്രം സീറ്റ്ബെൽറ്റ് എന്ന ഒരൊറ്റ സുരക്ഷാ സംവിധാനം കൊണ്ടുമാത്രം പൊലിയാതെ കാക്കപ്പെടുന്നത് പതിനായിരത്തോളം മനുഷ്യ ജീവനാണ്. ലോകമെമ്പാടും നടക്കുന്ന പല ട്രാഫിക് അപകടങ്ങളിലും യാത്രക്കാർക്ക് ജീവൻ നഷ്ടപ്പെടുന്നതും അവർക്ക് ഗുരുതരമായ പരിക്കുകൾ പറ്റുന്നതും അവർ സീറ്റ് ബെൽറ്റ് ധരിക്കാത്തതുകൊണ്ടു കൂടിയാണ്.

ആദ്യത്തെ സീറ്റ്ബെൽറ്റ് ഡിസൈൻ പക്ഷേ, നിൽസ് ബോലിന്റെ  ആയിരുന്നില്ല. ആദ്യമായി പുറത്തുവന്ന സീറ്റ്ബെൽറ്റ് ' ടു പോയിന്റ് ലാപ്പ് ബെൽറ്റ് ഡിസൈൻ' ആയിരുന്നു.  വിമാനങ്ങളിലും ഗ്ലൈഡറുകളിലുമാണ് ആദ്യമായി സീറ്റ്ബെൽറ്റ് ഉപയോഗിക്കപ്പെടുന്നത്. ജോർജ് ക്ലേലി എന്ന ശാസ്ത്രജ്ഞനാണ് വിമാനങ്ങൾക്കായി ആദ്യമായി സീറ്റ് ബെൽറ്റ് വികസിപ്പിച്ചെടുക്കുന്നത്. പിന്നീട് 1855 -ൽ എഡ്വേർഡ് ക്ലാഹോൺ അതേ ആശയത്തെ കാറുകളിലേക്കും പകർത്തി. തുടക്കത്തിൽ ലാപ്പ് ബെൽറ്റുകൾ ഉപയോഗിക്കപ്പെട്ടത് റേസ് കാറുകളിൽ ആയിരുന്നു എങ്കിലും, താമസിയാതെ അത് സാധാരണ കാറുകളിലേക്കും വ്യാപിച്ചു. എന്നാൽ അത് ഒരു അപകടമുണ്ടാകുന്ന വേളയിൽ യാത്രക്കാർക്ക് പരിക്കേൽക്കുന്നത് പൂർണമായും തടഞ്ഞിരുന്നില്ല എന്നൊരു ന്യൂനത അതിനുണ്ടായിരുന്നു. അരയിൽ മാത്രമാണ് ബെൽറ്റ് ഉള്ളത് എന്നത് മറ്റുള്ള ശരീരഭാഗങ്ങളിൽ പരിക്ക് വർധിപ്പിച്ചു.

സീറ്റ് ബെൽറ്റുകളുടെ ഉപയോഗത്തിൽ വൻ വിപ്ലവമുണ്ടാകുന്നത് 1958-59 കാലത്താണ്. ആയിടെയാണ് നീൽസ് ബോലിൻ വോൾവോയ്ക്കുവേണ്ടി ത്രീ പോയിന്റ് സീറ്റ് ബെൽറ്റുകൾ വികസിപ്പിച്ചെടുക്കുന്നത്. അതാണ് നമ്മൾ ഇന്നുകാണുന്ന തരത്തിലുള്ള സീറ്റ് ബെൽറ്റുകളുടെ പ്രാരംഭ മോഡൽ. ഒരു അപകടമുണ്ടാകുമ്പോൾ പരിക്കേൽക്കുന്നത് തടയണമെങ്കിൽ ശരീരത്തിന്റെ മുകൾ ഭാഗവും കീഴ്ഭാഗവും ഒരുപോലെ കെട്ടി ഉറപ്പിച്ചു വെക്കേണ്ടതുണ്ട് എന്ന് നീൽസ് ബോലിൻ വളരെ നേരത്തെ തന്നെ തിരിച്ചറിഞ്ഞിരുന്നു. എളുപ്പത്തിൽ ഉപയോഗിക്കാവുന്ന, നിമിഷങ്ങൾക്കുള്ളിൽ ധരിച്ചു തീരാവുന്ന, കാറിൽ ഇരുന്നുകൊണ്ട് ഒരു കൈകൊണ്ടുതന്നെ ഇടുകയും അഴിക്കുകയും ചെയ്യാനാകുന്ന ഒരു സാങ്കേതിക വിദ്യ വികസിപ്പിച്ചെടുക്കുക എന്ന ഏറെ സങ്കീർണമായ ഒരു കണ്ടുപിടുത്തമായിരുന്നു ബോലിന് നിർവഹിക്കാനുണ്ടായിരുന്നത്.

ഇപ്പോൾ സീറ്റ്ബെൽറ്റ് ഇത്ര വ്യാപകമായ കാലത്തു പോലും ഒരാളെ അത് ഇടേണ്ടതിന്റെ ആവശ്യത്തെപ്പറ്റി ബോധ്യപ്പെടുത്താൻ എന്തൊരു പാടാണ്. അപ്പോൾ അങ്ങനെ ഒരു സാങ്കേതിക വിദ്യ നിലവിൽ ഇല്ലാതിരുന്ന കാലത്ത് പെട്ടെന്നൊരു സുപ്രഭാതത്തിൽ ആദ്യം അങ്ങനെ ഒരു ആശയം പരിചയപ്പെടുത്തിയ ശേഷം അത് ഉപയോഗിക്കാൻ പ്രേരിപ്പിക്കുക എന്നത് എത്ര ശ്രമകരമായ ഒരു ജോലിയാണെന്ന് ആലോചിച്ചു നോക്കൂ. അത്തരത്തിൽ ഒരു സാങ്കേതിക വിദ്യ, ഗവേഷണത്തിലും പരീക്ഷണങ്ങളിലും അതിനു ചെലവിടേണ്ടി വരുന്ന തുക എത്ര വലുതാവും. സീറ്റ്ബെൽറ്റ് സാങ്കേതിക വിദ്യ വികസിപ്പിച്ചെടുക്കാൻ വേണ്ടി അമ്പതുകളിലും അറുപതുകളിലും വോൾവോ വലിയൊരു നിക്ഷേപം തന്നെ മാറ്റിവെച്ചു.

പതിനായിരക്കണക്കിന് അപകടങ്ങളിൽ നിന്ന് ശേഖരിച്ച ഡാറ്റ വിശകലനം ചെയ്ത് അതിൽ നിന്ന് പാഠങ്ങൾ ഉൾക്കൊണ്ട് ഡിസൈനിൽ പരിഷ്‌കാരങ്ങൾ വരുത്തി. തങ്ങളുടെ ഡിസൈൻ എത്രത്തോളം ശാസ്ത്രീയമാക്കാൻ സാധിക്കുമോ അത്രത്തോളം ആക്കി.

എന്നാൽ, പുതുതായി ഒരു ഉപകരണം, വിശേഷിച്ച് ആളുകളുടെ ചലനങ്ങളെ നിയന്ത്രിച്ചു നിർത്തുന്ന, ആളുകളെ ഒരർത്ഥത്തിൽ ബന്ധനസ്ഥരാക്കുന്ന സുരക്ഷാ സംവിധാനം ഉപയോഗിക്കാൻ അവരെ പ്രേരിപ്പിക്കാൻ ഈ കണക്കും ശാസ്ത്രവും ഒന്നും പോരാ. അതിന് അവർക്ക് തോന്നണം. വൈകാരികമായി അവരെ അതിനു പ്രേരിപ്പിക്കാനാകണം. അത് സാംസ്കാരികമായ ഒരു സമൂല പരിവർത്തനമാണ്. അത് വളരെ പ്രയാസമുള്ള ഒരു കാര്യമാണ്. സ്വീഡൻ എന്ന രാജ്യം അത് വളരെ പതുക്കെ, പതിറ്റാണ്ടുകൾ കൊണ്ടാണെങ്കിലും നേടിയെടുത്തു. 1965 -ൽ സ്വീഡനിലെ കാറോടിക്കുന്നവരിൽ 25  ശതമാനം പേർ മാത്രമാണ് സീറ്റ് ബെൽറ്റ് ധരിച്ചിരുന്നത് എങ്കിൽ, 1975 ആയപ്പോഴേക്കും അത് 90 % ആയി ഉയർന്നു.

തങ്ങളുടെ ത്രീ പോയിന്റ് സീറ്റ്ബെൽറ്റ് ഡിസൈനിന് ഉടനടി പേറ്റന്റ് സ്വന്തമാക്കിയ വോൾവോയ്ക്ക് വേണമെങ്കിൽ അക്കാര്യത്തിൽ ഒരു 'എക്സ്ക്ലൂസിവിറ്റി' നിലനിർത്താമായിരുന്നു. തങ്ങൾ ഏറെ ചെലവിട്ട്, വർഷങ്ങളോളം നീണ്ട പരീക്ഷണത്തിലൂടെ സ്വന്തമാക്കിയ ആ സാങ്കേതികത തങ്ങൾക്കുമാത്രമായി കാത്തുസൂക്ഷിച്ച്‌, ലോകത്തിലെ ഏറ്റവും സുരക്ഷിതമായ കാറുകൾ എന്ന് മേനി നടിക്കാമായിരുന്നു. എന്നാൽ, വോൾവോ അന്നങ്ങനെ ചെയ്തില്ല. ബോലിന്റെ ആ പേറ്റന്റും ഡിസൈനും അവർ ലോകത്തുള്ള മറ്റെല്ലാ കാർ നിർമാതാക്കളുടെ പങ്കിട്ടു. അങ്ങനെ കാർ യാത്രയെ കൂടുതൽ സുരക്ഷിതമാക്കിയ ആ കണ്ടുപിടുത്തം ലോകത്തെവിടെയും നിർമിക്കപ്പെടുന്ന കാറുകളുടെ ഭാഗമായി മാറി.

ബോലിന്റെ ഈ കണ്ടുപിടുത്തം കൊണ്ട് ഏറ്റവും ഗുണമുണ്ടായ കൂട്ടർ ഒരുപക്ഷേ ഇൻഷുറൻസ് കമ്പനിക്കാർ ആയിരിക്കും. കാറുകളിൽ സീറ്റ്ബെൽറ്റ് നിർബന്ധമാക്കിയ ശേഷം രക്ഷപ്പെട്ടത് നിരവധി യാത്രക്കാരുടെ ജീവനാണ്. അതുവഴി അവർക്ക് രക്ഷപ്പെട്ടുകിട്ടിയത് ലക്ഷക്കണക്കിന് ഡോളറിന്റെ നഷ്ടപരിഹാര ക്ലെയിമുകളും. സീറ്റ് ബെൽറ്റ് പരോക്ഷമായി ഇൻഷുറൻസ് പ്രീമിയങ്ങൾ കുറക്കുന്നതിനും സഹായകമായിട്ടുണ്ടെന്നു വേണമാ പറയാൻ. കാരണം, പ്രീമിയം എന്നത് ഇൻഷുറൻസ് കമ്പനികളുടെ ലാഭകരമായ പ്രവർത്തനത്തെ ആശ്രയിച്ചിരിക്കുമല്ലോ. സീറ്റ് ബെൽറ്റ് നിര്ബന്ധമാക്കപ്പെട്ടതിനു ശേഷം, അപകടങ്ങളിൽ മരണം ഏറെ കുറഞ്ഞു. അതോടെ സെറ്റിൽ ചെയ്യേണ്ടി വന്നിരുന്ന ജീവാപായ ക്ലെയിമുകളിലും കാര്യമായ കുറവുണ്ടായി. അത് അവരുടെ പ്രീമിയങ്ങളുടെയും നിരക്ക് കുറച്ചുകൊണ്ടുവന്നു.

ഇക്കാര്യത്തിൽ വോൾവോ വാഹന വിപണിയോട് പ്രവർത്തിച്ച ഔദാര്യത്തിന്റെ വലിപ്പം മനസ്സിലാക്കണമെങ്കിൽ, ചെറിയൊരു കണക്ക് കൂട്ടിനോക്കാം. 1978 ഈ പേറ്റന്റ് മറ്റുള്ള കമ്പനികളുമായി പങ്കുവെക്കുമ്പോൾ വോൾവോയുടെ അറ്റാദായം നൂറുകോടി ഡോളർ ആയിരുന്നു. അന്ന് ഇൻഡസ്ട്രിയിൽ വർഷാവർഷം പുറത്തിറങ്ങിയിരുന്നത് ആകെ നാലുകോടി കാറുകളായിരുന്നു. കാറൊന്നിന് പത്തു ഡോളർ വീതം അന്ന് വോൾവോ ചാർജ് ചെയ്തിരുന്നെങ്കിൽ അന്ന് 40 കോടി ഡോളർ വരുമാനമുണ്ടായേനെ കമ്പനിക്ക്. അതായത് ലാഭം അമ്പത് ശതമാനത്തോളം ഏറിയേനെ എന്ന്. ഇന്ന് ഏകദേശം എട്ടുകോടി കാറുകളാണ് വർഷാവർഷം ലോകത്ത് പുറത്തിറങ്ങുന്നത്. ഇന്ന് കാറൊന്നിന് അതിനു കണക്കാക്കി റോയൽറ്റി കിട്ടിയിരുന്നെങ്കിലോ?

1984 -ലാണ് അമേരിക്ക സീറ്റ് ബെൽറ്റ് വാഹനസുരക്ഷയുടെ ഭാഗമാക്കുന്നത്. 1994 -ലാണ് ഇന്ത്യയിൽ സീറ്റ്ബെൽറ്റ് നിയമപ്രകാരം നിർബന്ധമാക്കപ്പെടുന്നത്‌. ഡയാനാ രാജകുമാരി തന്റെ അന്ത്യയാത്രയിൽ സീറ്റ് ബെൽറ്റ് ധരിച്ചിരുന്നില്ല എന്നാണ് പറയപ്പെടുന്നത്. ധരിച്ചിരുന്നെങ്കിൽ ഒരു പക്ഷേ മരിക്കുമായിരുന്നില്ല എന്നും. അതുപോലെ എത്രയോ പേർ. കുറഞ്ഞ സ്പീഡിൽ കാറോടിക്കുമ്പോൾ, കുറഞ്ഞ ദൂരത്തേക്ക് പോകുമ്പോൾ ഒന്നും സീറ്റ് ബെൽറ്റ് വേണ്ട എന്ന് കരുതുന്നവരുണ്ട്. ഡ്രൈവർ മാത്രം ധരിച്ചാൽ മതി എന്ന് കരുതുന്നവരും കുറവല്ല. നിർബന്ധിക്കാൻ മടിച്ച് മറ്റുള്ളവർ സീറ്റ്ബെൽറ്റ് ധരിച്ചില്ലെങ്കിലും കാറോടിക്കാൻ തയ്യാറാകുന്നവരുണ്ട്. നിങ്ങൾ സഞ്ചരിക്കുന്ന കാർ ഒരു അപകടത്തിൽ പെടാനുള്ള സാധ്യത എത്രയോ കുറവായിരിക്കാം. എന്നാൽ, അങ്ങനെ സംഭവിച്ചാൽ, നിങ്ങൾ മരിക്കാനുള്ള സാധ്യത 50 ശതമാനത്തോളമാണ്. നിങ്ങളുടെ പ്രിയപ്പെട്ടവരുടെ പ്രാണന്റെ കാര്യത്തിൽ എത്രത്തോളം റിസ്കെടുക്കാൻ നിങ്ങൾ തയ്യാറാണ്. അതാണ്, അതുമാത്രമാണ് ഇനി അവശേഷിക്കുന്ന ഒരേയൊരു ചോദ്യം. 

എന്താണ് Pi network coin..?

ക്രിപ്റ്റോ കറൻസിയായ ബിറ്റ്കോയിൻ പോലെ 2021 മാർച്ചിൽ പുതിയതായി ഇറങ്ങുന്ന ക്രിപ്റ്റോകറൻസിയാണ് Pi network coin ' ഇതിന്റെ ആപ്പ് ഗൂഗിൾ പ്ലേസ്റ്റോർ, ആപ്പിൾ സ്റ്റോർ എന്നിവയിൽ Pi network ' എന്ന് ടൈപ്പ് ചെയ്ത് സെർച്ച് ചെയ്താൽ കാണാവുന്നതാണ്. നിലവിൽ 9.5 ലക്ഷം പേരാണ് ഈ ആപ്ളിക്കേഷൻ തങ്ങളുടെ മൊബൈൽ ഫോണിൽ ഇൻസ്റ്റാൾ ചെയ്തിട്ടുള്ളത് 10 ലക്ഷം ആപ് യൂസേഴ്സ് ആകുന്നത് വരെ പുതിയതായി ആപ്ളിക്കേഷനിൽ ജോയിൻ ചെയ്യുന്നവർക്കായി Pi network coin, ദിവസം 6 എണ്ണം വീതം നൽകുന്നുണ്ട്. യാതൊരു നിക്ഷേപവും ഇതിനായി ആവശ്യമില്ല, സൗജന്യമായാണ്  നൽകുന്നത്. അതിനുശേഷം താൽക്കാലികമായി പുതിയതായി ജോയിൻ ചെയ്യുന്നവർക്ക് നൽകില്ലെന്നാണ് Pi network company അനൗൺസ് ചെയ്തിരിക്കുന്നത്. 

കറൻസിയുടെ സപ്ളൈ കുറച്ചു, രണ്ടു വർഷമായി ഇതുവരെ നൽകിയിട്ടൂള്ള Pi network ക്രിപ്റ്റോകറൻസിക്ക് കൂടുതൽ വില ഉയരാനും വില താഴാതെയിരിക്കാനുമാണിത്. ഇവിടെ Pi network കമ്പനി അല്ല നമുക്ക് സൗജന്യമായി പണം നൽകുന്നത്, പ്രമോഷൻറെ ഭാഗമായി  അവർ നൽകുന്ന അവരുടെ ക്രിപ്റ്റോകറൻസി വിൽക്കുമ്പോൾ  ബിറ്റ്കോയിൻ പോലെ ഈ ക്രിപ്റ്റോകറൻസിയും എക്ചേഞ്ചുകളിൽ ലിസ്റ്റ് ചെയ്യുമ്പോൾ അതിന്റെ ഡിമാന്റ് അനുസരിച്ച് വാങ്ങിക്കാൻ തയ്യാറാവുന്നവരുടെ എണ്ണവും വാങ്ങുന്ന അളവുമനുസരിച്ചാണ് വില ഉയരുകയും  അതിന്റെ കൂടെ ആപ് യൂസർമാർക്ക് സൗജന്യമായി ലഭിച്ച ക്രിപ്റ്റോകറൻസികളും അപ്പോഴത്തെ വിലയനുസരിച്ച് വിൽക്കാനും അത് ബാങ്ക് ക്യാഷ് ആയി മാറ്റി ബാങ്കിലേക്ക് മാറ്റാനും കഴിയുന്നത്.

  2021 മാർച്ചിൽ ഈ ക്രിപ്ററ്റോകറൻസി, ക്രിപ്റ്റോകറൻസികൾ  വാങ്ങാനും വിൽക്കാനും കഴിയുന്ന  ക്രിപ്റ്റോകറൻസി എക്സ്ചേഞ്ച് വെബ്സൈറ്റുകളിൽ ലിസ്റ്റ് ചെയ്യുമ്പോൾ ഇപ്പോൾ ഫ്രീയായി നൽകുന്ന ക്രിപ്റ്റോകറൻസികളും Pi network ആപ്പിൽ നിന്നും ക്രിപ്റ്റോകറൻസി എക്സ്ചേഞ്ചുകളിലേക്ക് ട്രാൻസ്ഫർ ചെയ്യാൻ കഴിയും. 

ക്രിപ്ററ്റോകറൻസിയുടെ വില കൂടുകയും കുറയുകയും ചെയ്യുന്നത് അത് വാങ്ങിക്കാൻ തയ്യാറാവുന്നവരുടെ ഡിമാന്റ് അനുസരിച്ചാണ്. രണ്ടു വർഷമായി ക്രിപ്റ്റോകറൻസി മേഖലയിൽ പ്രശസ്തമായ ഈ പുതിയ ക്രിപ്റ്റോകറൻസി കൂടുതൽ വാങ്ങി വാലറ്റ് ആപ്പുകളിൽ ഡിജിറ്റൽ രൂപത്തിൽ വാങ്ങി സൂക്ഷിക്കാനായി ധാരാളം ആൾക്കാർ ക്രിപ്റ്റോകറൻസി മാർക്കറ്റ് ഫീൽഡിലുണ്ട്. അതിനാൽ നമുക്ക് സൗജന്യമായി ലഭിക്കുന്ന ക്രിപ്റ്റോകറൻസി ഭാവിയിൽ അത് വിൽക്കുന്ന എക്ചേഞ്ച് വെബ്സൈറ്റുകളിൽ  ട്രാൻസ്ഫർ ചെയ്ത്, അതിലെ വിൽക്കാനുള്ള ഓപ്ഷനിൽ ക്ളിക്ക് ചെയ്താൽ തന്നെ ഏതാനും മണിക്കൂറുകൾക്കകം വിൽക്കാവുന്നതാണ്.

ഇതുമായി ബന്ധപ്പെട്ട യൂട്യൂബ് ട്യൂട്ടോറിയൽ വീഡിയോകൾ കാണുന്നതിലൂടെ കൂടുതൽ കാര്യങ്ങൾ മനസ്സിലാക്കാൻ കഴിയും.

