പച്ചക്കറിക്ക് വെള്ളം നനയ്ക്കുമ്പോൾ..

വേനല്‍ക്കാല പച്ചക്കറിക്കൃഷി പൂര്‍ണമായും ജലസേചനംവഴിയാണ് നിര്‍വഹിക്കുന്നത്. ചൂട് കൂടുകയും വെള്ളക്ഷാമം ഏറുകയും ചെയ്യുന്ന ഇന്നത്തെ സാഹചര്യത്തില്‍ പച്ചക്കറിയില്‍ ജലസേചനം ചെയ്യുന്നതില്‍ ചില ശാസ്ത്രീയസമീപനങ്ങള്‍ സ്വീകരിക്കണം. പൊതുവെ പറഞ്ഞാല്‍ പച്ചക്കറിക്ക് ജലസേചനം ചെയ്യുമ്പോള്‍ പലരും ഇത്തരം സമീപനങ്ങള്‍ സ്വീകരിക്കുന്നതു കാണാറില്ല. അത് അനാവശ്യമായ ജലനഷ്ടവും മണ്ണിലെ പോഷകനഷ്ടവും ചിലപ്പോള്‍ ഉല്‍പ്പാദനത്തിനുതന്നെ വിപരീത ഫലവും ഉണ്ടാക്കാറുണ്ട്. അതുകൊണ്ട് വെള്ളം നനയ്ക്കുമ്പോള്‍ ഇനിപ്പറയുന്ന ചില കാര്യങ്ങളില്‍ ശ്രദ്ധിക്കുക.

മണ്ണില്‍ ജൈവവളസാന്നിധ്യം നല്ലതുപോലെ ഉണ്ടാവണം. ചെടികളുടെ പോഷണത്തിനെന്നതുപോലെതന്നെ ജലസംഗ്രഹണത്തിനും ഇതാവശ്യമാണ്. ഒരു സ്പോഞ്ചുപോലെ നനയ്ക്കുന്ന വെള്ളത്തെ ജൈവവളം സ്വാംശീകരിച്ചുവച്ച് സാവകാശം ചെടികള്‍ക്ക് പ്രയോജനപ്പെടുത്താന്‍ കഴിയും. കൂടാതെ ഇത് മണ്ണിനെ അയവുള്ളതാക്കുകയും കീഴോട്ടുള്ള വേരുപടലങ്ങളില്‍ വെള്ളം എളുപ്പം ലഭിക്കുന്നതിനും സഹായിക്കും.

നേഴ്സറികളിലും പച്ചക്കറികള്‍ പറിച്ചുനട്ട് ഏതാനും ദിവസങ്ങളിലും അല്‍പ്പമാത്രയളവില്‍ മാത്രമെ വെള്ളം ആവശ്യമുള്ളു. പമ്പുകൊണ്ടോ, കുടമുപയോഗിച്ചോ നനയ്ക്കുമ്പോള്‍ ധാരാളം വെള്ളം ആവശ്യമായി വരും. പകരം പൂപ്പാളി ഉപയോഗിച്ച് നനച്ചുകൊടുക്കുക.

പച്ചക്കറിയുടെ വളര്‍ച്ചയുടെ ആദ്യഘട്ടത്തിലെലാം മണ്ണില്‍ ഈര്‍പ്പം നിലനില്‍ക്കത്തക്കവിധത്തില്‍ ആവശ്യമായ അളവിലേ വെള്ളം നനയ്ക്കേണ്ടതുള്ളു. 

എന്നാല്‍, കൂടുതല്‍ പടര്‍ന്ന് പന്തലിലും നിലത്തും വ്യാപിക്കുമ്പോഴും പൂത്ത് കായകള്‍ ഉണ്ടാവുന്ന സമയത്തും കൂടുതല്‍ വെള്ളം കൊടുക്കണം. ധാരാളം വെള്ളം കൃഷിയിടത്തിലൂടെ ഒഴിച്ച് ഒഴുക്കിവിടുന്ന രീതി പലരും സ്വീകരിക്കാറുണ്ട്. ഇത് മേല്‍മണ്ണിലെ പോഷകഘടകങ്ങള്‍ ഒലിച്ച് നഷ്ടപ്പെടാനും താഴോട്ടിറങ്ങി ചെടിക്ക് പ്രയോജനപ്പെടാനുള്ള സാധ്യതയും ഇല്ലാതാക്കും. പ്രത്യേകിച്ചും പച്ചക്കറിയില്‍ ഉപരിതല സ്പര്‍ശിയായ വേരുകളാണുള്ളതെന്നതും ശ്രദ്ധിക്കുക.

കൂടുതല്‍ കൃഷിചെയ്യുന്ന ഇടങ്ങളില്‍ തുള്ളി നനരീതി (ഡ്രിപ് ഇറിഗേഷന്‍ മെത്തേഡ്) സ്വീകരിച്ചാല്‍ ചെലവിലും വെള്ളത്തിന്റെ അളവിലും കുറവുണ്ടാക്കാനാകും. 

വെള്ളം നനയ്ക്കുമ്പോള്‍ ഇലപ്പടര്‍പ്പുകള്‍ക്ക് മുകളിലൂടെ പതിച്ച് നനയ്ക്കുന്ന ഒരുരീതി കാണാറുണ്ട്. ഇത് രോഗങ്ങളെ പകര്‍ത്താന്‍ ഇടയാക്കും. ചീരയിലെ വെള്ളപ്പൊട്ട്രോഗം, വെള്ളരി വര്‍ഗത്തിലെ പൂര്‍ണ പൂപ്പ്രോഗം എന്നിവ ഇത്തരത്തിലാണ് കൂടുതല്‍ പകരുന്നത്. പരമാവധി മണ്ണില്‍ ഒഴുക്കിനനയ്ക്കാന്‍ ശ്രമിക്കുക.

പച്ചക്കറിക്ക് വെള്ളം നനയ്ക്കുന്ന സമയവും പ്രാധാന്യമര്‍ഹിക്കുന്നു. വേനല്‍ച്ചൂടില്‍ വെള്ളം പെട്ടെന്നുതന്നെ ബാഷ്പീകരിക്കുമെന്നതിനാല്‍ വൈകുന്നേരങ്ങളില്‍ മാത്രം ജലസേചനം ചെയ്യുക. 

വെള്ളരി, മത്തന്‍, കുമ്പളം തുടങ്ങിയവ വിളവെടുക്കുന്നതിനും ഏതാനും ദിവസം മുമ്പേ നന നിര്‍ത്തുന്നത് നല്ലതാണ്. അല്ലാത്തപക്ഷം വിളയാനുള്ള കാലദൈര്‍ഘ്യം കൂടാനും ജലാംശം അധികമാകുമ്പോള്‍ എളുപ്പം കേടുവരാനും സാധ്യത ഉണ്ടാകും.

നിലത്തു പടര്‍ന്നുവളരുന്ന ഇനങ്ങളും വഴുതന, വെണ്ട, തക്കാളി തുടങ്ങിയവയും കൃഷിചെയ്യുമ്പോള്‍ പടുരന്നതിനുമുമ്പേ നിലത്ത് കരിയിലയോ മറ്റോ ഇട്ട് പുതകൊടുക്കുന്നത് വെള്ളത്തിന്റെ ബാഷ്പീകരണനഷ്ടം ഒഴിവാക്കാന്‍ സഹായിക്കും. കൂടാതെ കായകള്‍ മണ്ണില്‍ നേരിട്ടു പതിഞ്ഞുകിടക്കുമ്പോഴുള്ള രോഗ–കീട ബാധ ഒരു പരിധിവരെ ഇല്ലാതാക്കാനും സഹായിക്കും. 

വെള്ളം നനയ്ക്കുമ്പോള്‍ ചിലയിനങ്ങളുടെ വേരുപടലം കൂടുതല്‍ വിസ്തൃതിയില്‍ വ്യാപിച്ചിരിക്കും. ചെടിയുടെ ചുവട്ടില്‍മാത്രം (കുഴിയില്‍ മാത്രം) ഒഴിക്കുന്നതിനെക്കാള്‍ ഫലപ്രദം വേരുപടലഭാഗങ്ങളില്‍ സ്ഥിരമായി ഈര്‍പ്പം ലഭ്യമാക്കുന്നതരത്തില്‍ നനച്ചുകൊടുക്കുന്നതാണ്..

പതിനാറ് മണിക്കൂർ വഴിതെറ്റി അലഞ്ഞ മൂന്ന് വയസുകാരിയെ രക്ഷപെടുത്തിയത് നായ..

ന്യൂസിലാൻഡിലെ ഒരു ചതുപ്പ് നിലത്തിൽ 16 മണിക്കൂർ ആണ് അറോറ എന്ന മൂന്നു വയസ്സുകാരി വഴിതെറ്റിപ്പോയത് എന്നാൽ പോലീസിനെ വരെ തോൽപ്പിച്ചു കൊണ്ട് തൻറെ വളർത്തുനായ മാക്സ് വളരെ കരുതലോടെ കൂടി സുരക്ഷിതയായി അവളെ അവരുടെ കുടുംബത്തിന് വളരെ സാഹസികമായി തിരിച്ച് ഏൽപ്പിച്ചു.

വളരെ അപകടം പിടിച്ച ഒരു ചതുപ്പ് നിലത്തിൽ ആണ് ഈ മൂന്നുവയസ്സുകാരി അകപെട്ട് പോയത്, കൂടാതെ അവിടെ നല്ല മഞ്ഞും ഉണ്ടായിരുന്നു ഈ സാഹചര്യത്തിൽ മരണം വരെ സംഭവിക്കാവുന്ന അവസ്ഥയിൽ നിന്നാണ് ഈ കൊച്ചു പെൺകുട്ടിയെ മാക്സ് നായ രക്ഷിച്ചത്. മാക്സിന് ഭാഗികമായി കേൾവിശക്തിയും കാഴ്ചശക്തിയും ഇല്ല എന്നിരുന്നാലും വഴിതെറ്റി പോയപ്പോൾ കുഞ്ഞു പെൺകുട്ടിയുടെ കൂടെ തന്നെ വളരെ

കരുതലോടെയാണ് മാക്സ് നിന്നത്.

അവൻറെ കൂടെ കിടന്നതു കൊണ്ടുതന്നെ കുട്ടിക്ക് അധികം തണുപ്പ് ഏറ്റില്ല കൂടാതെ തൻറെ കൂടെ കളിച്ചു വളർന്ന നായക്കുട്ടി ആയതുകൊണ്ടുതന്നെ വഴിതെറ്റി പോയതിന്റെ പരിഭ്രമത്തിനാൽ കുട്ടിക്ക് ഉണ്ടായ പേടി ഒഴിവാക്കാൻ മാക്‌സിന് സാധിച്ചു, ഒപ്പം കരച്ചിൽ വന്നപ്പോൾ അത് മാറ്റുവാൻ മാക്സ് എന്തെങ്കിലും ചെയ്തിട്ടുണ്ടാകും എന്ന് പോലീസ് അധികൃതർ പറയുന്നു. അറോറയെ ഒരു പാറയുടെ കീഴിൽ സുരക്ഷിതമായി കിടത്തിയിട്ട് ആണ് മാക്സ് വീട്ടുകാരുടെ അടുത്തേക്ക് ഓടിയെത്തിയത് എന്നിട്ട് അവരെയും കൊണ്ട് അവളുടെ അടുത്ത് എത്തുകയായിരുന്നു.

കഴിഞ്ഞ 16 മണിക്കൂറുകളായി പോലീസ് പലയിടങ്ങളിലും തിരച്ചിൽ നടത്തിയിട്ടും കണ്ടുപിടിക്കാനാവാത്ത അറോറയെ രക്ഷിച്ചത് മാക്സ് എന്ന നായയാണ് എന്ന് അവർ പറയുന്നു. പോലീസിനു പോലും ചെയ്യാൻ പറ്റാത്ത പ്രവർത്തി ചെയ്തതിനാൽ ഇപ്പോൾ മാക്സിനെ അവർ വിളിക്കുന്നത് ‘സൂപ്പർ ഡോഗ്’ എന്നാണ്. കൂടാതെ നായക്ക് അവന്റെ ധീരതക്ക് അവർ ഹോണിറ്റി പദവിയും നൽകിക്കഴിഞ്ഞു ചുരുക്കിപ്പറഞ്ഞാൽ ഇനി മാക്സ് ഒരു പോലീസ് നായ കൂടിയാണ്. മാക്സ് ഒരു ബുഷ്ലാൻറ് എന്ന ഇനത്തിൽ പെട്ട നായകുട്ടി ആണ്. തൻറെ മകളെ വളരെ സുരക്ഷിതമായി എത്തിച്ച മാക്സിന് വേണ്ടി കുറച്ചുകൂടി നല്ല രീതിയിലുള്ള സേവനങ്ങൾ കൊടുക്കുന്നതിൽ ഉള്ള തിരക്കിലാണ് ഇപ്പോൾ അറോറയുടെ വീട്ടുകാർ.അസാമാന്യ ബുദ്ധി ശക്തിയും കഴിവുള്ള ഈ നായയാണ് ഇപ്പോൾ സോഷ്യൽ മീഡിയയിൽ വൈറലായി കൊണ്ടിരിക്കുന്നത്..

വൈറസുകളെ കണ്ടിട്ടില്ല, പിന്നെങ്ങനെ വിശ്വസിക്കും..

വൈറസുകള്‍ എന്നൊരു സാധനമേ ഇല്ല, അത് ഭൂലോക തട്ടിപ്പാണ്. കേരളത്തിലെ പ്രശസ്തനെന്ന് അറിയപ്പെടുന്ന വൈദ്യരുടെ പ്രസ്താവന ആണിത്. മാത്രമല്ല വൈദ്യര്‍ കേരളത്തിലെ ഏറ്റവും വലിയ പീഡിയാട്രീഷനായ ഏതോ ഡോ. പിഷാരടിയോടു ചോദിച്ച് ഇക്കാര്യം ഉറപ്പുവരുത്തുക കൂടി ചെയ്തു. വൈദ്യരെയും പിഷാരടിയെയും പറഞ്ഞിട്ട് കാര്യമില്ല, കാരണം വൈറസുകളെ കാണാന്‍ സാധിക്കില്ലല്ലോ. പിന്നെ അവ ഉണ്ടെന്ന് എങ്ങനെ  വിശ്വസിക്കും?  

ഈ ലേഖനം എഴുതാന്‍ കാരണം വൈദ്യരും പിഷാരടിയും മാത്രമല്ല, ഈ അടുത്ത് ഒരാള്‍ ഇതിലും ഞെട്ടിക്കുന്ന ഒരു വാദം പറഞ്ഞു. ഇലക്ട്രോണ്‍, പ്രോട്ടോണ്‍ തുടങ്ങിയ സംഗതികളെല്ലാം ശാസ്ത്രത്തിന്റെ ഭാവന ആണത്രെ. ഇലക്ട്രോണ്‍ വിരുദ്ധരും വൈറസ് വിരുദ്ധരും ചോദിക്കുന്നത് 'കണ്ടിട്ടുണ്ടോ' എന്നാണ്. ഉത്തരം ഇല്ല എന്നുതന്നെ. പക്ഷെ കണ്ടാല്‍ മാത്രമേ വിശ്വസിക്കാന്‍ കഴിയുകയുള്ളോ? കാണാതെ എങ്ങനെ വിശ്വസിക്കും? ഇതാണ് ഈ ലേഖനത്തില്‍ പറയാന്‍ ഉദ്ദേശിക്കുന്നത്. 

 

ആദ്യം കാണുക എന്നുവച്ചാല്‍ എന്താണെന്ന് നോക്കാം. നിങ്ങളുടെ കണ്ണില്‍ പതിക്കുന്ന പ്രകാശത്തെ നിങ്ങളുടെ മസ്തിഷ്‌കം തിരിച്ചറിയുന്നു. കണ്ണില്‍ പതിക്കുന്ന പ്രകാശത്തിന് (ഇലക്ട്രോ മാഗ്‌നറ്റിക് തരംഗങ്ങള്‍ക്ക്) ഏകദേശം 400 നും 700 നും ഇടയില്‍ നാനോമീറ്റര്‍ ( nanometer ) തരംഗദൈര്‍ഘ്യം ഉള്ളവയാണെങ്കില്‍ മാത്രമേ നമുക്ക് കാണുവാന്‍ സാധിക്കൂ. ഇതില്‍ നിന്നും വ്യത്യസ്തമായ തരംഗദൈര്‍ഘ്യമുള്ള പ്രകാശം നമുക്ക് കാണുവാന്‍ കഴിയില്ല. കാരണം നിങ്ങളുടെ റെറ്റിനയിലെ പ്രകാശസംവേദന ശേഷിയുള്ള പ്രോട്ടീനുകള്‍ ഈ തരംഗദൈര്‍ഘ്യമുള്ള പ്രകാശം കൊണ്ടുമാത്രമാണ് ആക്ടിവേറ്റ് ചെയ്യപ്പെടുന്നത്. ഇതിനു പുറമെ തരംഗദൈര്‍ഘ്യമുള്ള പ്രകാശം ഉപയോഗിച്ചാല്‍ അവ ഉപയോഗിച്ച് നമുക്കൊന്നും കാണുവാന്‍ സാധിക്കില്ല. എന്നാല്‍ ചില ജീവികള്‍ക്ക് അള്‍ട്രാവയലറ്റ് രശ്മികള്‍കൊണ്ടും കാണാന്‍ സാധിക്കും. 

എന്നുവച്ചാല്‍ നമുക്ക് കാണാന്‍ കഴിയാത്ത വസ്തുക്കള്‍ (കൃത്യമായി പറഞ്ഞാല്‍ വസ്തുക്കളുടെ വിശദാംശങ്ങള്‍) മറ്റു പല ജീവികള്‍ക്കും കാണാന്‍ സാധിക്കും. നമ്മുടെ കണ്ണുകള്‍കൊണ്ട് നോക്കുമ്പോള്‍ ഇല്ലാത്ത പല വസ്തുക്കളും മറ്റു പല ജീവികളുടെ കണ്ണുകള്‍കൊണ്ട് നോക്കുമ്പോള്‍ ഉണ്ടാകും. എന്നുവച്ചാല്‍ നമുക്ക് കാണാന്‍ സാധിച്ചാലും ഇല്ലെങ്കിലും ആ വസ്തുക്കള്‍ നിലനില്‍ക്കും. മനുഷ്യര്‍ അവരുടെ കണ്ണുകള്‍കൊണ്ട് കാണുന്നുണ്ടോ എന്നത് ഒരു വസ്തു നിലനില്‍ക്കുന്നുണ്ടോ എന്നതിന്റെ അളവുകോലല്ല. അതുകൊണ്ട് കണ്ടാലേ വിശ്വസിക്കൂ എന്ന് വാശിപിടിക്കുന്നത് മണ്ടത്തരമാണ്.

എങ്കിലും കാണാത്ത കാര്യങ്ങള്‍ ശാസ്ത്രഞ്ജര്‍ എങ്ങനെ കണ്ടെത്തുന്നു. ഉദാഹരണത്തിന് വൈറസുകളെ എങ്ങനെയെങ്കിലും കണ്ടിട്ടാണോ അവ ഉണ്ടെന്നു മനസിലായത്?

ഒരു വലിയ ലെന്‍സ് അല്ലെങ്കില്‍ മൈക്രോസ്‌കോപ്പ് ഉപയോഗിക്കണം എന്നായിരിക്കും നിങ്ങള്‍ ചിന്തിക്കുന്നത്. കോശങ്ങളെയും ബാക്റ്റീരിയകളെയും നിങ്ങള്ക്ക് ഇങ്ങനെ കാണുവാന്‍ സാധിക്കും. പക്ഷേ എത്ര വലിയ ലെന്‍സ് ഉപയോഗിച്ചാലും വൈറസിനെ കാണില്ല. ഒരു സാധാരണ മൈക്രോസ്‌കോപ്പ് ഉപയോഗിച്ച് നിങ്ങള്‍ക്ക് തീരെ ചെറിയ വസ്തുക്കള്‍ കാണാന്‍ കഴിയില്ല. വസ്തുവിന്റെ വലിപ്പം നിങ്ങള്‍ ഉപയോഗിക്കുന്ന പ്രകാശത്തിന്റെ തരംഗദൈര്‍ഘ്യത്തേക്കാള്‍ കൂടുതല്‍ ആയിരിക്കണം. ഏകദേശം ഒരു മൈക്രോമീറ്റര്‍ (ആയിരം നാനോമീറ്റര്‍) എങ്കിലും വലിപ്പമുള്ള വസ്തുക്കള്‍ മാത്രമേ ഇങ്ങനെ നേരിട്ട് നിങ്ങളുടെ കണ്ണുകള്‍ കൊണ്ട് ഒരു മൈക്രോസ്‌കോപ്പിലൂടെ കാണാന്‍ കഴിയൂ. 

ഒരു മൈക്രോമീറ്റര്‍ എന്നത് മനസിലാക്കാന്‍ വിഷമമാണ്. ഒരു തലമുടി ഇഴ എടുത്തു ഇതിനെ നൂറായി നെടുകെ കീറിയാല്‍ ലഭിക്കുന്ന ഒരു ഇഴയുടെ കട്ടിയോട് അടുത്തുവരും എന്ന് പറയാം. പൊതുവേ വൈറസുകളുടെ വലിപ്പം ഏകദേശം 0.1 മൈക്രോമീറ്റര്‍ മാത്രമാണ്. ചിലവ അതിലും ചെറിയവയുമാണ്. 

വൈറസിനെ മൈക്രോസ്‌കോപ്പ് ഉപയോഗിച്ചാലും കാണാന്‍ കഴിയില്ല എന്ന് മനസിലായല്ലോ. ഇതിയെന്തു ചെയ്യും? തരംഗദൈര്‍ഘ്യം കുറഞ്ഞ പ്രകാശം ഉപയോഗിച്ചാലോ. ഉപയോഗിക്കാം. പക്ഷെ അവ ഉപയോഗിച്ച് നിങ്ങളുടെ കണ്ണുകള്‍കൊണ്ട് കാണാന്‍ കഴിയില്ല. നിങ്ങളുടെ കണ്ണുകള്‍ക്ക് അവ അദൃശ്യമാണ്. 

ഇനിയെന്തു ചെയ്യും? തരംഗദൈര്‍ഘ്യം കുറഞ്ഞ പ്രകാശം തന്നെ ഉപയോഗിക്കാം. നിങ്ങളുടെ കണ്ണുകള്‍ക്ക് പകരം ഒരു ക്യാമറയും ഉപയോഗിക്കാം. ക്യാമറ, നമ്മുടെ കണ്ണുകള്‍ കൊണ്ട് കാണാന്‍ പറ്റിയ രീതിയില്‍ കളറുകള്‍ ചേര്‍ത്ത് ചിത്രം കമ്പ്യൂട്ടറില്‍ കാണിച്ചുതരും. ഇങ്ങനെ ചെയ്യുമ്പോള്‍ നിങ്ങള്‍ക്ക് ഏത് തരംഗ ദൈര്‍ഘ്യമുള്ള തരംഗവും ഉപയോഗിക്കാം. തരംഗദൈര്‍ഘ്യം എത്ര കുറവോ അത്രയും നല്ലത്. കാരണം അത്രയും ചെറിയ വസ്തുക്കളെ കൃത്യമായി കാണാന്‍ സാധിക്കും. 

ഇവിടെയാണ് തരംഗമായി ഇലക്ട്രോണുകളുടെ ഒരു ധാര ഉപയോഗിക്കുന്നത്. ഇലക്ട്രോണുകളുടെ ധാര എന്നുകേള്‍ക്കുമ്പോള്‍ നിങ്ങളുടെ മനസിലേക്ക് വരുന്നത് കുറെ ബോളുകള്‍ ധാരയായി തെറിക്കുന്നതാകും. പക്ഷെ കാര്യങ്ങള്‍ അങ്ങനെയല്ല. ഇലക്ട്രോണുകള്‍ക്ക് (മറ്റു വസ്തുക്കള്‍ക്കും) തരംഗ സ്വഭാവമുണ്ട്. ഇലക്ട്രോണുകളുടെ തരംഗദൈര്‍ഘ്യം വളരെ കുറവാണ്. 

അതുകൊണ്ട് ഇതുപയോഗിച്ച് വൈറസുകളെ നമുക്ക് കാണുവാന്‍ സാധിക്കും. നാം കാണുന്നത് ഈ തരംഗങ്ങള്‍ നമ്മുടെ കണ്ണില്‍ പതിച്ചിട്ടല്ല. മറിച്ചു ഒരു പ്രത്യേക ഡിറ്റക്ടറില്‍ പതിക്കുന്ന തരംഗങ്ങള്‍ കമ്പ്യൂട്ടറിലൂടെ കാണുകയാണ് ചെയ്യുന്നത്. ഇതിനാണ് ഇലക്ട്രോണ്‍ മൈക്രോസ്‌കോപ് എന്നുവിളിക്കുന്നത്.

ഇലക്ട്രോണ്‍ മൈക്രോസ്‌കോപ്പ് മാത്രമല്ല വേറെയും പലതരം മൈക്രൊസ്‌കൊപ്പുകള്‍ നിലവിലുണ്ട്. ഒരു ഉദാഹരണമാണ് അറ്റോമിക് ഫോര്‍സ് മൈക്രോസ്‌കോപ്പ് ( atomic force microscope ). ഇവയിലും നാം കണ്ണുകൊണ്ട് നേരിട്ട് ഒന്നും കാണുന്നില്ല. ഈ ഉപകരണത്തിന് ചെറിയ ചെറിയ സൂചിപോലെ ഒരു മുനയുള്ള ഭാഗമുണ്ട്. ഈ ഭാഗത്തിന്റെ അറ്റത്തു ഏതാനും ആറ്റങ്ങള്‍ മാത്രമാണ് ഉണ്ടാകുക. ഈ മുന നമുക്ക് 'കാണേണ്ട' പ്രതലത്തിന്റെ അടുത്തേക്ക് കൊണ്ടുവരുമ്പോള്‍ പ്രതലത്തിലെയും, സൂചി പോലെയുള്ള മുനയിലെയും ആറ്റങ്ങള്‍ തമ്മില്‍ ആകര്‍ഷിക്കും. ഈ ആകര്‍ഷണ ശക്തികൊണ്ട് മുനയില്‍ ഉണ്ടാകുന്ന വ്യതിയാനങ്ങള്‍ അളക്കുന്നു. 

പറയാന്‍ എളുപ്പമാണ്. 

പക്ഷെ ഈ ഉപകരണം വളരെ സങ്കീര്‍ണ്ണമായ ഒന്നാണ്. എന്തായാലും ഈ വ്യതിയാനങ്ങള്‍ വ്യാഖ്യാനിച്ചാല്‍ ആ പ്രതലത്തിന്റെ ഉയര്‍ച്ച-താഴ്ചകള്‍ മനസിലാക്കാന്‍ കഴിയും. കണ്ണ് കാണാത്ത ഒരാള്‍ കൈകള്‍കൊണ്ട് തൊട്ടു ഒരു വസ്തുവിന്റെ ആകൃതി മനസിലാക്കുന്നത് പോലെ എന്ന് പറയാം. ഈ വ്യതിയാനങ്ങള്‍ കമ്പ്യൂട്ടറില്‍ നമുക്ക് കാണുവാന്‍ സാധിക്കുന്ന നിറങ്ങളില്‍ ഈ ഉപകരണം കാണിച്ചുതരും. അങ്ങനെ ഏതാനും ആറ്റങ്ങളുടെ കൂട്ടങ്ങളെ വരെ നമുക്ക് കാണാം. വൈറസിനെയും 'കാണാം'.

നാം കണ്ണുകള്‍കൊണ്ട് നോക്കുമ്പോള്‍ പ്രകാശകണങ്ങളെ അല്ലെങ്കില്‍ ഫോട്ടോണുകളെ കാണുവാന്‍ കഴിയില്ലല്ലോ. അതുപോലെ ഇലക്ട്രോണ്‍ മൈക്രോസ്‌കൊപ്പിലൂടെ 'നോക്കിയാല്‍' ഇലക്ട്രോണുകളെയും കാണുവാന്‍ കഴിയില്ല. 

എങ്ങനെയായിരിക്കും ഇലക്ട്രോണുകളെ കണ്ടെത്തിയത്? ശരിക്കും ഈ ഇലക്ട്രോണുകള്‍ ഉണ്ടോ? (നിങ്ങള്ക്ക് മറ്റെല്ലാ കണങ്ങളെക്കുറിച്ചും ഈ ചോദ്യം ചോദിക്കാം). 

ഇലക്ട്രോണുകളെയും കണ്ണുകൊണ്ടോ ക്യാമറയിലോ കാണാന്‍ കഴിയില്ല. ഇലക്ട്രോണുകളെ  കണ്ടുപിടിച്ച കഥ പറയാം. പത്തൊമ്പതാം നൂറ്റാണ്ടില്‍ നടന്ന സംഭവമാണ്. ജെ.ജെ. തോംസണ്‍ എന്ന ശാസ്ത്രഞ്ജന്‍ കത്തോഡ് റെ ട്യൂബില്‍ ചില പരീക്ഷണങ്ങള്‍ നടത്തുകയായിരുന്നു. കാതോഡില്‍ നിന്ന് പുറപ്പെടുന്ന രശ്മികള്‍ ഫോസ്ഫറസ് സ്‌ക്രീനില്‍ പ്രകാശബിന്ദുക്കള്‍ ഉണ്ടാക്കുന്നതായി അദ്ദേഹം കണ്ടു. എന്നാല്‍ ആ രശ്മികള്‍ സാധാരണ ഇലക്ട്രോ മാഗ്‌നെറ്റിക് രശ്മികള്‍ (ഉദാ: നമ്മുടെ കണ്ണുകള്‍ തിരിച്ചറിയുന്ന തരം പ്രകാശം) അല്ലെന്നും അദ്ദേഹം മനസിലാക്കി. കാരണം കാതോഡില്‍ നിന്നും വരുന്ന രശ്മികള്‍ക്ക് ഇലക്ട്രിക് ഫീല്‍ഡ് കൊണ്ടും മഗ്‌നറ്റിക് ഫീല്‍ഡ് കൊണ്ടും വ്യതിയാനങ്ങള്‍ സംഭവിക്കുന്നു. നെഗറ്റീവ് ചാര്‍ജുള്ള കണങ്ങളാണ് അവയെന്ന് പരീക്ഷണങ്ങള്‍ കാണിച്ചു. കാരണം ആ രശ്മികള്‍ പോസിറ്റീവ് ചാര്‍ജുള്ള ഭാഗത്തേക്ക് വ്യതിചലിക്കുന്നതായി അദ്ദേഹം കണ്ടു. അദ്ദേഹം ആ രശ്മി കണങ്ങള്‍ ആണെന്ന് അനുമാനിക്കുകയും, അവയുടെ ചാര്‍ജും ഭാരവുമായുള്ള അനുപാതവും നിര്‍ണയിക്കുകയും ചെയ്തു. ഈ കണങ്ങള്‍ ആണ് പിന്നീട് ഇലക്ട്രോണുകള്‍ എന്നറിയപ്പെട്ടത്. 

