ഫോണിലെ കലണ്ടറും y2k യും..

നിങ്ങളുടെ ഫോണിലെ കലണ്ടറിന്റെ screenshot നോക്കുക.2037 വർഷം വരെ മാത്രം. നിങ്ങളുടെ ഫോണിലും എത്ര വരെയുണ്ടെന്ന് നോക്കുക.കഴിഞ്ഞപോസ്റ്റിൽ പറഞ്ഞിരുന്നുവല്ലൊ Y2K38 (year 2038 ), അതെന്താണെന്നാൽ C ഭാഷയുടെ ചെറിയൊരു പോരായ്മയാണ് (C ഭാഷ എന്താണെന്ന് പറയാം).തിയതികൾ 1970 ജനുവരി 1 അർധരാത്രി മുതൽ എത്ര സെക്കന്റ് കഴിഞ്ഞു എന്നനുസരിച്ചാണ് രേഖപ്പെടുത്തിയിരിക്കുന്നത്.അതായത് 3600 സെക്കന്റുകളെന്ന് കംപ്യൂട്ടറിലെ പ്രോഗ്രാമിൽ സേവ് ചെയ്യും.C ഭാഷയിൽ long integer എന്ന പേരിലുള്ള ഡാറ്റാറോപ്പിലാണ് സേവ് ചെയ്യുക.long integer ൽ 4 ബൈറ്റുകൾ ചേർന്ന 32 ബിറ്റായ ഡാറ്റാ ടൈപ്പാണ്.2038 ജനുവരി18 ന്  2147483648 സെക്കന്റുകളാണ് ആവുക.സംഭരണശേഷിയുടെ പരമാവധിയാണത്.അതിനാൽ തൊട്ടടുത്ത വിലയിലേക്ക് റീസെറ്റ് ചെയ്യും.എന്നുവച്ചാൽ മൈനസാവും - 2147483648 എന്നാവും.അത് തന്നെയാണ് പ്രശ്നം.long integer നുപകരം unsigned long integer(ഇതിൽ മൈനസ് value വരില്ല) ഉപയോഗിച്ചിരുന്നെങ്കിൽ 4294967295 വരെ ഉപയോഗിക്കാം ഏതാണ്ട് 2076 വർഷം വരെ.

കൂടുതലും ഉപയോഗിക്കുന്നത് 32 bit മൈക്രൊപ്രൊസസ്സർ ആയതിനാൽ അത് 64 bit 2038 നു മുൻപാക്കുക എന്നത് പ്രായോഗികമാവില്ല.32 bit എവിടൊക്കെയുണ്ടെന്ന് രേഖപ്പെടുത്തിയിട്ടുമില്ല.അതിപ്രധാനമായ ആണവനിലയങ്ങൾ,വിമാനതാവളങ്ങൾ, മിസൈൽ കൺട്രോളുകൾ etc... എന്നിവയൊക്കെ 64 bit ആക്കാംന്ന് വെക്കാം എന്നാൽ ആകാശത്തുള്ള ഉപഗ്രഹങ്ങളിൽ എന്തുചെയ്യും?ലോകത്തിന്റെ ആശയവിനിമയം ഉപഗ്രഹങ്ങളായതിനാൽ പേടിക്കേണ്ടതും അതുതന്നെ.അവ ദിശമാറിപ്പോയേക്കാം, കൂട്ടിയിടിച്ചേക്കാം,വിമാനങ്ങൾക്കും ഈ ഗതി വന്നേക്കാം.
C ഭാഷയെന്നത് 1970 കളിൽ ഡെന്നീസ് റിച്ചി നിർമിച്ച പ്രോഗ്രാമിംഗ് ഭാഷയാണ്.ശക്തമായ പ്രോഗ്രാമിംഗ് ഭാഷയായതിനാൽ ഇത് കംപ്യൂട്ടറിൽ മാത്രമല്ല ഇലക്ട്രോണിക് ചിപ്പുകളിലെ സോഫ്റ്റ് വെയറിലും ഉപയോഗിക്കുന്നു.വലുപ്പം കുറഞ്ഞ സോഫ്റ്റ്‌വെയറുകൾ നിർമിക്കുവാൻ ഉചിതമായതിനാലാണ് ചിപ്പിനുള്ളിലും ഉപയോഗിക്കുന്നത്.ഇതിനെ embedded software എന്നും ഉപകരണങ്ങളെ embedded system എന്നും പറയുന്നു.കഴിഞ്ഞ പോസ്റ്റിൽ അത് സൂചിപ്പിച്ചിരുന്നു.ആസിഡ് പ്ലാൻറുകൾ, ആണവനിലയങ്ങൾ, വിമാനത്താവളങ്ങൾ,മിസൈലുകൾ,ആറ്റംബോംബുകൾ,ഉപഗ്രഹങ്ങൾ ,കാറുകൾ,വാഷിംഗ് മെഷീൻ, ഓവൻ, ഡിജിറ്റൽ ക്ലോക്ക്, TV, DVD player etc... തുടങ്ങിയതിലെല്ലാം embedded system ഉണ്ട്.