Pi network ആപ്പ് ഡൗൺലോഡ് ചെയ്ത് sign up ക്ളിക്ക് പേര് നൽകാനുള്ള ഓപ്ഷനിൽ ചെയ്ത് നമ്മുടേ ഐഡന്റിറ്റി കാർഡുകളിൽ അതേ പേര് തന്നെ നൽകുക.അതിനുശേഷം ഫോൺ നമ്പർ നൽകുക, അതിനുശേഷം ഒരു Invitation code വേണം.

 അതിനുശേഷം ഒരു യൂസർനെയിം ക്രിയേറ്റ് ചെയ്യുക. അതിനുശേഷം ക്രിപ്റ്റോകറൻസി നിശ്ചിത ഇടവേളകളിൽ ലഭിക്കുന്നതിനായുള്ള മൈനിംഗ് ഓപ്ഷൻ ക്ലിക്ക് ചെയ്ത് ആക്ടീവാക്കുക. ദിവസേന 24 മണിക്കൂർ കൂടുമ്പോൾ ഒരു തവണ ആപ്പ് ഓപ്പണാക്കി മൈനിംഗ് ബട്ടൺ ക്ലിക്ക് ചെയ്ത് ആക്ടീവേറ്റാക്കണം. നമ്മൾ നൽകിയ ഫോൺ നമ്പർ വെരിഫിക്കേഷൻ ചെയ്യുന്നതാനായി ആപ്പിലെ Profile ഓപ്ഷൻ ക്ലിക്ക് ചെയ്ത് phone verification ഓപ്ഷനിൽ ചെന്ന്  രണ്ടാമത്തെ ഓപ്ഷനിൽ ചെന്ന് U.S അല്ലെങ്കിൽ U.K നമ്പരിൽ ക്ളിക്ക് ചെയ്യുമ്പോൾ വരുന്ന ഒരു കോഡ്, SMS ആയി അയക്കുക. Phone number verification ചെയ്തതിനുശേഷം ഒരു പാസ്‌വേഡ് നൽകുക. പാസ്‌വേഡ് ഓർമ്മ വേണം. KYC ഐഡന്റിറ്റി വെരിഫിക്കേഷൻ പ്രോഗ്രാം പിന്നെ അവർ ആപ്പിൽ കൂടി പറയുന്ന സമയത്ത് നമ്മുടെ ഒരു ഐഡന്റിറ്റി കാർഡിന്റെ ഫോട്ടോകോപ്പി, കാർഡിമായി നിൽക്കുന്ന ഒരു സെൽഫി ഫോട്ടോയും എന്നിവ അപ്‌ലോഡ് ചെയ്യണം. അത് ഇപ്പോൾ ചെയ്യേണ്ടതില്ല.അവർ പറയുന്ന സമയത്ത് മതി. 

വിശ്വാസയോഗ്യമായ അമേരിക്കൻ കമ്പനിയാണ് Pi network. അവരുടെ ഒരു സ്റ്റോർ അടുത്ത കാലത്ത് ചൈനയിൽ തുടങ്ങിയിട്ടുണ്ട്. വരുംകാലങ്ങളിൽ ഇന്ത്യയിലും U.S.A യിലും വലിയ ഷോപ്പിംഗ് സ്റ്റോറുകൾ തുടങ്ങും. സൗജന്യമായി ലഭിക്കുന്ന Pi network coin ഉപയോഗിച്ച് അവരുടെ സ്റ്റോറുകളിൽ നിന്ന് സാധനങ്ങൾ വാങ്ങാനും കഴിയുമെന്ന് കമ്പനി പറയുന്നുണ്ട്.

ക്യൂ ഗാർഡൻസ്..

1840-ൽ സ്ഥാപിതമായ ക്യൂ ഗാർഡൻസ് ലണ്ടനിൽ സ്ഥിതിചെയ്യുന്ന ലോകത്തിലെ ഏറ്റവും വലുതും വൈവിദ്ധ്യമുള്ള സസ്യങ്ങളും, കുമിൾ ശേഖരങ്ങളും" കാണപ്പെടുന്ന ഒരു സസ്യോദ്യാനമാണ്. ഇംഗ്ലണ്ടിലെ മിഡിൽസെക്സിലെ ക്യൂ പാർക്കിൽ കാണപ്പെടുന്ന ഈ ഉദ്യാനത്തിൽ 30,000 ത്തിലധികം വ്യത്യസ്ത സസ്യങ്ങൾ ഉൾക്കൊള്ളുന്നു. ലോകത്തിലെ ഏറ്റവും വലിയ ഹെർബേറിയമായ ഇവിടെ ഏഴ് മില്യൺ സസ്യമാതൃകകൾ സംരക്ഷിച്ചിരിക്കുന്നു. ഈ ലൈബ്രറി ശേഖരങ്ങളിൽ 750,000 വാല്യങ്ങളിലായി 175,000 ലധികം പ്രിന്റുകൾ, ഡ്രോയിംഗുകൾ എന്നിവ ഉൾപ്പെടുന്നു. ലണ്ടനിലെ പ്രധാന ടൂറിസ്റ്റ് ആകർഷണങ്ങളിൽ ഒന്നായ ക്യൂ ഗാർഡൻ ഒരു ലോക പൈതൃക കേന്ദ്രവുമാണ്.

ക്യൂഗാർഡനോടൊപ്പം ക്യൂവിലെ റോയൽ ബൊട്ടാണിക് ഗാർഡൻ പരിപാലിക്കുന്ന സക്സെസിലെ വേക്ക്ഹസ്റ്റിലുള്ള സസ്യോദ്യാനങ്ങളും, 750 ജീവനക്കാർ പ്രവർത്തിക്കുന്ന അന്താരാഷ്ട്ര പ്രാധാന്യമുള്ള ബൊട്ടാണിക്കൽ റിസർച്ച് ആന്റ് എജ്യുക്കേഷൻ ഇൻസ്റ്റിറ്റ്യൂട്ട്, ഡിപ്പാർട്ട്മെൻറ് ഫോർ എൻവിയോൺമെൻറ് ഫുഡ് ആൻറ് റൂറൽ അഫയേഴ്സ് സ്പോൺസർ ചെയ്യുന്ന നോൺ ഡിപ്പാർട്ട്മെൻറൽ പബ്ലിക് ബോഡി എന്നിവയും കാണപ്പെടുന്നു.

ട്യൂകെസ്ബറിയിലെ ലോർഡ് ഹെൻറി കാപ്പെൽ ആകർഷകമായ ക്യൂ പാർക്ക് ആരംഭിക്കാനുള്ള 132 ഹെക്ടർ (330 ഏക്കർ) ക്യൂ സ്ഥലം 1759-ൽ ഔദ്യോഗികമായി തെരഞ്ഞെടുത്തു. ഗാർഡനും ബൊട്ടാണിക്കൽ ഗ്ലാസ് ഹൗസും, ഫോർ ഗ്രേഡ് 1 പട്ടികപ്പെടുത്തിയിട്ടുള്ള കെട്ടിടങ്ങളും, 36 ഗ്രേഡ് II പട്ടികപ്പെടുത്തിയിട്ടുള്ള ഘടനകളും എല്ലാം അന്തർദേശീയ തലത്തിലുള്ള ഭൂഭാഗത്തിനകത്ത് ക്രമീകരിച്ചിരിക്കുന്നു.ഇത് ഗ്രേഡ് I ൽ ഹിസ്റ്റോറിക് പാർക് ആൻഡ് ഗാർഡനുകളുടെ രജിസ്റ്ററിൽ ലിസ്റ്റ് ചെയ്തിട്ടുണ്ട്.

ക്യൂ ഗാർഡന് സ്വന്തമായി 1847 മുതൽ പ്രവർത്തനം ആരംഭിച്ച ക്യൂ കോൺസ്റ്റാബുലറി പോലീസ് സേന കാണപ്പെടുന്നു.

ചരിത്രം

പ്രധാനമായും ക്യൂവിൽ പൂന്തോട്ടങ്ങളും ചെറിയൊരു ജനസമൂഹവും ഉൾക്കൊള്ളുന്നു. എഡ്വേർഡ് ഒന്നാമൻ റിച്ചമണ്ടിലെ അയൽഭാഗത്തായി ഒരു പ്രഭുഭവനത്തിലേക്ക് തന്റെ ഭവനം മാറ്റിയതിനുശേഷം ആ പ്രദേശത്തുള്ള രാജകീയ ഭവനങ്ങൾ 1299-ൽ ആരംഭിച്ച തോട്ടങ്ങളുടെ നിർമ്മാണത്തെയും രൂപരേഖയെയും സ്വാധീനിക്കുകയും ചെയ്തു. ആ പ്രഭുഭവനം പിന്നീട് നിരോധിച്ചെങ്കിലും. 1501-ൽ ഹെൻറി ഏഴാമൻ ഷീൻ പാലസ് നിർമ്മിച്ചു. ഇത് റിച്ചമണ്ട് കൊട്ടാരത്തിന് സമീപം ഹെൻട്രി ഏഴാമൻറെ സ്ഥിരമായ രാജകീയ വസതിയായി മാറി.പതിനാറാം നൂറ്റാണ്ടിന്റെ തുടക്കത്തിനുശേഷം റിച്ച്മണ്ട് കൊട്ടാരത്തിൽ പങ്കെടുക്കുന്ന പ്രഭുക്കാർ ക്യൂവിൽ താമസിക്കുകയും വലിയ വീടുകൾ നിർമ്മിക്കുകയും ചെയ്തു.റിച്ചമണ്ടിലെ കൊട്ടാരത്തിലേക്ക് ബന്ധിപ്പിക്കാൻ ഒരു വാഹന പാത പണിതപ്പോൾ 1522-ൽ ക്യൂവിൽ നിലനിന്നിരുന്ന ആദ്യകാല രാജകീയ ഭവനം മേരി ടുഡോർസിന്റെ ഭവനമായിരുന്നു.1600-നടുത്ത്, പുതിയ സ്വകാര്യ എസ്റ്റേറ്റുകളിലൊന്നിൽ വലിയ പൂന്തോട്ടം ആയിരുന്ന ഭൂമി ക്യൂ ഫീൽഡ് എന്നറിയപ്പെട്ടു.

ക്യൂ പാർക്കിലുള്ള ആകർഷകമായ ഉദ്യാനം, ട്യൂക്കെസ്ബറിയിലെ കാപെൽ ജോൺ പ്രഭുവാണ് നിർമ്മിച്ചത്. അഗസ്റ്റ, ഡൗവാഗർ പ്രിൻസസ് ഓഫ് വെയിൽസ്, വെൽസിലെ രാജകുമാരൻ ഫ്രെഡറികിൻറെ വിധവ എന്നിവർ ചേർന്ന് ഉദ്യാനം വികസിപ്പിക്കുകയും വിപുലീകരിക്കുകയും ചെയ്തു. ക്യൂ ഗാർഡൻസിന്റെ ഉത്ഭവം 1772-ൽ റിച്ച്മണ്ടിന്റെയും ക്യൂവിന്റെയും രാജകീയ എസ്റ്റേറ്റുകളുടെ കൂട്ടിച്ചേർക്കലിലൂടെയാണ്.വില്യം ചേമ്പേർസ് 1761-ൽ നിർമ്മിച്ച ഉന്നതമായ ചൈനീസ് പഗോഡയും ഉദ്യാനങ്ങളും ഇപ്പോഴും നിലനിൽക്കുന്നു. ജോർജ് മൂന്നാമൻ വില്യം എറ്റോൺ, സർ ജോസഫ് ബാങ്ക്സ് എന്നിവരുടെ സഹായത്തോടെ ഉദ്യാനങ്ങളെ കൂടുതൽ സമ്പന്നമാക്കി.പഴയ ക്യൂ പാർക്ക് (പിന്നീട് വൈറ്റ് ഹൌസ് എന്ന് പുനർനാമകരണം ചെയ്തു) 1802-ൽ ഇത് പൊളിച്ചു മാറ്റിയിരുന്നു.1781-ൽ രാജകുടുംബത്തിലെ കുട്ടികൾക്കുള്ള നഴ്സറിയ്ക്കായി ജോർജ്ജ് മൂന്നാമൻ തൊട്ടടുത്തുള്ള "ഡച്ച് ഹൗസ്" വാങ്ങുകയുണ്ടായി. സാധാരണ ഇഷ്ടിക കൊണ്ട് നിർമ്മിച്ച ഈ കെട്ടിടം ഇപ്പോൾ ക്യൂ പാലസ് എന്നറിയപ്പെടുന്നു.

വടക്ക് ഓക്ക്ഡൻഡണിലുള്ള സ്റ്റബ്ബേഴ്സിൽ വില്യം കോയീസ് സ്ഥാപിച്ച ഉദ്യാനത്തിൽ ഉണ്ടായിരുന്ന ആദ്യകാലത്തെ സസ്യങ്ങൾ ക്യൂ ഗാർഡനിലേയ്ക്ക് കൊണ്ടുവന്നു. 1771-ൽ ആദ്യത്തെ കളക്ടർ ഫ്രാൻസിസ് മാസ്സനെ നിയമിക്കുന്നതുവരെ ഈ ശേഖരം ഒരുവിധം വളർന്നിരുന്നു.ഇംഗ്ലണ്ടിന്റെ ഏറ്റവും പ്രശസ്തമായ ലാൻഡ്സ്കേപ്പ് ആർക്കിടെക്ട് ആയിത്തീർന്ന കപേബിലിറ്റി ബ്രൌൺ ക്യൂവിൽ പ്രധാന ഉദ്യാനപാലകൻറെ സ്ഥാനത്തിനായി അപേക്ഷിച്ചെങ്കിലും തള്ളുകയാണുണ്ടായത്. 

1840-ൽ റോയൽ ഹോർട്ടികൾച്ചറൽ സൊസൈറ്റിയുടെ, പ്രസിഡന്റ് വില്യം കാവൻഡിഷിൻറെ ഫലമായി ഈ ഉദ്യാനങ്ങളെ ദേശീയ ബൊട്ടാണിക്കൽ ഗാർഡൻ ആയി അംഗീകരിച്ചു.ക്യൂ ഗാർഡൻ ഡയറക്ടർ വില്യം ഹുക്കറുടെ കീഴിൽ തോട്ടങ്ങൾ 30 ഹെക്ടർ (75 ഏക്കർ) ആയി വർദ്ധിപ്പിക്കുകയും പ്ലെഷർ ഗ്രൗണ്ട് അല്ലെങ്കിൽ അർബൊറെറ്റം 109 ഹെക്ടർ (270 യൂണിറ്റ്),ആയി നീട്ടുകയും പിന്നീട് ഇപ്പോൾ ഈ ഉദ്യാനം 121 ഹെക്ടർ (300 ഏക്കർ) ആകുകയും ചെയ്തു. ക്യൂ ഗാർഡനിലെ ആദ്യ ക്യൂറേറ്റർ ജോൺ സ്മിത്തായിരുന്നു.

ചൈനീസ് വൻമതിൽ നിർമ്മാണ ചരിത്രം

ക്രി.മു. മൂന്നാം നൂറ്റാണ്ടിൽ ക്വിൻ സമ്രാജ്യ കാലത്താണ് വന്മതിലിന്റെ പണി ആരംഭിക്കുന്നത്. എന്നാൽ അതിനുമുമ്പുതന്നെ പ്രതിരോധത്തിനായി പ്രാകൃതമായ മൺ‌മതിലുകൾ ഉണ്ടാക്കാൻ ചൈനക്കാർക്ക് അറിയാമായിരുന്നു. അക്കാലത്തെ ഗോത്രവർഗ്ഗക്കാരായിരുന്നു ഇവ നിർമ്മിച്ചിരുന്നത്. ക്രി.മു. ഏഴാം നൂറ്റാണ്ടിൽ ചു രാജവംശം ഇത്തരം മതിലുകളെ ബലപ്പെടുത്തിയിരുന്നതായി രേഖകളിൽ കാണാം. ഇങ്ങനെ പല രാജവംശങ്ങൾ നിർമ്മിച്ച മതിലുകൾ യോജിപ്പിച്ച് ഒന്നാക്കി ബലപ്പെടുത്തുവാൻ ആരംഭിക്കുകയാണ് യഥാർത്ഥത്തിൽ ക്വിൻ സാമ്രാജ്യകാലത്ത് ചെയ്തത്.

ക്വിൻ ഷി ഹുയാങ് എന്ന ചക്രവർത്തി, ചൈനയിലെ നാട്ടുരാജ്യങ്ങൾ കീഴടക്കി തന്റെ സാമ്രാജ്യം സ്ഥാപിച്ചത് ക്രി.മു. 221 ലാണ്. ഇക്കാലത്ത് സാമാന്യം വലിയ ആക്രമണങ്ങളെ ചെറുക്കാൻ പര്യാപ്തമായ ചെറിയ മതിലുകൾ നിലനിന്നിരുന്നു. ക്വിൻ ഷി ഹുയാങ് ഈ മതിലുകൾ ഇണക്കി ഒറ്റ മതിലാക്കി തന്റെ സാമ്രാജ്യത്തെ സം‍രക്ഷിക്കാൻ വേണ്ട ബലപ്പെടുത്തലും ചെയ്യിച്ചു. സ്റ്റെപ്പി പ്രദേശങ്ങളിൽ വസിച്ചിരുന്ന പ്രാകൃതരായ ക്സിയോഗ്നു വംശജരായ നുഴഞ്ഞുകയറ്റക്കാരായിരുന്നു ഏറ്റവും ശല്യമുണ്ടാക്കിയിരുന്നത്. ഈ വർഗ്ഗത്തിൽ പെട്ട ആട്ടിടയന്മാർ കൂട്ടമായി വന്ന് മോഷണം നടത്തിയിരുന്നതായിരുന്നു യഥാർത്ഥ യുദ്ധത്തേക്കാൾ ക്വിൻ സാമ്രാജ്യത്തിന് ശല്യം ഉണ്ടാക്കിയിരുന്നത്.

വന്മതിൽ നിർമ്മാണത്തിന് അഞ്ചുലക്ഷത്തോളം കർഷകരും കുറ്റവാളികളുമായിരുന്നു നിയോഗിക്കപ്പെട്ടത്. പിന്നീട് വേയ് രാജവംശം അധികാരത്തിൽ വന്നപ്പോൾ (ക്രി.പി. 386-534) മൂന്നു ലക്ഷത്തോളം ആൾക്കാർ വന്മതിലിനായി പണിയെടുത്തു. ക്രി.പി. 607-ൽ പത്തുലക്ഷത്തിലധികം ആളുകൾ വന്മതിലിനായി പണിയെടുത്തു എന്ന് രേഖകളിലുണ്ട്. പിന്നീടുണ്ടായ മിങ് രാജവംശം ദശലക്ഷക്കണക്കിനാളുകളെയാണ് പണിക്കായി നിയോഗിച്ചത്. നൂറിലധികം വർഷമാണ് അതിനായി എടുത്തത്. ഇത്തരത്തിൽ വലിയൊരു അളവ് തൊഴിലാളികളുടെ കഷ്ടപ്പാടിലൂടെയാണ്‌ വന്മതിലിന്റെ നിർമ്മാണം നടത്തിയത്. ദശലക്ഷക്കണക്കിനാളുകൾ രോഗവും അപകടവും അമിതജോലിയും കൊണ്ട് പണി‍ക്കിടെ മരണമടഞ്ഞിട്ടുണ്ട്. എല്ലാത്തരം പണികളും കൈകൊണ്ടു തന്നെയാണ്ചെയ്തിട്ടുള്ളത്. കല്ല്, മണ്ണ്, ചുണ്ണാമ്പ്, ഇഷ്ടിക, മരം എന്നിവയാണ് പ്രധാന അസംസ്കൃത വസ്തുക്കൾ. ഇവയെല്ലാം കൈമാറി കൈമാറിയാണ് നിർമ്മാണപ്രദേശങ്ങളിൽ എത്തിച്ചിരുന്നത്. ചിലയിടങ്ങളിൽ സാധനങ്ങൾ കൊണ്ടുപോകാനായി ആടുകൾ, കഴുതകൾ എന്നിവയേയും ഉപയോഗിച്ചു.

ചൈനയിലെ പട്ടണങ്ങൾ സം‍രക്ഷിക്കാൻ ഇതേ പോലെയുള്ള മതിലുകൾ അതത് സാമ്രാജ്യകാലത്ത് പണികഴിപ്പിച്ചിരുന്നു

അടോലുകൾ എന്താണ്..?

ഉഷ്ണമേഖലയിലെ ആഴം കുറഞ്ഞ സമുദ്ര ഭാഗങ്ങളിൽ കാണുന്ന വലയാകാരങ്ങളായ പവിഴ ദ്വീപുകളെ (coral islands) അടോലുകൾ അല്ലെങ്കിൽ അറ്റോൾ എന്നു വിളിക്കുന്നു. ഇവയുടെ ഉത്തമമാതൃകകൾ മാലദ്വീപ്,ലക്ഷദ്വീപ് നിരയാണ്. അണ, ചിറ എന്നെല്ലാം അർഥമുള്ള മലയാളഭാഷയിലെ അടയൽ എന്ന പദം അടൽ എന്നും പിന്നെ അടോൽ എന്നും ആയിതീർന്നെന്നാണ് ഡഡ്ലി സ്റ്റാമ്പ് എന്ന ഭൗമശാസ്ത്രജ്ഞർ അനുമാനിക്കുന്നത്.