പലതരം ലോഹങ്ങള്‍ കൊണ്ടുള്ള കാതോഡ് ഉപയോഗിച്ചുകൊണ്ട് അദ്ദേഹം ഈ നിരീക്ഷണങ്ങള്‍ നടത്തി. രശ്മികള്‍ ഈ ലോഹങ്ങളില്‍ നിന്നെല്ലാം വരുന്നതായി അദ്ദേഹം കണ്ടു.

അതേസമയം, ഏണസ്റ്റ് റൂതര്‍ഫോഡ് എന്ന ശാസ്ത്രജ്ഞന്റെ പരീക്ഷണങ്ങളാണ് ലോഹങ്ങള്‍ പോസിറ്റീവ് ചാര്‍ജ് ഉള്ള ന്യൂക്ലിയസ് കൊണ്ട് നിര്‍മ്മിച്ചിരിക്കുന്നവ ആണെന്ന് തെളിയിച്ചത് . എന്നാല്‍ ലോഹങ്ങള്‍ മൊത്തത്തില്‍ ചാര്‍ജ് ഇല്ലാത്തവ ആയതിനാല്‍ പോസിറ്റീവ് ചര്‍ജിനെ നിര്‍വീര്യമാക്കാന്‍ അത്രയും അളവില്‍ തന്നെ നെഗറ്റീവ് ചാര്‍ജും ആവശ്യമാണല്ലോ. മുമ്പ് തോംസണ്‍ ലോഹങ്ങളില്‍ നിന്നും ധാരാളമായി പുറപ്പെടുവിച്ച നെഗറ്റീവ് ചാര്‍ജുള്ള കണങ്ങള്‍ തന്നെയായിരിക്കും ഈ ലോഹങ്ങളിലെ പോസിറ്റീവ് ചാര്‍ജിനെ നിര്‍വീര്യമാക്കുന്ന കണങ്ങള്‍ എന്ന ആശയം അങ്ങനെ ശക്തമായി വന്നു.

ഈ കാലയളവില്‍ മില്ലിക്കന്‍ എന്ന മറ്റൊരു ശാസ്ത്രജ്ഞന്റെ പരീക്ഷണങ്ങള്‍ ഇലക്ട്രോണിന്റെ ചാര്‍ജ് എന്താണെന്ന് നിര്‍ണയിച്ചു. കാണാന്‍ പോലും കിട്ടാത്ത ഇലക്ട്രോണിന്റെ ചാര്‍ജ് എങ്ങനെ അളന്നു എന്നല്ലേ ഇപ്പോള്‍ നിങ്ങള്‍ ചിന്തിക്കുന്നത്? ഇതിനായി ചാര്‍ജ്ജുള്ള വളരെ ചെറിയ എണ്ണയുടെ തുള്ളികളില്‍ ഇലക്ട്രിക് ഫീല്‍ഡ് കൊണ്ട് ഉണ്ടാകുന്ന വ്യതിയാനം അദ്ദേഹം പരീക്ഷണങ്ങളിലൂടെ നിര്‍ണ്ണയിച്ചു. ഇലക്ട്രിക് ഫീല്‍ഡ് കൊണ്ട് എണ്ണത്തുള്ളികളില്‍ ഉണ്ടാകുന്ന വ്യതിയാനവും അവയുടെ ചാര്‍ജും, ഭാരവും ഉള്‍ക്കൊള്ളുന്ന ഗണിത സമവാക്യങ്ങള്‍ വിശകലനം ചെയ്താണ് അദ്ദേഹം ചാര്‍ജ് നിര്‍ണ്ണയിച്ചത്. 

ഇങ്ങനെ നോക്കുമ്പോള്‍, ഉരുണ്ടിരിക്കുന്ന ഇലക്ട്രോണും പ്രോട്ടോണും എല്ലാം നിങ്ങള്ക്ക് പെട്ടന്ന് മനസിലാകാന്‍ ബുക്കുകളില്‍ വരയ്ക്കപ്പെട്ടതാണ്. അവയുടെ ആകൃതി എന്താണെന്നല്ല അവയുടെ പെരുമാറ്റം എങ്ങനെയാണ് എന്നതാണ് പ്രധാനം. അതുകൊണ്ട് പരീക്ഷണങ്ങളില്‍ അവയുടെ സാന്നിധ്യം മൂലമുണ്ടാകുന്ന പ്രതിഭാസങ്ങള്‍ നിരീക്ഷിക്കുകയാണ് ചെയ്യുന്നത്, അവയെ കാണേണ്ട കാര്യമില്ല.

വൈറസ്,

ഇലക്ട്രോണ്‍, പ്രോട്ടോണ്‍ തുടങ്ങി എല്ലാവിധ വസ്തുക്കളെയും കണ്ടെത്തിയത് അവയെ മനുഷ്യന്‍ കണ്ണുകള്‍ കൊണ്ടു നോക്കിയിട്ടല്ല എന്നു മനസിലായല്ലോ. എന്നുവച്ച് കാണാന്‍ പറ്റാത്ത എന്തും ഉണ്ടെന്ന് പറയാന്‍ കഴിയില്ല. നാം വൈറസുകളെയും, ഇലക്ട്രോണുകളെയും എങ്ങനെ കണ്ടെത്തിയതുപോലെ അവയുടെ സാന്നിധ്യം അല്ലെങ്കില്‍ അവ കൊണ്ടുണ്ടാകുന്ന മറ്റു പ്രതിഭാസങ്ങള്‍ നിരീക്ഷിക്കാന്‍ കഴിയണം. പല പ്രതിഭാസങ്ങളും പല കാര്യങ്ങള്‍ പറയാന്‍ പാടില്ല, എല്ലാത്തിലും കൃത്യത വേണം. ശാസ്ത്രം പുതിയ കണങ്ങള്‍ കണ്ടെത്തി എന്നൊക്കെ പറയുമ്പോളും എതെകിലും ശാസ്ത്രജ്ഞര്‍ ഏതോ ഒരു കണം പാഞ്ഞുപോകുന്നത് കണ്ണുകൊണ്ട് കണ്ടു എന്നല്ല. അതിസങ്കീര്‍ണ്ണമായ ഡിറ്റക്ടറില്‍ ലഭിക്കുന്ന ഡാറ്റ കഷ്ടപ്പെട്ട് വിശകലനം ചെയ്താണ് അവര്‍ ഇത്തരം നിഗമനത്തില്‍ എത്തുന്നത്. 

എന്നെ വിശ്വസിക്കൂ, വൈറസുകള്‍ ഉണ്ട്. 

എന്താണ് ഈ ജിഎസ്ടി?എന്തിനാണീ ജിഎസ്ടി.... ജിഎസ്ടിയെക്കുറിച്ച് അറിയേണ്ടതെല്ലാം!!

നികുതിക്ക് മേല്‍ നികുതി എന്ന സങ്കല്‍പ്പമാണ് ഏകീകൃത നികുതി സമ്പ്രദായം കൊണ്ടുവരുന്ന ചരക്കു സേവന നികുതി രാജ്യസഭ പാസാക്കിയതോടെ ഇല്ലാതാകാന്‍ പോകുന്നത്. ഉപഭോക്താക്കളിലേക്ക് ഉല്‍പന്നങ്ങളും സേവനങ്ങളും എത്തുന്നതിനിടെ നികുതിക്ക് മേല്‍ നികുതി കൊടുക്കുന്നത് വഴി ഉപഭോക്താവിന് മേല്‍ വന്‍ നികുതിഭാരമാണ് ഉണ്ടായിരുന്നത്. 

ഏകീകൃത നികുതി നിരക്ക് വരുന്നതിലൂടെ ഈ അവസ്ഥയ്ക്ക് മാറ്റം വരും.

ഉത്പന്നങ്ങള്‍ക്ക് ഒറ്റ നികുതി മാത്രമേ ഈടാക്കൂ എന്നതാണ് ജി എസ് ടിയുടെ മറ്റൊരു പ്രത്യേകത. ജി ഡി പിയുടെ വളര്‍ച്ചയ്ക്കും സുതാര്യതയ്ക്കും വഴി തുറക്കുന്ന ജി എസ് ടി ബില്ലിനെ 90കളിലെ സാമ്പത്തിക പരിഷ്‌കരണത്തിന് ശേഷമുള്ള ഏറ്റവും വലിയ പരിഷ്‌കരണ നടപടിയായിട്ടാണ് വിദഗ്ധര്‍ കാണുന്നത്. 

എന്താണ് ജി എസ് ടി ഇതെങ്ങനെ പ്രവര്‍ത്തിക്കും..

ഒരൊറ്റ കുടക്കീഴില്‍ ഇന്ത്യ ഒട്ടാകെ ഒരേ ഒരു നികുതിഘടനയാണ് ചരക്കു സേവന നികുതി അഥവാ ഗുഡ്‌സ് ആന്‍ഡ് സര്‍വ്വീസസ് ടാക്‌സ് എന്ന ജി എസ് ടി വിഭാവനം ചെയ്യുന്നത്. ഏകീകൃത നികുതി സമ്പ്രദായം ഏര്‍പ്പെടുത്തുന്നതോടെ ജി ഡി പിയില്‍ വന്‍ കുതിച്ചുചാട്ടമുണ്ടാകും. ജി ഡി പി നിരക്കില്‍ 1 ശതമാനം സംഭാവന പ്രതീക്ഷിക്കുന്നു

നികുതികളുടെ ലയനം കേന്ദ്രവും സംസ്ഥാനവും ഏര്‍പ്പെടുത്തിയിരുന്ന പതിനഞ്ചോളം നികുതികള്‍ ജി എസ് ടിയില്‍ ലയിക്കും എന്നതാണ് പ്രധാന പ്രത്യേകത. ഒരു ഉല്‍പ്പന്നത്തിന് ഒന്നിലധികം നികുതി വേണ്ട എന്നതാണ് ഏറ്റവും വലിയ ആകര്‍ഷണം. നികുതി ഭാരം കുറയുന്നതോടെ സ്വാഭാവികമായും സാധനങ്ങളുടെ വിലയും കുറയുമെന്ന് പ്രതീക്ഷിക്കാം.

പോകുന്ന നികുതികള്‍ കേന്ദ്രവാറ്റ്, സംസ്ഥാനവാറ്റ് എന്നിവ ഇനി ഉണ്ടാകില്ല. സെന്‍ട്രല്‍ എക്സൈസ് ഡ്യൂട്ടി, മെഡിക്കല്‍ എക്സൈസ് ഡ്യൂട്ടി, ടെക്സ്റ്റൈല്‍സ് എക്സൈസ് ഡ്യൂട്ടി, കസ്റ്റംസ് ഡ്യൂട്ടി, പ്രത്യേക അധിക കസ്റ്റംസ് ഡ്യൂട്ടി, സേവന നികുതി, ചരക്കുകള്‍ക്കും സേവനങ്ങള്‍ക്കുമുള്ള സര്‍ചാര്‍ജുകള്‍ തുടങ്ങിയ കേന്ദ്ര നികുതികള്‍ ഇല്ലാതാകും.

എന്തിനാണ് ജി എസ് ടി സാധനങ്ങള്‍ക്കും സേവനങ്ങള്‍ക്കും നിലവിലുള്ള പതിനഞ്ചോളം നികുതികള്‍ക്ക് പകരം ഒറ്റ നികുതി - ഇതാണ് ജി എസ് ടി അനുകൂലികളുടെ പ്രധാന പോയിന്റ്. എല്ലാ സംസ്ഥാനങ്ങളിലും ഒരേ നികുതിനിരക്ക് വരുന്നത് സംസ്ഥാനങ്ങള്‍ക്കും ഉപഭോക്താക്കള്‍ക്കും വാണിജ്യ- വ്യവസായ മേഖലയ്ക്കും ദീര്‍ഘകാല നേട്ടമുണ്ടാക്കുമെന്ന് പ്രതീക്ഷിക്കപ്പെടുന്നു.

നികുതിവെട്ടിപ്പ് തടയാന്‍ നികുതി സംവിധാനം സുഗമമാവുന്നതോടെ നികുതി ശൃംഖല കൂടുതല്‍ വിപുലമാവുകയും നികുതിവെട്ടിപ്പ് പരമാവധി കുറയ്ക്കാന്‍ സാധിക്കുകയും ചെയ്യും. ഉല്‍പാദനച്ചെലവു കുറഞ്ഞ് കയറ്റുമതി കൂടുന്നതോടെ ജി ഡി പി കൂടും. സംസ്ഥാനാന്തര നികുതികള്‍ ഒഴിവാക്കുന്നതോടെ സാധനങ്ങള്‍ക്ക് വില കുറയും - ഇതൊക്കെയാണ് പ്രതീക്ഷകള്‍.

കേരളത്തിന് നേട്ടം ഉപഭോക്തൃ സംസ്ഥാനമായ കേരളത്തിന് വലിയ നേട്ടമാകും ബില്ലെന്നാണ് കരുതുന്നത്. സംസ്ഥാനങ്ങളിലെ വിനിമയങ്ങള്‍ക്ക് സംസ്ഥാനങ്ങളും സംസ്ഥാനങ്ങള്‍ തമ്മിലുള്ള ഇടപാടുകള്‍ക്ക് കേന്ദ്ര സര്‍ക്കാറുമാണ് നികുതി ഈടാക്കുക. കേന്ദ്രം പിരിക്കുന്ന നികുതിയുടെ ഒരു വിഹിതം സംസ്ഥാനത്തിന് കിട്ടും.

തുടങ്ങിയതും എന്‍ഡിഎ സര്‍ക്കാര്‍ ജി എസ് ടി ആര് കൊണ്ടുവന്നു എന്ന തര്‍ക്കവും ഒരു വശത്ത് നടക്കുന്നുണ്ട്. 2000ല്‍ വാജ്പേയി സര്‍ക്കാരിന്റെ കാലത്താണ് ജി എസ് ടിയെക്കുറിച്ച് ചര്‍ച്ച വന്നത്. 2007ലെ ബജറ്റില്‍ ധനമന്ത്രിയായിരുന്ന ചിദംബരം ഇത് സംബന്ധിച്ച് ആദ്യത്തെ പ്രസ്താവന നടത്തി. പതിനാറ് വര്‍ഷങ്ങള്‍ നീണ്ട ചര്‍ച്ചകള്‍ക്കൊടുവിലാണ് ജി എസ് ടി ബില്‍ രാജ്യസഭ വരെയെത്തി പാസാകുന്നത്..

യുജനിക്സ്..

നമ്മുക്കിഷ്ടപ്പെട്ട നാളിലും ദിവസത്തിലുമൊക്കെ പ്രസവം നടത്തുന്ന രീതി ഇപ്പോഴുണ്ട്.അതു പോലെ നേരത്തെ തന്നെ നിശ്ചയിച്ചു വച്ച രീതിയിലുള്ള സന്തതിപരമ്പരകളെ സൃഷ്ടിക്കുന്നതിനെ യൂജെനിക്സ് എന്നാണ് പറയുക. വളരെ താഴ്ന്ന ഊഷ്മാവിൽ കോശങ്ങൾക്ക് നാശം സംഭവിക്കുകയില്ല. ഈ രീതിയിൽ സൂക്ഷിച്ചുവച്ച ഭ്രൂണങ്ങളെ തിരികെ കൊണ്ടുവന്നതിൽ നിന്നാണ് ഇതിന്റെ തുടക്കം. രണ്ടാം ലോകമഹായുദ്ധകാലത്തിന്റെ ഒടുവിൽ ഉപേക്ഷിക്കപ്പെട്ട ഈ മേഖല തിരിച്ചുവരുകയാണ്.1883ൽ സർ ഫ്രാൻസിസ് ഗൾട്ടനാണ് ഇത് തുടങ്ങിയത്.H.G വൈൽസ്, റൂസ് വെൽറ്റ്, ചർച്ചിലുമൊക്കെ ഇതിനെ പിന്താങ്ങിയിരുന്നെങ്കിലും ഹിറ്റ് ലറാണ് പ്രയോഗത്തിൽ വരുത്തിയത്.മെയിൻ കാംഫിൽ ഇതിനെകുറിച്ച് പറയുന്നുണ്ട്.

പരിണാമത്തെ കുറിച്ച് അറിയാവുന്ന ഒരേയൊരു ജീവിയാണ് മനുഷ്യൻ.സ്വന്തം പരിമിതികളേയും മനുഷ്യനറിയാം. മനുഷ്യന്റെ പരിമിതികളെ മറികടന്ന ഭാവിയിലെ അതിമാനുഷരാണ് പോസ്റ്റ് ഹ്യൂമനുകൾ.ശാരീരികവും മാനസികവുമായ പല പരിമിതികളും സമീപഭാവിയിൽ ഇല്ലാതാവും. മനുഷ്യന്റെ ഇന്നത്തെ അവസ്ഥയിൽ മാറ്റം വരുത്തി മൂല്യങ്ങളുടേയും വിശ്വാസങ്ങളുടേയും നിലവാരം ഉയർത്തുന്നതിനെ എക്സ്ട്രോപ്പി എന്നു പറയുന്നു. ഭാവിയിൽ ജീവൻ നൽകാൻ കഴിയുമെന്ന വിശ്വാസത്തിലാണ് മൃതശരീരങ്ങൾ ക്രയോണിക്സ് എന്ന സാങ്കേതിക വിദ്യയിൽ സൂക്ഷിച്ചു വെക്കുന്നത്. ഭാവിയിലേക്കുള്ള ഒരു ആംബുലൻസാണ് ക്രയോപ്രിസർവേഷൻ എന്ന ശരീരം സൂക്ഷിച്ച് വെയ്ക്കുന്ന പ്രക്രിയ.

മനുഷ്യ പരിണാമത്തിലെ അടുത്ത കണ്ണി ബുദ്ധിശക്തിയിലും മറ്റു കഴിവുകളിലും ഏറെ മുന്നിലായിരിക്കും. പോസ്റ്റ്ഹ്യൂമൻ വംശജരും ജിവൻ,പ്രപഞ്ചം, നിലനിൽപ്പ് തുടങ്ങിയവയൊക്കെ അന്വേഷിച്ചുകൊണ്ടിരിക്കും. ഏഴടിയോളമുള്ള അജാനുബാഹുക്കളായിരിക്കും ഇവർ.ക്രിത്രിമബുദ്ധിയും മസ്തിഷ്ക്കവും ചേരുന്നതോടെ ഇന്നുള്ള മനുഷ്യരുടെ ബുദ്ധിക്കും ഭാവനയ്ക്കുമുള്ള പരിമിതികൾ ഇല്ലാതാവും. ഭൂമിയിലെ ദുരന്തങ്ങളെ അതിജീവിക്കുവാൻ വേണ്ടി ബഹിരാകാശത്തും അവർ നിറസാന്നിധ്യമായി മാറും. നക്ഷത്രാന്തര യാത്രകൾ സൈബോർഗുകൾ നിർവഹിക്കും..

ഇസ്രായേൽ ചരിത്രവും , ഇന്ത്യ- ഇസ്രായേൽ ബന്ധവും..

ദൈവം അബ്രഹാമിനെ അനുഗ്രഹിച്ചു. "നിന്റെ തലമുറകളെ ആകാശത്തിലെ നക്ഷത്രങ്ങൾപോലെയും കടൽക്കരയിലെ മണൽപോലെയും അത്യന്തം വർധിപ്പിക്കും. നിന്റെ തലമുറ ശത്രുക്കളുടെ പട്ടണങ്ങളെ കൈവശമാക്കും".   

അബ്രഹാമിന്റെ മകൻ ഇസഹാക്കും, ഇസഹാക്കിന്റെ മകൻ യാക്കോബും, യാക്കോബിന്റെ 12 മക്കളും...അങ്ങനെ ആ തലമുറ വലിയ  ജനതയായി മാറി. ഒരു വാഗ്ദത്തഭൂമി  അവർക്കായി  ദൈവം ഒരുക്കി. കാനാൻ  ദേശം എന്നറിയപ്പെട്ട ആ ദേശത്തേക്കു തന്റെ തിരഞ്ഞെടുക്കപ്പെട്ട ജനതയെ ദൈവം ഈജിപ്തിലെ അടിമത്വത്തിൽനിന്നു  മോചിപ്പിച്ചു കൊണ്ടുവന്നു.

ദൈവത്തിന്റെ തിരഞ്ഞെടുക്കപ്പെട്ട ആ ജനത ഇസ്രയേലിയർ  എന്നറിയപ്പെടുന്നു. അവർക്കായി ദൈവം ഒരുക്കിയ ആ വാഗ്ദത്ത ഭൂമി ഇസ്രായേൽ എന്നും അറിയപ്പെടുന്നു.

ബൈബിളിൽ ഇസ്രയേലിനെ കുറിച്ചുള്ള, ഇസ്രായേല്യരെക്കുറിച്ചുള്ള ഒരു ചെറു വിവരണമാണിത്.   

യേശുവിന്റെ കാലത്തു ഇന്നത്തെ ഇസ്രയേലും പലസ്തീനും  ജോർദാനുമെല്ലാം പലസ്തീനെ എന്ന ഒറ്റ രാജ്യമായിരുന്നു. റോമാ സാമ്രാജ്യത്തിന്റെ അധീനതയിലായിരുന്ന  പലസ്തീനയിൽ നിന്ന് AD 72  ഓടെ തദ്ദേശീയരായ  ജൂതന്മാരിൽ ഭൂരിപക്ഷവും പേർക്കും  സ്വന്തം ദേശം ഉപേക്ഷിച്ചു പലായനം ചെയ്യേണ്ടി വന്നു. വളരെ ചുരുക്കം ജൂതന്മാർ മാത്രം സ്വന്തം ദേശമായ പാലസ്തീനയിൽ എല്ലാ പീഡനങ്ങളും ഏറ്റു കഴിഞ്ഞു.

എന്നെങ്കിലും ഒരിക്കൽ തങ്ങളുടെ ജന്മദേശമായ പാലസ്തീനയിലേക്കു തിരിച്ചുപോകാമെന്ന പ്രത്യാശയിൽ സ്വന്തം ദേശത്തുനിന്നു പലായനം ചെയ്യപ്പെട്ട ജൂതന്മാർ ലോകത്തിന്റെ വിവിധഭാഗങ്ങളിൽ ചേക്കേറി.

വൈകാതെ റോമാ സാമ്രാജ്യം തകർന്നു. ജൂതന്മാരുടെ മാതൃരാജ്യമായ പലസ്തീന അറബികളുടെ കൈവശമായി. വളരെ കുറഞ്ഞ തോതിൽ ജൂതന്മാർ അപ്പോഴും പലസ്തീനയിൽ കഴിഞ്ഞിരുന്നു.

ബുദ്ധിയിലും ശക്തിയിലും ലോകത്തെ ഏറ്റവും മികച്ച തലകളായ ജൂതന്മാർ ലോകത്തിന്റെ ചിന്താഗതികളെ തന്നെ മാറ്റിമറിച്ചു. മോശയും, യേശുവും, കാറൽ മാർക്സും, എൻസ്റ്റീനും  എന്തിനു നമ്മുടെ സ്വന്തം സുക്കർ അണ്ണൻ വരെ ജൂതനാണ്. നോബൽ സമ്മാനം കൊടുത്തു തുടങ്ങിയ നാൾ മുതൽ ജൂതന് നോബൽ അവാർഡ്  ഇല്ലാത്ത വർഷങ്ങൾ വിരളമായിരുന്നു.

ഹിറ്റ്ലറുടെ പീഡനങ്ങളും ലോകത്തു പല ഭാഗങ്ങളിൽ നേരിട്ട സഹനങ്ങളുമൊക്കെ തങ്ങൾക്കു തങ്ങളുടെ പൂർവിക ഭൂമിയായ പലസ്തീനിൽ  ഒരു രാജ്യം വേണമെന്ന ജൂതന്മാരുടെ  ചിന്ത ഇസ്രായേൽ എന്ന രാജ്യത്തിൻറെ ഉദയത്തിൽ കലാശിച്ചു. ജൂതന്മാരുടെ പഴയ  പാലസ്തീന ആയിരുന്നില്ല 1948 ലെ പാലസ്തീന. പാലസ്തീന ഏതാണ് പൂർണമായും അറബികളുടെ കൈവശമായിരുന്നു. പലായനം ചെയ്യാതെ അവശേഷിച്ചിരുന്ന ജൂതന്മാരുടെ തലമുറകൾ മാത്രമായിരുന്നു പലസ്തീനയിൽ ബാക്കി ഉണ്ടായിരുന്നത്.

ലോകത്തിന്റെ തലച്ചോറുകളായി അറിയപ്പെട്ടിരുന്ന ജൂതന്മാരുടെ സ്വന്തമായി ഒരു രാജ്യം എന്ന ആവശ്യത്തിന് മുമ്പിൽ ലോക രാജ്യങ്ങൾ ഒന്നടങ്കം നിന്നു. UN ൽ  ഇത് സംബന്ധിച്ച് പ്രമേയം പാസ്സാക്കി. അന്നത്തെ അറബ് ഭൂരിപക്ഷ  പലസ്തീനെ വിഭജിച്ചു ഇസ്രായേൽ എന്ന രാജ്യം രൂപീകരിക്കാൻ തീരുമാനിച്ചു. രണ്ടാം ലോക മഹായുദ്ധകാലത്തിനു  മുമ്പ് തന്നെ ജൂതന്മാർ പലസ്തീനിലേക്കു തിരികെ പോകാൻ തുടങ്ങിയിരുന്നു.

ജൂതന്മാരും അറബികളും ഒന്നിച്ചു പലസ്തീനെ എന്ന രാജ്യത്തിൽ കഴിയട്ടെ എന്ന വാദം ഉയർന്നുവന്നെങ്കിലും അതിനെ അംഗീകരിക്കാൻ  ജൂതരും അറബികളും തയ്യാറായില്ല. പലസ്തീനെ വിഭജിച്ചു ഇസ്രായേൽ എന്ന രാഷ്ട്രം നിർമിക്കുന്നതിനെ അറബ് രാഷ്ട്രങ്ങളെല്ലാം ഒറ്റകെട്ടായി എതിർത്തു.

1948  ൽ ഇസ്രായേൽ എന്ന രാജ്യം നിലവിൽവന്നതായി  പ്രഖ്യാപിച്ചു. ദിവസങ്ങൾക്കകം ഈജിപ്തിന്റെയും സിറിയയുടെയും ജോർദാന്റെയും ഇറാഖിന്റെയും ലെബാനോന്റെയും സംയുക്ത  ആക്രമണം ഇസ്രായേലിനു നേരെ ഉണ്ടായി. മറ്റു അറബ് രാഷ്ട്രങ്ങളുടെ പിന്തുണയും ഉണ്ടായിരുന്നു ഈ അക്രമങ്ങൾക്കു.

പിറന്നു വീണു ദിവസങ്ങൾക്കകം പല രാജ്യങ്ങൾ ചേർന്ന ഒരു വലിയ സൈനിക ശക്തിക്കു മുമ്പിൽ പൊരുതേണ്ടി വരുക എന്ന കാര്യം ആലോചിച്ചു നോക്കൂ. ഒത്തിരി പീഡനങ്ങൾക്കു ശേഷം സർവ്വതും നഷ്ട്ടപെട്ടു ലോകത്തിന്റെ വിവിധഭാഗങ്ങളിൽ നിന്ന് ചേക്കേറിയ ജൂതന്മാർക്കു മുകളിൽ ആകാശവും താഴെ ഭൂമിയും  മാത്രവുമായിരുന്നു. രണ്ടും കൽപ്പിച്ചു ജൂതന്മാർ പൊരുതിയപ്പോൾ അറബ് സഖ്യത്തിന് ഒന്നും നേടാനായില്ല എന്ന് മാത്രമല്ല ഇസ്രായേൽ ഈജിപ്തിന്റെയും സിറിയയയുടെയും ചില ഭാഗങ്ങൾ പിടിച്ചെടുക്കുകയും ചെയ്തു.

1956  ൽ വീണ്ടും ഇസ്രായേൽ - അറബ് സഖ്യസേന യുദ്ധം ഉണ്ടായി. ഫലം ഒന്ന് തന്നെ. പക്ഷെ ഇത്തവണ ഈജിപ്തിൻൽ നിന്ന് സീനായി മല നിരകളും, സിറിയയിൽ നിന്ന് ഗോലാൻ കുന്നുകളും പിടിച്ചെടുത്തു.

പക്ഷെ യുധാനതാരം പിടിച്ചെടുത്ത ഭൂപ്രദേശങ്ങളൊക്കെ ഇസ്രായേൽ തിരിച്ചുനൽകി.

1967  ൽ വീണ്ടും അറബ് സഖ്യസേന റഷ്യയ്യുടെ പരോക്ഷ  പിന്തുണയോടെ പിന്തുണയോടെ ഇസ്രയേലിനെ ആക്രമിച്ചു. തങ്ങളെ  അക്രമിക്കുന്നതുവരെ അങ്ങാതിരുന്ന ഇസ്രായേൽ തങ്ങൾക്കു നേരെ അറബ് സഖ്യസേന യുദ്ധം അഴിച്ചുവിട്ടപ്പോൾ അതിശക്തമായി തിരിച്ചടിച്ചു. വെറും 6 ദിവസം കൊണ്ട് അറബ് സഖ്യ സൈന്യത്തെ ഇസ്രായേൽ ചുരുട്ടി കെട്ടി. ലോകത്തിനു  തന്നെ അതുഭുദമായിരുന്നു  ഇസ്രയേലിന്റെ ആ ചരിത്ര വിജയം.

ഇത്തിരി പോന്ന ഒരു രാജ്യം 10 ഓളം രാജ്യങ്ങളുടെ സംയുക്ത സൈന്യത്തെ വെറും 6 ദിവസം കൊണ്ട് തുരത്തി എന്നത് മാത്രമല്ല തങ്ങളെ ആക്രമിക്കാൻ വന്ന ഈജിപ്തിന്റെയും, സിറിയയുടെയും, പലസ്തീന്റെയും, ജോർദാന്റെയും നല്ല ഭാഗം ഭൂമിയും പിടിച്ചെടുത്തു.