സാധാരണ അടോലുകൾ വൃത്താകൃതിയിലാണ് കാണപ്പെടുന്നത്; പക്ഷേ, ക്രമരഹിതമായ ആകൃതിയിലും ഇവ കാണാറുണ്ട്. വേലിയേറ്റനിരപ്പിനെക്കാൾ ഉയർന്ന അനേകം ദ്വീപുകളുടെ ഒരു വലയമാണ് ഒരു മാതൃകാ-അടോലിൽ ഉണ്ടാവുക. ഈ ദ്വീപുകൾ ഉൾക്കൊള്ളുന്ന,കടൽച്ചേറ് നിറഞ്ഞ് ആഴം കുറഞ്ഞ ജലാശയത്തെ ലാഗൂണുകൾ (lagoons) എന്നു വിളിക്കുന്നു. അടോലുകളുടെ പവനപ്രതിമുഖവശത്തായി ലാഗൂണിലേക്ക് പ്രവേശനം അനുവദിക്കുന്ന അനേകം ഇടുക്കുകളും കാണാറുണ്ട്.

കോറലുകളുടെ(പവിഴ പുറ്റുകളുടെ)വളർച്ചയോടനുബന്ധിച്ചുണ്ടാകുന്ന ശൈലസേതുക്കളാണ് അടോലുകളുടെ ഉദ്ഭവത്തിന് നിദാനമായിത്തീരുന്നത്. സമൂഹമായി ജീവിക്കുന്ന കോറലുകൾ, അനുകൂലസാഹചര്യങ്ങളിൽ വളരെവേഗം വളർന്ന് വലിയ പുറ്റുകളായിത്തീരുന്നു. എന്നാൽ തിരകളിലൂടെ അടിഞ്ഞുകയറുന്ന മണ്ണും ചരലും സജീവ-കോറലുകളുടെ നാശത്തിന് ഇടയാക്കുന്നു. ഇങ്ങനെ, കൊല്ലപ്പെട്ടു വളർച്ച സ്തംഭിച്ച കോറൽപ്പുറ്റുകൾ ചിതറിയടിക്കുന്ന തിരമാലകളിൽപ്പെട്ട് അടരുകയും ശിഥിലീഭവിക്കുകയും ചെയ്യുന്നു. കടൽച്ചേറുമായി കലർന്നാണ് ഇവ ഉറച്ച ശൈലസേതുക്കളായ ദ്വീപുകളായി പരിണമിക്കുന്നത്. അടോൽദ്വീപുകളിൽ സാധാരണ കണ്ടുവരുന്ന പായൽപൊതിഞ്ഞ കൂനകളുടെ അധികഭാഗങ്ങളിലും ഫൊറാമിനിഫെറാ വിഭാഗത്തിലെ ആദിമ ജന്തുക്കൾ, കോറലുകൾ എന്നിവയുടെ അവശിഷ്ടങ്ങളും ആൽഗകളും ബ്രയോസോവ, മൊളസ്ക തുടങ്ങിയവയുമാണുള്ളത്. ഈ ദ്വീപുകളുടെ വളർച്ച വാതാനുകൂലവശങ്ങളിലാണ് പരിപുഷ്ടമായി കാണുന്നത്.

അടോലുകളുടെ ബാഹ്യരേഖ കോറലും കക്കയും നിറഞ്ഞ ചൊരിമണലിന്റെയും തരിമണലിന്റെയും തടം കടന്ന് ആഴം കുറഞ്ഞ ശൈലസേതുതലമായിട്ടാണ് അവസാനിക്കുക. അതിർവരമ്പിൽ ലിതോതാംനിയൺ (Lithothamnion) എന്നു വിളിക്കുന്ന ചുവന്ന ആൽഗകൾ നിബിഡമായി വളരുന്നു. അവ സാധാരണയായി ജലനിരപ്പിനു മുകളിലേക്കും വ്യാപിക്കുന്നു. നുരഞ്ഞുപതയുന്ന തിരമാലകൾ ഇവയുടെ വളർച്ചയെ പ്രോത്സാഹിപ്പിക്കയും ചെയ്യുന്നു. സമുദ്രത്തിലേക്ക് ആഴ്ന്നിറങ്ങുന്ന അനേകം ചാലുകളോടുകൂടിയ ചരിവുതലങ്ങളാണ് അടോലുകൾക്കുള്ളത്. കാറ്റിനഭിമുഖമായുള്ള വശങ്ങളിൽ ഈ ചാലുകൾ കൂടുതൽ സ്പഷ്ടമായികാണുന്നു. ചരിവുതലങ്ങൾ സമുദ്രത്തിന്റെ അടിത്തട്ടുവരെ ഒരേരീതിയിൽ തുടർന്നുപോകുന്നു. കുത്തനെ നിലകൊള്ളുവാൻ കോറൽ അവശിഷ്ടങ്ങൾക്കു കഴിയുന്നില്ല. ചിലപ്പോൾ ഈ ചരിവുതലങ്ങളിൽ അസ്പഷ്ടമായ തട്ടുകൾ ഉണ്ടാകാറുണ്ട്. അവശിഷ്ടങ്ങൾ ക്രമീകരിക്കപ്പെട്ടരീതിയിലാണ് നിക്ഷിപ്തമായിരിക്കുന്നത്. കൂടുതൽ സൂക്ഷ്മമായ അംശങ്ങളുടെ അടിയലുകൾ ഏറ്റവും ആഴത്തിൽ കാണുന്നു. ലാഗൂണിന്റെ വശത്തെ കോറൽതലം എതിർവശത്തേതിനേക്കാൾ വീതികുറഞ്ഞതാകും. ലാഗൂണിന്റെ അടിത്തട്ടിലേക്കു ചാഞ്ഞിറങ്ങുന്ന ചരിവുതലവും ഉണ്ടായിരിക്കും. ഈ നിതലതലങ്ങൾ ഏകസമാനമാകണമെന്നു നിർബന്ധമില്ല. ഉടവുകളും, കുണ്ടുകളും, കോറൽകൂനകളും, ഇടയ്ക്കിടെയുള്ള സമനിലങ്ങളും ചേർന്ന് തികച്ചും വൈവിധ്യമുള്ള തലങ്ങളാണ് ലാഗൂണുകളുടേത്.

അടോലുകൾ എങ്ങനെയുണ്ടാകുന്നു എന്നതിനെ സംബന്ധിച്ചു സർവസമ്മതമായ ഒരഭിപ്രായം ഇനിയും ഉണ്ടാകേണ്ടതുണ്ട്. സമുദ്രത്തിലെ അഗാധഭാഗങ്ങളിൽ കോറലുകൾ വളരുന്നില്ല. അക്കാരണംകൊണ്ടുതന്നെ അടോലുകളുടെ ഉദ്ഭവത്തിന് അടിസ്ഥാനപരമായ ആവശ്യം സമുദ്രനിരപ്പിൽനിന്നും അധികം ആഴത്തിലല്ലാതെ സ്ഥിതി ചെയ്യുന്ന ജലമഗ്നദ്വീപുകളും പീഠഭൂമികളുമാണെന്നുവരുന്നു. ഇവയുടെ പാർശ്വങ്ങളിൽ നിന്നാണ് അടോലുകളുടെ ഉദ്ഭവത്തിനു നിദാനമായ കോറലുകൾ വളർന്നുപൊങ്ങുന്നത്. ഡാർവിന്റെ സിദ്ധാന്തമനുസരിച്ച് ഇങ്ങനെയുള്ള ദ്വീപുകൾ അധികം ജലനിമഗ്നമാകുന്തോറും കൂടുതൽ കൂടുതൽ കോറലുകൾ വളർന്നുപൊങ്ങുകയും, അവയുടെ നാശം ശൈലസേതുക്കളുടെ ഉത്പത്തിക്കു വഴിതെളിക്കുകയും ചെയ്യുന്നു. നിമഗ്നമാകുന്ന ദ്വീപിന്റെ ഉപരിതലം ലാഗൂണായി മാറുന്നു. കോറലുകളുടെ വളർച്ച പുഷ്ടമല്ലാത്ത ഭാഗങ്ങളെല്ലാം അഴികളും പൊഴികളുമായിത്തീരുന്നു. ഓരോ അറ്റോളും രൂപപ്പെട്ടിട്ടൂള്ളത് അനേകായിരം വർഷങ്ങൾകൊണ്ടാണ്.

ഹിമയുഗവുമായി ബന്ധപ്പെടുത്തി യു.എസ്.ഭൂവിജ്ഞാനിയായ റെജിനാൾഡ് ഡാലിയും (1871-1952) ജർമൻ ശാസ്ത്രജ്ഞനായ ആൽബ്രഷ്ട് പെങ്കും (1858-1945) അടോലുകളുടെ ഉദ്ഭവത്തെക്കുറിച്ച് താഴെ കാണുംവിധം സിദ്ധാന്തിക്കുന്നു. ഹിമയുഗത്തിനുശേഷമുള്ള കാലഘട്ടത്തിൽ, സമുദ്രജലത്തിന്റെ ഊഷ്മാവും നിരപ്പും വർധിക്കുന്നതോടെ കോറലുകളുടെ വളർച്ച പ്രോത്സാഹിപ്പിക്കപ്പെടുന്നു; എന്നാൽ ഹിമയുഗത്തിന്റെ ആരംഭത്തിൽ അതിശൈത്യം കാരണവും, ജലനിരപ്പു താഴ്ന്നുപോകുന്നതിനാലും കോറലുകൾ നശിക്കുന്നു. അവയുടെ പുറ്റുകൾ ഛിദ്രിച്ച് കോറൽതിട്ടകളുണ്ടാകുന്നു. ഹിമയുഗങ്ങൾ ആവർത്തിക്കുകയും പിൻവാങ്ങുകയും ചെയ്തതിന്റെ ഫലമായിട്ടാണ് ഇന്നു കാണുന്ന അടോലുകൾ ഉണ്ടായത്. എന്നാൽ മേൽവിവരിച്ചതോ അല്ലാത്തതോ ആയ ഏതൊരു വാദഗതിയും അടോലുകളുടെ ഉദ്ഭവത്തിന്റെ ഏകമാത്ര കാരണമാകുന്നില്ല. ഉദാഹരണമായി, തിരകൾക്ക്കോറൽഭിത്തികളുടെ നിർമ്മാണത്തിലുള്ള പങ്ക് തർക്കമറ്റതാണ്. കോറൽ അവശിഷ്ടങ്ങളെ ജലനിരപ്പിൽനിന്നു പത്തടി ഉയരത്തിലോളം നിക്ഷേപിക്കുവാൻ തിരകൾക്ക് ശക്തിയുണ്ട്. അതേസമയം ദ്വീപുകളുടെ നിമജ്ജനം അടോലുകളുടെ വളർച്ചയെ ഭാഗികമായി പ്രോത്സാഹിപ്പിച്ചിട്ടുണ്ടാകാം. ജലനിരപ്പു താഴുന്നതും വളരെയധികം സഹായകമാണ്.

അടോലുകൾ അധികമായി കണ്ടുവരുന്നത് പസിഫിക്, ഇന്ത്യൻ സമുദ്രങ്ങളിലെ ഉഷ്ണപ്രദേശങ്ങളിലാണ്. ഇവ മധ്യരേഖയുടെ ഇരുവശങ്ങളിലുമായി 25o അക്ഷാംശം വരെ വ്യാപിച്ചുകിടക്കുന്നു. അറ്റ്ലാന്റിക് സമുദ്രത്തിൽ ബ്രസീലിയൻ തീരത്തിനടുത്തായും ചില അടോലുകൾ സ്ഥിതി ചെയ്യുന്നുണ്ട്.

ചുംബനത്തിൻ്റെ ചരിത്രങ്ങളിലൂടെ..

മഹാഭാരതത്തിൽ സ്നേഹത്തിന്റെ പ്രകടനങ്ങളായി അധരചുംബനങ്ങളെപ്പറ്റി വർണ്ണിക്കുന്നുണ്ട്. വർഷങ്ങളോളം വാമൊഴിയായി തലമുറകൾ പകർന്നുപോന്ന മഹാഭാരത ശ്ലോകങ്ങൾ ആദ്യമായി എഴുതിവെക്കപ്പെടുന്നത് BC 350 അടുപ്പിച്ചാണ്. ചുംബനങ്ങൾ ഒരു കലയായി കണ്ടിരുന്ന ചില നരവംശശാസ്ത്രജ്ഞരുടെ പക്ഷം, BC 326 -ൽ അലക്‌സാണ്ടർ  ഇന്ത്യയിൽ അധിനിവേശം നടത്തിയതിനു പിന്നാലെയാണ്, ഗ്രീക്കുകാർ അതിൽ പ്രാവീണ്യം നേടുന്നതെന്നാണ്. AD ആറാം നൂറ്റാണ്ടിൽ  എഴുതപ്പെട്ട വാത്സ്യായന കാമസൂത്രത്തിൽ വിവിധതരം ചുംബനങ്ങളെപ്പറ്റി ഗഹനമായിത്തന്നെ പരാമർശിക്കുന്നുണ്ടെന്നു കാണാം. 

റോമാ സാമ്രാജ്യ സ്ഥാപനത്തോടെയാണ് പാശ്ചാത്യ ചരിത്രത്തിൽ ചുംബനങ്ങൾ രേഖപ്പെടുത്തപ്പെട്ടു തുടങ്ങുന്നത്. റോമിലെ കുടുംബങ്ങൾ അഭിവാദനം ചെയ്യാനായി പരസ്പരം ചുംബിച്ചുപോന്നു. ജനങ്ങൾ അവരുടെ ഭരണാധികാരികളുടെ കൈകളിൽ മുത്തുമായിരുന്നു. പ്രണയിതാക്കൾ പരസ്പരം ചുംബിച്ചിരുന്നു എന്നത് പ്രത്യേകിച്ച് പ്രസ്താവിക്കേണ്ടതില്ലല്ലോ. 

റോമാക്കാർ ചുംബനങ്ങൾ മൂന്നായി തരം തിരിക്കുക വരെ ചെയ്തു. 

1. കവിളിൽ പതിപ്പിക്കുന്ന ഒസ്‌കുലം (Osculum)

2.  ചുണ്ടിൽ പതിപ്പിക്കുന്ന ബേസിയം (Basium)

3. ആഞ്ഞു പതിപ്പിക്കുന്ന സവോളിയം(Savolium)

അക്കാലങ്ങളിൽ റോമാക്കാർ തുടങ്ങിവച്ച പല ചുംബനാചാരങ്ങളും ഇന്നും തുടർന്നുപോരുന്നുണ്ട്.  അവരുടെ വിവാഹ നിശ്ചയങ്ങളെ അടയാളപ്പെടുത്തിയിരുന്നത് പ്രതിശ്രുത വധൂവരന്മാർ തമ്മിലുള്ള ചുംബനങ്ങളിലൂടെയായിരുന്നു. ഇന്നുനടക്കുന്ന വിവാഹച്ചടങ്ങുകൾക്കൊടുവിൽ വധൂവരന്മാർ പരസ്പരം ചുംബിക്കുന്നത് ആ ഒരു ചടങ്ങിന്റെ തുടർച്ചയെന്നോണമാണ്. പരസ്പരം അന്ന് പ്രണയിനികൾ അയച്ചുപോന്നിരുന്ന പ്രണയ ലേഖനങ്ങൾ ചുംബനങ്ങളാലാണ് അവർ അടക്കം ചെയ്തിരുന്നത്. 

പാശ്ചാത്യ ലോകത്ത് വളരെ  കുപ്രസിദ്ധമായിത്തീർന്ന ഒരു ചുംബനമുണ്ട്. അതാണ് യൂദാസിന്റെ ചുംബനം. ഒറ്റുകൊടുക്കുന്നതിനു മുമ്പ് യൂദാസ് ഇസ്‌കാരിയറ്റ് യേശുവിനു നൽകിയ  അന്ത്യചുംബനം. അതിന്റെ വേദനിപ്പിക്കുന്ന ഓർമ്മകൾ ക്രിസ്ത്യാനികളെ പെസഹാ വ്യാഴാഴ്ചകളിൽ പരസ്പരം ചുംബിക്കുന്നതിൽ നിന്നും പിന്തിരിപ്പിച്ചിരുന്നു. 

എന്തുകൊണ്ട് മനുഷ്യർ തമ്മിൽ ചുംബിക്കുന്നു എന്നതിനെപ്പറ്റി ശാസ്ത്രത്തിന് ഇന്നും കൃത്യമായ വിശദീകരണങ്ങൾ നൽകാനായിട്ടില്ലെങ്കിലും  അത് വളരെ  കാല്പനികമായ വൈകാരികോത്തേജനൾക്ക് കാരണമാവുന്നുണ്ട് എന്ന് ഗവേഷകർ പറയുന്നുണ്ട്. ഈ വിഷയത്തിൽ പഠനങ്ങൾ നടത്തിയിട്ടുള്ള കിൻലെ ഇൻസ്റ്റിറ്റ്യൂട്ട് പറയുന്നത്, ചുംബനത്തിൽ ഏർപ്പെടുന്ന നേരത്തെ നമ്മുടെ മാനസിക-ശാരീരികാവസ്ഥകളെയും ചുംബിക്കുന്നയാളുമായുള്ള മാനസികാടുപ്പത്തെയും അനുസരിച്ചിരിക്കും അത് നമ്മുടെ മനസ്സിലും ശരീരത്തിലുമുണ്ടാക്കുന്ന പ്രതിപ്രവർത്തനങ്ങൾ എന്നാണ്.  ഇഷ്ടമുള്ളൊരാളെ ഉമ്മവെച്ചാൽ നമ്മുടെ മനസ്സിൽ സന്തോഷം അലയടിക്കും. നമ്മുടെ ഇഷ്ടത്തിന് വിരുദ്ധമായി ഒരാളെ ഉമ്മവെക്കേണ്ടിവന്നാൽ മനസ്സ് പ്രക്ഷുബ്ധമാവുകയും ചെയ്യും. നമ്മൾ വളർന്നുവരുന്ന സംസ്കാരം ചുംബനത്തിൽ വളരെ പ്രധാനമായ ഒരു പശ്ചാത്തലമാവുന്നുണ്ട്. 

പാശ്ചാത്യരാജ്യങ്ങളിൽ ചുംബനമെന്നത് വളരെ സ്വാഭാവികമായ ഒന്നായിരിക്കെ, പൗരസ്ത്യ ദേശങ്ങളിൽ അത് വളരെ സ്വകാര്യമായി കണക്കാക്കപ്പെടുന്ന ഒന്നാണ്. പരസ്യമായ വൈകാരികതാപ്രകടനം പൊതുവെ പൗരസ്ത്യ ദേശങ്ങളിൽ വിലക്കപ്പെട്ടതായിത്തന്നെ തുടരുന്നു.  

ഒരമ്മ തന്റെ കുഞ്ഞിന്റെ ഉണങ്ങിത്തുടങ്ങിയ മുറിവിൽ ചുംബിക്കുന്നത് അത്  പെട്ടെന്നുണങ്ങാൻ വേണ്ടിയാണ്. സുഹൃത്തുക്കൾ തമ്മിൽ ചുംബിക്കുന്നതും, നമ്മൾ മത ചിഹ്നങ്ങളെ മുത്തുന്നതും സഹോദരങ്ങൾ വഴക്കിട്ട ശേഷം പരസ്പരം ഉമ്മവെച്ച് എല്ലാം പറഞ്ഞുതീർക്കുന്നതും ഒക്കെ തമ്മിൽ പകരുന്നത് പോസിറ്റീവ് ആയ വികാരങ്ങളാണ്. ചില ചുംബനങ്ങൾ പ്ലേറ്റോണിക് ആണ്, ചിലത് ഏറെ കാല്പനികവും. ചിലർ പരസ്പരം ചുംബിക്കുന്നതിനു പകരമോ അല്ലെങ്കിൽ ചുംബനത്തോടോപ്പമോ തങ്ങളുടെ മൂക്കുകളും കവിളുകളും മറ്റും  തമ്മിൽ ഉരുമ്മാറുണ്ട്. ഇത്തരത്തിലുള്ള 'എസ്കിമോ' ചുംബനങ്ങളുടെ ഉത്ഭവം പരസ്പരം ഗന്ധം അറിയാനുള്ള മൃഗതൃഷ്ണയിൽ നിന്നാണെന്നാണ് നരവംശശാസ്ത്രജ്ഞർ പറയുന്നത്. 

'ഫ്രഞ്ച് കിസ്സു'കളെപ്പറ്റി കേട്ടിട്ടില്ലാത്തവർ ആരും തന്നെ കാണില്ല. ചുംബിക്കുമ്പോൾ ആ തന്ത്രം പരീക്ഷിച്ചിട്ടില്ലാത്തവരും. അപ്പോൾ ഉയരുന്നൊരു ചോദ്യമുണ്ട്. ഗാഢമായ ഈ ചുംബനശൈലിക്ക് ഫ്രഞ്ചുകാരുമായി എന്തെങ്കിലും ബന്ധമുണ്ടോ..? 

ഇല്ലെന്നാണ് ഉത്തരം. അങ്ങനൊരു പ്രയോഗം തന്നെ ഫ്രഞ്ചിലില്ല. സത്യത്തിൽ അത്തരം 'അധരാധര'ചുംബനങ്ങളെ ഫ്രഞ്ചുകാർ 'സോൾ കിസ്സിങ്ങ്' എന്നുപേരിട്ടാണ് വിളിക്കുന്നത്. ആ പേരിന്റെ ഉത്ഭവം ബ്രിട്ടീഷുകാരുടെ വംശീയ വിദ്വേഷത്തിൽ നിന്നുമാണ്. അവർ ഫ്രഞ്ചുകാരെ ഭോഗാസക്തരായ ഒരു കൂട്ടം അനാർക്കിസ്റ്റുകളായാണ് മുദ്രകുത്തിയിരുന്നത്. പ്രത്യേകിച്ചും ഫ്രഞ്ച് വനിതകളുടെ ഭോഗാസക്തിയെപ്പറ്റി കഥകൾ മെനഞ്ഞുണ്ടാകുന്നതിൽ എന്തോ പ്രത്യേക സായൂജ്യം തന്നെ ബ്രിട്ടീഷുകാർക്ക് കിട്ടിയിരുന്നു. 

ഈ ചുംബന ശൈലിയുടെ അടിവേരുകൾ ചികഞ്ഞു ചെന്നാൽ ഒരുപക്ഷേ എത്തിച്ചേരുന്നത് പുരാതന ഭാരതത്തിൽ തന്നെയായിരിക്കും. കാമസൂത്രത്തിൽ പറഞ്ഞിരിക്കുന്ന ഇരുനൂറ്റമ്പതോളം ചുംബന ശൈലികളിൽ ഇതും പെടും.

ചുംബനമേൽക്കുന്നത് ശരീരത്തിൽ എവിടെയാണെങ്കിലും നമ്മുടെ സ്പർശനേന്ദ്രിയങ്ങൾ അത് തൽക്ഷണം തലച്ചോറിനെ അറിയിക്കും. പിന്നെ തലച്ചോറിന്റെ വക ഹോർമോൺ നിർമാണം തുടങ്ങുകയായി. ഓക്‌സിടോസിൻ, ഡോപ്പമിൻ, സെറോടോണിൻ, അഡ്രീനലിൻ എന്നിങ്ങനെ പലതരം ഹോർമോണുകൾ പുറപ്പെടുവിക്കും നമ്മുടെ ശരീരം. ഈ ഹോർമോണുകൾ പ്രകൃതിദത്തമായ എൻഡോർഫിനൊപ്പം ശരീരമാസകലം പ്രവഹിക്കുന്നതോടെ, ചുംബനം നടക്കുമ്പോൾ കണ്ടുവരുന്ന 'സന്തോഷാതിരേകം' അവരെ ആവേശിക്കുന്നു. ഹൃദയത്തിന്റെ പമ്പിങ്ങ് ഇരട്ടിയാവുന്നു. ഹൃദയധമനികൾ വികസിക്കുന്നു. അല്ലാത്തപ്പോൾ കിട്ടുന്നതിന്റെ രണ്ടിരട്ടിയോളം ഓക്സിജൻ അങ്ങനെ ശരീരത്തിലെത്തുന്നു. 

എന്നാൽ ചുംബനം നല്ലതുമാത്രമല്ല  നമുക്ക് തരുന്നത്. ചുംബനം വഴി പകരുന്ന അസുഖങ്ങളും പലതുണ്ട്. ചുംബനത്തിലൂടെ പകരുന്ന മോണോ ന്യൂക്ലിയോസിസ് എന്ന അസുഖം അറിയപ്പെടുന്നത് തന്നെ 'ദി കിസ്സിങ്ങ് ഡിസീസ്' എന്നാണ്.  ഇതിനു പുറമെ, ഹെർപിസ്, മെനിഞ്ചൈറ്റിസ്, ഗാസ്ട്രിക് അൾസർ എന്നിവയും ചുംബനത്തിലൂടെ പകരുന്നവയാണ്. ആളുകൾക്ക് ഏറ്റവും പകർച്ചപ്പേടിയുള്ള അസുഖമായ എയ്ഡ്സ് ആവട്ടെ അങ്ങനെ എളുപ്പത്തിൽ ചുംബനത്തിലൂടെ പകരുന്നതുമല്ല. 

കാര്യം ഇങ്ങനെയൊക്കെയാണെങ്കിലും, നരവംശ ശാസ്ത്ര പഠനങ്ങൾ തെളിയിക്കുന്നത് ലോകത്തിലെ 90  ശതമാനം മനുഷ്യരും ചുംബിക്കുന്നവരാണെന്നാണ്. തങ്ങളുടെ ആദ്യ ചുംബനത്തിനായി ആറ്റുനോറ്റിരിക്കുകയും, ഒടുവിൽ എന്നെങ്കിലും അത് സംഭവിക്കുമ്പോൾ, ആ ഒരൊറ്റ ചുംബനത്തെ മരിക്കുവോളം ഓർമയിൽ സൂക്ഷിക്കുകയും ചെയ്യുന്നവരുമുണ്ട്. അമ്മമാർ കുഞ്ഞുങ്ങളെ ചുംബിക്കുന്നു. വിശ്വാസികൾ അവരുടെ ചിഹ്നങ്ങളെ, പ്രണയികൾ പരസ്പരം ചുംബിക്കുന്നു. വിമാനങ്ങളിൽ നിന്നും ഇറങ്ങി വരുമ്പോൾ മണ്ണിനെ ചുംബിക്കുന്നവരും ഉണ്ട്.

ലോകാരോഗ്യ സംഘടന ലോകജനതയെ കബളിപ്പിച്ചുവോ..?

 കൊറോണ വൈറസ് ബാധയെപ്പറ്റി വാർത്തകൾ പുറത്തുവരുന്നതിനു മുൻപുതന്നെ ചൈനയ്ക്ക് ഇതേപ്പറ്റി അറിയാമായിരുന്നുവെന്ന് ചൈനീസ് വൈറോളജിസ്റ്റിന്റെ വെളിപ്പെടുത്തൽ. ലോകം ഇതറിയുന്നതിനും മുൻപുതന്നെ ചൈനയിൽ കൊറോണ വൈറസ് പടർന്നു പിടിച്ചിരുന്നു. ഇക്കാര്യം ചൈനീസ് ഭരണകൂടം മറച്ചുവയ്ക്കുകയായിരുന്നുവെന്ന് ലോകാരോഗ്യസംഘടനയുടെ റഫറൻസ് ലൈബ്രറിയായ ഹോങ്കോങ് സ്കൂൾ ഓഫ് പബ്ലിക് ഹെൽത്ത് ഗവേഷക ഡോ. ലി മെങ്ക് യാൻ പറഞ്ഞു. അമേരിക്കയില്‍‌ അഭയം തേടിയെത്തിയ യാൻ ‘ഫോക്സ് ന്യൂസിനോടു’ സംസാരിക്കുകയായിരുന്നു.

2019 ഡിസംബറിൽത്തന്നെ വൈറസ് മനുഷ്യരിൽനിന്നു മനുഷ്യരിലേക്ക് പടരുന്നതാണെന്ന മുന്നറിയിപ്പ് താൻ നൽകിയിരുന്നു. കോവിഡിനെക്കുറിച്ചുള്ള സത്യങ്ങൾ വിളിച്ചു പറയാനാണ് അമേരിക്കയിലേക്ക് രക്ഷപ്പെട്ടെത്തിയതെന്നും യാൻ പറയുന്നു. ഏപ്രിലിലാണ് ഹോങ്കോങ്ങിൽനിന്ന് യാൻ അമേരിക്കയിലേക്ക് കടന്നത്. ജീവന് അപകടമുണ്ടെന്ന ഭയം ഇപ്പോഴുമുണ്ടെന്നും അവർ പറയുന്നു.

‘സാർസിനു സമാനമായ രോഗങ്ങൾ ചൈനയിൽ പൊട്ടിപ്പുറപ്പെടുന്നതിനെപ്പറ്റി പഠിക്കാൻ ഡിസംബറിൽ എന്റെ സൂപ്പർവൈസർമാർ ആവശ്യപ്പെട്ടിരുന്നു. ചൈനയിലെ സെന്റർ ഫോർ ഡിസീസ് കൺട്രോൾ വിഭാഗത്തിലെ ഒരു സുഹൃത്ത് ഡിസംബർ 31ന് എന്നെ സമീപിച്ചിരുന്നു. മനുഷ്യരിൽനിന്ന് മനുഷ്യരിലേക്ക് വൈറസ് പടരുന്നതിനെക്കുറിച്ച് മുന്നറിയിപ്പ് നൽകുകയും ചെയ്തു. ഇത് എന്റെ സീനിയറിനെ അറിയിച്ചെങ്കിലും അദ്ദേഹം വേണ്ടത്ര പ്രാധാന്യം നൽകിയില്ല.

ജനുവരി 9 ന്, മനുഷ്യരിൽ വൈറസ് പടരില്ലെന്നു ചൈന അറിയിച്ചതായി ലോകാരോഗ്യ സംഘടന വാർത്തക്കുറിപ്പിൽ പറഞ്ഞിരുന്നു. എന്നാൽ ലോകാരോഗ്യ സംഘടനയും ചൈനീസ് സർക്കാരും തമ്മിൽ ധാരണയുണ്ടെന്ന് എനിക്ക് അറിയാവുന്നതാണ്. തെറ്റായ വിവരം ലോകം മുഴുവൻ ഒരിക്കലും പടരാൻ പാടില്ലെന്ന് കണക്കൂട്ടിയിരുന്നു. ജനുവരി പകുതിയോടെ കണ്ടെത്തൽ ലാബിലെ ബോസിനെ അറിയിച്ചിരുന്നു. എന്നാൽ നിശബ്ദത പാലിക്കൂ, ഇല്ലെങ്കിൽ നമ്മൾ വലിയ പ്രശ്നത്തിലകപ്പെടും. നമ്മളെ ഇല്ലാതാക്കും എന്നായിരുന്നു അദ്ദേഹം പറഞ്ഞത്.

കഴിഞ്ഞ വർഷം വുഹാനിൽ കണ്ടെത്തിയ വൈറസിനെക്കുറിച്ച് വിശദമായ അന്വേഷണം നടത്താൻ രാജ്യാന്തര സമൂഹം തീരുമാനിച്ചിരുന്നു. എന്നാൽ വിദേശ ഗവേഷകർക്ക് ഇതിനുള്ള അവസരമൊരുക്കാൻ ചൈന അനുവദിച്ചില്ല. എന്നാൽ എന്റെ സുഹൃത്തുക്കളെ ഉപയോഗിച്ച് വൈറസിന്റെ കൂടുതൽ വിവരങ്ങൾ കണ്ടെത്താനാണു ശ്രമിച്ചത്. മനുഷ്യരിൽനിന്ന് മനുഷ്യരിലേക്ക് വൈറസ് പടരുമെന്ന് അറിയിച്ചിട്ടും ഇതേപ്പറ്റി ലോകത്തിന് മുന്നറിയിപ്പു നൽകാൻ ലോകാരോഗ്യ സംഘടനയോ ചൈനയോ തയാറായില്ല.

ഈ മഹാമാരിയുടെ ആരംഭ സമയത്ത് അതേപ്പറ്റി ഗവേഷണം നടത്തിയ അഞ്ചുപേരിൽ ഒരാളാണ് ഞാൻ. ഹോങ്കോങ് സ്കൂൾ ഓഫ് പബ്ലിക് ഹെല്‍ത്ത് ലോകാരോഗ്യ സംഘടനയിൽ അഫിലിയേറ്റ് ചെയ്തിട്ടുള്ളതാണ്. ലാബിന്റെ സഹ ഡയറക്ടറായ പ്രഫ. മാലിക് പെരിസ് രോഗവ്യാപനത്തെക്കുറിച്ച് മുൻകൂർ വിവരം ലഭിച്ചിട്ടും സ്വീകരിക്കാൻ തയാറായില്ല. ലോകത്തിന് മുന്നിൽ യഥാർഥ വിവരങ്ങൾ നൽകുന്നതിനോട് യോജിക്കാൻ കഴിയാത്തതിനാൽ എനിക്കറിയാവുന്ന വിവരങ്ങൾ രഹസ്യമായി വച്ച് അമേരിക്കയിലേക്ക് പലായനം ചെയ്യുകയായിരുന്നു. ഇനിയൊരിക്കലും ചൈനയിലേക്ക് തിരികെ പോകാൻ സാധിക്കില്ല.’ തന്റെ കരിയറാണ് അവർ നശിപ്പിച്ചതെന്നും യാൻ ആരോപിക്കുന്നു. അതേസമയം, യാനിന്റെ ആരോപണങ്ങൾ ചൈന തള്ളിക്കളഞ്ഞു. യാൻ തങ്ങളുടെ ജീവനക്കാരിയല്ലെന്നായിരുന്നു ഹോങ്കോങ് സ്കൂൾ ഓഫ് പബ്ലിക് ഹെൽത്തിന്റെ പ്രതികരണം.

KLT - 1 കേരളത്തിൽ ആദ്യമായി രജിസ്റ്റർ ചെയ്ത കാർ ഇന്നും ഓടുന്നു..

കേരളത്തിൽ ആദ്യമായി രജിസ്റ്റർ ചെയ്ത വാഹനം ഏതാണെന്ന് അറിയാമോ? 

അധികമാർക്കും ഈ വിവരം അറിയണമെന്നില്ല. 1956 ൽ കേരള സംസ്ഥാനം രൂപീകരിച്ചു കഴിഞ്ഞതിനു ശേഷമാണ് കേരളത്തിൽ ആദ്യമായി ഒരു വാഹനം രജിസ്റ്റർ ചെയ്യുന്നത്. ആ വാഹനത്തിന്റെ ഉടമ ചില്ലറക്കാരിയല്ലായിരുന്നു.

അന്നത്തെ തിരുവിതാംകൂർ മഹാറാണിയായിരുന്ന സേതുപാർവ്വതിഭായുടെ പേരിലായിരുന്നു ആദ്യമായി ഒരു വാഹനം കേരളത്തിൽ രജിസ്റ്റർ ചെയ്തത്. കാറിനു കിട്ടിയ നമ്പർ ‘KLT – 1’ ആയിരുന്നു. അക്കാലത്തെ മികച്ച ആഡംബര വാഹനമായിരുന്ന ‘Studebaker President’ എന്ന വിദേശ നിർമ്മിത കാർ ആയിരുന്നു സേതുപാർവ്വതിഭായുടെത്. അന്ന് വൻ പ്രതാപമായിരുന്നു ‘KLT – 1’ എന്ന ഈ കാറിന്. രാവിലെ കൊട്ടാരത്തിൽ നിന്നും പദ്മനാഭസ്വാമി ക്ഷേത്രത്തിലേക്ക് ഒരു റൗണ്ട് ട്രിപ്പ് ആയിരുന്നു ഈ കാർ രാജാവിൻ്റെ ദിവസേനയുള്ള ഡ്യൂട്ടി.

രാവിലെ 6.30 മുതൽ 8.15 വരെയുള്ള സമയത്തായിരുന്നു ഈ യാത്ര. ആ സമയത്ത് തലസ്ഥാനത്തെ ആളുകൾ ഈ യാത്ര കാണുവാൻ മാത്രമായി വഴിയരികിൽ വന്നു നിൽക്കുമായിരുന്നു. അന്നൊക്കെ തിരുവനന്തപുരം കിഴക്കേക്കോട്ടയിൽ KLT – 1, Studebaker President കാർ ഒരു അത്ഭുതകാഴ്ച തന്നെയായിരുന്നുവെന്ന് പഴമക്കാർ ഓർക്കുന്നു. അമേരിക്കയിൽ നിന്നും കൽക്കട്ടയിലേക്ക് കാറിന്റെ പാർട്സുകൾ എത്തിക്കുകയും കൽക്കട്ടയിൽ വെച്ച് അവ ഒന്നിച്ചു ചേർത്ത് പുതിയൊരു കാറായി രൂപം കൊടുക്കുകയുമായിരുന്നു. 1985ൽ മഹാറാണി സേതുപാർവ്വതിഭായ് അന്തരിച്ചു.

അവരുടെ വിടവാങ്ങലോടെ ഈ കാർ കൊട്ടാരത്തിലെ വിശ്വസ്തനായ ഡോക്ടറായിരുന്ന ഡോ. പിള്ളയ്ക്ക് ലഭിക്കുകയുണ്ടായി. പിന്നീട് കുറേനാൾ ഈ രാജവാഹനം പിള്ള ഡോക്ടറായിരുന്നു ഉപയോഗിച്ചിരുന്നത്. മൂന്നു വർഷങ്ങൾക്കു ശേഷം ഡോക്ടറും മരിച്ചതോടെ ഈ കാർ നാട്ടിൽ അനാഥമാകുന്ന അവസ്ഥ വന്നു. പിന്നീട് 1998 ൽ പിള്ള ഡോക്റുടെ ഇംഗ്ലണ്ടിൽ താമസക്കാരനായിരുന്ന മകൻ ഈ കാർ കേരളത്തിൽ നിന്നും ഇംഗ്ലണ്ടിലേക്ക് കൊണ്ടുപോയി.

ഡോക്ടറുടെ മകനും ഒരു ഡോക്ടർ ആയിരുന്നു. കൊച്ചിയിൽ നിന്നും ഒരു കണ്ടെയ്‌നറിലാക്കിയായിരുന്നു കാർ യുകെയിലേക്ക് കൊണ്ടുപോയത് എന്ന് പറയുന്നു. ഇംഗ്ലണ്ടിൽ എത്തിച്ചശേഷം നമ്മുടെ ഈ രാജശകടത്തെ ഡോക്ടർ ഇരുണ്ട നീല നിറവും വെള്ളനിറവും പെയിന്റ് അടിച്ചു രൂപമാറ്റം വരുത്തി. പിന്നീട് ഈ കാർ കുറച്ചുനാളുകൾക്കു ശേഷം ഡോക്ടർ മറ്റൊരാൾക്ക് വിൽക്കുകയായിരുന്നു ചെയ്തത്.

അതിനു ശേഷവും ഈ കാർ പല ഉടമസ്ഥരിൽക്കൂടി കൈമറിഞ്ഞു അവസാനം യുകെയിലെ പ്രമുഖ ഓൺലൈൻ വിപണിയായ ഇ-ബേയിൽ എത്തി. ഉടമസ്ഥരിൽ ആരോ അതുവഴി വിൽക്കുവാൻ ശ്രമിച്ചതായിരുന്നു. 2010 ഫെബ്രുവരിയിലായിരുന്നു അത്. ഈബേയിലെ പരസ്യം കണ്ട് ഇയാൻ എന്നൊരാൾ ഈ കാർ വാങ്ങുകയും ചെയ്തതായി പറയുന്നു. കാർ വാങ്ങിയാൾക്ക് ഇതിന്റെ പൂർവ്വ ചരിത്രം ഒന്നും അറിയില്ലായിരുന്നു. അവസാനം സോഷ്യൽ മീഡിയയിൽ ഈ കാറിനെക്കുറിച്ചുള്ള വിവരങ്ങൾ കണ്ടാണ് തൻറെ കയ്യിലുള്ളത് തിരുവിതാംകൂർ ഭരിച്ചിരുന്ന റാണിയുടെയായിരുന്നുവെന്നു ഇയാൻ മനസിലാക്കിയത്.

ഇതിനെക്കുറിച്ച് ഇയാൻ പ്രമുഖ ഓട്ടോമോട്ടീവ് പബ്ലിക് ഗ്രൂപ്പായ Team BHP യിൽ പോസ്റ്റ് ചെയ്തതോടെയാണ് നമ്മുടെ നാട്ടുകാരിൽ ചിലരെങ്കിലും ഈ കാര്യങ്ങൾ അറിയുവാനിടയായത്. KLT 1 എന്ന നമ്പറിൽ കേരളത്തിൽ ആദ്യമായി രജിസ്റ്റർ ചെയ്ത ഈ കാർ ഇന്ന് അതേ നമ്പറോടെ നമുക്ക് കാണുവാൻ ഭാഗ്യമില്ലാതായി. ഇപ്പോൾ NSJ 269 എന്ന യുകെ നമ്പറുമായാണ് ഈ കാർ ഓടുന്നത്. ഇത്രയും വർഷങ്ങളായിട്ടും പല തലമുറകൾ ഉപയോഗിച്ചിട്ടും ഇന്നും ഈ കാർ ഇംഗ്ലണ്ടിലെ വീഥികളിലൂടെ യാതൊരു തളർച്ചയുമില്ലാതെ ഓടുന്നു.

എമണ്ടൻ എന്ന എംഡൻ..

ഒന്നാം ലോകമഹായുദ്ധത്തിൽ പങ്കെടുത്ത ഇമ്പീരിയൽ ജെർമ്മൻ നേവിയുടെ യുദ്ധക്കപ്പലായിരുന്നു എംഡൻ അഥവാ എമണ്ടൻ. യുദ്ധത്തിന്റെ ആരംഭ ഘട്ടത്തിൽ ഇന്ത്യൻ മഹാസമുദ്രത്തിൽ പാശ്ചാത്യ സഖ്യകക്ഷികളുടെ 13 കപ്പലുകളെ തകർക്കുകയോ, പിടിച്ചടക്കുകയോ ചെയ്തിട്ടുണ്ട്. കൊക്കോസ് യുദ്ധത്തിൽ ശക്തമായ ബോംബാക്രമണം കാരണം തകർന്ന കപ്പൽ കരയിലേക്ക് അടുപ്പിക്കാൻ ക്യാപ്ടൻ തീരുമാനിക്കുകയായിരുന്നു.

ജർമ്മനിയിലെ എംഡൻ നഗരത്തിന്റെ പേര് നൽകപ്പെട്ടിരുന്ന ഈ യുദ്ധക്കപ്പൽ നീരാവി എൻജിൻ ഉപയോഗിക്കുന്ന ജർമ്മൻ യുദ്ധക്കപ്പലുകളുടെ ശ്രേണിയിലെ അവസാന കണ്ണിയായിരുന്നു. കപ്പലിലെ പന്ത്രണ്ട് ബോയിലറുകൾക്ക് ഊർജ്ജം പകരാൻ കൽക്കരിയാണ് ഉപയോഗിച്ചിരുന്നത്.