യുദ്ധത്തിന് ശേഷം കീഴടക്കിയ ഭൂമി തിരികെ കൊടുത്തിരുന്ന സ്ഥിരം പരിപാടി ഇസ്രായേൽ നിർത്തി. ഐക്യരാഷ്ട്ര സഭ ആവശ്യപ്പെട്ടിട്ടും  യുദ്ധത്തിൽ പിടിച്ചെടുത്ത ഭൂമി തിരികെ നൽകാൻ ഇസ്രായേൽ വിസമ്മതിച്ചു. തങ്ങളെ പലതവണ  ആക്രമിച്ച അറബ് രാഷ്ട്രങ്ങൾക്കുള്ള മുന്നറിയിപ്പും തിരിച്ചടിയായിരുന്നു അത്.

അനുഭവങ്ങളിൽ നിന്ന് പാഠം പഠിക്കാതെ  വീണ്ടും 1973 ൽ ഇസ്രയേലിനെ അറബ് സഖ്യസേന ആക്രമിച്ചു. അന്നത്തെ ഇസ്രെയേലിന്റെ തിരിച്ചടിയിൽ നിന്ന് കര കയറാൻ ആ രാജ്യങ്ങൾക്കു ഇന്നും ആയിട്ടില്ല. അമ്മാതിരി അടിയാണ് കൊടുത്ത്.

ചുരുക്കം പറഞ്ഞാൽ 1948  ൽ പലസ്തീന്റെ പകുതി വിഭജിച്ചു സൃഷ്ടിച്ച ഇസ്രായേൽ എന്ന ചെറിയ രാഷ്ട്രം അറബ് രാഷ്ട്രങ്ങളുടെ ആവേശം കാരണം 1973  ഓടെ പലസ്തീന്റെ മുഴുവൻ ഭാഗവും ഈജിപ്തിന്റെയും ജോർദാന്റെയും സിറിയയുടേയും നല്ല ഭാഗവും പിടിച്ചെടുത്തു  ഒരു വലിയ രാജ്യമായി മാറി.

ഇസ്രയേലിനെ ഒരിക്കലും യുദ്ധത്തിൽ തോൽപ്പിക്കാനാകില്ല എന്ന തിരിച്ചറിവിൽ എത്തി അറബ് രാഷ്ട്രങ്ങൾ. ഈജിപ്ത് ഇസ്രയേലുമായി സമാധാന കരാറിൽ ഒപ്പിട്ടു. ജോർദാൻ രാജാവ് ഇസ്രായേൽ സന്ദർശിച്ചു. 1948 ൽ ഇസ്രയേലിന്റെ അത്രയ്ക്ക്  വലിപ്പം ഉണ്ടായിരുന്ന പലസ്തീൻ എന്ന പ്രദേശം വെസ്റ്റ് ബാങ്കിലും ഗാസ യിലുമായി ഒതുങ്ങി.

1992  ൽ  ഇസ്രായേൽ പലസ്തീന്റെ സ്വയം ഭരണത്തെ അംഗീകരിച്ചു. പക്ഷെ തീവ്രവാദി ആക്രമണം എല്ലാ സമാധാന ചർച്ചകളെയും തകിടം മറിച്ചു. ഇപ്പോഴത്തെ ഇസ്രേയേൽ പലസ്തീൻ തർക്കത്തിന്റെ പ്രധാന വിഷയം ജെറുസലേം ആണ്. ജെറുസലേം ജൂതന്മാരും, മുസ്ലിങ്ങളും , ക്രിസ്ത്യാനികളും പുണ്യ ഭൂമിയയായി കരുതുന്ന സ്ഥലമാണ്. ഇസ്രയേലിന്റെ തലസ്ഥാനം ജെറുസലേം ആകുകയും ജെറുസലമെങ്കിൽ ജൂത പള്ളി നിർമിക്കുകയും ചെയ്താൽ മാത്രമേ ഇസ്രായേൽ എന്ന രാഷ്ട്രം അതിന്റെ പൂർണ അർത്ഥത്തിൽ നിലവിൽ വരൂ എന്ന് ജൂതന്മാർ കരുതുന്നു. ജൂതന്മാർക്കു ലോകത്തു ഒരേ ഒരു പള്ളിയെ ഉള്ളു (ബാക്കിയെല്ലാം സിനഗോഗുകൾ ആണ്). അത് ജെറുസലേം ദേവാലയം ആയിരുന്നു. നൂറ്റാണ്ടുകൾക്കു മുമ്പ് തകർത്ത ആ പള്ളി പുനര്നിര്മ്മിക്കുക എന്നതാണ് ഓരോ ജൂതന്റെയും സ്വപ്നം.   

      

ഇതേ ജെറുസലേം കേന്ദ്രമാക്കി പലസ്തീൻ എന്ന രാഷ്ട്രം സൃഷ്ടിക്കണം എന്നതാണ് പലസ്തീന്റെ ആവശ്യം. ഇതാണ് ഇസ്രയേലും പലസ്തീനുമായ പ്രധാന തർക്ക വിഷയം.

ബൈബിളിൽ ഇസ്രയേലിനെ (കാനാൻ ദേശം) തേനും പാലും ഒഴുകുന്ന സ്ഥലമെന്നൊക്കെ വിശേഷിപ്പിക്കുന്നുണ്ട് എങ്കിലും യഥാർത്ഥത്തിൽ ഇസ്രയേലിന്റെ പകുതിയും മരുഭൂമിയാണ്. ആ മരുഭുഭൂമിയിൽ നിന്നാണ് ഇസ്രായേൽ വളർന്നത്. ലോകത്തെ ഏറ്റവും മികച്ച കാർഷിക ഗവേഷണ കേന്ദ്രങ്ങൾ ഇസ്രയേലിന്റേതാണ്. മരുഭൂമിയിൽ കൃഷി ചെയ്തു വിജയിക്കാൻ  വേണ്ട വൈദഗ്ധ്യം ഇസ്രായേലിനു മാത്രമാണ് ഉള്ളത്.

മൊസാദ് എന്ന ചാര സംഘടനയെകുറിച്ചു പറയാതെ ഇസ്രയേലിന്റെ  ചരിത്രം പൂര്ണമാകില്ല. ലോകത്തെ ഏറ്റവും മികച്ചതും ഏറ്റവും അപകടകാരികളുമായ ചാര സംഘടനാ ഏതെന്നു ചോദിച്ചാൽ അതിനു ഉത്തരം ഒന്നേ ഉള്ളൂ..മൊസാദ്. 1972 ലെ മ്യൂണിക് ഒളിംപിക്സിൽ ഇസ്രയേലിന്റെ 5കായിക താരങ്ങളെ വധിച്ചപ്പോൾ ലോകം ഞെട്ടി. അതിനു ഉത്തരവാദികളെ ലോകത്തിന്റെ പല ഭാഗങ്ങളിൽ പോയി കണ്ടുപിടിച്ചു മൊസാദ് ഇല്ലായ്മ ചെയ്തു. മൊസാദ് ഓരോരുത്തരെ കൊല്ലുന്നതിനു തൊട്ടു മുമ്പ് അവരവരുടെ വീടുകളിൽ ഒരു റീത്തും കൂടെ ഒരു സന്ദേശവും  എത്തിയിരുന്നു "  A REMAINDER, WE DO NOT FORGET OR FORGIVE”.            

ഇന്ത്യ- ഇസ്രായേൽ ബന്ധം

ക്രിസ്തുവര്ഷത്തിനു മുമ്പ് തന്നെ ജൂതന്മാരുമായി ഇന്ത്യക്കു ബന്ധം ഉണ്ടായിരുന്നു എന്ന് ചരിത്രം പറയുന്നു. AD 72 ൽ തങ്ങളുടെ ദേശത്തു നിന്ന് ജൂതന്മാർ പീഡനങ്ങൾ നേരിട്ടപ്പോൾ ലോകത്തിന്റെ വിവിധഭാഗങ്ങളിലേക്കവർ ചേക്കേറി. നമ്മുടെ സ്വന്തം കൊച്ചിയിലേക്കും അവരിൽ ചിലർ എത്തി . കാലക്രമേണ ഇന്ത്യയുടെ പല ഭാഗങ്ങളിലും അവർ പല കാലഘട്ടങ്ങളിൽ വന്നു ചേർന്നു.

ലോകത്തിന്റെ പല ഭാഗങ്ങളി ചേക്കേറിയ ജൂതന്മാര്ർക് എല്ലായിടത്തുനിന്നും പീഡനങ്ങൾ ഏൽക്കേണ്ടിവന്നു, ഇന്ത്യയിൽ നിന്നൊഴികെ. ഇന്ത്യയിലെ ഭരണാധികാരികൾ ജൂതന്മാരെ സംരക്ഷിച്ചു. അതിന്റെ കടപ്പാടും നന്ദിയും ഇസ്രായേലിനു ഇന്ത്യ എന്ന രാജ്യത്തോട് എന്നുമുണ്ട്.

പലസ്തീനെ വിഭജിച്ചു ഇസ്രായേൽ എന്ന രാഷ്ട്രം രൂപീകരിക്കുന്നതിന്  ഇന്ത്യ എതിർത്തിരുന്നെകിലും ഇസ്രായേൽ നിലവിൽ വന്നു വൈകാതെ ഇന്ത്യ ഇസ്രയേലിനെ അംഗീകരിച്ചു. 1953  ൽ മുംബയിൽ ഇസ്രയേലിന്റ ഈയൊരു കോൺസുലേറ്റ് തുറക്കാനും അനുമതി നൽകി. പക്ഷെ 1992  ൽ മാത്രമാണ് ഇന്ത്യയും  ഇസ്രയേലുമായുള്ള   പൂര്ണതോതിലുള്ള  നയതന്ത്ര  ബന്ധം  സ്ഥാപിക്കുന്നത്..    

എന്തായിരിക്കാം ഇസ്രയേലും തമ്മിലുള്ള ബന്ധത്തിന് തടസ്സമായി നിന്നത്? ഇന്ത്യ പരമ്പരാഗതമായി പലസ്തീനെ പിന്തുണച്ചുപോന്നതിനു കാരണം എന്തായിരുന്നിരിക്കാം?

അറബ് രാഷ്ട്രങ്ങളെ വെറുപ്പിച്ചു ഇസ്രായേലിനു പിന്തുണ കൊടുത്താൽ എണ്ണ കിട്ടില്ല.

എണ്ണ തിരിച്ചറിവാണ് പ്രധാനമായും ഇന്ത്യ ഇസ്രായേൽ ബന്ധത്തിന് തടസ്സമായി നിന്നതു. ഇസ്രയേലിന്റെ അമേരിക്കൻ ചായ്‌വും, ഇന്ത്യയുടെ മിത്രമായിരുന്ന ഈജിപ്തുമായുള്ള ഇസ്രയേലിന്റെ ശത്രുതയുമെല്ലാം കാരണമായിട്ടുണ്ട്.

പക്ഷെ രഹസ്യമായി ഇന്ത്യയും ഇസ്രേയലുമായുള്ള സഹകരണം ഉണ്ടായിരുന്നു. 1971  ലെ ഇന്ത്യ പാകിസ്ഥാൻ യുദ്ധത്തിൽ ഇന്ത്യ ഇസ്രയേലിനോട് ആയുധങ്ങൾ ആവശ്യപ്പെട്ടിരുന്നു എന്ന വാർത്ത പുറത്തുവന്നത്  കഴിഞ്ഞ മാസമാണ്. മൊസാദും  ഇന്ത്യൻ ചാര സംഘടനയായ റോയും പരസ്പ്പര സഹകരണത്തോടെ പ്രവർത്തിക്കുന്നു. പാകിസ്താന്റെ ആണവപരീക്ഷണ കേന്ദ്രങ്ങൾ തകർക്കാൻ മൊസാദും റോയും യും പദ്ധതി തയ്യാറാക്കിയിരുന്നു എന്നും അവസാന നിമിഷം മൊറാർജി ദേശായി ആണ് എ പദ്ധതി വേണ്ടെന്നു വെച്ചതെന്നും എവിടെയോ വായിച്ചിട്ടുണ്ട്. ആ പദ്ധതി നടപ്പായിരുന്നെങ്കിൽ ഇന്നും പാകിസ്ഥാൻ ഒരു ആണവ രാജ്യമാകുമായിരുന്നില്ല.

കാർഗിൽ യുദ്ധ സമയത്തു അമേരിക്ക ഇന്ത്യക്കു സഹായം നിഷേധിച്ചപ്പോൾ ഇന്ത്യക്കു ആയുധങ്ങൾ നൽകിയത് ഇസ്രായേൽ ആണ്. ഇന്ത്യയുടെ സൈനിക പരീക്ഷങ്ങളിൽ ഇസ്രായേൽ സ്ഥിരം പങ്കാളികളാണ്. എന്തിനു IPS ട്രെയിനികൾക്കു വരെ ഇസ്രായേലിൽ പരിശീലനം നൽകുന്നു.

കൃഷിയിലും ജലസേചനത്തിലും വൻ കുതിച്ചു ചാട്ടം നടത്തിയ ഇസ്രയേലിന്റെ സാങ്കേതിക വിദ്യ ഇന്ത്യ ഉപയോഗിക്കാൻ പോകുന്നു. ഇസ്രേയലുമായുള്ള ഇന്ത്യയുടെ അതിശക്തമായ ബന്ധം പാകിസ്ഥാനും ചൈനക്കുമുള്ള മുന്നറിയിപ്പുകൂടിയാണ്.

ഒരു ഇന്ത്യൻ പ്രധാന മന്ത്രി ആദ്യമായാണ് ഇസ്രായേൽ സന്ദർശിക്കുന്നത്  എന്ന് തത്വത്തിൽ പറയാമെങ്കിലും ഇന്ത്യയും  ഇസ്രേയലും തമ്മിലുള്ള ബന്ധം പണ്ടുമുതലേ അതിശക്തമാണ്.

ഇസ്രയേലിന്റെ ശക്തി ലോകരാഷ്ട്രങ്ങൾക്കും അറിയാം. അവരെ ചൊറിയാൻ പോയാലുള്ള അനുഭവം വിവരിക്കേണ്ടല്ലോ. ഇന്ത്യ ഇസ്രയേലുമായി  സഹകരിക്കുന്നതിനെ എതിർക്കുന്നവർ ചൈന ഇസ്രായേലിൽ നിന്ന് ആയുധങ്ങൾ ഇറക്കുമതി ചെയ്യുന്നു എന്ന കാര്യം മറക്കരുത്.     

ഇന്ത്യക്കു ഇസ്രെയേലിൽ നിന്ന് ഒത്തിരി കാര്യങ്ങൾ പഠിക്കാനുണ്ട്. രണ്ടു രാജ്യങ്ങളും ശത്രുരാജ്യങ്ങളാൽ ചുറ്റപ്പെട്ടു കിടക്കുന്നു. ഇന്ത്യ പക്ഷെ ശത്രുക്കളുടെ  പല തരത്തിലുള്ള അക്രമങ്ങളെയും കണ്ടില്ല എന്ന് നടിച്ചു ക്ഷമിക്കുന്നു. ഇസ്രെയേലിന്റെ രണ്ടു സൈനികരെ പലസ്തീൻ തീവ്രവാദികൾ തട്ടിക്കൊണ്ടു പോയി വധിച്ചപ്പോൾ ഇസ്രായേൽ അതിനു പ്രതികരം ചെയ്തത് ലോകം കണ്ടതാണ്.

ഒരിക്കൽ ഒഴികെ തങ്ങളെ ഇങ്ങോട്ടു ആക്രമിച്ചപ്പോൾ മാത്രമാണ് ഇസ്രായേൽ തിരിച്ചടിച്ചിട്ടുള്ളത്. ഇന്ത്യയും അങ്ങനെ തന്നെ. പക്ഷെ ഇസ്രായേൽ അവർ പിടിച്ചെടുത്ത ശത്രുക്കളുടെ  ഭൂമി തിരിച്ചു നൽകിയില്ല.   ഇന്ത്യക്കു 1971  ലെ യുദ്ധത്തിന് ശേഷം പാകിസ്താന്റെ അധീനതയിലുള്ള കാശ്മീർ മൊത്തത്തിൽ തിരിച്ചുപിടിക്കുമായിരുന്നു. അത്  ചെയ്യാതിരുന്നതാണ് ഇപ്പോഴും നമ്മൾ അനുഭവിക്കുന്നത്‌

പോപ്‌കോൺ..

ചോളം ചൂടാക്കുമ്പോൾ അതിന്റെ ഉൾ‌വശത്തുള്ള പരിപ്പ് ചെറിയ ശബ്ദത്തിൽ പൊട്ടി വിരിഞ്ഞ് വരുന്ന പൂമ്പാറ്റയുടെ ആകൃതിയിലുള്ള വെള്ള നിറത്തോട്കൂടിയ ഭക്ഷ്യയോഗ്യമായ ഒന്നാണ്‌‌ പോപ്‌കോണ്‍ അഥവാ ചോളാപ്പൊരി . കൂൺ ആകൃതിയിലുമുള്ള ചോളാപ്പൊരിയുമുണ്ട്.

അമേരിക്കയിലും യൂറോപ്പിലും

വൻ സ്വീകാര്യതയാണ് പോപ്‌കോണിന് ഉളളത്. പ്രത്യേകിച്ച് ആരോഗ്യത്തിന്റെ കാര്യത്തില് ശ്രദ്ധ പുലര്ത്തുന്നവരുടെ ഇടയില്.. പോപ്പ് കോണ് ആരോഗ്യത്തിന് നല്ലതാണന്നാണ് ഇവരുടെ അഭിപ്രായം. കലോറിയുടെ അളവ് കുറവായതും ഒപ്പം ഫൈബറിന്റെ അളവ് കൂടുതലുളളതും ഇതിനെ മികച്ച പലഹാരങ്ങളുടെ ഗണത്തില് ഉൾപ്പെടുത്താൻ കാരണമായി.

അമേരിക്കക്കാരാണ്

പോപ്‌കോൺ കണ്ടുപിടിച്ചത്. 1930 കളിൽ ലോകത്തെ പ്രത്യേകിച്ചും അമേരിക്കയെ പിടിച്ചുകുലുക്കിയ സാമ്പത്തിക പ്രതിസന്ധി കാലത്താണ് ഇടവേളകളിലെ ചെറു ഭക്ഷണമായി പോപ്‌കോൺ ജനപ്രിയമാകുന്നത്. അക്കാലത്ത് എല്ലാ വാണിജ്യങ്ങളും പരാജയമായപ്പോൾ, താരതമ്യേന ചെലവ് കുറഞ്ഞ പോപ്‌കോൺ കച്ചവടത്തിലേക്ക് ജനങ്ങൾ തിരിയുകയായിരുന്നു. ചെറിയ കർഷകർക്ക് ഇതൊരു വരു‍മാനമാർഗ്ഗമായിമാറി.

രണ്ടാംലോകയുദ്ധസമയത്ത് 

പഞ്ചസാരയുടെ ദൗർലഭ്യം കാരണം അമേരിക്കൻ ജനത പോപ്‌കോൺ ഭക്ഷിക്കുന്നത് മൂന്നിരട്ടിയായി വർദ്ധിപ്പിച്ചു.ഇന്ന് ലോകവ്യാപമായി പോപ്‌കോൺ പ്രിയമേറിയ ഒരു സ്‌നാക്സായി കണക്കാക്കപെടുന്നു.

വാണിജ്യാടിസ്ഥാനത്തിൽ പോപ്‌കോൺ ഉണ്ടാക്കുന്നതിന്‌ പ്രത്യേകമായ യന്ത്രം ആവശ്യമാണ്‌. എന്നാൽ ചെറിയ തോതിൽ പോപ്‌കോൺ പാചകം ചെയ്യുന്നതിന്‌ ഇതിന്റെ ആവശ്യമില്ല. ഒരു ആഴമുള്ള പാത്രം അടുപ്പത്ത് വച്ച് ചൂടായി വരുമ്പോൾ അല്പം പാചകയെണ്ണ ഒഴിക്കുക. അതിലേക്ക് ഉണക്കിയെടുത്ത ചോളമണികൾ ചേർക്കുകയും പാത്രം കുറച്ച് സമയം അടച്ച് വെക്കുകയും ചെയ്യുക.കുറച്ചു സമയം കഴിയുമ്പോൾ പാത്രത്തിനകത്തുള്ള ചോളം ചെറിയ ശബ്ദത്തിൽ പൊട്ടുന്നത് കേൾക്കാം. പൊട്ടുന്ന ശബ്ദം ഇല്ലാതാകുന്നതോട്കൂടി പോപ്‌കോൺ തയ്യാറായി എന്ന് കണക്കാക്കാം.

പഴങ്ങളിലും പച്ചക്കറികളിലും മറ്റും കാണപ്പെടുന്ന പോളിഫിനോള്സ്, ആന്റി ഓക്സിഡന്റുകള് തുടങ്ങിയവ പോപ്കോണിലും ഉളളതായി അടുത്തിടെ നടത്തിയ പഠനത്തില് കണ്ടെത്തിയിരുന്നു. സാധാരണ ഒരു പഴത്തില് അടങ്ങിയിരിക്കുന്ന പോളിഫിനോളിന്റെ അളവ് 160 മില്ലിഗ്രാമാണ്. എന്നാല് അതേ അളവിലുളള പോപ്പ്കോണില് പോളിഫിനോളിന്റെ അളവ് 300 മില്ലിഗ്രാമിന് അടുത്താണ്. പോപ്പ്കോണില് അടങ്ങിയിരിക്കുന്ന ചില ആന്റി ഓക്സിഡന്റുകള്ക്ക് ക്യാന്സറിനെ ചെറുക്കാനുളള കഴിവുണ്ടെന്നും പഠനം നടത്തിയ യൂണിവേഴ്സിറ്റി ഓഫ് സ്ക്രാന്ടണിലെ ഗവേഷകര് കണ്ടെത്തിയിരുന്നു. എന്നാല് എല്ലാ പോപ്പ്കോണും ഒരേ രീതിയില് അല്ല ഉണ്ടാക്കുന്നത് എന്നതിനാല് ഇതിന്റെ ഗുണങ്ങളിലും വ്യത്യാസമുണ്ടാകും.

മൈക്രോവേവ് പോപ്പ്കോണില് 43 ശതമാനവും കൊഴുപ്പാണ് അടങ്ങിയിരിക്കുന്നത്. എന്നാല് വീട്ടില് എണ്ണയില് സ്വയം തയ്യാറാക്കുന്ന കോണില് 28 ശതമാനം മാത്രമേ കൊഴുപ്പ് അടങ്ങിയിട്ടുളളു. പോപ്‌കോൺ ഉണ്ടാകുന്നതിനായുള്ള ചോളധാന്യം പ്രത്യേകമായി ഉണക്കി പാക്ക് ചെയ്തവ

പല രുചികളിലും മണങ്ങളിലും ഇന്ന് വിപണികളിൽ ലഭ്യമാണ്‌.

ഇസ്രായേലിൻറെ സഹായം..

1971 ലെ ഇന്ത്യ പാക്ക് യുദ്ധകാലത്തു ആദ്യം ഇന്ത്യയുടെ കൂടെ നിന്ന ഗൾഫ് രാജ്യങ്ങൾ ഒറ്റ

രാത്രി കൊണ്ടു നിലപാടു മാറ്റി അമേരിക്കയുടെ

കൂടെ പാക്കിസ്ഥാനെ പിന്തുണച്ചു.അമ്പതിനായിരം കുഴി ബോംബുകൾ അടങ്ങിയ ഒരു കപ്പൽ അന്നത്തെ പാക്കിസ്ഥാന്റെ തുറമുഖമായ ചിറ്റാഗോങ്ങിലേക്കു അയച്ചതു സൗദിയാണു.എന്നാൽ ആ കപ്പൽ

ഇന്ത്യൻ നേവി തകർത്തു. പിന്തുണക്കാൻ

സോവിയറ്റ് യൂണിയൻ മാത്രമായി നിന്ന ഇന്ത്യയെ

പിന്തുണക്കാൻ ജനിച്ചിട്ടു 4 വർഷം പോലും തികയാത്ത ഒരു രാജ്യം

 ഓടിയെത്തി,പണ്ടു ലോകം മുഴുവനും തങ്ങളെ ആട്ടിയോടിച്ചപ്പോഴും

അവരെ രണ്ടു കൈയ്യും നീട്ടി സ്വീകരിച്ചു

ജീവിക്കാൻ അനുവദിച്ച ഇന്ത്യയെ സഹായിക്കാൻ

വന്നതു മറ്റാരുമല്ലാ ''ഇസ്രായേലും ജൂത വംശവുമാണു"

ഇൻഡ്യയുടെ ഏറ്റവും അടുത്ത സുഹൃത്താണ് ഇസ്രായേൽ, ആപത്ത് കാലത്ത് കുടെ നിൽക്കുന്നവർ,കാർഗിൽ യുദ്ധത്തിൽ നമ്മെ സഹായിച്ച ഒറ്റ സുഹ്രത്ത്.

എന്തുകൊണ്ട് ഇസ്രേയൽ ഇന്ത്യയെ ഇത്ര സ്നേഹിക്കുന്നു.

70 വർഷത്തിനിടെ ഒരിന്ത്യൻ പ്രധാനമന്ത്രിയും അവിടെ പോയിട്ടില്ല! ഒരിക്കലും യുഎന്നിൽ ഇന്ത്യ ഇസ്രേയലിനെ അനുകൂലിച്ചിട്ടില്ല! പലപ്പോഴും എതിർത്ത് വോട്ട് ചെയ്യുകയും ചെയ്തു! 

എന്നിട്ടും ഏത് പ്രതിസന്ധിയിലും ഇന്ത്യ പോലും ആവശ്യപ്പെടാതെ സഹസ്രഹസ്ത സഹായവുമായി ഇസ്രേയൽ ഇന്ത്യയ്ക്കു മുന്നിലെത്തി.പൊഖ്റാനിലെ അണു പരീക്ഷണത്തെ തുടർന്ന് ചിരകാല സുഹൃത്തായ റഷ്യ പോലും കൈവിട്ടിടും ലോക ഉപരോധത്തെ അതിജീവിക്കാൻ ഇസ്രേയൽ ഇന്ത്യയ്ക്കൊപ്പം നിന്നു. ഇന്ത്യയ്ക്കിന്നുള്ള മോഡേൺവെപ്പൺസിന്റെ 60% ഇസ്രേയലി നിർമ്മിതമാണ്. ഇന്ത്യയുടെ NSG, പാരമിലിറ്ററി കമാൻഡോ ട്രെയിനിങ്ങിന്റെ അന്തിമഘട്ടം ഇസ്രേയലിൽ നിന്നാണ്. ഇന്ത്യൻ ചാര സംഘടനയായ റോയുടെ ഉറ്റമിത്രമാണ് അവരുടെ മൊസാദ്.

ഇപ്പോഴിതാ ഇന്ത്യൻ പ്രധാനമന്ത്രിയുടെ സന്ദർശനം ഉൽസവമാക്കി മാറ്റുന്നു ഇസ്രേയൽ.

ഇസ്രേയലിന്റെ ഇന്ത്യയോടുള്ള സ്നേഹത്തിന് കാരണം മതമോ രാഷ്ട്രീയമോ അല്ല. നന്ദിയാണ്... കടപ്പാണ്. ഹിറ്റ്ലറുടെ കാലം മുതൽ സ്വന്തം മണ്ണിൽ നിന്നും ആട്ടിയോടിക്കപ്പെട്ട ജനതയെ ആലിംഗനം ചെയ്തു സ്വീകരിച്ച് അതിഥി ദേവോ ഭവ: എന്നും പറഞ്ഞ് അഭയം നൽകിയ നാടിനോടുള്ള കടപ്പാടാണ്. അഭയം ചോദിച്ചെത്തുന്നവരെ സംരക്ഷിക്കുന്നതാണ് ഭാരതത്തിന്റെ പാരമ്പര്യം. ദലൈലാമക്ക് അഭയം കൊടുത്തത്തിന്റെ പേരിൽ ഒരു യുദ്ധവും ചൈനയുടെ ഒടുങ്ങാത്ത ശത്രുതയും നാം നേരിടുന്നു. എന്നിട്ടും നാം പിൻമാറിയില്ല. കാരണം അത് നമ്മുടെ നാടിന്റെ ധർമ്മമാണ്. മഹത്തായ ധർമ്മം കൈവിടാത്തതു കൊണ്ട് ഇസ്രേയലിനെ പോലൊരു ഉറ്റമിത്രത്തെ നമുക്ക് കിട്ടി.

ഇസ്രയേലിന്റെ ടെക്നോളജിയും മൊസാദിന്റെ സഹായവും നമ്മൾക്ക് ആവശ്യമാണ് !!! അതിലുപരി ആപത്തിൽ സഹായിക്കുന്ന നട്ടെല്ലുള്ള, വിശ്വസിക്കാവുന്ന ഒരു രാജ്യമാണ് ഇസ്രയേൽ!!!

പ്രണയിക്കുക മക്കളെ.. നിങ്ങളെ പ്രണയിക്കുന്ന മാതാപിതാക്കളെ കൂടി..

പ്രണയ നിരസിച്ച ഒരുപെൺകുട്ടി കൂടി കൊല്ലപ്പെട്ടു...  ഓരോ  കൊലപാതകം നടക്കുമ്പോഴും പെൺകുട്ടികൾ കരുതുക.. എന്റെ കാമുകൻ എന്നോട് അങ്ങനെ ചെയ്യില്ല  എന്നു തന്നെയാണ്... പക്ഷെ ! സംഭവിക്കുന്നത് അതല്ല.. വിളിച്ചു കൊണ്ട് പോയും. ഇരിക്കുന്നിടത്തു വന്നും ഒക്കെ കാമുകൻ കൊലയാളിയാകുന്നു... 