1910 ഏപ്രിൽ 1-ാം തിയതി ജർമ്മനിയുടെ കീൽ നഗരത്തിലെ തുറമുഖത്തിൽ നിന്നും കിഴക്കോട്ടു പുറപ്പെട്ട എമണ്ടൻ കപ്പൽ ചെന്നൈ (അന്നത്തെ മദ്രാസ്) ഉൾപ്പെടെ പല സ്ഥലങ്ങളിൽ ആക്രമണം അഴിച്ചുവിട്ട് നാശനഷ്ടങ്ങളുണ്ടാക്കിയെങ്കിലും യാത്ര പുറപ്പെട്ട ശേഷം പിന്നീടൊരിക്കലും ജർമ്മനിയുടെ സമുദ്രാതിർത്തിയിൽ തിരിച്ചെത്തുകയുണ്ടായില്ല.

യുദ്ധരംഗത്ത് എമണ്ടൻ

1911 ജനുവരി മാസം ജർമ്മനിയുടെ കരോളിൻ ദ്വീപുകളിലെ വിഘടനവാദികളെ അമർച്ചചെയ്തുകൊണ്ടായിരുന്നു എമണ്ടന്റെ താണ്ഡവം തുടങ്ങിയത്. റിബലുകളുടെ ശക്തികേന്ദ്രങ്ങളിലേക്ക് പീരങ്കിയുണ്ടകൾ ഉതിർത്ത് ശത്രുപക്ഷത്തെ തളർത്തിയ ശേഷമാണ് ജർമൻ നാവികർ എമണ്ടൻ കപ്പലിൽ നിന്നും കരയിലേക്കു ചെന്ന് റിബലുകളെ തുരത്തി ദ്വീപുകൾ തിരിച്ചുപിടിച്ചത്.

രണ്ടാം ചൈനീസ് വിപ്ലവകാലത്ത് യാങ്ങ് ത്സെ നദിക്കരയിലുള്ള വിപ്ലവകാരികളുടെ കോട്ടയ്ക്കു നേരെ നടത്തിയ ആക്രമണത്തിൽ ബ്രിട്ടന്റേയും, ജപ്പാന്റേയും യുദ്ധക്കപ്പലുകൾക്കൊപ്പം എമണ്ടനും ഉണ്ടായിരുന്നു.

ഒന്നാം ലോകമഹായുദ്ധത്തിൽ പങ്കെടുത്ത എമണ്ടൻ റഷ്യയുടെ റിയാസാൻ എന്ന യുദ്ധക്കപ്പൽ പിടിച്ചെടുത്ത്, ജർമ്മൻ നേവിയുടെ യുദ്ധക്കപ്പലായി മാറ്റിയെടുത്തു. 1914-ൽ ഇന്ത്യൻ മഹാസമുദ്രത്തിന്റെ മിക്കവാറും എല്ലാ ഭാഗങ്ങളിലും ബ്രിട്ടന്റെ കപ്പലുകൾ മാത്രമുണ്ടായിരുന്നതിനാൽ അക്കാലത്ത് ഇന്ത്യൻ മഹാസമുദ്രത്തെ ബ്രിട്ടന്റെ തടാകം എന്നു വിളിക്കുക പതിവായിരുന്നു. ബ്രിട്ടീഷ് കപ്പലുകളുടെ ആധിക്യമൊന്നും എമണ്ടന് ഒരു പ്രശ്‌നമായിരുന്നില്ല. 1914 സെപ്റ്റംബർ 10-ാം തിയതി മുതൽ എമണ്ടൻ ഇന്ത്യൻ മഹാസമുദ്രത്തിൽ ബ്രിട്ടീഷ് കപ്പലുകൾക്ക് നേരേ കടന്നാക്രമണം നടത്തി, ഏതാണ്ട് 17 കപ്പലുകൾ പിടിച്ചെടുക്കുകയോ നശിപ്പിക്കുകയോ ചെയ്തിട്ടുണ്ട്.

പിടിച്ചെടുത്ത ബ്രിട്ടീഷ് കപ്പലുകളിലെ നാവികരോടും, യാത്രക്കാരോടുമെല്ലാം എമണ്ടന്റെ ക്യാപ്ടൻ മുള്ളർ വളരെ മര്യാദയോടു കൂടിയാണ് പെരുമാറിയിരുന്നത്. യുദ്ധത്തടവുകാരെ സുരക്ഷിതരായി പാർപ്പിക്കണമെന്ന കാര്യത്തിൽ മുള്ളർക്ക് നിർബന്ധമുണ്ടായിരുന്നു.

സെപ്റ്റംബർ 14-ാം തിയതിയാണ് ജർമ്മനിയുടെ എമണ്ടൻ കപ്പൽ ഇന്ത്യൻ മഹാസമുദ്രത്തിൽ കനത്ത ആക്രമണം അഴിച്ചുവിട്ടിരിക്കുന്നുവെന്ന കാര്യം ബ്രിട്ടൻ അറിയുന്നത്. അപ്പോളേക്കും കൊളംബോയൽ നിന്നും സിങ്കപ്പൂരിലേക്കുള്ള പാത മിക്കവാറും നിശ്ചലമായിക്കഴിഞ്ഞിരുന്നു.

എമണ്ടനെപ്പേടിച്ച് കപ്പലുകൾ തുറമുഖം വിട്ടു നീങ്ങാൻ തയ്യാറായില്ല. മർച്ചന്റ് ഷിപ്പുകളുടെ ഇൻഷൂറൻസ് തുകയും ആകാശംമുട്ടെ ഉയരാൻ തുടങ്ങി. വെറും ഒരേ ഒരു കപ്പൽ ഒട്ടു മൊത്തത്തിൽ ഇന്ത്യൻ മഹാസമുദ്രത്തെത്തന്നെ പിടിച്ചടക്കിയതു പോലുള്ള നില ബ്രിട്ടനെയും സഖ്യകക്ഷികളേയും അമ്പരപ്പിച്ചു.

ബ്രിട്ടീഷ്, ആസ്‌ട്രേലിയൻ, ഫ്രഞ്ച്, ജാപ്പനീസ്, റഷ്യൻ യുദ്ധക്കപ്പലുകൾ കൂട്ടം കൂട്ടമായി ഇന്ത്യൻ മഹാസമുദ്രത്തിൽ എമണ്ടനെ അരിച്ചുപെറുക്കി നോക്കിയെങ്കിലും ക്യാപ്ടൻ മുള്ളർ സമർത്ഥമായി അവരുടെയൊന്നും കണ്ണിൽ പെടാതെ രക്ഷപ്പെട്ടു കൊണ്ട് യാത്ര തുടരുകയായിരുന്നു.

മദ്രാസ് മുതൽ പെനാങ്ക് വരെ

1914 സെപ്റ്റംബർ 22-ാം തിയതി എമണ്ടൻ ചെന്നൈ തുറമുഖത്തിനടുത്തെത്തി. മറിനാ ബീച്ചിൽ നിന്നും 3,000 വാര ദൂരെ സ്ഥാനമുറപ്പിച്ച എമണ്ടൻ പീരങ്കിയാക്രമണം അഴിച്ചുവിട്ടതോടെ മദ്രാസ് തുറമുഖത്ത് നിർത്തിയിട്ടിരുന്ന ബർമ്മാ ഓയിൽ കമ്പനിയുടെ ഓയിൽ ടാങ്കറുകൾ തീപ്പിടിച്ചു നശിച്ചു.

ആദ്യത്തെ 30 റൗണ്ട് പീരങ്കി വെടിയിൽ ആണ് ഈ കപ്പലുകൾ നശിച്ചത്. മദ്രാസ് തുറമുഖത്ത് നിർത്തിയിട്ടിരുന്ന ഒരു മർച്ചന്റ് ഷിപ്പിലാണ് കൂടുതൽ ജീവഹാനി ഉണ്ടായത്. ഗുരുതരമായി പരിക്കു പറ്റിയ കപ്പൽ യാത്രക്കാർ പിന്നീടുള്ള ദിവസങ്ങളിൽ ചികിത്സ ഫലക്കാതെ മരണമടയുകയായിരുന്നു.

അരമണിക്കൂറിനകം മദ്രാസ് തീരത്തു നിന്നും പ്രത്യാക്രമണം തുടങ്ങിയതോടെ എമണ്ടൻ സ്ഥലം വിട്ടുവെങ്കിലും പോകുന്ന പോക്കിൽ വീണ്ടും 125 ഷെല്ലുകൾ പായിച്ചുകൊണ്ടാണ് രക്ഷപ്പെട്ടോടിയത്.

എമണ്ടന്റെ പ്രഹരശേഷി ബ്രിട്ടന്റെ ആത്മധൈര്യം ചോർത്തിക്കളഞ്ഞു. ഈ ആക്രമണത്തെത്തുടർന്ന് ആയിരക്കണക്കിന് ആൾക്കാർ മദ്രാസ് നഗരത്തിൽ നിന്നും വിദൂര സ്ഥലങ്ങളിലേക്ക് പലായനം ചെയ്തു.

മദ്രാസിൽ നിന്നും രക്ഷപ്പെട്ടു പോയ എമണ്ടൻ നേരെ സിലോണിലേക്കാണ് (ഇന്ന് ശ്രീലങ്ക) പോയത്. എന്നിരുന്നാലും കൊളംബോ തുറമുഖത്തെ സെർച്ച് ലൈറ്റുകളുടെ കണ്ണിൽ പെടാതിരിക്കാനായി എമണ്ടൻ അവിടെ ആക്രമണത്തിനു തുനിഞ്ഞില്ല.

ഒടുവിൽ ബ്രിട്ടീഷ് ബോംബർ വിമാനങ്ങൾ നടത്തിയ വ്യോമാക്രമണത്തിൽ എമണ്ടൻ തകർന്നു കരയടിഞ്ഞു. അതിനു ശേഷം ജർമ്മൻ നേവി വീണ്ടും എമണ്ടൻ എന്ന പേരിൽ നാലു യുദ്ധക്കപ്പലുകൾ വീണ്ടും നിർമ്മിക്കുകയുണ്ടായി.

വിവിധ ഭാഷകളിലെ എമണ്ടൻ സ്വാധീനം

ശത്രുനിരയുടെ കണ്ണുവെട്ടിച്ച് വിജയകരമായി കടന്നാക്രമണം നടത്തി വന്ന എമണ്ടന്റെ പേര് പിന്നീട് പല ഭാഷകളിലും ഉപമയായി സ്ഥാനം പിടിച്ചിട്ടുണ്ട്.

ശ്രീലങ്കയിൽ കരയുന്ന കുട്ടികളെ പേടിപ്പിക്കാൻ അമ്മമാർ .. എമണ്ടൻ വരുന്നു എന്ന് പറയുക പതിവാണ്.

വരുന്നതും പോകുന്നതും അറിയാത്ത രീതിയിൽ ഒളിഞ്ഞുമാറി നടക്കുന്നവരെ സൂചിപ്പിക്കുവാനാണ് തമിഴ് ഭാഷയിൽ എമണ്ടൻ എന്ന പദം ഉപയോഗിക്കുന്നത്. അവൻ ശരിയാന എമണ്ടനാക ഇരുക്കാൻ (அவன் சரியான எம்டனாக இருக்கான்) അഥവാ അവൻ ശരിക്കും ഒരു എമണ്ടൻ തന്നെ എന്ന പ്രയോഗം തമിഴിൽ വേരൂന്നാൻ കാരണമായതും ജർമ്മനിയുടെ എമണ്ടൻ എന്ന യുദ്ധക്കപ്പൽ തന്നെ.

എമണ്ടൻ ജോലി, എമണ്ടൻ തിരക്ക്, എമണ്ടൻ നുണ എന്നു തുടങ്ങി മലയാളത്തിൽ പൊതുവേ ശക്തമായ എന്ന അർത്ഥത്തിലാണ് എമണ്ടൻ എന്ന വാക്ക് ഉപയോഗിച്ചു കാണുന്നത്.

ഛിന്നഗ്രഹവലയം എന്താണ്..

സൗരയൂഥത്തിൽ ഏതാണ്ട് ചൊവ്വയ്ക്കും വ്യാഴത്തിനുമിടയിലെ മേഖലയാണ് ഛിന്നഗ്രഹ വലയം. ഛിന്നഗ്രഹങ്ങൾ എന്ന് വിളിക്കപ്പെടുന്ന അനിയതരൂപത്തിലുള്ള വളരെയധികം വസ്തുക്കൾ കാണപ്പെടുന്ന മേഖലയാണ് ഇത്. ട്രോജൻ ഛിന്നഗ്രഹങ്ങൾ, ഭൂമിയോടടുത്ത ഛിന്നഗ്രഹങ്ങൾ എന്നിങ്ങനെ സൗരയൂഥത്തിന്റെ മറ്റ് മേഖലകളിലും ഛിന്നഗ്രഹങ്ങൾ ഉള്ളതിനാൽ ഈ ഛിന്നഗ്രഹ വലയത്തെ പ്രധാന ഛിന്നഗ്രഹ വലയം എന്ന് വിളിക്കാറുണ്ട്.

        ഈ വലയത്തിന്റെ മൊത്തം പിണ്ഡത്തിന്റെ പാതിയും സീറീസ് (Ceres), 4 വെസ്റ്റ (4 Vesta), 2 പാളസ് (2 Pallas), 10 ഹൈഗീയ (10 Hygiea) എന്നീ അംഗങ്ങളുടെ ഭാഗമാണ്. ഈ നാലെണ്ണത്തിനും 400 കിലോമീറ്ററിൽ കുറയാത്ത വ്യാസമുണ്ട്, അതിൽ തന്നെ ഛിന്നഗ്രഹ വലയത്തിലെ ഒരേയൊരു കുള്ളൻ ഗ്രഹമായ സീറീസിന് ഏതാണ്ട് 950 കിലോമീറ്റർ വ്യാസമുണ്ട്. ഇതിൽ താഴോട്ട് വലിപ്പം കുറഞ്ഞ് പൊടിപടലങ്ങൾ വരെ ഈ മേഖലയിലുണ്ട്. ഈ ഛിന്നഗ്രഹ പദാർത്ഥങ്ങളെല്ലാം നേർത്തരീതിയിലാണ് വിതരണം ചെയ്യപ്പെട്ടിരിക്കുന്നത്, ഏതാനും ബഹിരാകാശപേടകങ്ങൾ കേടുപാടുകൾ കൂടാതെ ഈ മേഖല കടന്ന് സഞ്ചരിച്ചിട്ടുണ്ട്. എങ്കിലും ഇവയ്ക്കിടയിലെ വലിയ അംഗങ്ങൾ തമ്മിൽ കൂട്ടിയിടികൾ നടക്കാറുണ്ട്, തൽഫലമായി സമാന പരിക്രമണ സ്വഭാവങ്ങളും ഘടനകളുമുള്ള ഒരു ഛിന്നഗ്രഹം കുടുംബം രൂപം കൊള്ളും. കൂട്ടിയിടികൾ ഫലമായി നേർത്ത ധൂളികളും രൂപം കൊള്ളാറുണ്ട്, രാശി പ്രഭ (zodiacal light) ഉണ്ടാവാൻ ഈ ധൂളികളും കാരണക്കാരാണ്. വലയത്തിലെ ഓരോ ഛിന്നഗ്രഹത്തേയും അവയുടെ വർണ്ണരാജിയനുസരിച്ച് വർഗ്ഗീകരിച്ചിട്ടുണ്ട്, അവയിൽ ഭൂരിഭാഗത്തേയും മൂന്ന് തരമായി തിരിക്കാം: കാർബണീകം (carbonaceous, C-type), സിലിക്കേറ്റ് (S-type), ലോഹസമ്പുഷ്ടം (M-type) എന്നിവയാണവ.

         ആദി സൗരനെബുലയിൽ നിലനിന്നിരുന്നതും ഇന്നത്തെ ഗ്രഹങ്ങളുടെ മുൻഗാമികളായ ധൂമഗ്രഹപദാർത്ഥങ്ങൾ (planetesimals) വഴിയാണ് ഛിന്നഗ്രഹ വലയവും രൂപം കൊണ്ടിട്ടുള്ളത്. ചൊവ്വയ്ക്കും വ്യാഴത്തിനുമിടയിലെ ധൂമഗ്രഹപദാർത്ഥങ്ങൾ കൂടിച്ചേർന്ന് ഗ്രഹം രൂപം കൊള്ളുന്നതിനെ ഭീമൻ ഗ്രഹങ്ങളുടെ ഗുരുത്വബലങ്ങൾ അവയുടെ പരിക്രമണത്തിൽ സ്വാധീനം ചെലുത്തി തടയുകയായിരുന്നു. സങ്കീർണ്ണമായ കൂട്ടിയിടികളും നടക്കാറുണ്ടായിരുന്നു, ഒട്ടിച്ചേർന്ന് ഒരുമിച്ച് നിൽക്കുന്നതിനു പകരം അവ ചിതറിപ്പോകുകയും ചെയ്തു. ഇതൊക്കെ കാരണം സൗരയൂഥ രൂപീകരണത്തിനു ശേഷം ഈ വലയത്തിന്റെ നല്ലൊരു ശതമാനം പിണ്ഡവും നഷ്ടമായിട്ടുണ്ട്. ചില അംഗങ്ങൾ ആന്തരസൗരയൂഥത്തിലേക്ക് കടക്കുകയും ഉൽക്കാവർഷമായി ആന്തരഗ്രഹങ്ങളുമായി കൂട്ടിയിടിക്കുകയും ചെയ്യുന്നു. എപ്പോഴെല്ലാം ഈ ഛിന്നഗ്രഹങ്ങളുടെ പരിക്രമണം വ്യാഴത്തിന്റെ പരിക്രമണവുമായി അനുരണനത്തിലാകുന്നുവോ അപ്പോഴൊക്കെ അവ സംഭ്രാന്തമാകുന്നു (Perturbation). ഇത്തരത്തിലുള്ള അനുരണനം ഫലത്തിൽ വരുന്ന പരിക്രമണ അകലങ്ങളിലെ അംഗങ്ങൾ ആ സ്ഥാനത്തു നിന്നും നീക്കപ്പെടുന്നതിനാൽ ആ ഭാഗത്ത് കിർക്ക്‌വുഡ് വിടവ് (Kirkwood gap) ഉണ്ടാവുന്നു.

         ഈ മേഖലയിലെ പോലെ സൗരയൂഥത്തിൽ ചെറിയ അംഗങ്ങൾ കാണപ്പെടുന്ന മറ്റ് മേഖലകളാണ് സെന്റോറസ് (centaurs), കൈപ്പർ വലയം (Kuiper belt), ഓർട്ട് മേഘം (Oort cloud) എന്നിവ.

എന്താണ് അപ്പോകാലിപ്സ്..

ഭൂമിക്കും സൂര്യനും ഇടയ്ക്കു ചന്ദ്രൻ വന്നുകഴിഞ്ഞാൽ നമുക്ക് അവിടെ സൂര്യ ഗ്രഹണം അനുഭവപ്പെടും 

      എല്ലാ കറുത്തവാവിനും സൂര്യഗ്രഹണം ഉണ്ടാവേണ്ടതാണ്. എന്നാൽ ചന്ദ്രന്റെ ബ്രഹ്മണപഥം ഭൂമി സൂര്യനെ ചുറ്റുന്ന ഭ്രമണ പഥവുമായി അൽപ്പം ( 5.15° ) ചരിഞ്ഞു ഇരിക്കുന്നതിനാൽ ചന്ദ്രൻ കൃത്യമായി ഭൂമിക്കും സൂര്യനും ഇടയിൽ വരാറില്ല. അതിനാൽ വല്ലപ്പോഴുമേ സൂര്യഗ്രഹണം നമുക്ക് അനുഭവപ്പെടാറുള്ളൂ.

ചന്ദ്രനും, സൂര്യനും ഇടയ്ക്കു ഭൂമി വന്നുകഴിഞ്ഞാൽ നമുക്ക് ചന്ദ്ര ഗ്രഹണം കാണാം 

        സൂര്യഗ്രഹണം ഉണ്ടാവുന്നതുപോലെ ഇത് വല്ലപ്പോഴും മാത്രമേ ഉണ്ടാക്കുവാൻ പാടുള്ളൂ.. എന്നാൽ ഭൂമി ചന്ദ്രനെ അപേക്ഷിച്ചു വളരെ വലുതായതിനാൽ നമുക്ക് ചന്ദ്ര ഗ്രഹണം താരതമ്യേന കൂടുതലായി കാണാം. 

സൂര്യ ഗ്രഹണം ഭൂമിയിൽ വളരെ കുറച്ചു ആളുകൾക്ക് മാത്രമേ അനുഭവപ്പെടൂ.. എന്നാൽ ചന്ദ്രഗ്രഹണം ആ സമയത്തു ചന്ദ്രനെ കാണുന്ന എല്ലാവർക്കും ഒരേ സമയം കാണാൻ സാധിക്കുന്നതാണ് 

ഇനി.. മൂന്നാമത്തെ ചിത്രത്തിലെപ്പോലെ

 ഭൂമിക്കും, ചന്ദ്രനും ഇടയ്ക്ക് സൂര്യൻ വന്നാലോ ?

        സർവനാശം എന്ന് ചുരുക്കി പറയാം. കാരണം.. ഭൂമിയിൽനിന്നു ചന്ദ്രനിലേക്ക് വെറും 4 ലക്ഷം കിലോമീറ്ററെ ദൂരം ഉള്ളൂ. അവിടെ സൂര്യൻ വന്നാൽ ഭൂമി സൂര്യന്റെ അകത്താവും. ശുഭം.

അല്ലെങ്കിൽ അടുത്ത ചാൻസ് ചന്ദ്രൻ ഭൂമിയുടെ ആകർഷണ വലയത്തിൽനിന്നു വേർപെട്ടു 15 കോടി കിലോമീറ്ററിനും അപ്പുറത്തേക്ക് പോകണം. അപ്പോഴും അത് ഭൂമിലെ ജീവികളുടെ നാശത്തിനു കാരണമാക്കും.

       ചന്ദ്രൻ ഭൂമിയുടെ അടുത്ത് ഇതുപോലെ ഇല്ല എന്നത് വലിയ കാര്യം അല്ല. പക്ഷെ ഇപ്പോൾ ഇവിടെ ഉള്ള ചന്ദ്രൻ പെട്ടന്ന് ദൂരേക്ക് പോയാൽ അത് ഭൂമി തകരുന്നതിനും, കാലാവസ്ഥ പൊടുന്നനെ മാറുന്നതിനും, തന്മൂലം എല്ലാ ജീവജാലങ്ങൾ നശിക്കുന്നതിനും കാരണമാവും!

ഭൂമിയുടെ കറക്കം നമുക്ക് അനുഭവപ്പെടാത്തത് എന്തുകൊണ്ടാണ്?

ഭൂമിയുടെ കറക്കം നാം അറിയാതെ ഇരിക്കുന്നതിന്റെ പ്രധാനകാരണം ഭൂമിയുടെ ഗുരുത്വാകര്‍ഷണമാണ്. ഈ ഗുരുത്വാകര്‍ഷണം സകല വസ്തുക്കളെയും ഭൂമിയില്‍ തന്നെ പിടിച്ചു നിര്‍ത്താന്‍ സഹായിക്കുന്നു. അതുപോലെ ഭൂമിയുടെ കറക്കം വളരെ സാവധാനത്തിലും ഒരേ ക്രമത്തിലുമാണ് . വേഗതയില്‍ വ്യത്യാസമുണ്ടാകുമ്പോഴാണ് ചലനം അനുഭവപ്പെടുക. ഒരു വലിയ ഗ്ലോബിന്റെ മുകളിലിരിക്കുന്ന ഒരു ഉറുമ്പിന് ഗ്ലോബിന്റെ ക്രമമായ ചലനം അനുഭവപ്പെടില്ല.  ഭൂമിയെ സംബന്ധിച്ചിടത്തോളം മനുഷ്യന്‍ അതിലെ വളരെ ചെറിയ ഒരു ഘടകം മാത്രമാണ്.

ഓടിക്കോണ്ടിരിക്കുന്ന ഒരു ട്രയിനില്‍ ഇരുന്ന് നാം പുറത്തേക്ക് നോക്കുമ്പോള്‍ ട്രയിന് വെളിയിലുള്ളവയെല്ലാം പുറകോട്ട് പോകുന്നതായി തോന്നും അപ്പോഴാണ് നാം നീങ്ങുകയാണ് എന്ന് തോന്നുന്നത്. പക്ഷെ ട്രയിനില്‍  ഒപ്പമിരിക്കുന്ന ആളുമായി താരതമ്യപ്പെടുത്തുമ്പോള്‍ ആ ആളുമായി സംസാരിക്കുമ്പോള്‍ നാം ചലിക്കുകയാണന്ന് തോന്നുന്നില്ല.

ഒരു വസ്തു നീങ്ങുന്നു അല്ലങ്കില്‍ കറങ്ങുന്നു എന്നു മനസ്സിലാക്കുന്നത് അതിനെ മറ്റൊന്നുമായിട്ട് താരതമ്യപ്പെടുത്തുമ്പോഴാണ്.

ഭൂമി കറങ്ങുമ്പോള്‍ ഭൂമിയിലുള്ള സകല വസ്തുക്കളും, കുന്നുകളും, പര്‍വ്വതങ്ങളും, നദികളും, സമുദ്രവും, അന്തരീക്ഷം കൂടിയും ഒരേ ദിശയില്‍ കറങ്ങി കൊണ്ടിരിക്കുന്നു.

ഭൂമിയെ സംബന്ധിച്ചിടത്തോളം നമുക്ക് ദൃശ്യമായതെല്ലാം ഒരേ ദിശയില്‍ കറങ്ങികൊണ്ടിരിക്കുന്നതിനാല്‍  ആപേക്ഷിക ചലനം ഉണ്ടാകുന്നില്ല.

ഒരു ചെറുകഥ..

വികൃതിചെക്കനെന്ന പേര് ഓര്‍മവെച്ച നാള്‍ മുതല്‍ കൂടെയുള്ളതാണ്.. ഉണ്ണീ ന്നാണ് ചെല്ലപ്പേരെങ്കിലും വീട്ടിലും നാട്ടിലും ഉണ്ണിചെക്കന്‍ ന്ന് പറഞ്ഞാലേ അറിയൂ.. ആകെ ഒരാളെ ഉണ്ണ്യേട്ടാ ന്ന് വിളിച്ചിരുന്നുള്ളൂ... വാലിട്ടുക്കണ്ണുകളെഴുതിയിരുന്ന ചിണുങ്ങിക്കരയുന്നൊരു സുന്ദരിപെണ്ണ്.. രണ്ടാം വയസില്‍ രാജാധികാരം പിടിച്ചെടുക്കാനായി എന്റെ ജീവിതത്തിലേക്ക് കടന്നു വന്നവള്‍.... ന്‍റെ അനിയത്തി കുട്ടി !!

കാണാതിരുന്നാ അടേം ചക്കരേം.. കണ്ടാലോ സാക്ഷാല്‍ കീരീം പാമ്പും അപ്പുറത്ത് മാറി നില്‍ക്കും.. എത്രതല്ലുകൂടിയിട്ടുണ്ട്.. അച്ഛനെ കൊണ്ട് എത്രവട്ടം എന്നെ തല്ലിച്ചിട്ട്ണ്ട്.. അന്നേരമൊക്കെയുള്ള അവളിലെ ആ കള്ളച്ചിരിയ്ക്ക് എന്തഴകാ..

ഹൈസ്കൂളിലേക്ക് ജയിച്ചപ്പോളച്ഛന്‍ വാങ്ങിച്ചു തന്ന സൈക്കിളില്‍ അവളെയും കൊണ്ട് സവാരി ചെയ്തതും.. വീണതും... മുട്ടുപ്പൊട്ടി ധാരപോലൊഴുകിയ ചോരയിലേക്ക് നോക്കി ഏങ്ങി ഏങ്ങി കരഞ്ഞ അവളുടെ മുഖവും..

പകരമായി തെക്കേ തൊടിയിലെ പുളിയില്‍നിന്നൊടിചെടുത്ത കമ്പുകൊണ്ടച്ഛനെന്നെ തല്ലുമ്പോഴും കണ്ണീരില്‍ മുങ്ങിയ ചുണ്ടുകളിലെ കള്ളച്ചിരിയും..എല്ലാവരും പോയി കഴിയുമ്പോ "വേദനണ്ടോ ഉണ്ണ്യേട്ടാ" ന്ന്ള്ള ആക്കിയ ചോദ്യവുമെല്ലാം ഇപ്പോഴും മായാതെ കിടപ്പുണ്ട് മനസ്സില്‍...

ആകാശം കാണിക്കാതെ മയില്‍‌പ്പീലി സൂക്ഷിച്ചാലതൊരു കുഞ്ഞു മയില്‍പ്പീലിയെ പ്രസവിക്കുമെന്നു പറഞ്ഞെന്‍റെ പ്രണയിനി തന്ന മയില്‍‌പ്പീലിതുണ്ട് ആരും കാണാതെഡയറിയില്‍ ഒളിപ്പിച്ചുവെച്ചതവള്‍ കൃത്യമായി കണ്ടുപ്പിടിച്ചതും...അതവള്‍ക്ക് നല്‍കിയില്ലെങ്കില്‍ എല്ലാരോടും പറഞ്ഞു കൊടുക്കുമെന്ന ഭീഷണിയ്ക്കു മുന്‍പില്‍ ഗതികേടുകൊണ്ട് കൊടുക്കേണ്ടി വന്നതും...

പിന്നീട് മറ്റെന്തിന്റെയോ പ്രതികാരമായി അച്ഛനോട് ചെന്ന് പറഞ്ഞതും.. തെളിവിനായി കിടയ്ക്കക്കടിയില്‍ ആരും കാണാതെ സൂക്ഷിച്ച പ്രണയലേഖനങ്ങള്‍ കാണിച്ചുകൊടുത്തതും...എന്റെ പ്രണയമായ ചെമ്പനീര്‍ പൂവ് വിടരും മുന്‍പേ കൊഴിഞ്ഞപ്പോള്‍ അവളുടെ കണ്ണുകളില്‍ നിന്ന് ഞാന്‍ വായിചെടുത്ത അര്‍ത്ഥം "അച്ഛന്റെ കയ്യീന്ന് ഇത്തിരി കൂടെ കിട്ടണം.." എന്നായിരുന്നു.

പോയ്മറഞ്ഞ ഏതോ ഒരു ധനുമാസത്തിലെ ബുധനാഴ്ച .. ബാത്ത്‌റൂമില്‍ നിന്നവളുടെ നിലവിളി കേട്ടോടിയെത്തിയ അമ്മ ആദ്യം പേടിച്ചതും പിന്നീട് നിറഞ്ഞ കണ്ണുകളോടെ പുഞ്ചിരിച്ചപ്പോഴും....

നിലത്ത് വിരിച്ചപനയോലപ്പായയിലവളെയിരുത്തി നെല്ലും തുളസിയുംകൊണ്ടതിര് വരച്ചപ്പോഴും മനസിലായില്ല...

ഇടയ്ക്കെപ്പോഴോ അവളെയൊരു നോക്ക് കാണാന്‍ വാതില്‍പ്പടിയില്‍ ചാഞ്ഞും ചെരിഞ്ഞും നിന്ന എന്നോട് അച്ചമ്മയാണ് പറഞ്ഞത് :ഉണ്ണീ പ്പങ്ങട് പോണ്ടാ.. എഴൂസം കഴിയട്ടെ ന്ന്" അതായിരുന്നൂ ഊണിലും ഉറക്കത്തിലും ഒരുമിച്ചായിരുന്ന ഞങ്ങളുടെ വേര്‍പ്പിരിയല...കാത്തിരിപ്പിനൊടുവില്‍ ഏഴാം നാള്‍ കല്യാണപെണ്ണിനെ പോലെ ഒരുക്കിയ അവളെ അകത്തളത്തില്‍ വെച്ച് കണ്ടപ്പോള്‍ തെല്ലൊന്നു ഞാന്‍ പേടിച്ചു.. അവളുടെ കല്ല്യാണം ആണെന്ന്..

അതെ.. അതവളുടെ കല്ല്യാണം തന്നെ ആയിരുന്നു.. കുഞ്ഞിക്കല്ല്യാണം !!

ദക്ഷിണ നല്‍കി എന്‍റെ കാല്‍തൊട്ടു വന്ദിയ്ക്കാനായി കുനിഞ്ഞ അവളെ പിടിച്ചെഴുനേല്‍പ്പിച്ചപ്പോള്‍ കണ്ടത് വലിയൊരു മാറ്റമായിരുന്നു..

മരംകേറി പെണ്‍കുട്ടിയില്‍ നിന്നും പക്വതയുള്ള പെണ്ണിലേയ്ക്കുള്ള മാറ്റം..

നവവധുവിനേപോലോരുങ്ങിയ അവളെയുംകത്തിച്ചുവെച്ച നിലവിളക്കിനെയും സാക്ഷിയാക്കി ഞാനുടച്ച തേങ്ങ രണ്ടായി മുറിഞ്ഞതും..

"കണ്ണുള്ള ഭാഗം ചെറുതായതിനാല്‍ "ഉണ്ണിമോള്‍ക്കാദ്യം ആണ്‍കുട്ടി ആയിരിക്കും " എന്ന അച്ചാമയുടെ വാക്കുകള്‍ ഇപ്പോഴും ചെവിയില്‍ മുഴങ്ങുന്നു...

മാസങ്ങളില്‍ അവള്‍ക്കുണ്ടായ വയറുവേദനകൊണ്ട് തിരിഞ്ഞും വളഞ്ഞും പുളഞ്ഞും മണിക്കൂറുകള്‍ തള്ളി നീക്കുന്ന കണ്ട് ഒറ്റമൂലി പുസ്തകത്തില്‍ പ്രതിവിധി തിരഞ്ഞ എന്നെ അടുത്ത് വിളിച്ച് "അത് സാധാരണയാണ് മോനേ" എന്ന് പറഞ്ഞ് തന്നത് അമ്മയാണ്..

" കണ്ടോടീ.. നീയെത്ര തല്ലുകൊള്ളിപ്പിച്ചതാ ന്‍റെ കുട്ടീനെ.. ന്നിട്ട് കണ്ടോ.. ഇതേപോലെ ഉള്ള ആങ്ങളെ കിട്ടാന്‍ ഭാഗ്യം ചെയ്യണം.." എന്ന് അമ്മയവളെ സ്നേഹത്തോടെ ശാസിക്കുമ്പോള്‍ ആങ്ങളയെന്ന അഭിമാനത്തോടെ അവളെ നോക്കിയ നേരം..നിറഞ്ഞൊഴുകിയ കണ്ണുനീര്‍ തുള്ളികളെന്നോട് "എല്ലാത്തിനും ക്ഷമിക്കണേ..ഉണ്ണ്യേട്ടാ.." എന്ന് പറയുന്ന പോലെ തോന്നി... എല്ലാം മനസിലാക്കിഎന്ന അര്‍ത്ഥത്തില്‍ പുഞ്ചിരിക്കാനെ എനിക്കായുള്ളൂ...

നടപ്പിലും ഇരുപ്പിലും സംസാരത്തിലും എന്തിന് നോട്ടത്തില്‍ പോലും പ്രായത്തില്‍ കവിഞ്ഞ പക്വത ഉണ്ടായിരുന്നൂ അവള്‍ക്ക്...

തല്ലുകൂടിയും കിന്നാരം പറഞ്ഞും ഒപ്പം ഉണ്ടായിരുന്ന അവള്‍ ദൂരെ മാറിപ്പോയതും ഞാന്‍ തനിച്ചായതും അന്ന് തൊട്ടാണ്...

അന്ന് വിഷമിച്ച എന്നെ സമാധാനിപ്പിച്ചത് അച്ഛനാണ്.. "ടാ അവള് പെങ്കുട്ട്യല്ലേ.. നാളെ വേറെ ഒരു വീട്ടിലേക്ക് പോകേണ്ടതല്ലേന്ന്" ശരിയാണ്.. ആ വേദനയെ തെല്ലു കുറയ്ക്കാനാകണം ഈ ചെറിയ പിരിയലെന്നു ഞാന്‍ ആശ്വസിച്ചു.. എങ്കിലും അവളിലെ മൗനം വീടിനെ ഉറക്കി...എങ്കിലും കുപ്പിവളകളുടെയും പാദസരത്തിന്റെയും കിലുക്കങ്ങള്‍ ഇടയ്ക്കിടയ്ക്ക് ഉറക്കത്തില്‍ നിന്നുണര്‍ത്തി...

തല്ലുക്കൊള്ളിത്തരങ്ങള്‍ നിറഞ്ഞ പ്ലസ് ടു പഠനത്തിനൊടുവിലെ ഉന്നതവിജയത്തിന് ശേഷം മെഡിസിന്‍ പഠനത്തിനായി ബംഗ്ലൂരിലേക്ക് പെട്ടിയും കിടക്കയുംഎടുത്ത് ട്രെയിന്‍ കേറേണ്ടി വന്നപ്പോള്‍ നഷ്ടമായത് നമ്മുടെ നാടിന്‍റെ പച്ചപ്പും കുളിര്‍മയുമാണെന്നറിഞ്ഞത് അവിടത്തെ ചൂടും പൊടിക്കാറ്റും ഏറ്റപ്പോഴാണ്..

ഏകാന്തമായ അവസരങ്ങളില്‍ അവളുടെ ശബ്ദം ഫോണിലൂടെ കേള്‍ക്കുന്നതായിരുന്നു ആശ്വാസം...

ഉണ്ണ്യേട്ടാ... എന്നാ വിളിയൊന്നു കേള്‍ക്കാന്‍...

മെഡിസിന്‍ പഠനവും ഗൈനക്കോളജിയിലെ സ്പെഷ്യലൈസേഷനും കഴിഞ്ഞ് നാട്ടില്‍ എത്തിയ ശേഷമായിരുന്നു..

അവളുടെ വിവാഹം... രാജ്യത്തിന്‌ വേണ്ടി ജീവന്‍ പോലും വെടിയാന്‍ മടിക്കാത്ത പട്ടാളക്കരനുമായി...

സ്വര്‍ണത്തില്‍ കുളിച്ച് ഗംഭീരമാക്കി തന്നെ എല്ലാവരുടെയും അനുഗ്രഹത്തോടെ അവളുടെ വിവാഹം നടത്തി.. ഇനിയവള്‍ വീട്ടില്‍ വല്ലപ്പോഴും വരുന്ന വിരുന്നുക്കാരി മാത്രം...

അലങ്കരിച്ച വാഹനത്തിലേക്ക് കയറുന്നതിനിടെ ഉണ്ണ്യേട്ടാ ന്ന് വിളിച്ചന്‍റെ ഇടനെഞ്ചിലേക്ക് വീണപ്പോള്‍ പിടിച്ചുനില്‍ക്കാനായില്ലെനിക്ക്...

നിയന്ത്രണം വിട്ട് പോയി.. നിറഞ്ഞൊഴുകിയ കണ്ണുനീര്‍ തുടച്ച് നെറ്റിയിലൊരുമ്മ കൊടുത്ത് യാത്രയയച്ച ശേഷം.. ആരും കാണാതെ മുണ്ടിന്‍റെ തലപ്പുകൊണ്ട് കണ്ണുകള്‍ തുടയ്ക്കാനെ എനിക്ക് കഴിഞ്ഞുള്ളു....

കാലചക്രം പിന്നെയും തിരിഞ്ഞു.. നല്ലൊരു ഭാര്യയാകാനും.. മരുമകളാവാനും അവള്‍ക്ക് കഴിഞ്ഞു.. ഭാഗ്യം ചെയ്തവള്‍... ഒടുവില്‍ അമ്മയാകാനുള്ള ഭാഗ്യവും ദൈവമവള്‍ക്ക് നല്‍കി.

ഇന്നവളെന്‍റെ ഹോസ്പിറ്റലിലെ ലേബര്‍റൂമില്‍ പ്രസവ വേദനയിലവശയായി കിടക്കുമ്പോള്‍.. പേരെടുത്ത ഗൈനക്കോളജിസ്റ്റ് ആയിട്ടുകൂടി നിന്‍റെ അടുത്ത് നില്‍ക്കാനും നിനക്ക് ധൈര്യം തരാനും അനുവാദമുണ്ടെന്നിരിക്കെ..

മറ്റൊരു പ്രഗല്‍ഭയായ ഡോക്ടറെ നിന്റെടുക്കലേയ്ക്കയച്ച് ഈ മുറിയ്ക്ക് പുറത്ത് നില്‍ക്കുന്നത് ആത്മവിശ്വാസമില്ലാത്തത് കൊണ്ടല്ല...

മറിച്ച്... ഒരായിരം അസ്ഥികള്‍ നുറുങ്ങുന്നൊരാ വേദന നീ അനുഭവിക്കുന്നതും.. എനിക്ക് മുന്നില്‍ നീകിടന്നു പിടയുന്നതും കാണാന്‍ മനശക്തി ഇല്ലാത്തതുകൊണ്ടാണ് മോളേ...

നിന്‍റെ കൈ സൈക്കിളില്‍ നിന്ന് വീണു മുറിഞ്ഞതിന്റെ പകരമായി നീ അച്ഛനെ കൊണ്ടെനിക്ക് അടി വാങ്ങിച്ചു തന്നപ്പോഴും.. അടികൊണ്ടതിനല്ല... നിന്‍റെ കൈ മുറിഞ്ഞത്തിലാണെനിക്ക് വേദനിച്ചത്...

നിന്‍റെ കരച്ചില്‍ കേട്ടു നില്‍ക്കാന്‍ മാത്രം ഈ ഏട്ടന് ശക്തിയില്ല മോളേ...

ചാലുകീറിയൊഴുകിയ കണ്ണുനീര്‍ തുടച്ച് കൊണ്ട്.. ആരോഗ്യവതിയായ അവളെയും കുഞ്ഞിനേയും പ്രതീക്ഷിച്ചിരുന്ന അവന്‍റെ കൈകളിലേക്ക് ലേബര്‍റൂമിന്‍റെ വാതില്‍ തുറന്നെത്തിയ മാലാഖ ഇളം ചുവന്ന നിറത്തില്‍ പൊതിഞ്ഞ തുണിയില്‍ ഒരു കുരുന്നു ജീവനെ വെച്ചു നല്‍കി...

"ആണ്‍കുട്ടിയാണ്.. ലക്ഷ്മിയെ മൂന്ന്‍ മണിക്കൂര്‍ കഴിയുമ്പോള്‍ മുറിയിലേക്ക് മാറ്റാം.. വേറെ കുഴപ്പമൊന്നുമില്ല.." തിരികെ മടങ്ങുന്നതിനിടെ നേഴ്സ് പറഞ്ഞു.

നിറഞ്ഞുതുളുമ്പിയ സന്തോഷത്തോടെ അവനാ കുഞ്ഞിനെ ഒരായിരം ഉമ്മകള്‍ കൊണ്ട് മൂടി... കുഞ്ഞിനെ അമ്മയുടെ കൈകളിലേക്ക് വെച്ച് നല്‍കി അവനുടനെതന്നെ ലേബര്‍റൂമിനകെത്തേയ്ക്ക് പ്രവേശിച്ചു...