എന്ത് കൊണ്ടാണ് ഇങ്ങനെ സംഭവിക്കുന്നത്?  എന്ത് ജാഗ്രതയാണ്  ഇതിനു വേണ്ടി എടുക്കാൻ കഴിയുക.. വൈകുന്നേരം 3 മണി കഴിഞ്ഞാൽ ബസ്റ്റാന്റുകളിലും മറ്റു ഇടവഴികളിലും പ്ലസ് വൺ മുതലുള്ള പെൺകുട്ടികൾ അവരവരുടെ കാമുകന്മാരുമായി കൂട്ടം കൂടി നിൽക്കുന്നത് കാണാം...  വീട്ടിലുള്ളവരെ നല്ല അസ്സലായി കബളിപ്പിക്കാൻ  ഇവർ പഠിച്ചിട്ടു മുണ്ട്.... ഇതൊക്കെ ഒരു സന്തോഷവും  അതിലും അപ്പുറവും കടന്നാൽ സുഖവുമുള്ള കാര്യവുമാണ്.. എന്നാൽ അതു  നിങ്ങളെ പെട്രോൾ ഒഴിച്ച് കത്തിക്കുന്ന, കുപ്പി പൊട്ടിച്ചു കഴുത്തറക്കുന്ന, നെഞ്ചു കത്തിക്ക്  കുത്തിപ്പിളർക്കുന്ന, തല കോടാലിക്ക് വെട്ടി മാറ്റുന്ന അവസ്ഥയിൽ എത്തിയാൽ.......... നിങ്ങളുടെ സ്വപ്നങ്ങളെവിടെ?  ഭാവിയെവിടെ?  

മക്കളേ.. നിങ്ങൾ അടുത്ത വീട്ടിൽ ഒരു കുഞ്ഞു വാവ ഉണ്ടെങ്കിൽ  ആ വീട്ടിൽ പോയി അവർ അതിനെ എങ്ങനെ വളർത്തുന്നു എന്നു നോക്കുക... നിലത്തു വയ്ക്കാതെ ചുമന്നു കൊണ്ട് നടന്നു മതിവരാതെ കുഞ്ഞിനെ ചുംബിക്കുന്ന മാതാപിതാക്കളെ കാണാം...  ഒരു സംശയവും വേണ്ട... നിങ്ങൾ പ്ലസ് വൺ വരെ എത്തിയത് ഇതു പോലെ തന്നെയാണ്..... 

നിങ്ങൾ വളർന്നപ്പോൾ നിങ്ങളെ ശ്രദ്ധിക്കുന്ന കാര്യത്തിൽ മാതാപിതാക്കൾ അല്പം പിന്നിലായി കാണും.. നിങ്ങളെ ഒരു നിലയിലെത്തിക്കണമെങ്കിൽ എന്ത് മാത്രം  അവർ അദ്ധ്വാനിയ്ക്കണം ആ കഷ്ടപ്പാടിനിടയിൽ പഴയ ലാളനയോ ശ്രദ്ധയോ തന്നു  എന്നു വരില്ല.. പല വിധ വിഷമങ്ങൾക്കിടയിൽ നിങ്ങളുടെ ചെറിയ പിഴവുകൾക്ക്  അവർ വലിയ വഴക്ക് പറഞ്ഞേക്കാം... 

പക്ഷെ ! അതു മൂലം നിങ്ങൾ അവരിൽ നിന്നും അകലുമെന്നോ,  നിനക്ക് ഞാനുണ്ട് പെണ്ണേ എന്നു പറയാൻ പുറത്തു മറ്റൊരാൾ വരുമെന്നൊ എന്നൊന്നും അവർ കരുതുന്നില്ല....  

നിങ്ങളോ മാതാ പിതാക്കളിൽ നിന്ന് അകലുന്നു എന്നറിയിക്കാതെ അവരിൽ നിന്നകന്ന് വെളിയിൽ കുളിരും തണലും തരുന്ന  വാക്കുകളിലൂടെ.. അല്ലെങ്കിൽ നിങ്ങളെ ആകർഷിയ്ക്കുന്ന ഏതെങ്കിലും ഗിഫ്റ്റുകളോടെ നിങ്ങളെ സമീപിക്കുന്നവരെ പ്രണയിക്കുന്നു..... .. 

അവനെ കാണുന്നത് സുഖം, അവനോടു മിണ്ടുന്നതു സുഖം.. അങ്ങനെ സുഖങ്ങൾ ഏറുകയാണെല്ലോ..? 

സത്യത്തിൽ ഈ  പ്രണയ  കൊലയാളികൾ സ്നേഹമില്ലാത്തവരല്ല.. അവർ കാമുകിയെ ഒരുപാടങ്ങു സ്നേഹിക്കുകയാണ്. അവൾ കൈ വിട്ടു പോകുന്നത് സഹിക്കാനാവുന്നില്ല... അവൾ മറ്റൊരാളുടെ ആകുന്നതു സഹിക്കാനാവുന്നില്ല.. 

പ്രണയിച്ചു മോഹിപ്പിച്ചു കാലുമാറുമ്പോൾ പാട്ട്‌ പാടി നടക്കുന്ന പഴയ  രമണനോ പരീക്കുട്ടിയോ  ഇന്നില്ല.. എനിക്ക് കിട്ടിയില്ലെങ്കിൽ ആർക്കും കൊടുക്കില്ല എന്ന നിലപാടെടുക്കുന്ന പ്രതികാര കാമുകന്മാരാണ് ഇപ്പോൾ.... 

പെൺകുട്ടികൾ മനസിലാക്കണം  ഒരു സുപ്രഭാതത്തിൽ പ്രണയിക്കൂ എന്നു പറഞ്ഞ് ഒരുവൻ വരികയും.. താല്പര്യമില്ല എന്നു പറയുമ്പോൾ അവൻ കൊല്ലുകയും അല്ല.. പത്രം വായിച്ചാൽ അങ്ങനെ തോന്നും... എന്നാൽ  സത്യം എന്താണ് മാസങ്ങളോ വർഷങ്ങളോ കൊണ്ട് നടന്ന പ്രണയത്തിൽ നിന്ന്  ഒരു മുന്നറിയിപ്പും കൊടുക്കാതെ കാമുകി പിന്മാറുകയാണ്.. പിന്നെ അവഗണന, പുച്ഛം, ഒടുവിൽ മാതാ പിതാക്കളോടു പരാതി,, പോലീസിൽ പരാതി.... നിങ്ങൾ നിങ്ങളുടെ മിത്രത്തെ ഏറ്റവും വലിയ ശത്രു ആക്കി മാറ്റുകയാണ്... 

നിങ്ങൾക്ക് നിങ്ങളുടെ പ്രണയം പിൻവലിക്കാൻ അവകാശമില്ലേ എന്നൊക്കെ ചിലപ്പോൾ ചോദിച്ചേക്കാം.. ശരിയായ റൂട്ടിൽ നടന്നു നീങ്ങുന്ന ഒരാളുടെ നേരെ റോങ് സൈഡിൽ കൂടി ഒരു വാഹനം പാഞ്ഞു വന്നാൽ  ഓടി മാറണോ.. അതോ ഞാനാ ശരി എന്നു പറഞ്ഞ് അവിടെ നിന്ന് വണ്ടിയിടിച്ചു ചാകണോ...? 

 

പ്രണയിക്കാനും പ്രണയം പിൻവലിക്കാനുമുള്ള അവകാശം മാറ്റി വച്ച്.. ഒന്നുങ്കിൽ പ്രണയിക്കുക  അല്ലെങ്കിൽ പ്രണയിക്കാതിരിക്കുക എന്ന നിലപാട് സ്വീകരിയ്ക്കുക.. 

എന്നെങ്കിലും ഒരിയ്ക്കൽ  ഒരു ജീവിതപങ്കാളിയെ നിങ്ങൾക്ക് ലഭിയ്ക്കും അതു ലോകത്തിന്റെ സിസ്റ്റമാണ്.. മാതാപിതാക്കൾ തന്നെ അതു കണ്ടെത്തി തരും.. ആ  ആളെ പ്രണയിച്ചാൽ പോരെ... ഇപ്പോൾ നിങ്ങൾക്കുണ്ട് എന്നു പറയുന്ന എല്ലാ സുഖവും സന്തോഷവും ഒരു പക്ഷെ അതിലും കൂടുതൽ നിങ്ങൾക്ക് ലഭിയ്ക്കും..

അതല്ല നേരത്തെ പ്രണയിക്കണം എന്നുള്ള തോന്നൽ ഉണ്ടായാൽ... പ്രണയം തുടങ്ങി കൂട്ടുകാരന്റെ നിലവാരം അളക്കാൻ നിൽക്കരുത്.. ഓരോ കാമുകനും ഓരോ നുണയന്മാരാണ്.. നിങ്ങളുടെ പ്രണയം ലഭിയ്ക്കാൻ അവർ പോരായ്മകൾ മറച്ചു വയ്ക്കും.. നിങ്ങൾ പ്രണയിച്ചു കഴിഞ്ഞാൽ നിങ്ങളെ നഷ്ടമാകുന്നത് തടയാൻ അവർ പദ്ധതികൾ ഇടും..  ഒരുമിച്ചുള്ള ഫോട്ടോ, യാത്ര, തുടർച്ചയായുള്ള ഫോൺ വിളി, വ്യവസ്ഥ താക്കീത്, തുടങ്ങി നിങ്ങൾക്ക് മുൻപിൽ അവർ വലിയ കുടുക്കു തന്നെ  തീർക്കും.... അതു കുടുക്കാണെന്ന് അറിയുമ്പോൾ ആണ് നിങ്ങൾ ആ ബന്ധം അവസാനിപ്പിക്കാൻ ശ്രമിക്കുന്നത്‌...... എന്നാൽ അതു  ജീവന് ഭീക്ഷണിയാകുന്ന സാഹചര്യം ആണ് ഇപ്പോൾ ഉള്ളത്..... 

മക്കൾ ചക്രംവ്യൂഹം എന്നു കേട്ടിട്ടുണ്ടോ.. കൗരവരുടെ ഒരു യുദ്ധ തന്ത്രമാണത്.. അകത്തോട്ടു കേറിയാൽ പുറത്തേക്കുള്ള വഴി കണ്ടു പിടിയ്ക്കുക സാധ്യമല്ല... അറിയാൻ പാടില്ലാതെ അതിനകത്തു കടന്നു കൊല്ലപ്പെട്ട യോദ്ധാവാണ് അഭിമന്യു..    നിങ്ങൾക്കു മുൻപിൽ  ഇപ്പോൾ ഉള്ള പ്രണയം  ഒരു ചക്രവ്യൂഹം ആണ്.. ജീവനോ  ജീവിതമോ ചക്രവ്യൂഹം വാഗ്ദാനം ചെയ്യുന്നില്ല കൊല്ലുക എന്നതാണ് പ്ലാൻ.. ഇതിൽ കടക്കാൻ എളുപ്പമാണ്.. ഫേസ് ബുക്ക്‌ ഫ്രണ്ട്‌സ്, വാട്സ്ആപ് ഗ്രൂപ്പ്‌, ട്വിറ്റർ തുടങ്ങിയ സോഷ്യൽ മീഡിയകൾ,  നിങ്ങളുടെ കൂട്ടുകാരികൾ, അവരുടെ ആങ്ങളമാർ, നിങ്ങളെക്കാൾ പ്രായമുള്ള കൂട്ടുകാരന്മാർ, ലഹരിയ്ക്കടിമയായിട്ടുള്ള സമപ്രായക്കാർ.. അങ്ങനെ  ഒട്ടനവധി വഴികൾ ഇതിനുള്ളിൽ kadakkanundu... എന്നാൽ  തിരിച്ചിറങ്ങാൻ  ഒരു വഴിയും ഇല്ല... 

അതു കൊണ്ട്.. ഇപ്പോൾ ആരോടെങ്കിലും ഒരു പ്രണയം നിങ്ങൾക്ക് തോന്നിയിട്ടുണ്ട് എങ്കിൽ.. അതു അവനോടു പറഞ്ഞിട്ടില്ല എങ്കിൽ.. ഭാഗ്യം... ഒരിയ്ക്കലും അതു പറയേണ്ടേ.. ഒരു നഷ്ടവും ഉണ്ടാകില്ല.. 

വിദ്യാഭ്യാസം മുന്നോട്ടു കൊണ്ട് പോവുക... നന്നായി പ്രാർത്ഥിയ്ക്കുക.. അപ്പനേം അമ്മയേം അങ്ങളെയെയും സഹോദരിയെയും പ്രണയിക്കുക...... അവർക്കു നിങ്ങളോടുള്ള പ്രണയം തിരിച്ചറിയുക... പ്രണയം അമൂല്യമാണ് അതു വഴിയേ പോകുന്നവർക്കോ കണ്ണിൽ കാണുന്നവർക്കോ കൊടുക്കാനുള്ളതല്ല......... അതു ഗ്യാരന്റി ഉള്ള സ്നേഹ തരുന്നവർക്കു കൊടുക്കാനുള്ളതാണ്... ഗ്യാരന്റിയുള്ള സ്നേഹം.. ദൈവം കഴിഞ്ഞാൽ പിന്നെ നമ്മുടെ കുടുംബത്തിൽ ഉള്ളവർക്കേ ഉള്ളൂ........ അതു കൊണ്ട് നിങ്ങളുടെ പ്രണയം വീടിനു പുറത്തേക്കു ദയവു ചെയ്ത് കൊടുക്കരുത്.... മുന്നിൽ ചിരിച്ചു നിൽക്കുന്ന സുന്ദരൻ കാമുകനല്ല.. പിന്നിൽ കത്തി മറച്ചു പിടിച്ചിരിക്കുന്ന കൊലയാളിയാണ്....... സൂക്ഷിയ്ക്കുക..........എല്ലാം മാതാപിതാക്കളും മക്കളേ ദൈവത്തിനു സമർപ്പിച്ചു പ്രാർത്ഥിയ്ക്കുക... ഞാനും പ്രാർത്ഥിക്കാം.....

ആൺകുഞ്ഞും പെൺകുഞ്ഞും ഉണ്ടാവുന്നതെങ്ങനെ..?

മനുഷ്യനിൽ 23 ജോഡി കോമോസോമുകളാണ് ഉള്ളത്. ഇതിൽ 44 എണ്ണം ഓട്ടോസോമുകളും രണ്ടെണ്ണം ലൈംഗിക ക്രോമോസോമുകളും ആണ്. തൊലിയുടെ നിറം, ആകൃതി, ബുദ്ധി, ശക്തി, മുടി എന്നിവയൊക്കെ നിയന്ത്രിക്കുന്നത് ഓട്ടോസോമുകളാണ്. അതിന്റെ ലിംഗവിത്യാസം നിർണയിക്കുന്നത് ലൈംഗിക ക്രോമോസോമുകളാണ്.

പുരുഷപ്രകൃതി Y എന്ന ക്രോമോസോമാണ് നിയന്ത്രിക്കുന്നത്. സ്ത്രീ പ്രകൃതി X എന്ന ക്രോമോസോമും.പുരുഷനിൽ XY എന്നീ രണ്ട് ക്രോമോസോമുകൾ കാണുമ്പോൾ സ്ത്രീയിൽ X മാത്രമാണ് കാണുക. അതായത് 23 ജോഡി ക്രോമോസോമുകളെന്ന് ഞാൻ തുടക്കത്തിൽ പറഞ്ഞല്ലൊ. അതുപ്രകാരം സ്ത്രീയിൽ ക്രോമോസോമുകൾ 22 XX ഉം, (22+XX=23) പുരുഷനിൽ 22 XY ഉം (22+XY=23)ആയിരിക്കും.

പുരുഷനിൽ നിന്നുണ്ടാകുന്ന ബീജകോശം സ്ത്രീയിൽ നിന്നു ഉണ്ടാകുന്ന അണ്ഡത്തിൽ നിന്നു തീരെ വിഭിന്നമാണ്. അണ്ഡകോശങ്ങൾ സൃഷ്ടിക്കപ്പെടുന്നത് ഒരു പ്രത്യേകതരം കോശവിഭജനം വഴിയാണ്.ഇതിൽ കോശങ്ങളുടെ ക്രോമോസോമുകൾ പകുതി മാത്രമായിരിക്കും അതായത് 23 മാത്രം. മാത്രമല്ല എല്ലാ സ്ത്രീ ബീജങ്ങളും ഒരേ തരത്തിലാണ് X ക്രോമോസോമുകൾ അടങ്ങുന്നവ.പുരുഷനിൽ കോശവിഭജനത്തിനു ശേഷമുണ്ടാകുന്ന ബീജം രണ്ടു തരത്തിലാവാം X അല്ലെങ്കിൽ Y.

പുരുഷനിലെ X or Y ക്രോമോസോമിലെ X എന്ന സ്ത്രീ ക്രോമോസോമുള്ള ബീജം സ്ത്രീയിലെ X നോട് ചേരുമ്പോൾ XX ഉണ്ടാകുന്നു, അത് പെൺകുഞ്ഞായിരിക്കും.അതുപോലെ  X or Y ലെ Y ക്രോമോസോം സ്ത്രീയിലെ X നോട് ചേരുമ്പോൾ XY എന്ന ക്രോമോസോം ഉണ്ടാകുന്നു, അത് ആൺ കുഞ്ഞായിരിക്കും. ബീജസങ്കലനം കഴിഞ്ഞ് ഉടനെ അത് വേഗത്തിൽ രണ്ട്, നാല്, എട്ട് എന്നിങ്ങനെ വിഭജിച്ച് വികസിച്ചു കൊണ്ടിരിക്കും. നാലഞ്ച് ദിവസത്തിനുള്ളിൽ ഗർഭാശയത്തിന്റെ ഉൾചർമ്മത്തിൽ പറ്റിപ്പിടിക്കും. പത്ത് പന്ത്രണ്ട് ദിവസത്തിനുള്ളിൽ അതവിടെ ഉറച്ചു നിൽക്കുകയും ഒരു ഭ്രൂണമായി തീരുകയും ചെയ്യും.

സ്ത്രീകളിൽ X എന്ന സ്ത്രീ ക്രോമോസോം മാത്രമുള്ളതുകൊണ്ടും പുരുഷനിൽ X ഉം Y ഉം ഉള്ളതുകൊണ്ടും ഗർഭസ്ഥശിശുവിന്റെ ലിംഗഭേദം നിർണയിക്കുന്നതിന്റെ മുഴുവൻ ചുമതലയും പുരുഷബീജത്തിനാണ്.

ആൺ കുഞ്ഞുണ്ടാവാത്തതിന്റെ പേരിൽ സ്ത്രീകളെ പഴിചാരുന്നവർ ഇതൊന്നറിഞ്ഞു വെക്കുക..

വിറ്റാമിൻ ഡി കുറവ് എങ്ങനെ പരിഹരിക്കാം..?

വൈറ്റമിൻ ഡി-യെക്കുറിച്ചു കേൾക്കാത്തവരുണ്ടാകില്ല. ഇന്ന് വളരെ കൂടുതലായി കാണപ്പെടുന്ന ഒരു പ്രശ്നമാണ് വൈറ്റമിൻ ഡിയുടെ കുറവ്! കുട്ടികളിൽ മാത്രമല്ല, മുതിർന്നവരിലും ഇതൊരു പ്രശ്നം തന്നെയാണ്.*

ഇത് ശരീരത്തിന് ആവശ്യമുള്ളതാണോ?

സംശയമുണ്ടോ? 

അത്യാവശ്യം തന്നെ!

നമ്മൾ പലരും കാത്സ്യത്തെപ്പറ്റി കേട്ടിട്ടുണ്ട് അല്ലേ? എല്ലുകളുടെയും പല്ലുകളുടെയും വളർച്ചയ്ക്ക് അത് അത്യാവശ്യമാണ്. എന്നാൽ, ഈ കാത്സ്യത്തെ നമ്മുടെ ശരീരത്തിലേക്ക് ആഗിരണം ചെയ്യാൻ സഹായിക്കുന്നതാണ് വൈറ്റമിൻ ഡി. അതായത് നമ്മൾ എത്ര കാത്സ്യം ഉള്ള ഭക്ഷണങ്ങൾ കഴിച്ചിട്ടും കാര്യമില്ല, വൈറ്റമിൻ ഡി ഇല്ലെങ്കിൽ അതൊന്നും ശരീരത്തിലേക്ക് ആഗിരണം ചെയ്യപ്പെടില്ല. അത് തന്നെയാണ് പ്രാധാന്യവും.

എവിടെ നിന്നാണ് വൈറ്റമിൻ ഡി കിട്ടുന്നത്?

മറ്റു വൈറ്റമിനുകൾ പോലെ ഭക്ഷണം മാത്രമല്ല വൈറ്റമിൻ ഡി യുടെ സ്രോതസ്സ്. സൂര്യപ്രകാശത്തിൽ നിന്നും കിട്ടും. സൂര്യരശ്മികൾ നമ്മുടെ ത്വക്കിന്റെ അടിയിലെ കൊഴുപ്പുപാളികളിൽ വീഴുന്നതിന്റെ ഫലമായി നടക്കുന്ന പല രാസപ്രവർത്തനങ്ങളുടെയും ഫലമായാണ് ശരീരത്തിൽ വൈറ്റമിൻ ഡി ഉത്പാദിപ്പിക്കപ്പെടുന്നത്. ഇതിൽ പ്രധാനപ്പെട്ട പങ്കു വഹിക്കുന്ന രണ്ടു അവയവങ്ങളാണ് കരളും വൃക്കകളും.

എന്തുകൊണ്ട് വിറ്റാമിൻ ഡി കുറയുന്നു?

അതിനുള്ള കാരണം വളരെ ലളിതമാണ്. ഇന്ന് ആരാണ് വെയിൽ കൊള്ളുന്നത്?അധികം ചെറുപ്പക്കാരും എ.സി. മുറികളിൽ ആണ് ജോലിചെയ്യുന്നത്. കുട്ടികളാകട്ടെ, പുറത്തു പോയി വെയിലത്തു കളിക്കാറുമില്ല. എല്ലാവരും മൊബൈൽ ഫോണിൽ ഗെയിം കളികളും മറ്റുമായി വീട്ടിൽത്തന്നെ ഒതുങ്ങുന്നു. നമ്മുടെ പ്രധാന വരുമാനമാർഗം കൃഷിയായതിനാൽ പണ്ടെല്ലാവരും വെയിലത്തു പണിയെടുക്കുന്നവരായിരുന്നു. കുട്ടികളോ? സ്കൂൾ വിട്ടു വന്നാൽ തൊടിയിലും പറമ്പിലുമായി കളിയോട് കളി! അതുകൊണ്ട് തന്നെ അവർക്കെല്ലാം വേണ്ടത്ര വൈറ്റമിൻ ഡി യും ഉണ്ടായിരുന്നു. 

ഇന്നത്തെ ജീവിതശൈലി തന്നെയാണ് വൈറ്റമിൻ ഡി കുറവിന് പ്രധാനകാരണം.

ജനിച്ച ഉടൻ കുഞ്ഞിന് വൈറ്റമിൻ ഡി കൊടുത്തു തുടങ്ങണോ?

അതെ, ജനിച്ചതു മുതൽ ഒരു വയസ്സ് വരെ കുഞ്ഞിന് വൈറ്റമിൻ ഡി തുള്ളിമരുന്നുകൾ കൊടുക്കേണ്ടതാണ്. പൊതുവേ അമ്മമാരിൽ വൈറ്റമിൻ ഡി കുറവാണെന്നാണ് ലോകത്തുടനീളം നടത്തിയ പഠനങ്ങളിൽ കണ്ടെത്തിയത്.

ഇന്ത്യയിലെ അമ്മമാരിലാണ് കൂടുതൽ പ്രശ്നം. അമ്മമാരിൽ നിന്ന് കുഞ്ഞുങ്ങളിലേക്കു കൈമാറപ്പെടുന്ന വൈറ്റമിൻ ഡി യുടെ അളവും വളരെ കുറവായിരിക്കും. 

സ്വന്തം ശരീരത്തിൽത്തന്നെ കുറവായ ഒരു വസ്തു അമ്മമാർ എങ്ങനെയാണ് മക്കളിലേക്ക് പകരുക അല്ലേ?അതുകൊണ്ടു തന്നെ കുഞ്ഞുങ്ങളും ജന്മനാ രക്തത്തിൽ വൈറ്റമിൻ ഡി യുടെ അളവ് കുറഞ്ഞാണ് പിറക്കുന്നത്.

ഇതിന്റെ ഫലമോ അവരുടെ ശരീരത്തിലേക്ക് ആഗിരണം ചെയ്യപ്പെടുന്ന കാത്സ്യത്തിന്റെ അളവ് കുറയും. അങ്ങനെ പല പ്രശ്നങ്ങളും അവർക്കുണ്ടാകുകയും ചെയ്യും.

ഇതെല്ലാം പ്രതിരോധിക്കാനാണ് ജനിച്ചതു മുതൽ ഒരു വയസ്സ് വരെ വൈറ്റമിൻ ഡി തുള്ളിമരുന്ന് അവർക്ക് നൽകണമെന്ന് പറയുന്നത്.

സ്ത്രീകൾ കൂടുതൽ ശ്രദ്ധിക്കേണ്ടതുണ്ടോ

സൂര്യപ്രകാശമേൽക്കാത്തവരിൽ വൈറ്റമിൻ ഡി കുറവായിരിക്കും. അതു കൊണ്ട് മുകളിൽ പറഞ്ഞ ഭക്ഷണസാധനങ്ങൾ നല്ലവണ്ണം കഴിക്കാൻ ശ്രമിക്കുക. ആർത്തവം നിന്ന മധ്യവയസ്സു കഴിഞ്ഞവർക്ക് ഹോർമോൺ വ്യതിയാനങ്ങളുടെ ഭാഗമായി എല്ലുകൾ സ്വാഭാവികമായി തന്നെ ക്ഷീണിക്കും. അപ്പോൾ വൈറ്റമിൻ ഡി കൂടി കുറഞ്ഞാൽ കൂനിന്മേൽ കുരു വന്ന പോലാകും. കാത്സ്യം ഒട്ടും തന്നെ ശരീരത്തിൽ ഉണ്ടാകില്ല. ഫലമോ എല്ലുകൾ ഒടിയാൻ വരെ കാരണമാകാം.

അപ്പോൾ ഈ രണ്ടുവിഭാഗവും ഭക്ഷണശീലങ്ങളിലും ജീവിതചര്യകളിലും മാറ്റം വരുത്തേണ്ടത് അത്യാവശ്യമാണ്. ദിവസവും ഒരു 15 മിനിറ്റ് എങ്കിലും വെയിൽ കൊള്ളുക.

കാത്സ്യവും വൈറ്റമിൻ ഡി യും ധാരാളമായി ഉള്ള ആഹാരസാധനങ്ങൾ കഴിക്കുക. *40 വയസ്സ് കഴിഞ്ഞാൽ കാത്സ്യം ഗുളികകൾ ആവശ്യമെങ്കിൽ കഴിക്കേണ്ടതാണ്..

എങ്ങനെ ചികിത്സിക്കാം

ചികിത്സ പല വിധമാണ്. അത് വൈറ്റമിൻ ഡി എത്രത്തോളം കുറഞ്ഞിരിക്കുന്നു എന്നതിനെ ആശ്രയിച്ചിരിക്കും.

വല്ലാതെ കുറഞ്ഞ അവസ്ഥകളിൽ പെട്ടെന്ന് കൂട്ടുവാനായി ഇഞ്ചക്ഷൻ ചെയ്യേണ്ടിവരും. അതിനുശേഷം മരുന്നും കഴിക്കേണ്ടിവരും. പക്ഷേ മരുന്നുകൊണ്ട് മാത്രം കാര്യമില്ലെന്നു പ്രത്യേകിച്ച് പറയേണ്ടതില്ലല്ലോ.

നമ്മുടെ ജീവിതരീതികളിലെ മാറ്റങ്ങളും നല്ല ഭക്ഷണശീലങ്ങളും ശരിയായ ചികിത്സയുടെ ഭാഗങ്ങളാണ്.

വൈറ്റമിൻ ഡി കിട്ടുന്ന ഭക്ഷണപദാർഥങ്ങൾ

•  മുട്ടയുടെ മഞ്ഞക്കരു

•  മത്സ്യങ്ങൾ

•  മീന്മുട്ട

•  മീനെണ്ണ

•  പാൽ

•  പാലുത്പന്നങ്ങൾ, വെണ്ണക്കട്ടി മുതലായവ

•  ഓറഞ്ച്

•  ധാന്യങ്ങൾ

•  സോയാബീൻ

•  കൂൺ (mushroom)

ആരോഗ്യത്തിന് ചോറാണോ, ചപ്പാത്തിയാണോ നല്ലത്..?

നമുക്ക് ചോറും ചപ്പാത്തിയും ഭക്ഷണത്തിൽ ഒഴിവാക്കാനാവാത്ത ഭക്ഷണമാണ്. നമ്മുടെ ഇന്ത്യന്‍ ഭക്ഷണരീതിയുടെ രണ്ടു അഭിവാജ്യഘടകങ്ങളെന്ന് ചോറിനെയും ചപ്പാത്തിയെയും വിശേഷിപ്പിക്കാം. സാധാരണ ഭാരം കുറക്കുവാൻ ശ്രമിക്കുന്നവർ കാർബോഹൈഡ്രേറ്റിനെ കുറിച്ച് ബോധവാൻമാരാവുകയും ചോറ് ഒഴിവാക്കുകയും ചപ്പാത്തി കുറക്കുകയും ചെയ്യും. എന്നാൽ ഭാരം കുറയ്ക്കാനായി ചപ്പാത്തി കഴിച്ചാൽ മതിയോ‌.

അരിയാണോ ഗോതമ്പാണോ ആരോഗ്യ സമ്പുഷ്ടമായ ഭക്ഷണം?

ഏറെക്കാലമായുള്ള ചോദ്യമാണിത്. ഇതിനെ കുറിച്ച് അറിഞ്ഞിരിക്കേണ്ട 10 കാര്യങ്ങൾ വിശദീകരിക്കാം.

1. ചപ്പാത്തിയിലും ചോറിലും കാർബോഹൈഡ്രേറ്റ് (അന്നജം) അളവ് ഒരേതരത്തിലാണ്.

2. ചപ്പാത്തിയിലും ചോറിലും നിന്ന് ലഭിക്കുന്ന കലോറിയും തുല്യമാണ്. ഒരു ചപ്പാത്തിയും അര കപ്പ് ചോറും ലഭിക്കുന്ന കലോറി: 100-120 kcal.

3. ചോറുമായി നോക്കുമ്പോൾ ചപ്പാത്തിയിൽ പ്രോട്ടീനുകളും നാരും ധാരാളമായി അടങ്ങിയിട്ടുണ്ട് . അത് കൊണ്ട് പോഷക ഗുണം പരിഗണിക്കുമ്പോൾ ചപ്പാത്തിയാണ് മുന്നിൽ .

4. ചപ്പാത്തിയിൽ പ്രോട്ടീനുകളും നാരുകളും ധാരാളമായി അടങ്ങിയിട്ടുള്ളത് കൊണ്ട് വയർ വേഗം നിറയുകയും കുറേ നേരത്തേക്ക് വിശക്കാതിരിക്കുകയും ചെയ്യും. അതിനാൽ ഭാരം കുറക്കാൻ ഇത് സഹായിക്കുന്നു.