"ഉണ്ണ്യേട്ടാ.." യെന്നവശയായ് വിളിച്ച അവളുടെ അരികിലേക്കോടിയണഞ്ഞ നേരം..നിറഞ്ഞ പുഞ്ചിരിയോടെ എനിക്ക് നേരെ നീട്ടിയ അവളുടെ കയ്യോട് എന്‍റെ കൈ ചേര്‍ക്കുമ്പോള്‍ രണ്ട് പേര്‍ക്കും ഒരു കുഴപ്പവും വരുത്താതെ നോക്കിയ ദൈവങ്ങളോട് അകമഴിഞ്ഞ നന്ദി മാത്രമായിരുന്നു...

"മോനെന്ത് പേരാ വിളിയ്ക്കാ" എന്ന എന്റെ ചോദ്യത്തിന് "ഉണ്ണീന്ന്... എന്‍റെ ഏട്ടന്‍റെ പേര് തന്നെ.." എന്ന് വിറയാര്‍ന്ന ശബ്ദത്തോടെയവള്‍ മറുപടി നല്‍കി.

അവശതയുടെ മയക്കത്തിലേയ്ക്ക് തെന്നിവീഴുന്നതിനു മുന്നോടിയായി എനിക്ക് നേരെ തന്ന പുഞ്ചിരിയില്‍ ഈ ഏട്ടനെ അടുത്തറിഞ്ഞ സ്നേഹം അവളിലുണ്ടായിരുന്നു...അതെ.. അവളെന്നും എനിക്കെന്‍റെ അനിയത്തിയാണ്.. കാലം അവള്‍ക്ക് ഭാര്യയുടെയും മരുമകളുടെയും അമ്മയുടെയും വേഷങ്ങള്‍ നല്‍കുമ്പോഴും എനിക്കവള്‍ എന്‍റെ അനിയത്തികുട്ടിയാണ്..

എന്‍റെ കള്ളത്തരങ്ങള്‍ പുറത്ത്കൊണ്ടുവരുവാന്‍ അഹോരാത്രം പ്രവര്‍ത്തിക്കുന്ന അനിയത്തി..

വാലിട്ടുക്കണ്ണുകളെഴുതിയിരുന്ന ചിണുങ്ങിക്കരയുന്നൊരു സുന്ദരിപെണ്ണ്.. ന്‍റെ അനിയത്തിക്കുട്ടി !!!

ഒരു തമാശ കഥ..

ചെറുപ്പത്തിൽ പിച്ചവെച്ച്‌ നടന്ന് തുടങ്ങിയ കാലത്ത്‌ ജനൽകമ്പികളിൽ ചവിട്ടികയറി ലോകത്തിന്റെ നെറുകയിൽ നിൽക്കുന്ന സന്തോഷത്തിൽ പുറത്തേക്ക്‌ നോക്കി നിൽക്കാൻ ഇഷ്ടമായിരുന്നു..

"അയ്യോ.. വാവേ.. വീഴുമെന്ന്"പറഞ്ഞ്‌ വീട്ടുകാരു വലിച്ചു താഴെയിറക്കി...

ഇത്തിരി കൂടി വലുതായപ്പോൾ ആർത്തുപെയ്യുന്ന മഴയിലേക്ക്‌ ഓടിയിറങ്ങി മഴ നനയുക എന്ന വലിയ മോഹത്തിൽ ഓടി മുറ്റത്തേക്കിറങ്ങി സന്തോഷിച്ചു.... 

"എടാ.. അഹങ്കാരീ.. ഇങ്ങോട്ട്‌ കേറു.. പനി പിടിക്കും.."

സ്കൂളിൽ പോകുന്ന കാലത്ത്‌ റോഡരികിലൂടെ ഓടി പോകാനായിരുന്നു ഇഷ്ടമെങ്കിൽ ..

"തട്ടി വീഴും.." എന്ന് പറഞ്ഞ്‌ കയ്യിൽ മുറുകെ പിടിച്ചു..

സ്കൂളിന്റെ ഇടനാഴികളിലൂടെ ഓടി വന്ന് കാലുകൾ നീട്ടി തെന്നി നീങ്ങുക എന്ന സന്തോഷത്തെ സാറമ്മാർ 'തല്ലിയൊതുക്കി..'

വളർന്ന മധുര പതിനാലിൽ നിൽക്കുമ്പോൾ ക്ലാസിൽ അടുത്തിരിക്കുന്ന സുന്ദരിയുടെ കണ്ണുകളിൽ പ്രേമത്തിന്റെ കണ്ണിമാങ്ങകൾ കണ്ടുപിടിച്ചു..

വഴിയരികിൽ അവളോടൊന്ന് മിണ്ടിയപ്പോ.... 

"നോ.. അത്‌ വേണ്ട..പ്രേമം..മാങ്ങാത്തൊലി... "

അങ്ങനെ ആ സന്തോഷവും നിലച്ചു.

കോളേജു കാലത്ത്‌ രാത്രി കാലങ്ങളിൽ കടപ്പുറത്ത്‌ കൂട്ടുകാരുമായി അലഞ്ഞു നടന്ന് വൈകി വീട്ടിലെത്തി..

"ഇതിവിടെ പറ്റില്ല.."

ഹാ! ആശ്വാസം!

പഠിത്തം കഴിഞ്ഞ്‌ ജോലിയിലേക്കുള്ളഇടവേളയിലെങ്കിലും അർമ്മാദിക്കാം എന്ന് കരുതിയപ്പോൾ അതാ വരുന്നു.. 

അടുത്തത്‌..

"കാള കളിച്ചു നടക്കുന്നു.. അഹങ്കാരി..

കുട്ടിയാണെന്നാ വിചാരം?

പണിക്ക്‌ പോടാ.."

പോയി.....

 പോയി തുലഞ്ഞു!

കൂട്ടുകാർക്കൊപ്പം തമാശ പറഞ്ഞ്‌ ഉറക്കെ ചിരിച്ചപ്പോൾ..

"പോത്ത്‌ പോലെ വളർന്നു.. ഇനി എന്നാ പക്വതയുണ്ടാവുക..?"

ചിരി നിറുത്തി...

ജോലിയും ശമ്പളവുമായ കാലം..

"അച്ഛാ.. അമ്മേ..

 എനിക്കൊരു പെണ്ണിനെ ഇഷ്ടമാ.. "

"പറ്റില്ല. ഞങ്ങളു കണ്ട്‌ ഇഷ്ടപ്പെടുവാണെൽ നോക്കാം.. നിന്റെ ഇഷ്ടം മാത്രം നോക്കി കെട്ടിച്ചു തരാൻ പറ്റില്ല.."

അതും തീരുമാനമായി!

അങ്ങനെ എല്ലാ സന്തോഷങ്ങൾക്കും 'നോ' പറഞ്ഞ്‌ അവസാനം ബന്ധുക്കളോടൊക്കെ ഒരു പറച്ചിലും കൂടിയുണ്ട്‌..

"അവനൊരു തന്നിഷ്ടക്കാരനാണു. അഹങ്കാരി"

ഇത്തിരൂടി കാലം കഴിയുമ്പോ..

"മധുരം ഒരുപാട്‌ കഴിക്കല്ലേ മനുഷ്യാ.. ഷുഗറു പിടിക്കും.." അങ്ങനെ അതും തീരുമാനമായി..

തൂക്കം കൂടിയ തേങ്ങാക്കൊലയല്ല..

മധുരം കുറഞ്ഞ മാങ്ങാത്തൊലിയാകുന്നു ജീവിതം..... 

.

"മാതാ ശിക്ഷതി കൗമാരേ...

ഭാര്യാ ശിക്ഷതി യൗവനേ...

പുത്രീ ശിക്ഷതി വാർദ്ധക്യേ....

നപുരുഷ സ്വാതന്ത്ര്യമര്‍ഹതി"...

കുട്ടിയായിരിക്കുമ്പോൾ മാതാവ് ഓടിച്ചിട്ടടിക്കും,

യൌവ്വനത്തില്‍ ഭാര്യ കുനിച്ച് നിര്‍ത്തി ഇടിക്കും,

വാര്‍ദ്ധക്യത്തില്‍ ഭാര്യയും മക്കളും ചേര്‍ന്നിടിക്കും,

പ്ലിങ്ങാന്‍ പുരുഷന്റെ ജീവിതം വീണ്ടും ബാക്കി !!!

മനുസ്മൃതിയിലുള്ളതാണ്..

ഞാനാ പേജ് കീറിക്കളഞ്ഞതു കൊണ്ട് നിങ്ങൾ നോക്കിയിട്ട് കാര്യമില്ല...

സത്യം...

എങ്ങനെ നല്ലൊരു കുടുംബജീവിതം നയിക്കാം..

ദാമ്പത്യം എന്നത് ഒരു സംസ്കൃതപദമാണ് . അതിൻറെ അർത്ഥം ദാനം ചെയ്യുക ഒരുമിച്ചു സഹിക്കുക. അത് ആത്മീയ സമർപ്പണം അല്ലെങ്കിൽ ശാരീരികമായ സമർപ്പണം  അതുമല്ലെങ്കിൽ സാമ്പത്തികമായ സമർപ്പണം അതിനെല്ലാമുപരി സ്നേഹം പരസ്പരം ദാനം ചെയ്യുക ഒരുമിച്ചു സഹിക്കുക അത് സന്തോഷം ആയാലും സങ്കടം ആയാലും.

സ്ത്രീയേയും പുരുഷനെയും സ്വഭാവം പരസ്പരം മനസ്സിലാക്കാത്തത് ആണ് ഇന്ന് കാണുന്ന പല പ്രശ്നങ്ങൾക്കും പ്രധാന കാരണം. അതുകൊണ്ടുതന്നെ ഇതെല്ലാം മനോഹരമായി പ്രതിപാദിക്കുന്ന ഒരു പുസ്തകം ഉണ്ട് ആ പുസ്തകത്തിൻറെ പേരാണ് മെൻ ആർ ഫ്രം മാർസ് ആൻഡ് വുമൺ  ആർ ഫ്രം വീനസ്.ഈ പുസ്തകത്തിൽ പ്രതിപാദിക്കുന്ന ഉള്ളടക്കം വളരെ രസകരമായി മനസ്സിലാക്കാൻ സാധിക്കും. ഇത് മനസ്സിലാക്കുന്നതിലൂടെ സ്ത്രീയേയും പുരുഷനെയും സാധാരണ രീതിയിലുള്ള സ്വഭാവം നമുക്ക് മനസ്സിലാക്കാൻ പറ്റും. ഈ പേരിൽ കാണുന്നതുപോലെ ഈ പുസ്തകം പറയുന്നത് ആണുങ്ങൾ മാർസിൽ നിന്നും പെണ്ണുങ്ങൾ വീനസ് എന്ന ഗ്രഹത്തിൽ നിന്നും വന്നവരാണ്. അതുകൊണ്ടുതന്നെ രണ്ടുപേരുടെയും സ്വഭാവത്തിൽ വളരെയേറെ വ്യതിയാനം കാണിക്കുമെന്ന്. ഒരു ഉദാഹരണം പറഞ്ഞാൽ ആണുങ്ങൾക്ക് വിഷമം വന്നാൽ അവർ മാറി ഒരു സ്ഥലത്ത് സ്വസ്ഥമായി ഇരിക്കാൻ ശ്രമിക്കുന്നു. എന്നാൽ പെണ്ണുങ്ങൾക്ക് വിഷമം വന്നാൽ അവർ അത് തുറന്നു സംസാരിക്കാൻ ഇഷ്ടപ്പെടുന്നു. 

ഭർത്താവിന് ഒരു വിഷമം വന്നാൽ ഭാര്യ ഭർത്താവിനെ വെറുതെ വിടുക എന്നാൽ ഭാര്യക്ക് ഒരു വിഷമം വന്നാൽ ഭർത്താവ് കൂടെ ഇരുന്ന് അവൾ സംസാരിക്കുന്നത് കേൾക്കുക. 99% ആളുകളും ഇങ്ങനെയുള്ളവർ ആയരിക്കും.

അതുപോലെ മറ്റൊരു പ്രധാന പ്രത്യേകത ഭാര്യമാർ പറയുന്നത് ഭർത്താക്കന്മാർ കേൾക്കുക എന്ന് മാത്രമേ ഉള്ളൂ അവർക്ക് അല്ലാതെ അത് ഒരു തീർപ്പ് കണ്ടെത്തണം എന്നില്ല. പക്ഷേ ഭർത്താവിന് അവൻറെ വിഷമത്തിൽ ഒരു തീർപ്പ് കണ്ടെത്തണം എന്നുണ്ട്. ഉദാഹരണം പറഞ്ഞാൽ വീടുപണിക്ക് പൈസ ഇല്ലാതെ വിഷമിച്ചിരിക്കുന്ന ഭർത്താവിനെ ഭാര്യ എങ്ങനെയെങ്കിലും പൈസ നമുക്കുണ്ടാക്കാം എന്നു പറഞ്ഞുകൊണ്ട് ആശ്വസിപ്പിക്കുക.

വിവാഹ ജീവിതത്തിൻറെ നട്ടെല്ല് എന്നു പറയുന്നത് ശരിയായ രീതിയിലുള്ള ആശയവിനിമയം ആണ് . നല്ല ഭാര്യാഭർത്താക്കന്മാർക്ക് വെറുതെ സംസാരിക്കേണ്ട ആവശ്യമില്ല ചെറിയ നോട്ടം അല്ലെങ്കിൽ ചെറിയ മൗനം അതിൽ തന്നെ ഒരുപാട് പറയാനുണ്ടാകും. ഇതൊക്കെ ആശയവിനിമയത്തിലെ പ്രധാന ഭാഗങ്ങളാണ്.

നല്ല വൈവാഹിക ജീവിതത്തിന് ചില ചില ടിപ്സുകൾ പറഞ്ഞുതരാം..

1 ഒരിക്കലും തർക്കിച്ചു ജയിക്കാൻ ശ്രമിക്കരുത്.

2 നല്ലൊരു കേൾവിക്കാരൻ  ആകാൻ പരിശ്രമിക്കുക.

3 മിണ്ടാതെ ഇരിക്കുക. ( വെറുതെ ഒന്നും മിണ്ടാതിരിക്കുക എനല്ല അത് ഉദ്ദേശിക്കുന്നത്)

4 തമാശ പറയാനുള്ള കഴിവ് നേടിയെടുക്കുക. ( തമാശ പരസ്പരം വേദനിപ്പിക്കുന്നത് ആയിരിക്കരുത്)

5 നെഗറ്റീവ് രീതിയിലുള്ള ചിന്താഗതി ഉപേക്ഷിക്കുക.

6 കഷ്ടതയിൽ കൂടെ നിൽക്കുക.

7 ശാരീരിക  സമർപ്പണം  കൂടാതെ ആത്മീയ സമർപ്പണം.

8 പരസ്പരം ബഹുമാനിക്കുക.

9 സ്വകാര്യ നിമിഷങ്ങൾ സൃഷ്ടിച്ചെടുക്കുക.

10 ചേർന്ന ഇണ അല്ലെങ്കിൽ തുണ ആയിരിക്കുക.

11 സംശയരോഗം ഒഴിവാക്കുക.

12 ഇഷ്ടാനിഷ്ടങ്ങൾ പരസ്പരം മനസ്സിലാക്കുക.

13 പരസ്പരം കുടുംബത്തെ കുറ്റം പറയാതിരിക്കുക.

14 ഭാര്യ ആയിക്കോട്ടെ ഭർത്താവ് ആയിക്കോട്ടെ ആദ്യം പിണക്കം മാറ്റുന്നത് നിങ്ങൾ ആയിരിക്കുക.

15 നല്ലതു ചെയ്താൽ പ്രശംസിക്കുക.

16 പരസ്പരം ബഹുമാനിക്കുക.

17 മറക്കുക പൊറുക്കുക  ക്ഷമിക്കുക.

18 പരസ്പരം സ്വാതന്ത്ര്യം നൽകുക.

19 കൂട്ടായ തീരുമാനം എടുക്കുവാൻ പരിശ്രമിക്കുക.( അതിനു കഴിവില്ലെങ്കിൽ വിവാഹം കഴിക്കാതിരിക്കുക)

20 കുടുംബത്തിൽ എപ്പോഴും മുഴങ്ങട്ടെ മുദ്രാവാക്യം എന്നത് നാം നമ്മുടേത് മാത്രം. പരസ്പര സ്നേഹത്തിൻറെ ഒരു ആലിങ്കനം ആകണം.

21 സ്പർശനം.

22 ദിവസവും സംഭവിക്കുന്ന കാര്യങ്ങൾ പരസ്പരം കൈമാറുക.

23 ഓഫീസും ജോലിയും വീട്ടുജോലിയും കൂട്ടി കുഴക്കാതെ ഇരിക്കുക.

24 മാതാപിതാക്കളുടെ സ്നേഹത്തിലൂടെ കുട്ടികൾക്ക് മാതൃകയായി ഇരിക്കുക.

25 വിശ്വാസം കാത്തു സൂക്ഷിക്കുക.

26 വിവാഹത്തെക്കുറിച്ചുള്ള അമിത പ്രതീക്ഷ ഒഴിവാക്കുക. 

27 ജീവിതത്തിൻറെ യാഥാർത്ഥ്യങ്ങളിലേക്ക് ഇറങ്ങി വരിക.

28 തീരുമാനം നിങ്ങളുടേത് ആയിരിക്കുക. ( മറ്റുള്ളവർക്ക് അഭിപ്രായം പറയാം പക്ഷേ തീരുമാനം നിങ്ങളുടേത് മാത്രം.) 

ആരും കൊതിച്ചു പോകുന്ന ഭാര്യാഭർത്താക്കൻമാർ ആകാൻ നിങ്ങൾക്ക് കഴിയട്ടെ എന്ന് പ്രാർത്ഥിച്ചുകൊണ്ട്.

സിറിയസ് – സൂര്യന്‍റെ എതിരാളി..

 പശ്ചിമമാലിയിലെ നൈജർ നദിക്കു കിഴക്ക് പടിഞ്ഞാറൻ ആഫ്രിക്കയില്‍ ജീവിക്കുന്ന ഒരു ഗോത്ര വിഭാഗമാണ്‌ ഡോഗോണ്‍ (Dogon). ഏകദേശം അഞ്ചു ലക്ഷത്തോളം വരുന്ന ഇവരുടെ മുഖം മൂടി നൃത്തം വളരെ പ്രശസ്തമാണ് . വളരെയധികം പ്രത്യേകതകള്‍ ഉള്ള ഇവരുടെ മതവും വിശ്വാസങ്ങളും ഏറെക്കുറെ ചുരുള്‍ നിവര്‍ന്നത്‌ 1930 കാലഘട്ടങ്ങളില്‍ ഫ്രഞ്ച് നരവംശ ശാസ്ത്രഞന്‍ ആയ Marcel Griaule ഇവരെ കുറിച്ച് വിശദമായി പഠിച്ചപ്പോള്‍ ആണ് . മറ്റു ആഫ്രിക്കന്‍ ഗോത്രങ്ങളില്‍ നിന്നും വ്യത്യസ്തമായി സ്വന്തമായി ഒരു പ്രപഞ്ച വിജ്ഞാന ശാഖ തന്നെ ഇവര്‍ക്കുണ്ടായിരുന്നു ! സിറിയസ് എന്ന നക്ഷത്രമായിരുന്നു ഇവരുടെ പ്രപഞ്ചത്തിന്റെ കേന്ദ്രം . അതില്‍ അത്ഭുതപ്പെടാന്‍ ഒന്നുമില്ലായിരുന്നു . കാരണം രാത്രിയില്‍ പെട്ടന്ന് കണ്ണില്‍ പെടുന്ന തിളക്കമുള്ള ഒരു നക്ഷത്രമാണ് സിറിയസ് . സത്യത്തില്‍ നാം നഗ്ന നേത്രങ്ങള്‍ കൊണ്ട് കാണുന്ന സിറിയസ് യഥാര്‍ത്ഥത്തില്‍ സിറിയസ് A ആണ് . ഇതിന്‍റെ പ്രഭാവത്തിന്റെ മറവില്‍ സിറിയസ് B എന്ന ഒരു വെള്ളക്കുള്ളന്‍ നക്ഷത്രം കൂടെ ഉണ്ട് . ഒരു ടെലിസ്കൊപ്പിന്റെ സഹായത്തോടു കൂടി മാത്രം കാണാവുന്ന സിറിയസ് B ,1800 കളില്‍ മാത്രം ആണ് ആധുനിക മനുഷ്യന്‍റെ കണ്ണില്‍ പെട്ടത് . പക്ഷെ അങ്ങിനെയുള്ള സിറിയസ് B യെ കുറിച്ചുള്ള വിവരങ്ങള്‍ പ്രാകൃതരായ ഡോഗോണ്‍ ഗോത്രക്കാര്‍ക്കു അറിവ് ഉണ്ടായിരുന്നു എന്ന കാര്യം Griaule നെ ഞെട്ടിക്കുക തന്നെ ചെയ്തു . മാത്രവുമല്ല , എല്ലാ അറുപത് കൊല്ലങ്ങള്‍ കൂടും തോറും സിറിയസ് B യുടെ ഉത്സവം അവര്‍ ആഘോഷിക്കുകയും ചെയ്തിരുന്നു . 