5. ചോറിൽ അന്നജമടങ്ങിയതിനാൽ അതിവേഗം ദഹിക്കും. ചോറിൽ കലോറി കൂടുതലുണ്ടെങ്കിലും കഴിച്ചാൽ ചപ്പാത്തിപോലെ വിശപ്പ് മാറുകയില്ല.

6. അരിയിൽ കാൽസ്യം ഇല്ലെങ്കിലും വളരെ പ്രധാനമായ ഒരു വിറ്റാമിൻ ഉണ്ട്-ഫോളിക് ആസിഡ്.

7. ഗോതമ്പുപൊടിയില്‍ വൈറ്റമിന്‍ ബി1, ബി2, ബി3, ബി6, ബി9 എന്നിവ ധാരാളം അടങ്ങിയിട്ടുണ്ട്.

8. ഗോതമ്പിൽ സോഡിയം വളരെ കൂടുതലാണ്. 120 ഗ്രാം ഗോതമ്പില്‍ 190 മില്ലിഗ്രാം സോഡിയമുണ്ട്. അതിനാൽ സോഡിയം ഒഴിവാക്കേണ്ടവർ ചപ്പാത്തി കഴിക്കരുത്.

9. ചപ്പാത്തിയിൽ കാത്സ്യം, പൊട്ടാസ്യം, ഇരുമ്പ് , ഫോസ് ഫറസ് എന്നിവയുണ്ട്. ചോറിൽ കാത്സ്യമില്ലെന്ന് മാത്രമല്ല, പൊട്ടാസ്യത്തി ന്റെയും ഫോസ്ഫറസി ന്റെയും അളവ് കുറവാണ് .

10. ചപ്പാത്തി ദഹിക്കാൻ കൂടുതൽ സമയം എടുക്കുന്നതിനാൽ രക്തത്തിലെ പഞ്ചസാരയുടെ അളവും ക്രമീകരിച്ച് നിലനിർത്താൻ സഹായിക്കും. അത് കൊണ്ട് പ്രമേഹമുള്ളവർക്ക് ചപ്പാത്തിയാണ് നല്ലത്.

ചോറിലും ചപ്പാത്തിയിലും അടങ്ങിയിട്ടുള്ള കലോറിയും അന്നജവും പ്രോട്ടീനും കൊഴുപ്പും എത്ര?

നീണ്ട വെള്ള അരി

കലോറി (Calorie) (ഒരു കപ്പ് വേവിച്ച അരി, 150 gm)= 200 kcal

കൊഴുപ്പ് (Fat)= < 0.5g fat

പ്രോട്ടീൻ (Protein) =4.3g

അന്നജം (Carbohydrates)=53 g

നാര് (fibre) = < 1g

ചുവന്ന അരി

കലോറി (Calorie) (ഒരു കപ്പ് വേവിച്ച അരി, 150 gm)= 216 kcal

കൊഴുപ്പ് (Fat)=1.75g fat

പ്രോട്ടീൻ (Protein)=5.03g

അന്നജം (Carbohydrates)=45g

നാര് (fibre) = 3.51g

ഒരു ചപ്പാത്തി

കലോറി (Calorie) = 104 kcal

കൊഴുപ്പ് (Fat)=3.7g fat

പ്രോട്ടീൻ (Protein)=2.6 g

അന്നജം (Carbohydrates)= 15.7g

നാര് (fibre) = 2.6g

അപ്പോൾ ചോറ് കഴിക്കാൻ കഴിയില്ലേ ?

ചോറ് കഴിക്കണമെന്ന് നിർബന്ധമെങ്കിൽ ബ്രൗൺ റൈസ് ഉപയോഗിക്കുക. പുറം തൊലി മാത്രം കളഞ്ഞ അരിയാണ് ബ്രൗൺ റൈസ് . അതിനാൽ ഇത് ദഹിക്കാൻ വൈറ്റ് റൈസിനേക്കാൾ സമയമെടുക്കും. ഉള്ളിലെ പാളികൾ കൂടി കളഞ്ഞ് അന്നജം മാത്രടങ്ങിയ അരിയാണ് വൈറ്റ് റൈസ്.

ചപ്പാത്തി കഴിച്ചാൽ വണ്ണം വയ്ക്കില്ലേ?

ചപ്പാത്തിയിലും ചോറിലും ലഭിക്കുന്ന കലോറിയും അന്നജവും ഏകദേശം ഒരു പോലെയാണെന്ന് മനസിലായല്ലോ. ആരോഗ്യവാനായ ഒരാള്‍ ഏറിയാല്‍ നാലു ചപ്പാത്തി, അതില്‍ കൂടുതല്‍ ഒരു നേരം പതിവാക്കിയാല്‍ പിന്നെ അരിയാഹാരം ഉപേക്ഷിച്ചിട്ട് കാര്യമില്ല എന്നു സാരം.

അമിതമായാല്‍ എന്തും ദോഷമാണെന്ന് ഓര്‍ക്കുക. ചോറായാലും ചപ്പാത്തിയായാലും ദിവസവും കഴിക്കുന്ന കലോറിയുടെ പകുതി പകുതി മാത്രം ഉൾപെടുത്തുക.ഇത് വഴി ആരോഗ്യ സമ്പുഷ്ടമായ ഒരു ജീവിതം ലഭിക്കും..

എന്തുകൊണ്ടാണ് വിമാനങ്ങളിൽ സാധാരണയായി വെളുത്ത നിറത്തിൽ പെയിന്റ് അടിച്ചിരിക്കുന്നത്..?

മിക്ക യാത്രക്കാരും ചിന്തിച്ചിട്ടുള്ളതും എന്നാൽ ചോദിക്കാൻ ഒരിക്കലും മെനക്കെടാത്തതുമായ ഒരു കാര്യമാണിത്: വിമാനങ്ങൾ സാധാരണയായി വെളുത്ത നിറത്തിൽ പെയിന്റ് അടിച്ചിരിക്കുന്നത് എന്തുകൊണ്ട്?

ഇത് സൂര്യപ്രകാശത്തെ പ്രതിഫലിപ്പിക്കുന്നു

വിമാനം വെള്ള അല്ലെങ്കിൽ ഇളം നിറങ്ങൾ പെയിന്റ് അടിച്ചിരിക്കുന്നതിനുള്ള പ്രധാന കാരണം സൂര്യപ്രകാശം പ്രതിഫലിപ്പിക്കുക എന്നതാണ്. മറ്റ് നിറങ്ങൾ മിക്ക പ്രകാശത്തെയും ആഗിരണം ചെയ്യും. സൂര്യപ്രകാശം ഒരു വിമാനത്തെ ആഗിരണം ചെയ്യുമ്പോൾ ഇത് വിമാനത്തിന്റെ ശരീരത്തെ ചൂടാക്കുന്നു.

ഒരു പാസഞ്ചർ വിമാനം വെളുത്ത പെയിന്റ് ചെയ്യുന്നത് വിമാനം പറന്നുയരുമ്പോൾ മാത്രമല്ല, റൺവേയിൽ പാർക്ക് ചെയ്യുമ്പോഴും സൗരവികിരണത്തിൽ നിന്നുള്ള ചൂടും കേടുപാടുകളും കുറയ്ക്കുന്നു.

ഇത് മങ്ങുന്നില്ല

ഉയർന്ന ഉയരത്തിൽ പറക്കുമ്പോൾ, വിമാനങ്ങൾ വിവിധ അന്തരീക്ഷാവസ്ഥകളെ പോകുന്നു. നിറമുള്ള വിമാനം കാലക്രമേണ മങ്ങുന്നു, അതിനാൽ അവയുടെ സൗന്ദര്യാത്മകത നിലനിർത്താൻ പെയിന്റിംഗ് ആവശ്യമാണ്. പെയിന്റ് ഒരു വിമാനത്തിന് ഗണ്യമായ ഭാരം കൂട്ടുന്നു, മാത്രമല്ല കൂടുതൽ ഇന്ധനം ചിലവാകുന്നു. പെയിന്റിനും പണച്ചെലവ് വരും.

മറുവശത്ത്, വെളുത്തതോ ഇളം നിറമോ ആയ ഒരു വിമാനം ഗണ്യമായ സമയം വായുവിൽ ചെലവഴിചാലും കാര്യമായ വ്യത്യാസമുണ്ടാവില്ല.

കേടുപാടുകളുടെ ലക്ഷണങ്ങൾ കൂടുതൽ എളുപ്പത്തിൽ കണ്ടെത്താൻ ഇത് അനുവദിക്കുന്നു.

സുരക്ഷാ കാരണങ്ങളാൽ, വിള്ളലുകളും ഓട്ടകളും പോലുള്ള ഉപരിതല നാശനഷ്ടങ്ങൾക്കായി വിമാനങ്ങൾ പതിവായി പരിശോധിക്കുന്നു.

വെളുത്ത ചായത്തേക്കാൾ മികച്ചതായി ഒന്നും പ്രവർത്തിക്കില്ല, കാരണം ഈ വിള്ളലുകൾ, എണ്ണ ചോർച്ചകൾ, മറ്റ് തകരാറുകൾ എന്നിവ എല്ലായ്പ്പോഴും വെള്ളയേക്കാൾ ഇരുണ്ടതാണ്, അവ തിരിച്ചറിയാനും വേഗത്തിൽ നന്നാക്കാനും അനുവദിക്കുന്നു.

ഇത് പക്ഷി ആക്രമണത്തെ കുറയ്ക്കുന്നു

ഒരു പക്ഷിയും വിമാനവും തമ്മിലുള്ള കൂട്ടിയിടികൾ സാധാരണമാണ്, ഇത് വിമാന സുരക്ഷയ്ക്ക് ഒരു പ്രധാന ഭീഷണിയാണ്.

വെള്ള നിറം വിമാനത്തിന്റെ ദൃശ്യപരത വർദ്ധിപ്പിക്കാനും പക്ഷികളുടെ കണ്ടെത്തലും ഒഴിവാക്കലും വർദ്ധിപ്പിക്കാനും കഴിയും. മറുവശത്ത്, ഇരുണ്ട വിമാന വർണ്ണങ്ങൾക്ക് വിമാനവും ദൃശ്യ പശ്ചാത്തലവും തമ്മിലുള്ള വ്യത്യാസം കുറയ്‌ക്കാം. കൂട്ടിയിടി ഒഴിവാക്കാൻ മതിയായ സമയത്ത് വിമാനം കണ്ടെത്താനുള്ള പക്ഷികളുടെ കഴിവ് ഇത് കുറച്ചേക്കാം.

ഈദി അമീൻ..

1971 മുതല്‍ 79 വരെ ഉഗാണ്ട എന്ന കൊച്ചു ആഫ്രിക്കന്‍ രാജ്യം തന്റെ കൈകളിലിട്ട് അമ്മാനമാടിയെ ക്രൂരനായ ഭരണാധികാരിയായിരുന്നു ഈദി അമ്മീന്‍ . വം ശഹത്യ അഴിമതി , കൂട്ടക്കൊലപാതകം ഉള്‍പ്പെടെ എല്ലാ വിധ തിന്‍മകളുടെ കൂത്തരങ്ങായിരുന്ന ഈദി അമീന്റെ ഭരണത്തില്‍ ഒരു ലക്ഷം മുതല്‍ അഞ്ജ് ലക്ഷം വരെ ജനങ്ങള്‍ കൊല്ലപ്പെട്ടിട്ടുണ്ടെന്നാണു കണക്ക് .

കുറചു അതിശയോക്തിയുണ്ടെങ്കിലും ഈദി അമ്മീന്‍ നരഭോജി ആയിരുന്നു എന്നു വരെ ചില ചരിത്രങ്ങളില്‍ രേഖപ്പെടുത്തിയട്ടുണ്ട്.

വെസ്റ്റ് നൈല്‍ പ്രവിശ്യയിലെ കൊക്കോബയില്‍ 1925 ല്‍ ജനിച അമീന്‍ .1946 ല്‍ ഉഗാണ്ട ഭരിചിരുന്ന ബ്രിട്ടീഷ കൊളോണിയല്‍ ആര്‍മിയില്‍ ഒരു സാധാരന കുക്കായി തന്റെ പട്ടാളജീവിതം ആരംഭിച അമീന്‍ 1952 ല്‍ കെനിയയിലെ സൊമാലിയന്‍ വിമതര്‍ക്കെതിരെ നടന്ന പടനീക്കത്തില്‍ നിര്‍ണായക പങ്കുവഹിചത് പട്ടാളത്തില്‍ അമീന്റെ ഉയര്‍ചക്ക് വഴി വെചു .

6 അടി 4 ഇഞ്ജ് ഉയരവും അതിനൊത്ത ശരീരവും ഉണ്ടായിരുന്ന അമീന്‍ 1951 മുതല്‍ 1960 വരെ ഉഗാണ്ടയില്‍ ദേശീയ ബോക്സിങ്ങ് ചാംബ്യനും കൂടിയായിരുന്നു

1970 ആയപ്പോഴേക്കും അമീന്‍ ഉഗാണ്ട സൈന്യത്തിന്റെ കമാന്റര്‍ വരെ ആയി ഉയര്‍ന്നു .1965 കാലഘട്ടത്തില്‍ ഉഗാണ്ടന്‍ പ്രധാനമന്ത്രി മിള്‍ട്ടണ്‍ ഒബോട്ടോയുമായി ചേര്‍ന്ന് അയല്‍രാജ്യമായ " സയറില്‍ " നിന്ന് ആനക്കൊംബും സ്വര്‍ണവും കടത്തുന്നതിനെതിരെ ഉഗാണ്ടന്‍ പാര്‍ലമെന്റ് അന്നേഷണം പ്രഖ്യാപിചു . എന്നാല്‍ അമീന്‍ രാജാവായ മുത്തേസാ രണ്ടാമന്റെ കൊട്ടാരം ആക്രമിക്കുകയും രാജാവിനെ ബ്രിട്ടണിലേക്ക് നാടു കടത്തുകയും ചെയ്തു . താമസിയാതെ പ്രധാനാന്ത്രി മില്‍ട്ടണ്‍ ഒബോട്ടോയും അമീനും തമ്മില്‍ പടലപ്പിണക്കം ഉടലെടുത്തു . ഒബോട്ടോ അമീനെ അറസ്റ്റ് ചെയാന്‍ തീരുമാനിച വിവരം അറിഞ അമീന്‍ 1971 ജനുവരി 25നു ഉഗാണ്ടയുടെ പരമാധികാരം പിടിച്ചടക്കി . ആ സമയം പ്രധാനമന്ത്രി മിള്‍ട്ടണ്‍ ഒബോട്ടോ സിംഗപൂരില്‍ കോമണ്‍വെല്‍ത് രാജ്യങ്ങളുടെ ഉച്ചകോടിയില്‍ പങ്കെടുക്കുകയായിരുന്നു .

ആദ്യം അധികാരം പിടിച്ചടക്കിയ സമയം " ഞാന്‍ വെറും പട്ടാളക്കാരന്‍ മാത്രമാണു . ഉടന്‍ തന്നെ തിരഞെടുപ്പ് നടത്തി അധികാരം കൈമാറും എന്ന് പ്രഖ്യാപിചിരുന്നു ഈദി അമ്മീന്‍ എന്നാല്‍ നടപ്പായില്ല എന്നുമാത്രം .

ഒരാഴചക്ക് ശേഷം ഈദി അമീന്‍ ഉഗാണ്ടയുടെ പ്രസിഡന്റും , മുഴുവന്‍ പട്ടാളത്തിന്റെ യും തലവനുമായി സ്വയം പ്രഘു്യാപിക്കുകയും , പട്ടാള ട്രിബ്യൂണലിനെ പരമോന്നത കോടതിക്ക് മുകളിലായി പ്രതിഷ്ഠിക്കുകയും ചെയതു . എന്നാല്‍ വെറുതെ ഇരിക്കാന്‍ തയാറാവാതിരുന്ന പ്രധാനമന്ത്രി "ഒബോട്ടോ " താന്സാനിയയില്‍ വന്നു , അവിടെയുള്ള ഉഗാണ്ടന്‍ അഭയാര്‍ഥികളെ കൂട്ടി 1972 ല്‍ അമീനെതിരെ ഒരു അട്ടിമറി ശ്രമം നടത്തി . എന്നാല്‍ ദുര്‍ബലമായ പ്രധിരോദം വേഗം തന്നെ കെട്ടടങ്ങി . ഇതിനായി ഒബോട്ടോയേ സഹായിചതു " ലാങ്കോ" എന്നും " അചോളി " എന്നും ഉള്ള രണ്ട് ഗോത്രങ്ങളായിരുന്നു . ഇതിനു പ്രതികാരമായി ഈ രണ്ട് ഗോത്രത്തില്‍ പെട്ട 5000 ത്തോളം സൈനികരെ ബാരക്കില്‍ തന്നെ അമീന്‍ കൂട്ടക്കൊല ചെയ്തു . ഇരട്ടിയോളം സിവിലിയന്‍സിനെയും അമീന്‍ കൊന്നൊടുക്കി . ആം നസ്റ്റി ഇന്റര്‍നാഷണലിന്റെ കണക്ക് പ്രകാരം എണ്‍പതിനായിരത്തിനടുത്ത് ആളുകള്‍ ഇരു ഗോത്രത്തില്‍ നിന്നുമായി കൊല്ലപ്പെട്ടു.

പട്ടാളത്തിലേക്ക് തന്റെ സ്വന്തം ഗോത്രമായ "കക്വാസ് " സിനെയും , സൌത് സുഡാനില്‍ നിന്നുള്ള കൂലിപ്പട്ടാലത്തെയും കുത്തിനിറച അമീന്‍ ആ കാരണം കൊണ്ട് തന്നെ 8 തവണയോളം നടന്ന വധശ്രമത്തില്‍ നിന്ന് രക്ഷപെട്ടു .

ഉഗാണ്ടന്‍ സംബത്ത്വ്യവസ്ഥിതിയുടെ നട്ടെല്ലു തന്നെ ബ്രിട്ടീഷ ഭരണത്തില്‍ ഉഗാണ്ടയിലേക്ക് കുടിയേറിയ ഇന്ത്യക്കാരുടെ പരംബരയായിരുന്നു . അതില്‍ അറുപതിനായിരം പേരും ബ്രിട്ടീഷ പാസ്പോര്‍ട്ട് ആണു ഉപയോഗിച്ചിരുന്നത്. 1974 ആഗസ്റ്റില്‍ അമീന്‍ " സാംബത്തിക യുദ്ധം പ്രഖ്യാപിചു. ഇവരില്‍ ഡോക്റ്റര്‍മാര്‍, ടീചര്‍ഴ് , വക്കീലന്‍മാര്‍ തുടങ്ങിയവരെ ഒഴികെ എല്ലാവരും ഉടന്‍ തന്നെ ഉഗാണ്ട വിട്ടുപോകണം എന്ന് ഉത്തരവിറക്കി . അവരെല്ലാം ഇട്ടെറിഞ്ഞു പോയ വ്യവസായങ്ങളും , തോട്ടങ്ങളുമെല്ലാം അമീന്‍ തന്റെ പിണയാളുകള്‍ക്ക് നല്‍കി . എന്നാല്‍ ഒരു സുപ്രഭാതത്തില്‍ തങ്ങളുടെ കൈകളിലേക്ക് വന്നുചേര്‍ന്ന ഈ വ്യവസായങ്ങള്‍ എല്ലാം എങ്ങനെ നടത്തിക്കൊണ്ടു പോകണം എന്ന അവര്‍ക്കറിയില്ലായിരുന്നു . ക്രിത്യമായി നിയന്ത്രിക്കാനും , മാനേജ് ചെയാനും കഴിയാതെ ഇവയെല്ലാം തകര്‍ന്നു തുടങ്ങി . സ്വതവേ തകര്‍ചയിലായിരുന്ന ഉഗാണ്ടന്‍ സംബത്ത് വ്യവസ്ഥിതി ഒന്നുകൂടി തകര്‍ന്നു തരിപ്പണമായി.

സോവിയേറ്റ് യൂണിയന്റെ വലിയൊരു ആയുധകംബോളമായിരുന്നു അന്നു ഉഗാണ്ട , ഈസ്റ്റ് ജര്‍മനിയും ലിബിയയും , സൌദിയുമായി അടുത്ത ബന്ദം ഉണ്ടായിരുന്നു അമീനു .

1978 ജൂണില്‍ ഇസ്രായേലിലെ തെല്‍അവീവില്‍ നിന്ന് പറന്നുയര്‍ന്ന എയര്‍ ഫ്രാന്‍സ് വിമാനം പലസ്ഥീന്‍ അനുകൂല തീവ്രവാദികള്‍ റാഞ്ജിക്കൊണ്ടുവന്നു ഉഗാണ്ടയിലെ " എന്റബ്ബെ " വിമാനത്താവളത്തില്‍ ഇറക്കി . അവിടെ വെചു ഇസ്രായേല്‍ പാസ്പോര്ട്ട് ഇല്ലാത്ത 156 ആളുകളെ മോചിപ്പിക്കുകയും സുരക്ഷിതമായി പോകാന്‍ അനുവദിക്കുകയും ചെയ്തു .എന്നാല്‍ ജൂലൈ 3 ഇനു ഇസ്രായേലി കമാന്റോകള്‍ രാത്രിയുടെ മറവില്‍ ഇരച്ചുകയറി മുഴുവന്‍ ബന്ദികളെയും മോചിപ്പിക്കുകയും തീവ്രവാദികളെ വധിക്കുകയും ചെയ്തു .

ഈ സംഭവം അമീനു വിദേശരാജ്യങ്ങളുമായുള്ള ബന്ദത്തെ വല്ലാതെ ഉലച്ചു . ബ്രിട്ടണ്‍ ഈസംഭവത്തില്‍ പ്രതിഷേധിചു ഉഗാണ്ടയുമായുള്ള എല്ലാ നയതന്ത്ര ബന്ദങ്ങളും ഉപേക്ഷിചു .

ഇന്ത്യന്‍ വംശജരായ ആളുകള്‍ നടത്തിയിരുന്ന സിമന്റ് ഫാകറ്ററി വലിയ തോതിലുള്ള കരിംബ് തോട്ടം പഞ്ജസാര ഫാക്റ്ററി , കപ്പി ഉല്‍പാദനം എല്ലാം മിസ് മാനേജ്മെന്റ് കാരണം അടച്ചുപൂട്ടി . പട്ടാളം പിടിച്ചുകൊണ്ട് പോകുന്ന ആളുകളുടെ ശവം പോലും പിന്നെ പുറത്തുകാണില്ല . വഴിയരികില്‍ അനാദമാക്കപ്പെട്ട ഷൂ കള്‍കൊണ്ട് നിറഞു .

8 വര്‍ഷത്തെ ഭരണത്തില്‍ ഉഗാണ്ടക്ക് അവരുടെ 75% ആനകളെയും , 98 ശതമാനം കണ്ടാമ്രിഗങ്ങളെയും 90% മുതലകളെയും 80% സിംഹങ്ങേയും നഷ്ടപ്പെടുത്തി എന്നു പറയുംബോള്‍ തന്നെ ആ ഭരണം എത്രമാത്രം ഭീകരമായിരുന്നു എന്ന് ഊഹിക്കാം . എല്ലാം തന്നെ അമ്മിനും , സില്‍ബന്ദികളും ചേര്‍ന്ന് കൊന്നു വിദേശത്തേക്ക് കടത്തി .

ഈദി അമീന്റെ സ്വന്തം ഗോത്രവിഭാഗം പണ്ട് ക്രിസ്ഥ്യാനികള്‍ മതം മാറി മുസ്ലിം ആയതാണു . അത്രനാളും വലിയ വിശ്വാസിയൊന്നും അല്ലാതിരുന്ന അമീന്‍ സൌദിയില്‍ നിന്നും , ലിബിയയില്‍ നിന്നും കിട്ടുന്ന സഹായത്തിനു വേണ്ടി തന്റെ പഴയ മതവിശ്വാസം പൊടിതട്ടിഎടുത്തു. ഇതു അത്രനാള്‍ അടിച്ചമര്‍ത്ത്പ്പെട്ടിരുന്ന മുസ്ലിങ്ങളില്‍ ഒരു പുതിയ ഉണര്‍വുണ്ടാക്കുകയും , അവര്‍ അമീന്റെ പിന്ണി അണി നിരക്കുന്നതിനും കാരണമായി . സ്വാഭാവികമായും ഇതു തദ്ദേശിയരായ ക്രിസ്ഥ്യാനികള്‍ക്ക് നേരെ ആക്രമണമായി മാറി . ഇതു ചര്‍ച് ഓഫ് ഉഗാണ്ടയുടെ ആര്‍ച് ഭിഷപ് ആയ " ജനാനി ലുവുമ യുടെ വധത്തില്‍ വരെ കലാശിച്ചു . അക്ഷരാഭ്യാസമില്ലാത്ത മുന്‍കോപിയായ അമീനുമായി അടുക്കാന്‍ പോലും ആര്‍ക്കും സാധിക്കുമായിരുന്നില്ല . നിസാര കാര്യങ്ങള്‍ക്ക് വേണ്ടി വരെ അത്രയും നാള്‍ അടുപ്പം ഉണ്ടായിരുന്നവരെ വരെ അമീന്‍ കൊന്നുതള്ളി .

ഇതുപോലെ ഒരു നിസാരപ്രശനത്തിന്റെ പേരില്‍ തന്റെ വൈസ് പ്രസിഡന്റ് ആയ " മുസ്ഥഫ ഇദ്രിസി " യെ ഒരു ആക്സിഡന്റില്‍ കൊലപ്പെടുത്താന്‍ ശ്രമിചു അമീന്‍ . എന്നാല്‍ മുസ്തഫാ ഇദ്രിസിയൊടു കൂറുള്ള സൈനികര്‍ ഇതിനെതിരെ പ്രതിഷേധം ഉയര്‍ത്തി . ഈദി അമീന്‍ അവര്‍ക്കെതിരെ സേനാ നീക്കം നടത്തി .

അവരില്‍ ചിലര്‍ പ്രാണരക്ഷാര്‍തം താന്‍സാനിയയിലേക്ക് കടന്നു . അവരുടെ പുറകെ അമീന്റെ പട്ടാളവും താന്‍സാനിയ അതിര്‍ത്തി കടന്നു . ഇതൊടെ പരമാധികാരരാജ്യമായ താന്‍സാനിയ ഉഗാണ്ടക്കെതിരെ സൈനികരെ അണിനിരത്തി . ഉഗാണ്ടയില്‍ പാലായനം ചെയ്ത ഉഗാണ്ടക്കാര്‍ ചേര്‍ന്ന് " ഉഗാണ്ടന്‍ നാഷണല്‍ ലിബറേഷന്‍ ആര്‍മി " രൂപീകരിച്ചിരുന്നു . അവരും താന്‍സാനിയന്‍ സേനയോടൊപ്പം കൂടി അമീന്റെ സേനയെ നേരിട്ടു . 3000 പട്ടാളക്കാരെ അയചുകൊടുത്തു ലിബിയന്‍ നേതാവു മുഹമ്മര്‍ ഗദ്ദാഫി അമീനെ സഹായിക്കാന്‍ ശ്രമിചെങ്കിലും അതു വിജയപ്രാപ്തിയില്‍ എത്തിയില്ല

1979 ഏപ്രില്‍ 11 നു ഉഗാണ്ടന്‍ തലസ്ഥാനമായ കംബാല കീഴടക്കി വിമത സേന. അതോടെ ഒരു ഹെലിക്കോപ്റ്ററില്‍ കയറി ഈദി അമീന്‍ ലിബിയയിലേക്ക് രക്ഷപെട്ടു . അവിടന്നു സൌദിയിലെ ജിദ്ദയിലേക്ക് അമീന്‍ രക്ഷപെട്ടു . രാഷ്ട്രീയത്തില്‍ നിന്നു വിട്ടു നില്‍ക്കാം എന്ന ഉപാദിയില്‍ സൌദി അമീനു അഭയം നല്‍കി . ജിദ്ദയിലെ പലസ്ഥീന്‍ റോഡിലുള്ള " നൊവാട്ടെല്‍ " ഹോടിടലിലെ മുകളിലത്തെ രണ്ട് ഫ്ളോറില്‍ വര്‍ഷങ്ങളോളം താമസിക്കുകയുണ്ടായി അമീന്‍ . ഉഗാണ്ടയിലേക്ക് തിരിച്ചുവരാന്‍ അതിയായി ആഗ്രഹിച അമീന്‍ 1989 ല്‍ കേണല്‍ ജുമാ ഓറിസിന്റെ നേത്രത്വത്തില്‍ ഉഗാണ്ടയില്‍ നടന്ന അട്ടിമറി ശ്രമത്തിന്റെ നേത്ര്ത്വം ഏറ്റെടുക്കാന്‍ അയല്‍ രാജ്യമായ "കോഗൊ" യില്‍ എത്തിയെങ്കിലും , കോഗൊ നേത്ര്ത്വം അമീനെ തിരികെ ജിദ്ദയിലേക്ക് തന്നെ അയക്കുകയുണ്ടായി.

2009 ജൂലയില്‍ കിഡ്നി പ്രവര്‍ത്തന രഹിതമായി ജിദ്ദയിലെ കിങ്ങ് ഫൈസല്‍ സ്പെഷ്യാലിറ്റി ആശുപത്രിയില്‍ അമീന്‍ അബോധാവസ്തയിലേക്ക് വീണു . ആ വര്ഷം തന്നെ ഒഅഗസ്റ്റ് 16നു അബോധാവസ്ഥായിലായിരിക്കെ തന്നെ ആധുനിക ലോകം കണ്ടതില്‍ വെചു ഏറ്റവും ക്രൂരനായ ഭരണാധികാരികളില്‍ ഒരാളായിരുന്ന ഈദി അമീന്‍ എന്ന "ഫീള്‍ഡ് മാര്‍ഷല്‍ അല്‍ഹാജി ഡോക്റ്റര്‍ ഈദി അമീന്‍ ദാദ " അനിവാര്യമായ മരണത്തിനു കീഴടങ്ങി

ഏഴോളം ഭാര്യമാരിലായി 45 ഓളം കുട്ടികളുണ്ടായിരുന്ന അമീന്റെ പ്രിയപെട്ട ഭാര "സാറാ കൊയ്ലോബ " എന്ന "സൂയിസൈഡ് സാറ " കഴിഞ്ഞ ദിവസം ലണ്ടനില്‍ വെചു മരണപ്പെട്ടു..

സാറ ബാര്‍‍ട്‍മാന് കൂട്ടിലടക്കപ്പെട്ട അടിമ.. ( True Story )

സാറ ബാര്‍‍ട്‍മാന്

കൂട്ടിലടക്കപ്പെട്ട അടിമ

ജീവിച്ചിരുന്നപ്പോള്‍ കൂട്ടില്‍ അടച്ചു ശരീരം  പ്രദര്‍ശിപ്പിച്ചു മരണശേഷവും പ്രദർശന വസ്തുവായി തുടർന്നു. ദ്രവീകരണം  തടയുന്ന ലേപനങ്ങൾ പുരട്ടി ആ നഗ്ന ശരീരം മ്യൂസിയത്തിൽ സൂക്ഷിക്കുകയും  പിന്നീട് ഗവേഷണത്തിന്റെ പേരിൽ അവയവങ്ങൾ മുറിച്ച് സൂക്ഷിച്ചു. പ്രകൃതി  ശാസ്ത്രജ്ഞനായ ജോർജ് കുവിയർ അവളുടെ ശരീര ഭാഗങ്ങളെ കുറിച്ച് പഠിക്കുകയും  ഇത്രയും അപ്മാനിക്കപെട്ട കറുത്ത വര്‍ഗ്ഗകാരിയായ സ്ത്രീ ലോകത്ത് കാണില്ല.  അവളുടെ പേരാണ് സാറ ബാര്‍‍ട്‍മാന്‍ .

1789ൽ ദക്ഷിണാഫ്രിക്കയിലെ  ഈസ്‌റ്റേൺ കേപിലാണ് സാറയുടെ ജനനം. ഖൈഖോയിയിലെ കന്നുകാലി വളർത്തൽ  ഉപജീവനമാർഗമായി സ്വീകരിച്ചിരുന്ന വർഗത്തിൽ പെട്ടവൾ. ഒരു കൊളോണിയൽ  കുടുംബത്തിലെ സേവകരായിരുന്നു അവളുടെ കുടുംബം. രണ്ട് വയസ്സുള്ളപ്പോൾ അമ്മ  മരിച്ചു. കൗമാരം പിന്നിടും മുമ്പേ അച്ഛനും. ഖൈഖോയിക്കാരനായ ഒരു  ഡ്രമ്മറെയാണ് സാറ വിവാഹം കഴിച്ചത്. ആ ബന്ധത്തിൽ ഒരു കുട്ടിയുണ്ട്.  ആ  സമയത്താണ് കോളനിവല്‍ക്കരണം അവിടെ ശക്തമാകുന്നത്. ഡച്ചുകാര്‍  കറുത്തവര്‍ഗ്ഗക്കാരെ യാതൊരു ദയയുമില്ലാതെ കൊന്നുതള്ളിക്കൊണ്ടിരുന്നു.  അതില്‍ അവളുടെ ഭര്‍ത്താവുമുണ്ട്. ഭര്‍ത്താവ് കൊല്ലപ്പെടുമ്പോള്‍ അവളുടെ  പ്രായം 16 വയസ്സാണ്. വിചിത്ര രൂപം കാരണം അവളെ അവർ കൊന്നില്ല. പകരം, ഉയർന്ന  വിലക്ക് പീറ്റർ വില്യം സെസാർ എന്ന വ്യാപാരിക്ക് വിൽക്കുകയായിരുന്നു. അയാൾ  അവളെ കേപ്ടൗണിലേക്ക് കൊണ്ടുപോയി. അവിടെ പീറ്ററിന്റെ സഹോദരൻ ഹെൻട്രിയുടെ  വീട്ടിൽ ക്രൂരമായ മർദനങ്ങൾക്കും അവഹേളനങ്ങൾക്കും ഇരയായി അടിമ ജീവിതം  തള്ളിനീക്കി.  810 ഒക്ടോബർ 29ന് ഇംഗ്ലീഷ് കപ്പൽ സർജനായ വില്യം ഡൺലോപ്പ്  അവളെ കാണാനിടയായി. ശാരീരിക പ്രത്യേകത കണ്ട സായിപ്പിന് അവളിൽ കച്ചവട  താത്പര്യങ്ങളുണർന്നു. അവളെ യൂറോപ്പിന് കാഴ്ച വസ്തുവാക്കിയാൽ ഉണ്ടാവുന്ന  കമ്പോളത്തിന്റെ അനന്ത സാധ്യതകൾ അയാൾ ഗണിച്ചു. ഡൺലോപ്പിനൊപ്പം  ഇംഗ്ലണ്ടിലേക്കും അയർലാൻഡിലേക്കും പോകാമെന്നും അവിടെ വീട്ടുജോലി  ചെയ്യാമെന്നും വരുമാനത്തിൽ നിന്ന് ഒരു വിഹിതം ലഭിക്കുകയാണെങ്കിൽ തന്നെ  പ്രദർശിപ്പിക്കാൻ അനുവദിക്കുമെന്ന വ്യവസ്ഥയോടെ കരാറെഴുതി അവൾ സ്വയം  പോയതാണെന്ന് പറയപ്പെടുന്നുണ്ടെങ്കിലും അതത്ര വിശ്വാസയോഗ്യമല്ല. ഇതിന് രണ്ട്  കാരണങ്ങളുണ്ട്. ഒന്ന്, അവൾ കരാറിൽ ഒപ്പിട്ടുവെന്നത് സംശയാസ്പദമാണ്.  അന്നത്തെ ആഫ്രിക്കൻ അടിമകളെ പോലെ അവളും നിരക്ഷരയായിരുന്നു. രണ്ടാമതായി,  സെസാർ കുടുംബം വലിയ സാമ്പത്തിക പ്രതിസന്ധി അഭിമുഖീകരിച്ചിരുന്നു. അവർ സാറയെ  ഉപയോഗിച്ചിട്ടുണ്ടാവണം. അവളെ ബലമായി കടത്തി കൊണ്ടുപോയതാവാനേ തരമുള്ളൂ.

  1810ന്റെ അവസാനത്തിൽ അവൾ ഇംഗ്ലണ്ടിലെത്തി. “കൂട്ടിലടച്ച ആഫ്രിക്കൻ  ഇരുകാലിമൃഗം’എന്ന കൂറ്റൻ പരസ്യവാചകമെഴുതി അയാൾ ടിക്കറ്റിന് കാഴ്ചക്കാരെ  ക്ഷണിച്ചു. സാറയുടെ നഗ്നശരീരം ഒരു മീറ്റർ മാത്രം ഉയരമുള്ള കൂട്ടിൽ  പ്രദർശിപ്പിച്ചത് കാണാൻ ഇംഗ്ലീഷുകാർ കൂട്ടമായെത്തി. യൂറോപ്പിന്റെ വിവിധ  ഭാഗങ്ങളിൽ നിന്നുള്ള ആളുകളെ അവൾ ഹഠാദാകർഷിച്ചു. കറുത്ത ശരീരം യൂറോപ്പിൽ  കണികാണാൻ പോലും കിട്ടാത്ത കാലമായിരുന്നല്ലോ അത്. മൃഗത്തെ പോലെ നാണം  മറക്കാതെ കൂട്ടിനുള്ളിൽ ഞെരിപിരികൊള്ളുന്ന സാറയെ നുള്ളിയും പിച്ചിയും  വെള്ളക്കാർ ക്രൂരമായ ആനന്ദം കണ്ടെത്തി. ഇതിനിടെ, ബ്രിട്ടനിൽ  അടിമത്വത്തിനെതിരെ മനുഷ്യപ്പറ്റുള്ളവരുടെ പ്രചാരണങ്ങൾ കൂടുതൽ  ശക്തിയാർജിച്ചു. സ്വാഭാവികമായും സാറ ബാർട്മാന്റെ അവകാശ നിഷേധവും ചോദ്യം  ചെയ്യപ്പെട്ടു. എന്നാൽ, പ്രദർശിപ്പിക്കാൻ സാറ സമ്മതം നൽകിയ വ്യാജ  സാക്ഷ്യപത്രം നൽകി ഡൺലോപ്പ് നിയമത്തിന്റെ കുരുക്കിൽ നിന്ന് വഴുതിമാറി. അവളെ  ക്രൂരമായി ചൂഷണം ചെയ്ത് അയാൾ ധാരാളം സമ്പാദിച്ചുകൂട്ടി. ഇക്കാലയളവിൽ  അഭിസാരികയാവേണ്ട ഗതികേടും അവൾക്ക് വന്നുഭവിച്ചു1814 സെപ്തംബർ, ഇംഗ്ലണ്ടിൽ സാറയുടെ പ്രദർശനത്തിനെതിരെ പ്രതിഷേധങ്ങൾ ശക്തമായതോടെ അവളെ ഫ്രാൻസിലേക്ക് കൊണ്ടുപോയി. റക്‌സ് എന്ന ഫ്രഞ്ച് സർക്കസുകാരൻ ഡൺലോപ്പിൽ നിന്ന് ഉയർന്ന വിലക്ക് അവളെ സ്വന്തമാക്കി. കടുവകളെയും ആനകളെയും പഠിപ്പിക്കുന്നത് പോലെ അവളെയും അയാൾ കാണികളെ ഹരംകൊള്ളിക്കുന്ന അഭ്യാസങ്ങൾ പരിശീലിപ്പിച്ചു.വഴങ്ങാതിരുന്നപ്പോൾ ശക്തമായ മർദനമുറകൾക്ക് വിധേയയാക്കി. മൃഗങ്ങളോട് ആജ്ഞാപിക്കുന്നത് പോലെയാണ് അയാൾ അവളോട് കൽപ്പനകൾ ഉരുവിട്ടത്. കാലുകൾ രണ്ടെണ്ണമാണെങ്കിലും അയാളുടെ അധമദൃഷ്ടിയിൽ സാറ മൃഗമായിരുന്നു!

“സാറാ ബാർട്മാൻ ആൻഡ് ഹോട്ട്‌നോട്ട് വീനസ്: എ ഗോസ്റ്റ് സ്‌റ്റോറി’ എന്ന സാറയുടെ ഇരുൾ മുറ്റിയ ജീവിതകഥ പറയുന്ന പുസ്തകത്തിൽ എമോറി യൂനിവേഴ്‌സിറ്റിയിലെ പ്രൊഫസർമാരായ ക്ലിഫ്റ്റൺ ക്രയ്‌സും പാമെലസ്‌കെല്ലിയും ഇങ്ങനെ പറയുന്നുണ്ട്: 

“പാരീസിലെത്തിയപ്പോഴേക്കും അവളുടെ ശരീരം ദയനീയവും വ്രണാവസ്ഥയിലുമായിരുന്നു.അവളെ ഒരു സാക്ഷാൽ മൃഗത്തെ പോലെയാണ് അവർ പരിഗണിച്ചിരുന്നത്. ഒരു ഘട്ടത്തിൽ മറ്റ് മൃഗങ്ങളെ പോലെ അവളുടെ കഴുത്തിലും കോളർ സ്ഥാപിച്ചിരുന്നു.’  ഫ്രാൻസിലെ ജനത ഏറെ ആവേശത്തോടെയാണ് സാറയെ വരവേറ്റത്. മഞ്ഞ് പെയ്യുന്ന തണുത്തുറഞ്ഞ രാത്രികളിൽ നൂൽബന്ധം പോലുമില്ലാതെ വന്യ

മൃഗങ്ങളോടൊപ്പം അവരിലൊരാളായി സംഭീതയായി കഴിയേണ്ടി വന്നു. മിക്ക ദിവസങ്ങളിലും കാണ്ടാമൃഗത്തോടൊപ്പം ഒരു കൂട്ടിലായിരുന്നു പ്രദർശിപ്പിച്ചിരുന്നുവെന്നത് അവൾ നേരിട്ട ക്രൂരതയുടെ ആഴം കാണിക്കുന്നുണ്ട്. പൂർണ നഗ്നയായാണത്രെ അവളെ പ്രദർശിപ്പിച്ചത്.

അവളുടെ ശാഠ്യത്തിന് വഴങ്ങി ചിലപ്പോഴെങ്കിലും അരക്കെട്ടിനേക്കാൾ അൽപ്പം നീളമുള്ള   മുന്‍ഭാഗം  മറയ്ക്കാന്‍ മാത്രം ചെറിയ തുണി യവര്‍ അനുവദിച്ചിരുന്നു.പാരീസിലെ എല്ലുകോച്ചുന്ന തണുപ്പിൽ സാറയുടെ ആരോഗ്യം ദിനംപ്രതി ക്ഷയിച്ചുകൊണ്ടിരുന്നു. “മൃഗം’ ചത്താലെന്ത് എന്ന് കരുതിയത് കൊണ്ടാവണം, സർക്കസുകാരൻ അവൾക്ക് ശരിയായ പരിചരണം നൽകിയതുമില്ല. അതിനിടെ, അവൾക്ക് ന്യുമോണിയ ബാധിച്ചു. അത് മൂർച്ചിച്ച് 1816ൽ 27 ാം വയസ്സിൽ കൊടിയ ക്രൂരതകൾ സഹിക്കുന്ന കറുത്ത വർഗക്കാരുടെ പ്രതീകമായി അവൾ ലോകത്തോട് വിട പറഞ്ഞു.

മരണാനന്തരവും അവളുടെ ശരീരം മറ കണ്ടില്ല. ജീവിത കാലം പോലെ അവൾ മരണശേഷവും പ്രദർശന വസ്തുവായി തുടർന്നു. ദ്രവീകരണം തടയുന്ന ലേപനങ്ങൾ പുരട്ടി ആ നഗ്ന ശരീരം 1974 വരെ പാരിസ് മ്യൂസിയത്തിൽ സൂക്ഷിക്കുകയാണുണ്ടായത്. പിന്നീട് ഗവേഷണത്തിന്റെ പേരിൽ അവയവങ്ങൾ മുറിച്ച് സൂക്ഷിച്ചു. പ്രകൃതി ശാസ്ത്രജ്ഞനായ ജോർജ് കുവിയർ അവളുടെ ശരീര ഭാഗങ്ങളെ കുറിച്ച് പഠിക്കുകയും മനുഷ്യനും മൃഗങ്ങൾക്കും ഇടയിലുള്ള കണ്ണിയാണ് സാറയെന്ന നിഗമനത്തിലെത്തുകയും ചെയ്തു. ആഫ്രിക്കൻ വംശജർ അമിത ലൈംഗികാസക്തിയുള്ളവരും കുറഞ്ഞ വംശവുമാണെന്ന വാർപ്പുമാതൃക സ്ഥാപിക്കാനും അവളെ ഉപയോഗപ്പെടുത്തി.

1940കളോടെ സാറയുടെ ഭൗതികാവശിഷ്ടങ്ങൾ ജന്മനാട്ടിലേക്ക് തിരിച്ചുകൊണ്ടുവരാനുള്ള മുറവിളികൾ ഉയർന്നു തുടങ്ങി. 1981ൽ പാലിയന്റോളജിസ്റ്റായ സ്റ്റീഫൻ ജയ് ഗൾഡ് രചിച്ച “ദ മിസ്‌മെഷർ ഓഫ് മാനി’ലൂടെയാണ് സാറയുടെ കഥ ലോകം പുനർവായിക്കുന്നത്. ഇതോടെ സാറയുടെ അവകാശങ്ങൾക്കായുള്ള മുറവിളികൾക്ക് ആഗോള പ്രാധാന്യം കൈവന്നു. ഗൊയാൻ വംശജയായ ഡയാന ഫറസ് എഴുതിയ “I have came to take you home’ എന്ന കവിത ഈ പ്രസ്ഥാനങ്ങളെ ഉത്തേജിപ്പിക്കുന്നതിൽ ചെറുതല്ലാത്ത പങ്കുവഹിച്ചിട്ടുണ്ട്. 1994ലെ പൊതുതിരഞ്ഞെടുപ്പിൽ ആഫ്രിക്കൻ നാഷനൽ കോൺഗ്രസിന്റെ വിജയത്തോടെ നെൽസൺ മണ്ടേല, സാറയുടെ ഭൗതിക ശരീരം വിട്ടുതരാൻ ഫ്രാൻസിനോട് ആവശ്യപ്പെട്ടു. ഫ്രഞ്ച് ദേശീയ അസംബ്ലിയിൽ നിരവധി നിയമ പോരാട്ടങ്ങൾക്കും സംവാദങ്ങൾക്കും ശേഷം 2002 മാർച്ച് ആറിന് ഫ്രാൻസ് ഈ അഭ്യർഥന അംഗീകരിച്ചു.

 മെയ് ആറിന് ടാംഗൂസ്‌വാലിയിലേക്ക് അവളുടെ ഭൗതികാവശിഷ്ടങ്ങൾ തിരിച്ചയച്ചു. ഹാർക്കി പട്ടണത്തിലെ വെർഗാസെറിംഗ്‌സ്‌കോപ്പിലെ കുന്നിൻമുകളിൽ സമ്പൂർണ ബഹുമതികളോടെ അടക്കം ചെയ്തു. 2010ൽ പുറത്തിറങ്ങിയ “ബ്ലാക്ക് വീനസ്’ എന്ന ചലച്ചിത്രം അവളുടെ പച്ചയായ ജീവിതം അങ്ങനെ തന്നെ വരഞ്ഞിടുന്നതാണ്.  രാജ്യ ചരിത്രങ്ങളുടെയും വിവിധ വർഗങ്ങളുടെയും പ്രതിനിധിയായ സാറ ബാർട്മാൻ ഇന്ന് ദക്ഷിണാഫ്രിക്കയുടെ ഒരു ബിംബമാണ്. 1999ൽ കേപ്ടൗണിൽ ആരംഭിച്ച ഗാർഹിക പീഡനം അനുഭവിക്കുന്നവർക്കുള്ള അഭയ കേന്ദ്രത്തിന് സാർജി ബാർട്മാൻ സെന്റർ ഫോർ വിമൻ ആൻഡ് ചിൽഡ്രൻ എന്നാണ് നാമകരണം ചെയ്തിട്ടുള്ളത്. ദക്ഷിണാഫ്രിക്കയുടെ ആദ്യത്തെ ഓഫ്‌ഷോർ പ്രകൃതി സംരക്ഷണ കപ്പലിന്റെ പേരും സാറയെന്നാണ്. കേപ്ടൗൺ സർവകലാശാല ക്യാമ്പസിന്റെ മധ്യഭാഗത്തുള്ള ഹാളിന് സാറ ബാർട്മാൻ ഹാൾ എന്ന് പിൽക്കാലത്ത് പുനർനാമകരണം ചെയ്തു..

ജൂലിയൻ അസാൻജിന്റെ വിക്കിലീക്സ്..

ഈ ലോകത്തിലെ ജനങ്ങളെ നമുക്ക്‌ രണ്ടായി തിരിക്കാനാവും, ഒന്ന്  അധികാരവർഗ്ഗവും രണ്ട് സാധാരണക്കാരും. അധികാരവർഗ്ഗം ശക്തരും വലിയ സ്വാധീനമുള്ളവരുമായിരിക്കും. സാധാരണക്കാർക്ക്‌ അധികാരവർഗ്ഗത്തോട് ഏറ്റുമുട്ടാൻ ശക്തിയോ സ്വാധീനമോ ഉണ്ടാവില്ല. അധികാരവർഗ്ഗത്തിന്റെ കൂട്ടുകാരായിരിക്കും സകല മാധ്യമങ്ങളും. അധികാരവർഗം അവരുടെ ശക്തിയും സ്വാധീനവും സമ്പത്തും ഉപയോഗിച്ച് മാധ്യമങ്ങളെ സ്വാധീനീക്കുകയും നിയന്ത്രിക്കുകയും ചെയ്യുന്നു. മാധ്യമങ്ങൾ അധികാരവർഗ്ഗതത്തിന് സ്തുതിപാടകരാവുന്നു. ലോകത്ത് പരക്കെ നടക്കുന്ന കുറ്റകൃത്യങ്ങളിൽ വലിയൊരു തോതും ഈ അധികാരവർഗം എതിർക്കാൻ കെൽപ്പില്ലാത്ത സാധാരണക്കാരായ ജനങ്ങളുടെ മേൽ നടത്തുന്ന കുറ്റകൃത്യങ്ങളാണ്.

 സാഹചര്യം വിശദീകരിക്കാനായി ഒരു കഥ പറയാം. "ഒരിക്കൽ ഒരിടത്ത് ഒരു അധികാരി അയാളുടെ അയൽവാസിയായ സാധാരണക്കാരന്റെ വീട്ടിൽകേറി അയാളെ ആക്രമിക്കുകയും അയാളുടെ പക്കലുള്ള സ്വർണം തട്ടിയെടുക്കുകയും ചെയ്തു. അയാളെ ആക്രമിക്കുമ്പോൾ അധികാരി തന്റെ പക്കലുള്ള മൈക്ക് ഉപയോഗിച്ച് ലൗഡ്സ്പീക്കറിലൂടെ ഉച്ചത്തിൽ സാധാരണക്കാരൻ തന്നെ ആക്രമിക്കുന്നതായി ചുറ്റുപാടുമുള്ള പ്രാദേശങ്ങളിലേക്ക് വിളിച്ചു പറയുന്നു. ഇത് കേട്ട് ആളുകൾ സാധാരണക്കാരൻ അധികാരിയെ ആക്രമിച്ചെന്ന് വിശ്വസിക്കുന്നു. പക്ഷെ ഇതെല്ലാം മറ്റൊരാൾ ക്യാമറയിൽ പകർത്തുകയുണ്ടായി. സത്യം പുറംലോകത്തെ അറിയിക്കാൻ അയാൾ എല്ലാ മാധ്യമ സ്ഥാപനങ്ങളെയും സന്ദർശിച്ചെങ്കിലും അയാളെപോലെ തന്നെ അവരും അധികാരവർഗത്തിന്റെ നരനായാട്ടിനെ ഭയന്ന് അത് പുറത്തുവിടാൻ തയ്യാറായില്ല. ഫലത്തിൽ നിരപരാധി കുറ്റവാളിയും കുറ്റവാളി നിരപരാധിയുമായിമാറി." ഇങ്ങനെയിരിക്കെ എല്ലാവർക്കും അവരുടെ പക്കലുള്ള തെളിവുകൾ അധികാരവർഗത്തെ ഭയക്കാതെ പുറത്ത് വിടുവാൻ ഒരു മാധ്യമം ഒരാൾ തയ്യാറാക്കി. അദ്ദേഹമാണ് ജൂലിയൻ അസാൻജ്, അദ്ദേഹം സ്ഥാപിച്ച മാധ്യമമാണ് "വിക്കിലീക്സ്".

 വിക്കിലീക്സ് ഒരു വെബ്സൈറ്റ് ആയാണ് അറിയപ്പെടുന്നതെങ്കിലും അതിന് പിന്നിൽ പ്രവർത്തിക്കുന്നത് മാധ്യമ പ്രവർത്തകരുടെ ഒരു വലിയ സംഘടനയാണ്. 1971 ൽ ഓസ്ട്രേലിയയിലെ ക്വീൻസ്ലാന്റിലാണ് ജൂലിയൻ ജനിച്ചത്. ജൂലിയന്റെ അമ്മ ഒരു ആന്റി-വാർ ആക്ടിവിസ്റ്റായിരുന്നു. 1980 കളിൽ തന്റെ 16 ആമത്തെ വയസ്സിലാണ് ജൂലിയൻ ആദ്യമായി ഒരു കമ്പ്യൂട്ടർ കാണുന്നത്. തുടക്കത്തിൽ കമ്പ്യൂട്ടർ മാന്വലുകളിൽ നിന്നാണ് അവൻ കമ്പ്യൂട്ടറിനെ കുറിച്ച്‌ പഠിച്ചത്. അക്കാലത്ത് സോഫ്റ്റ്‌വെയർ കമ്പനികൾ ഉണ്ടാക്കിയ പ്രോഗ്രാമുകളിലെ എൻക്രിപ്ഷൻ ബ്രേക്ക്‌ ചെയ്യുകയും അവ നവീകരിക്കുകയും ചെയ്യുകയായിരുന്നു ജൂലിയന്റെ ഹോബി. ശേഷം അവൻ സ്വയം പ്രോഗ്രാമുകൾ എഴുതാൻ തുടങ്ങി. മോഡങ്ങളുടെ വരവോടെ അവൻ കമ്പ്യൂട്ടർ നെറ്റ്‌വർക്കുകളിലേക്ക് ഹാക്കിങ്ങിലൂടെ നുഴഞ്ഞുകയറാൻ പഠിച്ചു. വളരെ ചെറിയ പ്രായത്തിൽ തന്നെ അവന് ലോകത്തിലെ പലകോണുകളിലായി ഹാക്കർമാരുടെ ഒരു വലിയ സൗഹൃദസംഘം തന്നെ ഉണ്ടായിരുന്നു. അപ്പോൾ എല്ലാ ഹാക്കർമാർക്കും ഒരു ഇരട്ടപ്പേര് (nickname) ഉണ്ടായിരുന്നു. Mendax എന്നായിരുന്നു ജൂലിയന്റെ ഇരട്ടപ്പേര്. ഹാക്കർമാരിലെ ഇരട്ടപ്പേരുള്ള Phoenix, Trax, Prime suspect എന്നിവർ ജൂലിയന്റെ ഉറ്റസുഹൃത്തുക്കൾ ആയിരുന്നു. ഇവർ ഇവരുടെ ഹാക്കർ സംഘത്തിനിട്ട പേരാണ് ഇന്റർനാഷണൽ സബ്വേഴ്‌സിവ്സ് (International Subversives). ഇവർ സംഘം ചേർന്ന് കാനേഡിയൻ ടെലികോം കമ്പനിയായ നോർട്ടെൽ, പെന്റഗണിലെ നാസ തുടങ്ങിയ സ്ഥാപനങ്ങളുടെ നെറ്റ്‌വർക്കുകളിൽ നുഴഞ്ഞു കയറിയിരുന്നു. 1992 ൽ ജൂലിയനും അവന്റെ കൂട്ടുകാരും ചേർന്ന് ഹാക്കർമാർക്കും ക്രിപ്റ്റോഗ്രാഫേഴ്സിനുമായി സൈഫെർഫങ്ക്സ് (Cypherphunks) എന്ന സംഘടന തുടങ്ങി. 1994 ഇൽ കാനേഡിയൻ ടെലികമ്യൂണിക്കേഷൻ കമ്പനിയായ നോർട്ടെൽ, യുഎസ് ഡിപ്പാർട്മെന്റ് ഓഫ് ഡിഫെൻസ്, നാസ, എന്നീ നെറ്റ്‌വർക്കുകൾ ഹാക്കിങ് വഴി നുഴഞ്ഞു കയറിയതിന് 31 ഹാക്കിങ് കേസുകൾ പിടിയിലായ ജൂലിയന്റെയും കൂട്ടരുടെയും മേൽ ഓസ്ട്രേലിയൻ ഫെഡറൽ പോലീസ് ചാർജ് ചെയ്ത് അറസ്റ്റ് ചെയ്യുകയുണ്ടായി. ചെറു പ്രായത്തിന്റെയും ശ്രമകരമായ ബാല്യത്തിന്റെയും ആനുകൂല്യം കൊണ്ട് ശിക്ഷ 2100 ഡോളർ പിഴയിൽ മാത്രം അപ്പോൾ ഒതുങ്ങി.

 2003 ൽ അദ്ദേഹം ഫിസിക്സിലും ഗണിതത്തിലും ബിരുദത്തിനായി ഓസ്ട്രേലിയയിലെ മെൽബൺ യൂണിവേഴ്സിറ്റിയിൽ ചേർന്നു. പക്ഷെ ഡിഗ്രി പൂർത്തിയാക്കാതെ അദ്ദേഹം 2006 ൽ തന്നെ യൂണിവേഴ്സിറ്റി വിട്ടു. ശേഷം 2006 ൽ തന്നെ അദ്ദേഹം വിക്കിലീക്സ് എന്ന വെബ്സൈറ്റ് സ്ഥാപിച്ചു. പൊതുജനങ്ങളിൽ ആർക്കും വിക്കിലീക്സിലേക്ക് അവരുടെ പക്കലുള്ള വിവരങ്ങൾ അയക്കാമെന്നും വിവരം നൽകുന്നവരെക്കുറിച്ചുള്ള വിവരങ്ങൾ ഒരിക്കലും പുറത്ത് വരില്ലെന്നും വിക്കിലീക്സ് ജനങ്ങൾക്ക് ഉറപ്പ് നൽകിയിരുന്നു. ശേഷം അദ്ദേഹം തന്റെ ശ്രദ്ധ ഏഷ്യ, ആഫ്രിക്ക, യൂറോപ്പ്, അമേരിക്ക എന്നിവിടങ്ങളിലുള്ള ലോകരാജ്യങ്ങളിലേക്ക് തിരിക്കുകയും ആ രാജ്യങ്ങളിലേക്ക് നീണ്ട യാത്രകൾ നടത്തുകയും ചെയ്തു. തുടർന്ന് അദ്ദേഹം ഓരോ ലോകരാജ്യങ്ങളിലും അദ്ദേഹം തന്റെ വിക്കിലീക്സിന്റെ പ്രാതിനിധ്യം ഉറപ്പുവരുത്തി. വിക്കിലീക്സിന് ആയിരത്തോളം അംഗങ്ങളെ ലോകത്തിന്റെ പലകോണുകളിൽ നിന്നും അദ്ദേഹം

 സമ്പാദിച്ചു. അംഗങ്ങളിൽ മാധ്യമ പ്രവർത്തകർ, ഗവണ്മെന്റ് ഉദ്യോഗസ്ഥർ, ആക്ടിവിസ്റ്റുകൾ തുടങ്ങി സമൂഹത്തിലെ പല തട്ടുകളിലും പ്രവർത്തിക്കുന്നവർ ഉണ്ടായിരുന്നു. അവർ ഒരുമിച്ച് വിക്കിലീക്സിനായി പ്രവർത്തിക്കാൻ തുടങ്ങി. തുടർന്ന് വിക്കിലീക്സിലേക്ക് പല നാടുകളിലെ ആളുകളും, അവിടുത്തെ ഭരണകൂടങ്ങളും കോർപ്പറേറ്റുകളും നടത്തുന്ന അഴിമതികളെക്കുറിച്ചും അടിച്ചമർത്തലുകളെക്കുറിച്ചും ക്രൂരകൃത്യങ്ങളെക്കുറിച്ചും തെളിവ് സഹിതം അവർക്ക് രഹസ്യവിവരങ്ങൾ അയക്കുവാൻ തുടങ്ങി. വിക്കിലീക്സ് അവ ഓരോന്നായി പുറത്ത് വിടുവാനും തുടങ്ങി. പുറത്തായ തെളിവുകളോടുകൂടിയ രഹസ്യവിവരങ്ങൾ ലോകരാജ്യങ്ങളിൽ കോളിളക്കം സൃഷ്ടിച്ചു. ജനങ്ങൾക്ക്‌ അവരുടെ രാജ്യങ്ങളിലെ ഭരണകൂടങ്ങളെക്കുറിച്ചുള്ള വീക്ഷണങ്ങൾ തന്നെ മാറാൻ തുടങ്ങി. ഇതുമൂലം പ്രസ്തുത രാജ്യങ്ങളിൽ പൊതുജന പോരാട്ടങ്ങൾ പൊട്ടിപ്പുറപ്പെടുകയും പ്രസ്തുത രാജ്യങ്ങളിലെ ഭരണകൂടങ്ങളും ഭരണാധികാരികളും മാറ്റപ്പെടുകയും ചെയ്തു. ഇതിനെല്ലാം തന്നെ ജൂലിയൻ അസാൻജ് ഒരു മുഖ്യ കാരണമായിമാറി.