വെള്ളക്കുള്ളനായ സിറിയസ് B യെ പ്രതിനിധീകരിച്ചു വെളുത്ത ചായം ദേഹമാസകലം പൂശിയാണ് ആണുങ്ങള്‍ ഇതില്‍ പങ്കെടുത്തിരുന്നത് . ഈ ഇരട്ട നക്ഷത്രങ്ങളുടെ സ്വാധീനം മൂലം ഇവരുടെ പല കാര്യങ്ങളിലും രണ്ട് എന്ന സംഖ്യക്ക് കൂടുതല്‍ പ്രാധാന്യം ഉണ്ടായിരുന്നു . (സിറിയസ് A പെണ്ണും സിറിയസ് B ആണും). അതിനാല്‍ ഇരട്ട കുട്ടികള്‍ ഉണ്ടാവുന്നത് വലിയൊരു ആഘോഷം തന്നെ ആയിരുന്നു . ഇതിനും പുറമേ ആശ്ചര്യം ജനിപ്പിക്കുന്ന മറ്റൊരു കാര്യവും Griaule പറയുന്നു . വളരെ പണ്ട് സിറിയസ് നക്ഷത്രത്തിന്റെ ഏതോ ഗ്രഹത്തിൽ നിന്നും ആരോ വന്നാണ് തങ്ങളെ കലകളും , ആയുധ വിദ്യകളും പഠിപ്പിച്ചത് എന്നും ആണ് ഡോഗോണ്‍ വര്‍ഗ്ഗക്കാര്‍ പറയുന്നത് ! ഇതിനൊക്കെ പുറമേ വ്യാഴത്തിന്‍റെ റിoഗുകളെ പറ്റിയും ഇവര്‍ക്ക് അറിവ് ഉണ്ടായിരുന്നു .

തിളങ്ങുന്ന പ്രഭാത നക്ഷത്രം !

അതിരാവിലെ സൂര്യനോടൊപ്പം കിഴക്കേ ചക്രവാളത്തിൽ കാണപ്പെടുന്ന ആകാശഗോളങ്ങൾ ആണ് പൊതുവെ പ്രഭാത നക്ഷത്രങ്ങൾ എന്ന് അറിയപ്പെടുന്നത് . ശുക്രൻ ബുധൻ , Syrius എന്നിവയാണ് സൂര്യൻ ഉദിക്കുന്നതിന് തൊട്ടുമുൻപും ചിലപ്പോൾ അതിന് ശേഷവും കിഴക്കേ ചക്രവാളത്തിൽ കാണപ്പെടുന്ന തിളങ്ങുന്ന ഗോളങ്ങൾ . സത്യത്തില്‍ ഇക്കൂട്ടത്തില്‍ ശരിയായ നക്ഷത്രം സിറിയസ് മാത്രമാണ് ! പക്ഷെ സൂര്യനിൽ നിന്നും 47 ഡിഗ്രീ മാറിക്കാണപ്പെടുന്ന ശുക്രനാണ് സൂര്യൻ ഉദിക്കുന്നതിന് മുൻപ് ഏറ്റവും പ്രഭയുള്ളത്. അതിനാല്‍ പ്രഭാത നക്ഷത്രം എന്ന് പറയുമ്പോള്‍ നമ്മുടെ മനസ്സില്‍ ആദ്യം വരിക ശുക്രന്‍ ആയിരിക്കും . രാത്രിയിൽ നഗ്നനേത്രങ്ങളാല്‍ കാണാവുന്ന നക്ഷത്രങ്ങളില്‍ ഏറ്റവും പ്രഭയേറിയ നക്ഷത്രമാണ് സിറിയസ് (visual apparent magnitude of −1.46 അഥവാ പ്രകാശമാനം ) . ഒറ്റനോട്ടത്തിൽ തന്നെ ഈ നക്ഷത്രത്തെ നമ്മുക്ക് കാണുവാൻ സാധിക്കും . ആകാശത്ത് നേർ രേഖയിൽ വരുന്ന മൂന്ന് നക്ഷത്രങ്ങളെ (ഖിബ്ല നക്ഷത്രങ്ങള്‍) മിക്കവരും ശ്രദ്ധിച്ചിട്ടുണ്ടാവും അത് വേട്ടക്കാരൻ എന്ന പേരുള്ള ഒറിയോൻ നക്ഷത്ര വ്യൂഹത്തിലെ (വേട്ടക്കാരന്‍, ഏണം, ശബരഗണം ) ഒറിയോൻ ബെൽറ്റ്‌ ആണ് . ഈ വേട്ടക്കാരന്റെ കാൽ ചുവട്ടിൽ വേട്ടക്കാരന്റെ നായ ( Canis Major, വലിയനായ) എന്നറിയപ്പെടുന്ന ഒരു നക്ഷത്ര വ്യൂഹം ഉണ്ട് . ഈ വ്യൂഹത്തിലെ ഏറ്റവും പ്രഭാപൂര്ന്നനായ നക്ഷത്രമാണ് സിറിയസ് . ഒരു നക്ഷത്രമായിട്ടാണ് തോന്നുന്നതെങ്കിലും യഥാര്‍ത്ഥത്തില്‍ ഇതൊരു ഇരട്ട നക്ഷത്രമാണ്. സിറിയസ് A യും സിറിയസ്സ് B യും. സിറിയസ്സ് ബി ഒരു വെള്ളക്കുള്ളൻ നക്ഷത്രമാണ്. നാം നഗ്നനേത്രങ്ങളാല്‍ കാണുന്നത് സിറിയസ്സ് A നെ ആണ് എന്ന് മാത്രം. 8.6 പ്രകാശവര്‍ഷം മാത്രം അകലെയാണ് സിറിയസ്സ് നില്‍ക്കുന്നത്. ഇത്രയും പ്രകാശം തോന്നുവാനുള്ള കാരണവും ഈ അടുപ്പമാണ്. ഈ നക്ഷത്രവും ഭൂമിയും തമ്മിലുള്ള അകലം ദിനം പ്രതി കുറഞ്ഞുകൊണ്ടിരിക്കുകയാണ് . അതായയത് സിറിയസിന്റെ തിളക്കം ഇനിയും കൂടിക്കൊണ്ടിരിക്കും എന്ന് സാരം ! സിറിയസ് A യ്ക്ക് സൂര്യനേക്കാൾ ഇരട്ടി ഭാരവും 25 മടങ്ങ് പ്രകാശ തീവ്രതയുമുണ്ട്. Dog star എന്നതാണ് ഈ നക്ഷത്രത്തിന്റെ ഇരട്ടപ്പേര് . കൂടുതൽ ഭാരമുള്ളത് സിറിയസ് B യ്ക്ക് ആണെങ്കിലും 12 കോടി വർഷങ്ങൾക്ക് മുൻപ് ഉർജോല്പാദനം നിലയ്ക്കുകയും ചുവന്ന ഭീമൻ നക്ഷത്രമായതിന് ശേഷം ഇന്നത്തെ അവസ്ഥയിലുള്ള വെള്ളകുള്ളൻ നക്ഷത്രമായി തീരുകയും ചെയ്തു എന്ന് അനുമാനിക്കപ്പെടുന്നു. സിറിയസ് ഉദിക്കുന്നത് കിഴക്കന്‍ ചക്രവാളത്തിലാണ്.

HST യുടെ കുപ്രസിദ്ധിയും.. സുപ്രസിദ്ധിയും..

ഹബ്ബിൾ സ്പേസ് ടെലസ്കോപ്പ്(HST)28 വർഷം പൂർത്തിയാക്കി.

2.4 മീറ്റർ വ്യാസമുള്ള പ്രാഥമിക കണ്ണാടിയും 30 cm വ്യാസമുള്ള ദ്വിതീയ കണ്ണാടിയും ഉള്ള ഒരു കാസിഗ്രേൻ പ്രതിഫലന ടെലസ്കോപ്പും അതിലൂടെ ശേഖരിക്കുന്ന പ്രതിബിംബങ്ങളെ റിക്കാർഡ് ചെയ്യാൻ വേണ്ട ക്യാമറകളും വിശ്ലേഷണം ചെയ്യാൻ വേണ്ട സ്പെക്ട്രാ ഗ്രാഫുകളും ഉൾകൊള്ളുന്ന 13. 2 മീറ്റർ നീളവും 4 മീറ്റർ വ്യാസവുമുള്ള ഒരു ഉപഗ്രഹമാണ് ഹബ്ബിൾ സ്പേസ് ടെലസ്കോപ്പ് ഇരുവശങ്ങളിലുമായി 25 അടി നീളമുള്ള സോളാർ പാനലുണ്ട്. നിരീക്ഷിക്കുന്ന വസ്തുവിനെ കിറുകൃത്യമായി നോക്കാൻ ഗൈറോസ്കോപ്പുകളും സൂഷ്മ നിയന്ത്രണ സംവേദനികളും ടെലസ്കോപ്പിനെ തിരിക്കാൻ റിയാക്ഷൻ ചക്രങ്ങളും ഇതിലുണ്ട്.

സാങ്കേതിക വിദ്യ പുരോഗമിക്കുന്നതിനനുസരിച്ച് മികവുറ്റ ഉപകരണങ്ങൾ ഇടക്കിടെ ബഹിരാകാശത്ത് വിക്ഷേപിക്കുക എളുപ്പമല്ല. അതിനുദാഹരണമാണ് ഹബ്ബിൾ. കാലത്തിനനുസരിച്ച് ഉപകരണങ്ങൾ പഴയവ മാറ്റി പുതിയത് സ്ഥാപിക്കുന്നതാണ് ഹബ്ബിളിൽ. ഇതു മൂലം ഉപഗ്രഹത്തിന്റെ കഴിവും ആയുസും വർധിപ്പിക്കാൻ കഴിയും. സ്പെയർ പാർട്സുകൾ സ്പേസ് ഷട്ടിലിൽ കൊണ്ടുപോയി ഷട്ടിലിന്റെ കൈ കൊണ്ട് ഹബ്ബിളിനെ പിടിച്ച് ഷട്ടിലിന്റെ പേലോഡ് ബെയിൽ കൊണ്ടുവന്ന് അസ്ട്രോനട്ടുകൾ സ്പേസ് വാക്ക് നടത്തി പുതിയവ സ്ഥാപിച്ച് സ്വതന്ത്രമാക്കുന്നു. 1993,97, 99,2002, 2009 വർഷങ്ങളിൽ 5 പ്രാവശ്യം അറ്റകുറ്റപണി നടന്നു.

സാധാരണ ജനങ്ങളുടെ വരെ ശ്രദ്ധ പിടിച്ചുപറ്റിയ ഹബ്ബിൾ ബഹിരാകാശത്തെ ആദ്യത്തെയല്ല, വലുതുമല്ല. പിന്നെന്തു കൊണ്ടാണ് ഹബ്ബിൾ പ്രസിദ്ധമായത്?അതിന് രണ്ട് കാരണങ്ങളുണ്ട്. ഒന്ന് വിക്ഷേപണം കഴിഞ്ഞയുടൻ അതിനു കിട്ടിയ കുപ്രസിദ്ധി, രണ്ട് ഹബ്ബിൾ നമുക്ക് കാണിച്ചു തന്ന പ്രപഞ്ചത്തിലെ അത്ഭുത പ്രതിഭാസങ്ങൾ നേടിക്കൊടുത്ത സുപ്രസിദ്ധി.

രാമോജി റാവു ഫിലിം സിറ്റി..

മൂവി മാജിക്ക് പാര്‍ക്കിലെ ആക്ഷന്‍ തീയേറ്റര്‍. മുന്നിലെ സ്റ്റേജില്‍ ചക്രങ്ങളില്ലാത്ത ഒരു കുതിരവണ്ടി. ചുറ്റുമായി ആര്‍ക്ക് ലൈറ്റുകളും ക്യാമറയും സജ്ജീകരിച്ചിരിക്കുന്നു. എക്കാലെത്തേയും ഹിറ്റ് ചിത്രമായ ഷോലെയിലെ ഒരു രംഗം അപ്പോള്‍ സ്‌ക്രീനില്‍ തെളിഞ്ഞു വന്നു. ഇതിനിടയില്‍ ഇംഗ്ലീഷും തെലുങ്കും നന്നായി സംസാരിക്കുന്ന സുമുഖനായ അവതാരകന്‍ വന്ന് കാണികളില്‍ നിന്നും ഒരു സ്ത്രീയെ സ്റ്റേജിലേക്ക് ക്ഷണിച്ചു. ഗ്രീന്‍ റൂമില്‍ പോയി തിരിച്ചുവന്ന ആ സ്ത്രീക്കപ്പോള്‍ ഷോലെയിലെ ബസന്തി എന്ന കഥാപാത്രത്തിന്റെ വേഷഭൂഷാദികള്‍. മുന്നിലെ കുതിരവണ്ടിയില്‍ കയറി ഇരുന്ന് ചാട്ടവാര്‍ വീശാന്‍ സംവിധായകന്റെ മേലങ്കിയണിഞ്ഞ അവതാരകന്‍. ഒപ്പം കുതിരവണ്ടി ഒന്ന് ഇളക്കാനും. പിന്നിലെ സ്‌ക്രീനില്‍ വില്ലന്‍മാര്‍ കുതിരപ്പുരത്ത് കുതിച്ചുവരികയാണ്. മുന്നിലെ ആര്‍ക്ക് ലൈറ്റുകള്‍ തെളിഞ്ഞു. സ്റ്റാര്‍ട്ട്... ആക്ഷന്‍... ക്യാമറ...

അതുകഴിഞ്ഞ് തൊട്ടടുത്ത തീയേറ്ററിലേക്ക്... ഷോലേയിലെ അതേ രംഗം. സ്‌ക്രീനില്‍ ഓടിക്കൊണ്ടിരിക്കുന്ന കുതിര വണ്ടിയില്‍ ഹേമമാലിനിക്ക് പകരം ഈ സ്ത്രീ. ക്ലോസ് അപ്പ് ഷോട്ടുകള്‍. പിറകില്‍ ഇവരെ പിന്തുടരുന്ന വില്ലന്‍മാരും. പിന്നെ കുറച്ചു സമയം ചേസിങ്ങ്. അതിനിടയില്‍ അവതാരകന്‍ വന്ന് സദസ്സില്‍ നിന്ന് മൂന്ന് പേരെ സ്റ്റേജിലേക്ക് ക്ഷണിക്കുന്നു. സ്റ്റേജില്‍ സമീപത്തായി ചെറുകല്ലുകള്‍ കൂട്ടിയിട്ടിരിക്കുന്നു. പിന്നെ ടിന്‍ ബോക്‌സുകളും. വേദിയിലെത്തിയവര്‍ അതില്‍ സ്പര്‍ശിക്കുകയും കല്ലുകൊണ്ട് ഉരസുകയും ചെയ്തപ്പോള്‍ ബാക്ക്ഗ്രൗണ്ട് മ്യൂസിക് റെഡിയായി. കുതിരക്കുളമ്പടികളും അതിവേഗം ചലിക്കുന്ന കുതിര വണ്ടി ചക്രത്തിന്റെ ശബ്ദവുമൊക്കെ സ്വാഭാവികമായി മാറി. ഇതൊക്കെ കണ്ട് സിനിമയുടെ പിന്നാമ്പുറ രഹസ്യങ്ങളറിയാത്ത കാണികള്‍ അന്തംവിട്ട് പോകുന്നസിനിമക്ക് പിന്നിലെ ഗ്രാഫിക്‌സുകളും ടെക്‌നിക്കുകളും തത്സമയം കാണിച്ചു തരികയാണിവിടെ. ഇത് സിനിമയുടെ മായിക പ്രപഞ്ചം. ലോകത്തെ ഏറ്റവും വലിയ ഫിലിം സിറ്റിയെന്ന ഖ്യാതി നേടി ഗിന്നസ് ബുക്കില്‍ ഇടം പിടിച്ച 'രാമോജി ഫിലിം സിറ്റി'.

  

ഹൈദരാബാദ് നഗരത്തില്‍ നിന്നും 10 കിലോമീറ്റര്‍ ദൂരം യാത്ര ചെയ്താല്‍ ഹയാത്ത് നഗര്‍. അവിടെ അനജ്പൂര്‍ ഗ്രാമത്തില്‍ 2000 ഏക്കര്‍ സ്ഥലത്ത് പരന്നുകിടക്കുന്ന അത്ഭുത ലോകമാണ് രാമോജി ഫിലിം സിറ്റി. പ്രശസ്ത തെലുങ്ക്, ഹിന്ദി സിനിമാ നിര്‍മ്മാതാവും വന്‍ വ്യവസായിയുമായ രാമോജി റാവുവിന്റെ മനസ്സില്‍ ഉദിച്ച ആശയമായിരുന്നു ഫിലിം സിറ്റി. 

1996ല്‍ അദ്ദേഹം തന്റെ സ്വപ്‌ന പദ്ധതി യാഥാര്‍ത്ഥ്യമാക്കി. ഇന്നിത് സിനിമയെ സംബന്ധിച്ചിടത്തോളം അവസാന വാക്കാണ്.

'സിനിമയെന്ന കലാരൂപം പൂര്‍ണത പ്രാപിച്ച് സ്‌ക്രീനില്‍ തെളിഞ്ഞുവരുമ്പോള്‍ അതിന് പിന്നിലുള്ള പ്രയാസങ്ങളും കഷ്ടനഷ്ടങ്ങളും എന്തെന്ന് സിനിമ കാണുന്ന നാം അറിയാറില്ല. സിനിമയെന്നത് കൂട്ടായ്മയുടെ ശ്രമഫലമായി പുറത്തുവരുന്ന കലാരൂപമാണ്. അതിന് പിന്നില്‍ ഒത്തിരി പേരുടെ കഠിനാധ്വാനമുണ്ട്.' രാമോജി റാവു അവതരണ വീഡിയോയിലൂടെ നമ്മെ ഇത് ഓര്‍മ്മപ്പെടുത്തുന്നു. 

സ്‌ക്രിപ്റ്റും പണവുമായി വന്നാല്‍ നിങ്ങള്‍ക്ക് ഫിലിം റീലുമായി ഇവിടന്ന് മടങ്ങാം -രാമോജി റാവു പറയുന്നു.

ഒരു സിനിമ പൂര്‍ത്തിയാകണമെങ്കില്‍ എന്തൊക്കെ ഘടകങ്ങള്‍ സംയോജിക്കണമെന്ന് രാമോജി ഫിലിംസിറ്റി സന്ദര്‍ശിച്ചാല്‍ നമുക്ക് മനസ്സിലാകും. നാം സ്‌ക്രീനില്‍ അതിശയോക്തിയോടെ കാണുന്ന രംഗങ്ങള്‍ക്ക് പിന്നിലെ സൂത്രങ്ങളും പ്രയത്‌നങ്ങളും നമുക്കിവിടെ കാണാം. ആക്ഷനുകളും പ്രണയ രംഗങ്ങളും ചിത്രീകരിക്കുന്നതിന്റെ പ്രത്യേകതയും അനുഭവിച്ചറിയാം. 

ഇന്ത്യയിലെ തന്നെ ഒട്ടുമിക്ക പൂന്തോട്ടങ്ങളും തെരുവുകളും കൊട്ടാരങ്ങളും ഇവിടെ പുനര്‍നിര്‍മ്മിച്ചിരികന്നു.ഇന്ത്യയിലെ തന്നെ ഒട്ടുമിക്ക പൂന്തോട്ടങ്ങളും തെരുവുകളും കൊട്ടാരങ്ങളും ഇവിടെ പുനര്‍നിര്‍മ്മിച്ചിരിക്കുന്നു. യൂറോപ്പിലെയും അമേരിക്കയിലെയും തെരുവുകളും കെട്ടിടങ്ങളും കാണുമ്പോള്‍ നമുക്കവിടെയെത്തിയ പ്രതീതിയുണ്ടാകുന്നു.

ഫിലിം സിറ്റി ഇന്ത്യയിലെ ഏറ്റവും വലിയ ടൂറിസ്റ്റ് കേന്ദ്രമായി ഇന്ന് മാറിയിരിക്കുന്നു. 

ദിനേന പതിനായിരക്കണക്കിന് സഞ്ചാരികളാണ് ഇവിടെയെത്തിക്കൊണ്ടിരിക്കുന്നത്. മൂന്നു വര്‍ഷം മുമ്പ് കണ്ടതിനേക്കാളും വളരെയധികം നിര്‍മ്മാണ പ്രവര്‍ത്തനങ്ങള്‍ ഫിലിം സിറ്റിയില്‍ നടന്നിരിക്കുന്നു. പുതിയ സെറ്റുകളും പൂന്തോട്ടങ്ങളും പക്ഷി സങ്കേതങ്ങളുമെല്ലാം ഫിലിംസിറ്റിയില്‍ ആസ്വാദ്യകരമായ രീതിയിലാണ് സഞ്ചാരികള്‍ക്കും സിനിമാ പ്രവര്‍ത്തകര്‍ക്കും വേണ്ടി അണിയിച്ചൊരുക്കിയിരിക്കുന്നത്.

ഇവിടെ സിനിമയുടെ ഓരോ കാലഘട്ടങ്ങളിലൂടെയാണ് നാം കടന്നുപോവുന്നത്. സിനിമയെന്നത് സമൂഹത്തെ വളരെയധികം സ്വാധീനിച്ച കലാ മാധ്യമമാണ്. സാധാരണക്കാരന്റെ ജീവിതം സിനിമയുമായി കൂട്ടിക്കുഴഞ്ഞിരുന്ന ഒരു കാലഘട്ടം നമുക്ക് മുന്നിലൂടെ കടന്നുപോയിട്ടുണ്ട്. സിനിമാ നടന്‍മാര്‍ നമ്മുടെയൊക്കെ സ്വപ്‌ന നായകരും ആരാധനാ പാത്രങ്ങളുമായിരുന്ന കാലം. ആ കാലഘട്ടത്തിലൂടെ സിനിമക്കൊപ്പമുള്ള സഞ്ചാരമാണ് ഫിലിം ആര്‍ക്കൈവ്‌സ് വിഭാഗം.