  മുൻ കെനിയൻ പ്രസിഡന്റ്‌ ഡാനിയൽ അരാപ് മൊയുടെ ഭരണകാലത്ത് നടത്തിയ വൻ അഴിമതികളും കൊലകളും, കെനിയൻ പോലീസ് നടത്തുന്ന മനുഷ്യാവകാശവിരുദ്ധമായ കൊലകൾ, 'ജൂലിയസ് ബെയർ ഗ്രൂപ്പിന്റെ സ്വിസ്സർലാൻഡിലെ മൾട്ടിനാഷണൽ ബാങ്കായ ജൂലിയസ് ബെയർ ബാങ്ക് നടത്തിയ വൻ കള്ളപ്പണം വെളുപ്പിക്കൽ, നികുതി വെട്ടിപ്പ്, ആസ്തി മറച്ചുവെക്കൽ എന്നിവ', അമേരിക്കൻ ആർമി ക്യൂബയിലെ ഗ്വാണ്ടനാമോ ജയിലിൽ തടവുകാരോട് നടത്തുന്ന വൻ ക്രൂരതകളും മനുഷ്യാവകാശ ലംഘനങ്ങളും, ചൈനയിൽ ടിബറ്റൻ വംശജർ അടിച്ചമർത്തപ്പെട്ടത്, പെറുവിൽ ഭരണാധികാരികൾ എണ്ണകമ്പനികളുമായി നടത്തിയ വൻ അഴിമതികൾ തുടങ്ങിയവയെല്ലാം വിക്കിലീക്സ് 2006 മുതൽ 2009 വരെ ലോകത്തിനു മുന്നിൽ പുറത്തുവിട്ട വെളിപ്പെടുത്തലുകളിൽ ഏറ്റവും പ്രധാനമായവയാണ്.

 എങ്കിലും വിക്കിലീക്സിനെ ലോകം ഉറ്റുനോക്കിയ വലിയ വെളിപ്പെടുത്തലുകൾ നടന്നത് 2009 നു ശേഷമായിരുന്നു. വിക്കിലീക്സ് 2010 ൽ പുറത്തുവിട്ട അമേരിക്കൻ ആർമിയിൽ പ്രവർത്തിച്ചിരുന്ന ഒരു വ്യക്തി ചോർത്തി നൽകിയ "കൊളാറ്ററൽ മർഡർ" എന്ന് വിക്കിലീക്സ് വിശേഷിപ്പിച്ച മിലിറ്ററിയുടെ രഹസ്യ വീഡിയോ ലോകമനസാക്ഷിയെ പിടിച്ചു കുലുക്കുന്നതായിരുന്നു.

 ആർമി ഹെലികോപ്റ്ററിൽ ഘടിപ്പിച്ചിരുന്ന ക്യാമറ പകർത്തിയ ആ വീഡിയോയിൽ ഉണ്ടായിരുന്നത് ഇതായിരുന്നു, 2007 ൽ അമേരിക്കൻ അധിനിവേശ കാലത്ത് ഇറാഖിലെ ബാഗ്ദാദിൽ റോന്ത് ചുറ്റിയിരുന്ന അമേരിക്കൻ ആർമി ഹെലികോപ്റ്റർ നിരായുധരായിരുന്ന നിരപരാധികളായ ആളുകളെ വെടിവെച്ചു കൊല്ലുന്നു, വെടികൊണ്ട് വീണ ആളുകളെ രക്ഷിക്കാനായി എത്തിയ വാനിൽ കുട്ടികളുമുണ്ടായിരുന്നു, വെടികൊണ്ടയാളെ വാനിലേക്ക് കൊണ്ടുപോവാൻ രണ്ടുപേർ ശ്രമിക്കവേ, ഹെലികോപ്റ്ററിൽ നിന്നും അമേരിക്കൻ പട്ടാളക്കാർ കുട്ടികളുണ്ടെന്നു പോലും നോക്കാതെ വീണ്ടും വാനിലേക്കും വെടിയുതിർക്കുന്നു. ആൾക്കൂട്ടത്തിൽ ക്യാമറയുമായി എത്തിയ അന്താരാഷ്ട്ര ന്യൂസ്‌ ഏജൻസിയായ റോയിറ്റേഴ്സിന്റെ രണ്ട് മാധ്യമ പ്രവർത്തകർ ഉൾപ്പെടെ 18 ഓളം നിരപരാധികൾ അമേരിക്കൻ പട്ടാളത്താൽ കൊലചെയ്യപ്പെട്ടു. ഇറാഖിൽ അമേരിക്കൻ സൈന്യം നടത്തിയ മനുഷ്യത്വരഹിത കുരുതികളുടെ ഒരു തുറന്ന് കാട്ടലായിരുന്നു ആ വീഡിയോ. വെടിവെപ്പിനെക്കുറിച്ച് "കലാപകാരികൾ നടത്തിയ വെടിവെപ്പ്" എന്ന അമേരിക്കൻ മാധ്യമങ്ങൾ പടച്ചുവിട്ട നുണക്കഥകൾ ഇതോടെ പൊളിച്ചടുക്കപ്പെട്ടു. വീഡിയോയിൽ അമേരിക്കൻ ആർമി ഉദ്യോഗസ്ഥർ പൊതുജനത്തിനു നേരെ വെടിവെക്കാൻ നിർദ്ദേശം നൽകുന്ന ശബ്ദവും വെടിവെച്ച ശേഷം താഴെയുള്ള മൃതശരീരങ്ങളെ നോക്കി പട്ടാളക്കാർ "ലുക്ക്‌ അറ്റ് ദോസ് ഡെഡ് ബസ്റ്റാർഡ്സ്, നൈസ് " എന്ന് പറയുന്നതും വളരെ വ്യക്തമായി കേൾക്കാൻ കഴിയുന്നതായിരുന്നു. വീഡിയോ പുറംലോകം കണ്ടതോടെ ലോകവ്യാപകമായി അമേരിക്കൻ ഭരണകൂടത്തിനും സേനക്കുമെതിരെ ശക്തമായ വിമർശനങ്ങൾ ഉയർന്നു. ലോകജനതക്ക് മുന്നിൽ അമേരിക്കൻ ഭരണകൂടം നാണക്കേട് കൊണ്ട് തലകുനിക്കേണ്ടിവന്നു. ഇതോടെ ജൂലിയൻ അസാൻജും വിക്കിലീക്സും അമേരിക്കൻ ഭരണകൂടത്തിന്റെ കണ്ണിലെ കരടായിമാറി. അവർ ജൂലിയൻ അസാൻജിനെതിരെ കരുക്കൾ നീക്കാൻ തുടങ്ങി.

  തുടർന്ന് വിക്കിലീക്സിന്റെ അടുത്ത ഘട്ട പ്രവർത്തനങ്ങൾക്കായി 2010, ആഗസ്റ്റിൽ സ്വീഡനിൽ എത്തിയ അസാൻജ്, അവിടെ രണ്ട് യുവതികളുമായി ബന്ധം സ്ഥാപിച്ചു. ആ ബന്ധം വളരെ അടുപ്പമുള്ളതാവുകയും അവർ തമ്മിൽ പതിയെ ലൈംഗികബന്ധങ്ങൾ തന്നെ ആരംഭിക്കുകയും ചെയ്തു. പക്ഷെ അസാൻജിനെ കാത്തിരുന്നത് ശത്രുക്കൾ അസാൻജിനായി ഒരുക്കിയിരുന്ന 'ഹണി ട്രാപ്' എന്ന കുടുക്കായിരുന്നു. 

അസാൻജും യുവതികളും തമ്മിലുള്ള ബന്ധം പരസ്പരസമ്മതത്തോടുകൂടിയുള്ളതാണെങ്കിലും യുവതികൾ അസാൻജിനെതിരെ സ്വീഡൻ പോലീസിൽ ലൈംഗിക പീഡനത്തിന് അസാൻജിനെതിരെ പരാതി നൽകി. തെളിവുകളുടെ അഭാവത്തിൽ കോടതി അസാൻജിനെ ആദ്യം കുറ്റവിമുക്തനായി പ്രഖ്യാപിക്കുകയും, അസാൻജ് സ്വീഡനിൽ നിന്ന് ലണ്ടനിലേക്ക് പോവുകയും ചെയ്തെങ്കിലും പരാതിക്കാർ നൽകിയ പുനഃരന്വേഷണ അപേക്ഷ സ്വീകരിച്ച കോടതി, പുനഃരന്വേഷണം പ്രഖ്യാപിച്ചു. അമേരിക്കയുടെ സ്വീഡൻ ഭരണകൂടവുമായുള്ള ഒത്തുകളികളാൽ സ്വീഡൻ പോലിസ് അദ്ദേഹത്തിനെതിരെ പല തെളിവുകളും കെട്ടിച്ചമച്ചുണ്ടാക്കി. 

കോടതി ഉത്തരവ് പ്രകാരം അപ്പോൾ ബ്രിട്ടനിൽ കഴിയുന്ന അസാൻജിനെ വിട്ടുതരാൻ സ്വീഡൻ ബ്രിട്ടനോട് അപേക്ഷ നൽകി. പക്ഷെ അപ്പോഴും ഭീഷണികൾക്ക് ഭയപ്പെടാതെ അസാൻജ് ധീരമായി തന്റെ കൃത്യങ്ങളുമായി മുന്നോട്ട് പോവുകതന്നെ ചെയ്തു. തുർന്ന് വിക്കിലീക്സിനു ലഭിച്ച ചോർത്തപ്പെട്ട അമേരിക്കൻ ആർമി രഹസ്യ ഡോക്യുമെന്റുകൾ, "അഫ്ഗാൻ വാർ ഡയറി", "ഇറാഖ് വാർ ലോഗ്സ്" എന്നീ തലക്കെട്ടുകളോടെ വിക്കിലീക്സ് പുറത്തുവിട്ടു. വിക്കിലീക്സ് പുറത്തുവിട്ട 4 ലക്ഷത്തോളം ആർമി ഡോക്യുമെന്റുകൾ; അമേരിക്ക നടത്തിയ അധിനിവേശ യുദ്ധങ്ങളിലെ സാധാരണക്കാരുടെ യഥാർത്ഥ മരണ സംഖ്യ, യുദ്ധത്തിൽ നടന്ന വൻ മനുഷ്യാവകാശ ലംഘനങ്ങൾ, തീവ്രവാദ സംഘടനകളോട് അമേരിക്കക്കുള്ള പ്രീണനം എന്നിവ പുറംലോകത്തിന് തുറന്നുകാട്ടി. അത് അമേരിക്കൻ ആർമിയുടെ ചരിത്രത്തിലെ തന്നെ വലിയ ലീക്ക് ആയിരുന്നു.

  ശേഷം 2011 ൽ  അമേരിക്കൻ സ്റ്റേറ്റ് ഡിപ്പാർട്മെന്റിലേക്ക് 1966 മുതൽ 2010 വരെ ലോകമെമ്പാടുമുള്ള രാജ്യങ്ങളിലെ അമേരിക്കൻ എംബസികളിൽ നിന്ന് അമേരിക്കൻ നയതന്ത്രജ്ഞർ പ്രസ്തുത രാജ്യങ്ങളിലെ ഭരണത്തലവന്മാർ, രാഷ്ട്രീയ നേതാക്കൾ എന്നിവരെക്കുറിച്ചുള്ള വിശകലനങ്ങൾ, പ്രസ്തുത രാജ്യങ്ങളിലെ നയതന്ത്രം, സംഭവവികാസങ്ങൾ എന്നിവയെക്കുറിച്ചുള്ള രഹസ്യങ്ങൾ മുതലായവയെല്ലാം അടങ്ങിയ രണ്ടരലക്ഷത്തോളം അമേരിക്കൻ നയതന്ത്രജ്ഞ മെസ്സേജുകൾ വിക്കിലീക്സ് "കേബിൾഗേറ്റ്" എന്ന പേരിൽ പുറത്തുവിട്ടു. അന്യരാജ്യങ്ങളിൽ അമേരിക്ക നടത്തുന്ന ചാരപ്രവർത്തികൾ, അമേരിക്കയുടെ സുഹൃദ് രാജ്യങ്ങളിലെ തന്നെ നേതാക്കളുടെ രഹസ്യവിവരങ്ങൾ ചോർത്തുക, അമേരിക്ക അന്യരാജ്യങ്ങളിൽ അമേരിക്കൻ കോർപ്പറേറ്റുകൾക്കായി നടത്തുന്ന അനധികൃത സഹായങ്ങൾ തുടങ്ങി അമേരിക്കയുടെ പല തട്ടിപ്പുകളും കാപട്യങ്ങളും ലോകരാജ്യങ്ങൾക്ക് മുന്നിൽ കേബിൾഗേറ്റിലൂടെ വിക്കിലീക്സ് ലോകത്തിനു മുന്നിൽ തുറന്നുകാട്ടി..

എന്താണ് ഇന്ത്യ പാകിസ്ഥാൻ ആക്രണത്തിൽ ചൈനയുടെ പങ്ക്..

നിരന്തരം ഇന്ത്യയുടെ സുരക്ഷയെ തുരങ്കം വക്കുന്ന പാക്കിസ്ഥാൻ എന്ന രാജ്യത്തെ തട്ടിക്കളയണം വെട്ടിക്കളയണം എന്ന് പറഞ്ഞ്‌ കരയുന്ന പാൽക്കുപ്പികളോട്‌.

ഇന്ത്യയുമായി സാമ്പത്തികമായോ, സൈനീകമായോ, സാങ്കേതികപരമായോ ഒരു വിധത്തിലും താരതമ്യം ചെയ്യാൻ പറ്റാത്ത പാക്കിസ്ഥാൻ എന്ന പരമ ദരിദ്ര രാജ്യം എങ്ങനെയാണു ഇത്രയും പ്രശ്നം ഉണ്ടാക്കി നമുക്ക്‌ വെല്ലുവിളി ഉയർത്തുന്നത്‌ എന്ന് ചിന്തിച്ചിട്ടുണ്ടൊ?

നിവർന്ന് നിൽക്കാൻ കെൽപ്പില്ലാത്ത പാക്കിസ്ഥാൻ എന്ന ശിഖണ്ടിയെ മറയാക്കി ഒരുവൻ ഇന്ത്യക്കെതിരെ യുദ്ധം ചെയ്യുന്നുണ്ട്‌. എല്ലാവിധത്തിലും ഇന്ത്യയെ നേരിടാൻ കെൽപ്പുള്ള "ചൈന"

കാശ്മീരിൽ ചൈനയുടെ നോട്ടം PoK ആണു.. ചൈനയേയും പാക്കുസ്ഥാനെയും ബന്ധിപ്പിക്കുന്ന ഏക പോയിന്റ്‌. ഇതുവഴി അവർക്ക്‌ അറബിക്കടലിലേക്ക്‌ നേരിട്ട്‌ പ്രവേശനം ലഭിക്കുന്നു. ഇന്ത്യയെ മറികടക്കേണ്ടിയും വരുന്നില്ലാ. ഇന്ത്യൻ മഹാസമുദ്രം വഴിയാണു ചൈനയുടെ ഭൂരിഭാഗം ചരക്ക്‌ നീക്കവും നടക്കുന്നത്‌. ഒരു യുദ്ധം ഉണ്ടായാൽ ഇത്‌ ഇന്ത്യക്ക്‌ തടയാൻ കഴിയും അതുവഴി ഒരു മാസത്തിനുള്ളിൽ ചൈനീസ്‌ ഇക്കോണമി തകർന്ന് ഇല്ലാതാവും.

ഇത്‌ നന്നായി അറിയാവുന്നതിനാലാണു ചൈന പാക്കിസ്ഥാനിൽ കോടികൾ ചെലവാക്കി CPEC(china pakistan economic corridor) എന്ന പേരിൽ കോടികൾ നിക്ഷേപിച്ച്‌ റോഡും, സ്ക്കുളൂകളും, ഹോസ്പ്പിറ്റലുകളും നിക്ഷേപിക്കുന്നത്‌. ഇത്‌ വഴി ഇന്ത്യാ മഹാസമുദ്രം തൊടാതെ ആഫ്രിക്കയിൽ നിന്നുള്ള ചരക്ക്‌ നീക്കം സുഗമം ആയി നടക്കും. 

ശ്രീ ലങ്കയിൽ ഒരു ലാഭവും ഇല്ലാത്ത തുറമുഖത്തിനായി ചൈന നിക്ഷെപിച്ചത്‌ ലക്ഷക്കണക്കിനു കോടികളാണു, മണ്ടത്തരമല്ലാ ഈ രാജ്യങ്ങൾക്ക്‌ കാശ്‌ തിരികെക്കൊടുക്കാൻ കഴിയില്ലെന്ന് ചൈനക്ക്‌ നന്നായി അറിയാം. അങ്ങനെ വരുംബോൾ കാശിനു പകരമായി അവിടെ തങ്ങൾക്ക്‌ സൈനീക താവളം നിർമ്മിക്കാനുള്ള അനുമതി ചോതിക്കും.അതുവഴി ഇന്ത്യൻ സൈനീക നീക്കത്തെ വെല്ലുവിളിക്കാനും സാധിക്കും. 

ആഫ്രിക്കയിലെ പല രാജ്യങ്ങളിലും ചൈന ഇതു തന്നെയാണു ചെയ്തത്‌. 

ഇവിടെ പാക്കിസ്ത്ഥാൽ ഇന്ന് കടത്തിൽ മുങ്ങി നിൽക്കുകയാണു. ബലൂചിസ്ഥാനിലെ തുറമുഖം ഒരു ചൈനീസ്സ്‌ മിലിട്ടറി ബേസ്സ്‌ ആയി മാറും. പാക്കിസ്ത്ഥാൻ വീട്ടാക്കടത്തിൽ മുങ്ങി ചൈനയുടെ അടിമയായി മാറും.

ഈ സാഹചര്യത്തിൽ ഇന്തോ- പാക്ക്‌ സൗഹ്രദം ഏറ്റവും നഷ്ടം ഉണ്ടാക്കുക ചൈനക്ക്‌ ആയിരിക്കും. അതുകൊണ്ട്‌ തന്നെ കശ്മീരിൽ അരക്ഷിതാവസ്ഥ നിലനിർത്തുക എന്നത്‌ അവരുടെ ആവശ്യം ആണു.

അപ്പൊ തീവ്രവാദികളെ സഹായിക്കുന്നത്‌ ചൈനയഅണെന്ന് പ്രത്യേകിച്ച്‌ എടുത്ത്‌ പറയേണ്ടതില്ലല്ലോ. ഇവിടെ പാക്ക്‌ ഗവണ്മന്റ്‌ ജനങ്ങളും  വെറും നോക്ക്‌ കുത്തിയാണു.

പിന്നെ ഇതിന്റെ പേരിൽ ചൈനയേ ആക്രമിക്കാൻ പോകാൻ പറയണ്ടാ. ഒറ്റ മനുഷ്യർ നമ്മളെ സഹായിക്കില്ലാ. പല ലോക രാജ്യങ്ങളും ചൈനയുടെ undaril ആണ് ലോക പോലീസ്‌ അമേരിക്ക പോലും നില നിൽക്കുന്നത്‌ ചൈനയുടെ പണം കോണ്ടാണു.  

ഇതെല്ലാം നമ്മുടെ ഗവണ്മെന്റിനും അറിയാതിരിക്കില്ലാ........

ഹോങ് കോങ്ങിന്റെ ജോൽസ്യന്മാരും ചൈനയുടെ കമ്മ്യൂണിസവും..

വികസിത രാജ്യങ്ങൾ എന്ന് കേൾക്കുമ്പോൾ അവിടെ അന്ധവിശ്വാസങ്ങളും മതങ്ങളും കുറവായിരിക്കും എന്നാണ് നമ്മൾ വിചാരിക്കുക. എന്നാല് ഇന്ത്യയെ കാൾ കുശാലാണ് ഹോങ് കോങ്ങിലെ ജോൽസ്യന്മാർ എന്നതാണ് അധികം ആർക്കും അറിയാത്ത രസകരമായ സത്യം. 

വാസ്തു ശാസ്ത്രം വളരെ പണ്ട് മുതലേ ചൈനയിൽ നിലനിന്നത് ആണെങ്കിലും 48 ല് കമ്മ്യൂണിസ്റ്റ് സർകാർ വന്നതോടെ ചൈനയിൽ വാസ്തുവിദ്യ എന്ന കപട ശാസ്ത്രം ഏകദേശം പൂർണമായും തുടച്ചു നീക്കപെട്ടു. എന്നാൽ ബ്രിട്ടീഷ് നിയന്ത്രണത്തിൽ ഉള്ള ഹോങ് കോങ്ങിൽ അത് പോലെ വാസ്തു വിദ്യ നിലനിന്നു പോന്നു.

വടക്കൻ ഹോങ് കോങ്ങിലെ മലകളിൽ നിന്ന് അദൃശ്യൻ ആയ ഡ്രാഗൺസ് (വ്യാളി) തെക്കോട്ട് കടലിലേക്ക് ഇടയ്ക്ക് സവാരിക്ക് പറന്നു പോകും എന്നാണ് ഹോങ് കൊങ്ങുകാരുടെ വിശ്വാസം.

ഇതിന്റെ ഇടയ്ക്ക് ഫ്ലാറ്റുക ളും വീടുകളും പണിതാൽ ഡ്രാഗൺ അതിൽ ചെന്ന് ഇടിക്കും, അവിടെ തങ്ങി നിൽക്കും അങ്ങനെ തങ്ങി നിന്നാൽ ഡ്രാഗൺ അവിടുത്തെ മുഴുവൻ ഭാഗ്യവും സന്തോഷവും കൊണ്ട് കളയും എന്നൊക്കെ ആണ് ഭൂരിഭാഗം ഹോങ് കോൺഗ് നിവാസികളും കരുതുന്നത്.

വ്യാളിക്ക്‌ ഫ്ലാറ്റിന്റെ മുകളിൽ കൂടി പറന്നു പോയ്ക്കൂടെ എന്നൊന്നും ചോദിക്കരുത്.

ഇങ്ങനെ തങ്ങി നിൽക്കാതെ ഇരിക്കാൻ multi billion dollar അന്താരാഷ്ട്ര കമ്പനികൾ വരെ മനപ്പൂർവം താഴെ പടത്തിൽ കൊടുത്തിട്ടുള്ളത് പോലെ അവരുടെ ഫ്ലാറ്റുകളിൽ വലിയ ഓട്ട ഇട്ടു വെക്കാറുണ്ട്. അപ്പോ പിന്നെ ഡ്രാഗൺ ന് ഓട്ടയിൽ കൂടി പറന്ന് പോകാമല്ലോ. ഇതിന് കോടികൾ ചിലവ് ആകുമെങ്കിലും dragon nu ബുദ്ധിമുട്ട് ഒന്നും ഉണ്ടാകരുത് എന്ന് നിർബന്ധം ആണ്.

ഡ്രാഗൺ ഇനു മറ്റൊരു പ്രത്യേകത കൂടി ഉണ്ട്.  വല്ല ഫ്ലാറ്റി ലും ചെന്ന് ഇടിച്ചാൽ അവിടെ കൊണ്ട് നിൽക്കില്ല. അവിടുന്ന് തെറിച്ച് അടുത്ത ബിൽഡിംഗിൽ പോയി തട്ടി അവിടുത്തെ ഭാഗ്യ വും കളയും, ചിലപ്പോൾ. ഹോങ് കൊങ്ങിലെ കമ്പനികൾക്ക് ഇങ്ങനെ തങ്ങളുടെ ഭാഗ്യം വേറെ ഏതെങ്കിലും ബിൽഡിംഗ് കാരണം പോകുന്നുണ്ടെങ്കിൽ അവർക്കെതിരെ സർക്കാരിന് പരാതി കൊടുക്കാൻ ഉള്ള സംവിധാനം ഉണ്ട്. സർകാർ ആ ബിൽഡിംഗ് പൊളിച്ച് കളയാൻ ഉത്തരവിടും, എന്നിട്ട് പരാതി കാരന് നഷ്ടപരിഹാരം കൊടുക്കും. വർഷാവർഷം കോടി കണക്കിന് ഡോളർ ആണ് ഇങ്ങനെ നഷ്ട പരിഹാരം ഇനത്തിൽ പോകുന്നത്.

അങ്ങനെയിരിക്കെ ഒരിക്കൽ ചൈനീസ് സർക്കാരിന് ഒരു ആഗ്രഹം വന്നു. ഹോങ് കൊങ്ങിൽ ചൈനീസ് പട്ടാളത്തിന്റെ ഒരു ഹെഡ് ക്വാർട്ടേഴ്സ് ആയി ഒരു വലിയ ബിൽഡിംഗ് പണിയണം. ആഗ്രഹം വന്നാൽ പിന്നെ ഒന്നും നോക്കാതെ പണിയുന്ന ശീലം ചൈനയ്ക്ക് ഉള്ളത് കൊണ്ട് അവർ അപ്പോ തന്നെ പണിത് തുടങ്ങി. പക്ഷേ ഒരു കുഴപ്പം.

ലോകത്തിലെ ഏറ്റവും വലിയ സൈന്യം ആയ ചൈനീസ് കമ്മ്യൂണിസ്റ്റ് പട്ടാളം എങ്ങനെയാണ് ഒരു പീറ വ്യാളിയെ പേടിച്ച് അവരുടെ ഫ്ളാറ്റിൽ ഓട്ട ഇടുന്നത് ? അവർ ഓട്ട ഇടാതെ തന്നെ ഫ്ലാറ്റ് പണിഞ്ഞു.

ഒരു ദിവസം രാവിലെ വെളിക്ക്‌ ഇരിക്കാൻ കടലിലേക്ക് പറന്നു പോയ വ്യാലി  പെട്ടെന്ന് ചൈനീസ് people's liberation പട്ടാളത്തിന്റെ കെട്ടിടത്തിൽ ചെന്ന് ഇടിച്ചു. ഇൗ പണ്ടാരം ഇന്നലെ ഇവിടെ ഇല്ലായിരുന്നല്ലോ എന്ന അമ്പരപ്പ് മാറും മുൻപേ നമ്മുടെ പാവം ഡ്രാഗൺ അവിടുന്ന് തട്ടി തെറിച്ച് ചെന്നിടിച്ചത് അടുത്തുള്ള ഒരു ബ്രിട്ടീഷ് ബാങ്കിന്റെ ഫ്ലാറ്റിലേക്ക് ആണ്. ഉടനെ തന്നെ ബ്രിട്ടീഷ് ബാങ്കിൽ ഭാഗ്യക്കേടും വന്ന് തുടങ്ങി.

ബാങ്ക് ഉടനെ പോയി പരാതി കൊടുത്തു. പക്ഷേ ഹോങ് കൊങ്ങിലേ പീറ പ്രവിശ്യാ സർകാർ പറഞ്ഞെന്ന് കരുതി ചൈനയിലെ കമ്മ്യൂണിസ്റ്റ് സർകാർ ഉണ്ടോ തങ്ങളുടെ പുതിയ ഫ്ലാറ്റ് പൊളിക്കുന്നു ? അങ്ങനെ ഹോങ് കോൺഗ് സർക്കാരും ബ്രിട്ടീഷ് ബാങ്കും ആകപ്പാടെ കരച്ചിൽ ആയി പിഴിച്ചിൽ ആയി. കുറെ കരഞ്ഞിട്ടും നടക്കാതിരുന്നപ്പോൾ നമ്മുടെ ബ്രിട്ടീഷ് ബാങ്ക് ഇരുപത് ലക്ഷം രൂപ വെച്ച് മാസ ശമ്പളത്തിന് കുറച്ച് ജോൾസ്യൻ മാരെ ജോലിക്ക് എടുത്ത് ഒരു സീരിയസ് ചൂടൻ മാനേജ്മെന്റ് മീറ്റിംഗ് നടത്തി. അങ്ങനെ ജോൾസ്യന്മാരുടെ അഭിപ്രായ പ്രകാരം അവർ ബാങ്കിന്റെ ഫ്ലാറ്റിന്റെ മുകളിൽ ഒരു crane മേടിച്ച് ഫിറ്റ് ചെയ്തു വെച്ചു. ഇനി ചൈനീസ് പട്ടാളത്തിന്റെ ഫ്ളാറ്റിൽ തട്ടി തെറിച്ച് വരുന്ന ഡ്രാഗൺ ഇൗ ക്രെയിൻ ഇല് തട്ടി നേരെ കടലിലേക്ക് പോകും എന്നാണ് ജോൾസ്യൻമാർ പറയുന്നത്. സാധാരണ ബിൽഡിംഗ് പണി തീരുന്നത് വരെ മാത്രം മുകളിൽ ഇരിക്കുന്ന ക്രെയിൻ ന് ഇപ്പൊൾ പെർമനന്റ് ജോലി ആയിട്ട് സ്ഥാന കയറ്റം കിട്ടി..

രാത്രി പഴങ്ങൾ ശീലമാക്കാം, രാവിലെ ആരോഗ്യം ഇരട്ടി..

പഴങ്ങൾ കഴിക്കുമ്പോൾ തന്നെ അത് എങ്ങനെ എപ്പോൾ കഴിക്കണം എന്ന് നമുക്കറിയുന്നില്ല. രാത്രിയിൽ അത്താഴം കഴിക്കുമ്പോൾ അതിന് ശേഷം പഴങ്ങൾ കഴിക്കാം എന്ന് ചിന്തിക്കുന്നവർ അല്‍പം ശ്രദ്ധിക്കേണ്ടതാണ്. ഇത് ആരോഗ്യ ഗുണങ്ങൾ ധാരാളം ഉള്ള ഒന്നാണ് എന്ന കാര്യത്തിൽ സംശയം വേണ്ട. ശരീരഭാരം കുറക്കാൻ ശ്രമിക്കുന്നവര്‍ എല്ലാം പലപ്പോഴും അത്താഴ ശേഷം അല്‍പം പഴം കഴിക്കാൻ ശ്രമിക്കാറുണ്ട്. എന്നാൽ കഴിക്കുന്നത് കൊണ്ടുള്ള ഗുണങ്ങൾ പൂര്‍ണമായും ലഭിക്കണം എന്നുണ്ടെങ്കില്‍ ശ്രദ്ധിക്കേണ്ട ചില കാര്യങ്ങൾ ഉണ്ട്. എന്തൊക്കെയെന്ന് നമുക്ക് നോക്കാം.

അത്താഴം കഴിക്കുന്ന സമയം

അത്താഴം കഴിക്കുന്ന സമയം വളരെയധികം പ്രധാനപ്പെട്ടതാണ്. അതുകൊണ്ട് തന്നെ അത്താഴം കഴിക്കുന്ന സമയം കഴിഞ്ഞ് മൂന്ന് മണിക്കൂർ എങ്കിലും കഴിഞ്ഞാൽ മാത്രമേ പഴങ്ങൾ കഴിക്കാൻ പാടുകയുള്ളൂ. കാരണം അത്താഴം കഴിച്ച ഉടനേ പഴം കഴിച്ചാൽ അത് പലപ്പോഴും പെട്ടെന്ന് പഴം ദഹിക്കുന്നതിന് കാരണമാകുന്നുണ്ട്. അതിലുപരി അത് ദഹന സംബന്ധമായ പ്രശ്നങ്ങൾ ഉണ്ടാക്കുന്നുണ്ട്. ഇത് വളരെയധികം വലിയ ദഹന പ്രശ്നങ്ങൾ തന്നെ ഉണ്ടാക്കുന്നുണ്ട്. അതുകൊണ്ട് തന്നെ ഇത്തരം കാര്യങ്ങൾ വളരെയധികം ശ്രദ്ധിക്കണം.

കിടക്കുന്നതിന് തൊട്ട് മുൻപ്

കിടക്കുന്നതിന് തൊട്ടു മുൻപാണ് പലപ്പോഴും പലരും പഴങ്ങൾ കഴിക്കുന്നത്. എന്നാൽ ഇത് നിങ്ങൾക്ക് ഗുണം നൽകുന്നതിനേക്കാൾ ദോഷമാണ് നൽകുന്നത്. കിടക്കുന്നതിന് തൊട്ടു മുൻപ് പഴം കഴിച്ചാൽ അത് നിങ്ങളിൽ ഉറക്കമില്ലായ്മക്ക് കാരണമാകുന്നുണ്ട്. പഴങ്ങളിൽ നിന്നുണ്ടാവുന്ന പഞ്ചസാര ശാരീരികോർജ്ജത്തെ ആ സമയത്ത് വർദ്ധിപ്പിക്കുന്നു. ഇത് ഉറക്കത്തിന് പ്രയാസമുണ്ടാക്കുകയും ചെയ്യുന്നുണ്ട്. അതുകൊണ്ട് രാത്രി പഴങ്ങൾ കഴിക്കുമ്പോൾ ഉറങ്ങുന്നതിന് മുൻപ് ഒരു മൂന്ന് നാല് മണിക്കൂർ മുൻപെങ്കിലും കഴിക്കാവുന്നതാണ്.

പക്ഷാഘാത സാധ്യത കുറക്കുന്നു

പക്ഷാഘാത സാധ്യത പ്രായമാവുമ്പോൾ പലരിലും ഉണ്ടാവുന്നുണ്ട്. എന്നാൽ പക്ഷാഘാത സാധ്യത കുറക്കുന്നതിന് സഹായിക്കുന്ന ഒന്നാണ് പഴം കഴിക്കുന്നത്. പല വിധത്തിലുള്ള പഴങ്ങൾ കഴിക്കുന്നതിലൂടെ അത് നിങ്ങളുടെ രക്തയോട്ടം കൃത്യമാക്കുകയും അത് പക്ഷാഘാതം പോലുള്ള അസ്വസ്ഥതകൾക്ക് പരിഹാരം കാണുന്നതിനും അതിനെ പ്രതിരോധിക്കുന്നതിനും സഹായിക്കുന്നുണ്ട്. അതുകൊണ്ട് തന്നെ ഇത്തരം അവസ്ഥകൾക്ക് പരിഹാരം കാണുന്നതിന് സഹായിക്കുന്നുണ്ട്.

ഹൃദയത്തിന്‍റെ ആരോഗ്യം

ഹൃദയത്തിന്‍റെ ആരോഗ്യം വർദ്ധിപ്പിക്കുന്നതിന് വേണ്ടി നമുക്ക് ദിവസവും കിടക്കുന്നതിന് അൽപം മുൻപ് അൽപം പഴങ്ങൾ കഴിക്കാവുന്നതാണ്. ഇത് ശരീരത്തിലെ അനാവശ്യ കൊഴുപ്പിനെ ഇല്ലാതാക്കി കൊളസ്ട്രോൾ എന്ന പ്രതിസന്ധിക്ക് പരിഹാരം കാണുന്നതിനും അതിലൂടെ ഹൃദയത്തിന്‍റെ ആരോഗ്യത്തിനും സഹായിക്കുന്നുണ്ട്. ആരോഗ്യ പ്രതിസന്ധികളിൽ ഓരോന്നിനേയും ഇല്ലാതാക്കുന്നതിന് ഏറ്റവും മികച്ച് നിൽക്കുന്ന ഒന്നാണ് ഒരു പിടി പഴങ്ങൾ.

അമിതവണ്ണത്തിന് പരിഹാരം

ഫൈബർ അധികം അടങ്ങിയ പഴങ്ങൾ കഴിക്കുന്നതിലൂടെ അത് എത്ര കുറയാത്ത തടിയേയും ഇല്ലാതാക്കുന്നതിന് സഹായിക്കുന്നുണ്ട്. പല വിധത്തിലുള്ള ആരോഗ്യ പ്രതിസന്ധികൾക്ക് പരിഹാരം കാണുന്നതിലൂടെ അത് ആരോഗ്യ സംരക്ഷണത്തിന് സഹായിക്കുന്നുണ്ട്. ആരോഗ്യ സംരക്ഷണം മാത്രമല്ല അമിതവണ്ണത്തിന് പരിഹാരം കാണുന്നതിനും ഇത് ഉപയോഗിക്കാവുന്നതാണ്. അമിതവണ്ണമെന്ന അസ്വസ്ഥതക്ക് പരിഹാരം കാണുന്നതിന് വേണ്ടി നമുക്ക് ദിവസവും ഫൈബർ അടങ്ങിയ പഴങ്ങൾ കഴിക്കാവുന്നതാണ്.

ഉറക്കമില്ലായ്മക്ക് പരിഹാരം

ഉറക്കമില്ലായ്മ പോലുള്ള അസ്വസ്ഥതകൾ കൊണ്ട് പ്രതിസന്ധികൾ നേരിടുന്നവർക്ക് നമുക്ക് പരിഹാരം കാണുന്നതിന് വേണ്ടി ദിവസവും പഴം കഴിക്കാവുന്നതാണ്. ഇത് നിങ്ങളുടെ ആരോഗ്യത്തിന് വില്ലനാവുന്ന അസ്വസ്ഥതകളെ എല്ലാം ഇല്ലാതാക്കുന്നതിന് സഹായിക്കുന്നുണ്ട്. ഉറക്കമില്ലായ്മ പോലുള്ള അസ്വസ്ഥതകൾക്ക് പരിഹാരം കാണുന്നതിന് വേണ്ടി ദിവസവും പഴം കഴിക്കാവുന്നതാണ്. മസ്ക്മെലൺ, ആപ്പിൾ, വാഴപ്പഴം എന്നിവയെല്ലാം ദിവസവും കഴിക്കാവുന്നതാണ്.

മലബന്ധത്തിന് പരിഹാരം

മലബന്ധം പോലുള്ള അസ്വസ്ഥതകൾക്ക് പരിഹാരം കാണുന്നതിന് വേണ്ടി നമുക്ക് ദിവസവും അത്താഴ ശേഷം ഫ്രൂട്സ് കഴിക്കാവുന്നതാണ്. ഇത് മലബന്ധം പോലുള്ള അസ്വസ്ഥതകൾക്ക് പരിഹാരം കാണുന്നതിന് സഹായിക്കുന്നുണ്ട്. പല വിധത്തിലുള്ള ആരോഗ്യ പ്രതിസന്ധികളെ പൂർണമായും ഇല്ലാതാക്കുന്നതിന് ദിവസവും കിടക്കും മുൻപ് തന്നെ അല്‍പം ഫ്രൂട്സ് ശീലമാക്കാവുന്നതാണ്. ഇത് വയറിന്‍റെ എല്ലാ അസ്വസ്ഥതകൾക്കും പരിഹാരം കാണുന്നതിന് സഹായിക്കുന്നുണ്ട്..

ഖത്തർ സ്പെഷ്യൽ..

 പശ്ചിമേഷ്യയിൽ പേർഷ്യൻ കടലിലേക്ക് തള്ളി നിൽക്കുന്ന ഒരു കുഞ്ഞൻ രാജ്യം അതാണ് ഖത്തർ, 27 ലക്ഷത്തോളം ആകെ ജനസംഖ്യ അതിൽ 6ലക്ഷത്തോളം ഇന്ത്യക്കാർ അതിൽ മൂന്നര ലക്ഷത്തോളം മലയാളികൾ (അനൗദ്യോഗിക കണക്ക് ) 

വലിപ്പത്തിൽ ചെറുതെങ്കിലും ലോകത്തെ ഏറ്റവും സമ്പന്ന രാജ്യങ്ങളിൽ ഒന്നാണ് ഖത്തർ ആളോഹരി വരുമാനത്തിൽ ഒന്നാം സ്ഥാനത്തുള്ള രാജ്യം.

       വർഷം 2017 ജൂണിനു മുൻപുള്ള സമയം ഖത്തറിന്റേ ദൈനം ദിന ആവശ്യങ്ങൾക്കുള്ള അവശ്യ വസ്തുക്കളിൽ പലതും വരുന്നത് മറ്റ് അയൽ രാജ്യങ്ങളിൽ നിന്നും ആണ്, അതിൽ തന്നെ പകുതിയും വരുന്നത് സൗദിയിൽ നിന്നും കരമാര്ഗം, ആ സമയം 2022 FIFA ലോകകപ്പിനെ മുന്നിൽ കണ്ട് ഖത്തറിൽ 8 സ്റ്റേഡിയങ്ങൾ, പിന്നെ ഒരു കൂറ്റൻ തുറമുഖം, മെഡിക്കൽ സിറ്റി ഖത്തർ മെട്രോ എന്നിങ്ങനെ നിർമാണ പ്രവർത്തനങ്ങളും ഖത്തറിൽ പുരോഗമിക്കുകയാണ്. ആ സമയം 2017 ജൂണിൽ ആണ് ട്രമ്പിന്റെ സൗദി സന്ദർശനവും 7 രാജ്യങ്ങൾ ചേർന്ന് ഖത്തറിന് മേൽ ഉപരോധവും പ്രഖ്യാപിക്കുന്നത്,  കാരണമായി പറഞ്ഞത് ഖത്തർ തീവ്രവാദി സംഘടനകളെ സഹായിക്കുന്നു എന്നതും, ഖത്തറിന്റെ ഉടമസ്ഥതയിൽ ഉള്ള അൽ ജസീറ ചാനൽ നിർത്തുക എന്നതടക്കം 13 ഓളം നിബന്ധനകൾ, ആദ്യ ആരോപണം നിഷേധിച്ച ഖത്തർ 13 നിബന്ധനകളിൽ ഒന്ന് പോലും അംഗീകരിച്ചു മറ്റ് രാജ്യങ്ങളുടെ ചൊൽപടിക്ക് നിൽക്കാനും കൂട്ടാക്കിയില്ല.  രാജ്യങ്ങൾ അവരുടെ ഉപരോധവുമായി മുന്നോട്ട് പോകാനും തീരുമാനിക്കുന്നു........ 

          വർഷം 2019 ഡിസംബർ 18 ഇന്ന് ഖത്തർന്റെ നാഷണൽ ഡേ ആണ്  ഈ നാഷണൽ ഡേക്ക് വളരെ അധികം പ്രത്യേകതകൾ ഉണ്ട്,  കാരണം സഹോദര രാജ്യങ്ങളിൽ നിന്നും ഉള്ള ഉപരോധം നേരിട്ട ശേഷമുള്ള 3ആമത്തെ നാഷണൽ ഡേ ആണ് ഇത്.  2017 ജൂൺ ആദ്യം ആയിരുന്നു UAE, സൗദി, ബഹറിൻ, ഈജിപ്ത് തുടങ്ങി 7 രാജ്യങ്ങൾ ഖത്തറിന് മേൽ കര, കടൽ, വായു മാർഗമുള്ള എല്ലാ ബന്ധങ്ങളും വിച്ഛേദിച്ച്‌ ഉപരോധം ഏർപ്പെടുത്തിയത്.  തീവ്രവാദ സംഘടനകളെ വഴിവിട്ട് സഹായിക്കുന്നു എന്ന ആരോപണത്തെ തുടർന്ന് അമേരിക്കയുടെ ഒത്താശയോടെ നടപ്പാക്കിയ ഒരു ഗൂഢ തന്ത്രം.  അതായിരുന്നു ഉപരോധത്തിന് പിന്നിൽ, 

     ആദ്യ ദിനങ്ങളിൽ ഒന്ന് പതറി പോയിരുന്നു ഖത്തർ,  അവശ്യ സാധനങ്ങൾ യൂറോപ്യൻ രാജ്യങ്ങളിൽ നിന്നും, തുർക്കിയിൽ നിന്നും ഇറക്കി ആദ്യ നാളുകളിൽ പിടിച്ചു നിന്നു  ഖത്തർ, സ്വന്തം തുറമുഖങ്ങൾ ഖത്തർന്റേ ചരക്കു നീക്കത്തിന് വിട്ടു കൊടുത്തു ഇന്ത്യയും പിന്തുണ കൊടുത്തു,    പക്ഷെ ഏതാനം ദിവസങ്ങൾക്കകം ഖത്തർ തന്റെ ആത്മവിശ്വാസം വീണ്ടെടുത്തു.  37 കാരനായ അമീർ ഷേക്ക്‌ തമീം ബിൻ ഹമദ് അൽതാനിയോടുള്ള ജനങളുടെ വിശ്വാസം ഖത്തറിനെ ഒന്നിപ്പിച്ചു നിർത്തി. പിന്നീടുള്ളത് ഉയർത്തെഴുന്നേല്പിന്റെ നാളുകൾ ആയിരുന്നു.  ഒരു മാസത്തിനകം ഖത്തർ തങ്ങൾക്കു മുന്നിൽ മുട്ടു കുത്തും എന്ന് കരുതി പ്രതിരോധിച്ചവരുടെ മുഖത്തേക്ക് പ്രഹരം ഏല്പിച്ചുകൊണ്ടുള്ള മാസ്  ഉയിർത്തെഴുന്നേൽപ്പ്, 

      വൻതോതിൽ ഉള്ള പണശേഖരം ആണ് ഖത്തറിനെ താങ്ങി നിർത്തുന്ന പ്രധാന സ്രോതസ്, ഏകദേശം 340ബില്യൺ ഡോളറിന്റെ ശേഖരം, ലണ്ടനിലും, ന്യൂയോർക്കിലും ഉള്ള നിക്ഷേപങ്ങൾ കൂടാതെ അളവില്ലാത്ത പ്രകൃതി വാതക ശേഖരവും, ലോകത്തിലെ ഏറ്റവും വലിയ LPG ഉല്പാദകരും,  അതുകൊണ്ട് തന്നെ ഊർജ പ്രതിസന്ധി എന്നത് ഒരു ഭീഷണിയെ അല്ലായിരുന്നു ഖത്തറിന്. ഒമാനും UAEയും ഖത്തറുമായി ഉള്ള ബന്ധം വിഛേദിച്ചെങ്കിൽ പോലും നില നിന്നത് കടലിന് അടിയിൽ കൂടി ഖത്തറിൽ നിന്നും എത്തുന്ന പ്രകൃതി വാതകത്തെ ആശ്രയിച്ച് ആയിരുന്നു. 

 

    അവശ്യ വസ്തുക്കൾ മറ്റ് GCC രാജ്യങ്ങളിൽ നിന്നും ഇറക്കുമതി ചെയ്ത് ഉപഫോക്‌തൃ രാജ്യം ആയിരുന്ന ഖത്തർ ഉപരോധത്തിന് ശേഷം ഉത്പാദക രാജ്യം ആയി മാറി, GDP കുതിച്ചുയർന്നു,  

അന്താരാഷ്ട്ര നിലവാരം ഉള്ള റോഡുകൾ, തിരക്ക് കുറക്കാൻ ആയി ഉള്ള റിങ് റോഡുകൾ, ആദ്യം തീരുമാനിച്ചതിലും കൂടുതൽ ദൂരം കവർ ചെയ്തുള്ള മെട്രോ, 2022ലെ fifa വേൾഡ് കപ്പിനായി ഉള്ള സ്റ്റേഡിയങ്ങൾ എന്നിവയെല്ലാം അതിവേഗം തീർത്ത ഖത്തർ. സ്വന്തമായി മിലിറ്ററി ബേസും, ചൈനയുടെ സഹായത്തോടെ പൂർത്തീകരിച്ച അഹമ്മദ് പോർട്ട്‌,  ഖത്തർ ആർമി, സ്പെഷ്യൽ ഫോഴ്സ് മിലിട്ടറി ബേസുകൾ,   അടുത്ത വർഷം ആദ്യത്തോടെ ആരംഭിക്കാൻ ഇരിക്കുന്ന നേവൽ ബേസ്.  

  സത്യത്തിൽ ഉപരോധം ഖത്തറിനെ തകർക്കുക ആയിരുന്നില്ല ചെയ്തത് കൂടുതൽ ശക്തി ആർജിക്കാൻ ഉള്ള അവസരം ആണ് കൊടുത്തത് കാരണം സ്വന്തം സമ്പത് വ്യവസ്ഥയെ എങ്ങനെ ഫലപ്രദമായി കൈകാര്യം ചെയ്യാം എന്ന് ഖത്തറിന് അതിലൂടെ മനസ്സിലാക്കാൻ സാധിച്ചു. 

 ലോകത്തെ ഏറ്റവും വലിയ സാമ്രാജ്യത്വ ശക്തിയുടെ ഒത്താശയോടെ നടത്തിയ പ്രതിരോധത്തെ കേരളത്തിന്റെ മൂന്നിലൊന്നു വലിപ്പം മാത്രം ഉള്ള ഒരു രാജ്യം അതി ധീരമായി നേരിട്ട് മറ്റ് രാജ്യങ്ങൾക്ക് കൂടി മാതൃക ആയി മാറിയിരിക്കുന്നു. 

  ഇന്ന് രണ്ടര വർഷങ്ങൾക്കിപ്പുറം  ആർക്കും മുന്നിൽ തല കുനിക്കാതെ അങ്ങനെ ഖത്തർ സമ്പന്നതയുടെയും സുഭിക്ഷതയുടെയും, സുരക്ഷിതത്തിന്റെയും പര്യായമായി മാറികൊണ്ടിരിക്കുന്നു..

ഒരു കൊച്ചു വ്യഭിചാര കഥ..

നാലാം ക്ലാസ്സിൽ പഠിക്കുന്ന ജോമോൻ ആദ്യ കുർബാന എടുക്കുന്നതിനു മുൻപുള്ള വേദപാഠ ക്ലാസ്സിൽ ആണ്

 10 കൽപ്പനകൾ വായിച്ചു പഠിക്കുന്നതിന്റെ ഇടയിൽ 6 ആം കല്പ്പന 

'വ്യഭിചാരം'

 എന്നതാണ്

 ബാക്കി എല്ലാം മനസിലായി ജോമോന്,  കൊല്ലരുത്, കള്ള സാക്ഷി പറയരുത്  എന്നൊക്കെയുള്ള കല്പനകൾ

 പക്ഷെ ഈ  വ്യഭിചാരം എന്താണ് ന്നു മാത്രം ഒരു പിടിയും ഇല്ലാ

 പഠിപ്പിക്കുന്ന സർ നോട് ചോദിച്ചു എന്താ സാറെ ഈ വ്യഭിചാരം

 സാർ ചെറുതായി  ഒന്ന് പരുങ്ങി

 അതെ ജോമോനെ അതു മോൻ മോന്റെ അപ്പച്ചനോട് ചോദിച്ചാൽ മതി പറഞ്ഞു തരും

 ജോമോൻ വീട്ടിൽ വന്നു അപ്പച്ചനോട് ചോദിച്ചു എന്താ അപ്പാ  ഈ  വ്യഭിചാരം

 അപ്പനും ആകെ ഒന്ന് പരുങ്ങി,

 പക്ഷെ ജോമോൻ ഉണ്ടോ വിടുന്നു അറിഞ്ഞിട്ടേ പോകൂ വ്യഭിചാരം എന്താ  ന്നു

 ശല്യം കൂടിയപോ അപ്പൻ മെല്ലെ പറഞ്ഞു കൊടുത്തു മോനെ, 

 നമ്മൾ ഈ തലകുത്തി മറിയുന്നതിനെ ആണ് വ്യഭിചാരം എന്നു പറയുന്നത്.,,

 ജോമോന് ആകെ വിഷമം താൻ ഒരുപാട് വ്യഭിചാരം ചെയ്തിട്ടുണ്ടല്ലോ കർത്താവെ ന്നു

 ആ കുഞ്ഞു മനസ് വല്ലാണ്ട്  പിടഞ്ഞു

 എത്രയും പെട്ടെന്ന് കുമ്പസാരിക്കണം

 പാപങ്ങൾ ഏറ്റു പറയണം

 അങ്ങനെ ആ  ദിവസം വന്നെത്തി.... ജോമോന്റെ ആദ്യ കുമ്പസാരം

 ഇടവക അച്ഛൻ ആണേൽ ഒരു ചൂടനും

 കുമ്പസാരത്തിനു ഒരുപാട് ആളുകൾ Q  നിൽക്കുവായിരുന്നു , 

 ജോമോൻ ആണ് മുന്നിൽ

അച്ഛൻ കുമ്പസാര കൂട്ടിലേക്ക്‌ കയറി. 

ജോമോൻ മെല്ലെ അച്ഛന്റെ അടുത്തെത്തി 

 സകല ധൈര്യവും സംഭരിച്ചു അവൻ തന്റെ പാപങ്ങളുടെ കെട്ടഴിച്ചു

 കൂട്ടുകാരും ആയി അടി ഉണ്ടാക്കിയതും അടുക്കളയിൽ നിന്നും മാങ്ങയും തേങ്ങയും കട്ട്  തിന്നതും, 

ക്രിക്കറ്റ്‌ കളിക്കുന്നതിന്റെ  ഇടയിൽ ബോൾ അടിച്ചു അന്തോണി ചേട്ടന്റെ വീട്ടിലെ ഓട് പൊട്ടിച്ചതും

 അങ്ങനെ അങ്ങനെ തന്റെ പാപ ഭാരങ്ങൾ,,,,

 അവസാനം അവൻ അതു പറയാൻ തീരുമാനിച്ചു തന്നെ തന്റെ കുഞ്ഞു ജീവിതത്തിൽ ചെയ്ത ആ മഹാ പാപം

വ്യഭിചാരം...

 മെല്ലെ ശബ്ദം താഴ്തി അച്ഛനോട് പറഞ്ഞു അച്ഛാ ഞാൻ വ്യഭിചാരം ചെയ്തു,,,,, 

ഏഹ്ഹ്,,,, അച്ഛൻ ഒന്നുടെ കാതു കൂർപ്പിച്ചു,  

എന്താടാ ജോമോനെ പറഞ്ഞെ

 അതെ അച്ചോ.... ഞാൻ  ആറാം പ്രമാണം ലംഖിച്ചു

 അച്ഛൻ മെല്ലെ തന്റെ കഴുത്തു തിരിച്ചു ഒന്ന് നോക്കി ആ മൊതല് നെ

 നീ എങ്ങനാ ടാ മോനെ ഈ പ്രായത്തിൽ ഒക്കെ അതൊക്കെ ചെയ്തേ

 ചെയ്തച്ചോ,,,

 ജോമോൻ കരയാൻ തുടങ്ങി ഒരുപാട് തവണ ചെയ്തു അച്ചോ 

 വീട്ടിൽ ആരും ഇല്ലാത്തപ്പോൾ കട്ടിലിൽ നിന്നും ഇരുന്നും ഒക്കെ യാ ചെയ്യുന്നേ

 ഞാൻ മാത്രം അല്ലച്ചോ എന്റെ കൂട്ടുകാർ തോമസുകുട്ടിയും

 ഷുക്കൂറിന്റേം ഒക്കെ കൂടെ യാ ചെയ്തേ,,,

 അച്ഛന്റെ തൊണ്ട വല്ലാണ്ട് വരളാൻ തുടങ്ങി

ആരെങ്കിലും ഒരു ഗ്ലാസ്‌ വെള്ളം കൊണ്ട് തന്നെങ്കിൽ എന്നു ആശ്വസിച്ചു പോയി പാവം അച്ഛൻ

,, ജോമോൻ പാവം തല താഴ്ത്തി ഇരുന്നു കരയുവാ അപ്പോഴും,,,

 അച്ഛൻ മെല്ലെ ഒന്നുടെ ചോദിച്ചു...... അല്ലടാ ഉവ്വേ നീ എങ്ങനാടാ ഇത്രേം ഒക്കെ വ്യഭിച്ചരിച്ചേ,,,

 അച്ചന് കാണണോ...?..

 അപ്രതീക്ഷിതമായ ആ ചോദ്യം കേട്ടു അച്ഛൻ പിന്നേം വിയർക്കാൻ തുടങ്ങി,,,

 ബുദ്ധിമുട്ടില്ലേൽ ഒന്ന് കണ്ടാൽ കൊള്ളായിരുന്നു,,,,

 അച്ഛൻ മൊഴിഞ്ഞു..

 ഇപ്പോ കാണിച്ചു തരാം അച്ചോ,,,,

 എന്നും പറഞ്ഞു ജോമോൻ എണീറ്റു കുമ്പസാര കൂടിന്റെ മുന്നിൽ നിന്ന് 

 ജിംനാസ്റ്റിക്സിൽ ചൈനക്കാർ തോറ്റു പോകുന്ന പോലെ അഞ്ചാറു വ്യഭിചാരം അങ്ങ് കാച്ചി...

 തല കുത്തി മറിഞ്ഞു അങ്ങോട്ട്‌ പൊന്നു

 കുത്തി മറിഞ്ഞു ഇങ്ങോട്ട് വരുന്നു...... ചന്നം പിന്നം 

.. അടുപ്പിച്ചു അങ്ങ് ചറ പറാ വ്യഭിചാരം...

അച്ഛൻ ഇതും കണ്ടു പുലിവാൽ കല്യാണത്തിലെ കാറ്റ് പോയ സലിം കുമാറിനെ പോലെ ഒറ്റ ഇരിപ്പ്,,,

 കുമ്പസരിക്കാൻ വന്ന അൻപതോളം ഇടവകക്കാർ കണ്ണും തള്ളി ഒറ്റ നിൽപ്പും..

രണ്ടു മൂന്നു മിനിറ്റ് നേരത്തെ വ്യഭിചാരവും കഴിഞ്ഞു പാവം ജോമോൻ ഷീണിച്ചു അച്ഛന്റെ മുന്നിൽ വന്നു നിന്നു.....  

മൊഴിഞ്ഞു 

പ്രായശ്ചിത്തം പറയച്ചോ,,,,

 എനിക്ക് ഈ പാപം എല്ലാം കഴുകി കളയണം....

 മോനെ നീ ആ പുണ്യാളന്റെ മുന്നിൽ പോയിരുന്നു 5 സ്വർഗ്ഗസ്ഥനായ പിതാവേയും 10 നന്മനിറഞ്ഞ മറിയമേയും ചൊല്ലുന്നേനു മുന്നേ,,, പള്ളി മേടയിൽ പോയി ഒരു ഗ്ലാസ്‌ വെള്ളം എടുത്തോണ്ട് വാടാ,,...

,,, ഇപ്പോ കൊണ്ടുവരുമെന്നും പറഞ്ഞു ജോമോൻ മേടയിലേക്കു ഒറ്റ ഓട്ടം.....

അച്ഛൻ ഒന്ന് ശ്വാസം വിട്ടിട്ടു അടുത്ത ആളെ കുമ്പസരിക്കാൻ വിളിച്ചു..

പക്ഷെ ആ പള്ളി ടെ അകത്തു ഒറ്റ മനുഷ്യകുഞ്ഞു പോലും ഇല്ലായിരുന്നു

 ഇവന്മാരൊക്കെ ഇത് എവിടെ പോയടാ ഉവ്വേ ന്നു ഒരു ആത്മഗതവും

,,,

പള്ളിയിൽ കുമ്പസാരിക്കാനെന്നും പറഞ്ഞു പോയ അന്തോണി ചേട്ടൻ ഡബിൾ സ്പീഡിൽ തിരിച്ചിറങ്ങി വരുന്നത് കണ്ട വറീതേട്ടൻ ചോദിച്ചു,

 എന്നാ ടാ അന്തോണി കുമ്പസാരിച്ചില്ലേ,,,,

എന്റെ പൊന്നോ വേണ്ട അച്ഛൻ വത്തിക്കാനിൽ പോയി വന്നേ പിന്നെ കുമ്പസാരത്തിന്റെ രീതി ഒക്കെ മാറിയടെ

കടുത്ത പ്രായശ്ചിത്തങ്ങളാ

 ഒരു കൊച്ചു പയ്യന് കൊടുത്ത ത് കണ്ടാൽ പെറ്റ തള്ള  സഹിക്കുകേല,

തല കുത്തി മറിയിക്കുവായിരുന്നു അഞ്ചാറ് വട്ടം,,,

 ഞാൻ ഈ വയസാം കാലത്തു കുത്തി മറിഞ്ഞിട്ടു വേണം പെടലി ഉളുക്കി കിടക്കാൻ,  

ഇനി ഈ അച്ഛൻ മാറിയിട്ടേ ഞാൻ കുമ്പസാര കൂട്ടിലോട്ടു ഉള്ളേ ..